(ភ្នំពេញ)៖ ​លោក រ៉េម បូ ប្រធានក្លិប Cambodia Family Biker បានចាត់ទុក​វិស័យឯកជន គឺជាដៃគូដ៏សំខាន់ ក្នុងកិច្ចសហការគាំទ្ររៀបចំព្រឹត្តិការណ៍ ក៏ដូច​ជាចូល​រួមអភិវឌ្ឍវិស័យកីឡាយានយន្ដ និងទាក់ទាញវិស័យទេសចរណ៍​មកកាន់​នៅកម្ពុជា ។ ការអះអាងនេះ បន្ទាប់ពីលោកបានដឹកនាំក្រុមកីឡាករម៉ូតូធំរបស់ខ្លួន ចូលរួមអបអរសម្ពោធនិមិត្ដសញ្ញាថ្មី និងជប់លៀងមហាគ្រួសារ ZIC (ហ្ស៊ីក) កាលពី​ល្ងាចថ្ងៃទី០៨ ខែសីហា ឆ្នាំ២០២៤ ។ លោក រ៉េម បូ បានបញ្ជាក់ថា ការចូលរួមអបអរនេះ ក៏ព្រោះលោក​បានមើល​ឃើញ​ពីការរួមចំណែករបស់ក្រុមហ៊ុនកន្លងមកក្នុងវិស័យកីឡាយានយន្ដនៅកម្ពុជា ស្រប​ពេលលោកក៏គ្រោងនឹងរៀបចំព្រឹត្តិការណ៍ដ៏ធំមួយ នាខែវិច្ឆិកា ដោយនឹងអញ្ជើញ​ក្រុមហ៊ុនចូលរួមសហការផងដែរ។ ប្រធានក្លិប Cambodia Family Biker បន្តថា ខ្ញុំសប្បាយរីករាយដែលមានក្រុមហ៊ុនឯកជន ជាដៃគូក្នុងការជម្រុញវិស័យ​កីឡាយាន​យន្ត ជាពិសេស វិស័យម៉ូតូត្រៃ ម៉ូតូធំ រថយន្តប្រណាំង ដើម្បីអោយកីឡាករប្រណាំង​មានលទ្ធផលចូលរួមប្រណាំងទាំងក្នុង និងក្រៅស្រុក និងឧបត្ថម្ភអ្នករៀបចំ​មានធន​ធានថវិកាច្រើនដើម្បីរៀបចំព្រឹត្តការណ៍ប្រណាំងអោយច្រើន លើកស្ទួយវិស័យ​មួយ​នេះ​​អោយកាន់តែរីកចំរើន និងចូលរួមទាក់ទាញវិស័យទេសចរណ៍ផងដែរ។ គួរដឹងថា ហ្ស៊ីក បានចូលមកកម្ពុជា តាំងពីឆ្នាំ២០១៣ ហើយក្រៅពីបម្រើឲ្យអតិថិជន​ខ្លួន ក្រុមហ៊ុនតែងផ្សារភ្ជាប់ជាមួយសកម្មភាពកីឡា…

(ភ្នំពេញ)៖ គិតត្រឹមថ្ងៃទី០៩ ខែសីហា ក្រុមប្រណាំង Rally បណ្តាប្រទេសទាំង១០ បាន មកដល់ទីតាំងនាខេត្តសូរ៉ាត់ថានី ត្រៀមចូលរួមប្រណាំងរថយន្ត ឆ្លងកាត់ឧបសគ្គ ឆ្នាំ ២០២៤ (Asia Cross Country Rally 2024) លើចម្ងាយផ្លូវប្រណាំងសរុប ២៤០០ គីឡូម៉ែត្រ ដោយឆ្លងកាត់ខេត្តចំនួន៣ គឺខេត្តសូរ៉ាត់ថានី ហួហ៊ីន និងខេត្តកាន់ឆាណាក់បូរី ។ កីឡាករ វង្ស គឹមហួត ជំនួយការអ្នកបើកបរ បានអោយដឹងថា ការធ្វើដំណើរពីរាជធានីភ្នំពេញមកដល់ខេត្តសូរ៉ាត់ថានី រថយន្តប្រណាំង រថយន្ត Service និងក្រុមការងារមិនបញ្ហាអ្វីនោះទេ ក្រោយចំណាយពេល៤ថ្ងៃ៣យប់ លើចម្ងាយផ្លូវ១៣០០គីឡូម៉ែត្រ ។ អ្នកជំនាញប្រណាំង Rally រូបនេះ បន្ថែមថា ការមកដល់មុននេះ យើងមានពេលវេលាច្រើន ដើម្បីសាកល្បងរថយន្ត និងពិនិត្យពីបច្ចេកទេស កម្លាំងម៉ាស៊ីន គ្រឿងក្រោមរថយន្ត កង់ និងផ្នែកផ្សេងៗ បើខ្វះខាតកន្លែងណា ជួសជុលបន្ថែម។ ក្រុមប្រណាំងខ្លាំងមួយចំនួនធំបានមកដល់បណ្តើរៗហើយ ទាំងរថយន្ត និងម៉ូតូ…

បាត់ដំបង៖ឯកឧត្តម អ៊ិន ចន្ថា រដ្ឋលេខាធិការក្រសួងអភិវឌ្ឍន៍ជន​បទ​បានសំណូមពរដល់អាជ្ញាធរ ប្រជាពលរដ្ឋរស់នៅសងខាងផ្លូវក្រាលកៅស៊ូ និងអ្នកប្រើប្រាស់កំណាត់ផ្លូវទាំងប្រាំខ្សែប្រវែង​ជិត១៥០គីឡូម៉ែត្រ​ស្ថិតនៅក្រុង ស្រុក ចំនួនប្រាំបី ក្នុងខេត្តបាត់ដំបង ចូល​រួម​ថែទាំឱ្យបាន​ល្អ ,កុំដឹកធ្ងន់លើសការណែនាំ ប្រយោជន៍ដើម្បីប្រើប្រាស់ផ្លូវនេះ​បាន​យូរអង្វែង។ ផ្លូវប្រភេទក្រាលកៅស៊ូDBSTចំនួនប្រាំបីខ្សែខាងលើមានប្រវែងសរុបជិត១៥០ គីឡូម៉ែត្រ,មានទទឹងខ្នងលើប្រាំម៉ែត្រ និងប្រាំមួយ​ម៉ែត្រ និង​បំពាក់ស្លាកសញ្ញាចរាចរណ៍ចំនួន ៥១០ស្លាក។ផ្លូវទាំងនេះស្ថិត​នៅ​ស្រុក ក្រុងគោលដៅ ដូចជា ស្រុករុក្ខគិរី ស្រុក​មោង​ឫស្សី ស្រុកសង្កែ ស្រុកគាស់ក្រឡ ស្រុកសំឡូត ស្រុករតនមណ្ឌល ស្រុកបាណន់ និង ក្រុងបាត់ដំបង ។ជាផ្លូវស្ថិតក្នុងគម្រោងថែទាំប្រចាំ។ ឯកឧត្តម អ៊ិន ចន្ថា រដ្ឋលេខាធិការក្រសួងអភិវឌ្ឍន៍ជនបទ និងជា​សមាជិ​ក​គណៈ​​​កម្មា​​​ធិការ​​​​​លទ្ធកម្ម (គ.ល) កាលពីថ្ងៃទី៨ ខែសីហា ឆ្នាំ២០២៤បានដឹកនាំគណៈ​ប្រតិភូ​អន្តរក្រសួងចុះត្រួត​​ពិនិត្យ​និងវាយតម្លៃ​​​ សំណង់សិល្បការ្យ តាម​បណ្តាក្រុង-ស្រុកមួយ​ចំនួនរបស់ខេត្តបាត់ដំបងក្រោយពីបញ្ចប់​សុពលភាព​លើការងារ​ថែទាំជាប្រចាំដំណាក់កាលទី១ លើការងារ​ថែទាំជាប្រចាំ។ ក្នុងពេលចុះត្រួតពិនិត្យឯកឧត្តម អ៊ិន ចន្ថា បានប្រាប់ទូរទស្សន៍​អប្សរាថា ផ្លូវទាំងប្រាំបីខ្សែនេះ ជាសមិទ្ធផលផ្លូវជនបទ។ហេដ្ឋារចនា​សម័្ពន្ធនេះ បាន​ជួយ​សម្រួល​​ដល់ការ​​ដឹកជញ្ជូន​​​ផលិត​ផល​​កសិកម្ម កសិ- ​ឧស្សា​ហកម្ម ការ​ធ្វើដំណើរ​របស់ប្រជាពលរដ្ឋ ​សិស្សា​នុសិស្ស​​ បានកាន់តែឆាប់រហ័ស។ពិសេសការលើកកម្ពស់ជីវភាពប្រជាជន។ តាមរយៈទូរទស្សន៍អប្សរាដដែល ឯកឧត្តមរដ្ឋលេខាធិការក្រសួង​អភិវឌ្ឍន៍ជនបទបានអំពាវនាវដល់អាជ្ញាធរមូលដ្ឋាន…

(ភ្នំពេញ)៖ឯកឧត្តម ថោង ខុន ទេសរដ្ឋមន្រ្តី ប្រធានគណៈកម្មាធិការជាតិអូឡាំពិក​កម្ពុជា បានថ្លែងនៅក្នុងសន្និសិទសារព័ត៌មាន ប្រកាស អំពីការប្រកួតយុទ្ធគុន​ចម្រុះខ្មែរបុរាណ ពានរង្វាន់ សម្តេចធិបតី នារសៀលថ្ងៃ ទី៧ ខែ សីហា ឆ្នាំ២០២៤ថា ការប្រកួតយុទ្ធគុនចម្រុះខ្មែរបុរាណ “ពានរង្វាន់សម្តេចធិបតី” ជាប្រវត្តិសាស្ត្រនេះ គឺជាគំនិតផ្តួចផ្តើមដំខ្ពង់ខ្ពស់ ប្រកបដោយចក្ខុវិស័យនិងឆ្ងាយរបស់ សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងគោល​បំណង​គាស់រំលើងឡើងវិញ​នូវយុទ្ធគុនបុរាណរបស់បុព្វបុរសជូនតា ខ្មែរគ្រប់ជំនាន់ ក្រោមស្មារតី អភិរក្សរដើម្បីអភិវឌ្ឍ អភិវឌ្ឍដើម្បីអភិរក្ស “មរតកយុទ្ធគុនខ្មែរបុរាណ”។ ឯកឧត្តម ទេសរដ្ឋមន្រ្តី បានគូសបញ្ជាក់ថា បន្ទាប់ពីទទួលអនុសាសន៍ណែនាំដ៏ខ្ពង់ខ្ពស់ពី សម្តេចធិបតីនាយករដ្ឋមន្ត្រី លើការរៀបចំការប្រកួតយុទ្ធគុន ចម្រុះខ្មែរបុរាណរួចមក គណៈកម្មាធិការជាតិអូឡាំពិកកម្ពុជាបានរៀបចំលិខិតនាថ្ងៃទី១៩ ខែមិថុនា ឆ្នាំ២០២៨ ស្នើសុំអនុញ្ញាតជាគោលការណ៍ដ៏ខ្ពង់ខ្ពស់ពី សម្តេចធិបតីនាយករដ្ឋមន្ត្រី ដើម្បីឱ្យសហព័ន្ធកីឡាយុទ្ធគុន ចម្រុះកម្ពុជា សហការជាមួយគណៈកម្មាធិការ​ជាតិអូឡាំពិកកម្ពុជា និងក្រសួង ស្ថាប័ន អាជ្ញាធពាក់ព័ន្ធ និង ផ្នែកឯកជន រៀបចំការប្រកួតកីឡាយុទ្ធគុនចម្រុះខ្មែរបុរាណ ពានរង្វាន់សម្តេចធិបតី នេះ។ ដោយព្រឹត្តិការណ៍លើកដំបូងនឹងប្រព្រឹត្តទៅពីថ្ងៃទី១៨…

(ភ្នំពេញ)៖ យោងតាម ការបញ្ជាក់ពី លោក ឧកញ៉ា ឡោក ដារិទ្ធ អគ្គលេខាធិការរង សហព័ន្ធកីឡាវាយកូនគោលកម្ពុជា បានថ្លែងប្រាប់ អ្នកយកព័ត៌មានកីឡា ក្រោយ​បញ្ចប់ មហាស្និបាទបញ្ចប់អាណត្តិទី៥ និងបន្តអាណត្តិទី៦ ឆ្នាំ២០២៤-២០២៨ នៅអាគារទីស្នាក់ការគណៈកម្មាធិការជាតិអូឡាំពិកថា សហព័ន្ធកីឡាវាយ​កូនគោល​កម្ពុជា គ្រោងនឹងបង្កើតអង្គភាពមួយក្រោមការជួយជ្រោមជ្រែងពីអាព្យាបាល និងភាគី​ពាក់ព័ន្ធ ជាមូនិធិ ដើម្បីអភិវឌ្ឍន៍សមត្ថភាពកីឡាករកីឡាការិនីវ័យ​ក្មេងឆ្លើយតប​ទៅ​នឹង​ការត្រៀមរបស់កម្ពុជា សម្រាប់ការទទួលធ្វើជាម្ចាស់ផ្ទះ ព្រឹត្តិការណ៍កីឡាយុវជន​អាស៊ីឆ្នាំ២០២៩ ដែលមានជាង៤០ប្រទេសចូលរួម។ លោក ឧកញ៉ា បានគូសបញ្ជាក់ទៀតថា ថវិកាមូនិធិដែលទទួលបាន​ពីអាណា​ព្យា​បាល និងភាគីពាក់ព័ន្ធក្នុងគម្រោងអភិវឌ្ឍកីឡាថ្នាលនេះ គឺប្រើប្រាស់ សម្រាប់ការ​បណ្តុះបណ្តាល ការរៀបចំការប្រកួតសម្រាប់ថ្នាលនៅក្នុងស្រុក និងការចេញទៅ​ប្រកួត​នៅក្រៅប្រទេស ។ ការជំរុញបែបនេះ នឹងជួយឱ្យកីឡាករកីឡាការិនីកូន​គោល​ថ្នាលមានការអភិវឌ្ឍផ្នែកបច្ចេកទេស និងបទពិសោធន៍ ពិសេស គឺមានភាពក្លាហាន ប្រកួតប្រជែងដោយទំនុកចិត្តខ្ពស់ និងមានលទ្ធភាពដណ្តើមបានមេដាយជូនកម្ពុជា។អគ្គលេខាធិការង ទទួលបន្ទុកអភិវឌ្ឍធនធានថ្នាលរូបនេះ បានអះអាងបន្ថែមទៀត​ថា បន្ទាប់ពីបញ្ចប់សន្និបាតនេះទៅ ផែនការសម្រាប់អាណ្តិទី៦ ដែលជាអាណត្តិថ្មី និង​ចាប់ផ្តើមអនុវត្តតាមផែនការមេរបស់សហព័ន្ធបានដាក់ចេញក្នុងមហាសន្និបាត។ សូមបញ្ជាក់ថា នៅក្នុងគម្រោងអភិវឌ្ឍន៍កីឡាករកីឡាការិនីថ្នាលត្រៀម​សម្រាប់​កីឡា​យុវជនអាស៊ីឆ្នាំ២០២៩ ដែលកម្ពុជាទទួលធ្វើជាម្ចាស់ផ្ទះនេះ សហព័ន្ធកីឡាវាយ​កូន​គោលកម្ពុជា និងត្រូវចាយថវិកាជាច្រើន ក្នុងនោះមានដូចជា នាំយកគ្រូអន្តរជាតិ​មក​ហ្វឹកហាត់នៅក្នុងស្រុក .ដឹកនាំកីឡាករកីឡាការិនីទៅផ្លាស់ប្តូរបទពិសោធន៍​រួមមាន​ការហ្វឹកហាត់…