សហព័ន្ធកីឡាវាយកូនគោលកម្ពុជាបានប្រកាសជូនដំណឹងជូនដល់កីឡាករជាតិអោយបានជ្រាបថា ព្រឹត្តិការណ៍ប្រកួតកីឡាវាយកូនគោលពានរង្វាន់សម្តេចក្រឡាហោម ស ខេង  អបអរសាទរទិវាខួបអនុស្សាវរីយ៍លើកទី៧៤នៃ ថ្ងៃកំណើតកងកម្លាំងនគរបាលជាតិ១៦ឧសភា ១៩៤៥ គ្រោងនឹងបើកការប្រកួតផ្លូវការនៅថ្ងៃទី១៩ ខែឧសាភា ឆ្នាំ២០១៩ខាងមុខនេះ លើទីលានកីឡាវាយកូនគោលហ្គ្រេនភ្នំពេញ ផ្លូវហាណូយ សង្កាត់ឃ្មួញ ខណ្ឌ សែនសុខ រាជធានីភ្នំពេញ ។     ឯ ឧ ជា បូរ៉ា អគ្គលេខាធិការសហព័ន្ធកីឡាវាយកូនគោលកម្ពុជា បានបញ្ជាក់ថា ការប្រកួតនេះបែងចែកជា២វិញ្ញាសា គឺវិញ្ញាសាប្រកួតជាក្រុមសម្រាប់កីឡាករវ័យចាស់ចាប់ពី៦០ឆ្នាំឡើងដែលមានគ្នា៣នាក់យកបាល់ល្អជាងគេ ។ សម្រាប់វិញ្ញាសាទី២ គឺប្រកួតឯកក្តជន ក្នុងនោះមានកីឡាករ កីឡាការិនីមិនមែនអាជីព និងអាជីព ។ ឯកឧត្តមបានគូរបញ្ជាក់ទៀតថា ការប្រកួតនេះសហព័ន្ធផ្តួចផ្តើមបង្កើតឡើងក្នុងស្មារតីចូលរួមអប់អរសាទរទិវាខួបអនុស្សាវរីយ៍ លើកទី៧៤ នៃថ្ងៃកំណើតកងកម្លាំងនគរបាលជាតិ ថ្ងៃទី១៦ ខែឧសភា ១៩៤៥ និងថ្ងៃទី១៦ ខែឧសភា ឆ្នាំ២០១៩ ពិសេសទៀតនោះ គឺបង្កើតព្រឹត្តិការណ៍ប្រកួតដើម្បីបង្កើនសាមគ្គីភាព មិត្តភាព នឹងផ្សារភ្ជាប់នូវទំនាក់ទំនងល្អរវាងកីឡាករកូនគោល ក្នុងស្រុក ព្រមទាំងចូលរួមបំផុសវិស័យកីឡាវាយកូនគោល នៅកម្ពុជា ឲ្យមានសកម្មភាពកាន់តែផុសផុលឡើង ។     សម្រាប់ការទទួលពាក្យសុំសិទ្ធិចូលរួមប្រកួតចាប់ទទួលពីថ្ងៃប្រកាសជូនដំណឹងនេះតទៅ ដោយកីឡាករ កីឡាការិនីទាំងអស់ អាចទាក់ទងចុះឈ្មោះតាមរយៈ…

ក្លិប Sheffield United បានក្លាយជាក្រុមទី២កក់កៅអី នៅ Premier League សម្រាប់រដូវកាលក្រោយបន្ទាប់ពី Norwich City ។ នេះគឺជាការមកលេងនៅក្របខ័ណ្ឌកំពូលអង់គ្លេសលើកដំបូងរបស់ United ក្នុងរយៈពេល១២ឆ្នាំ ពោលគិតចាប់ពីរដូវកាល២០០៦-០៧មក។ ក្រុមលោក Chris Wilder មាន៨៨ពិន្ទុក្រោយ៤៥ប្រកួតហើយ នៅមានឱកាសលើកពាន Championship ដោយត្រូវប្រកួតប្រជែងជាមួយ Norwich City។ សម្រាប់១កៅអីទៀតនៅ Premier League ក្រុម៥ ដែលត្រូវប្រជែងគ្នាលេង Play-off ដណ្ដើមពិន្ទុ មានដូចជា Leeds United, West Brom, Aston Villa, Derby County និង Middlesbrough។ ៥ក្រុមនេះ នឹងប្រជែងគ្នាយកលេខ៣, ៤, ៥ និង៦ដើម្បីលេងវគ្គខ្វែងយក១កៅអីដែលនៅសល់៕ធ.ដ

ក្រុមយុវជននៃមន្ទីរអប់រំ យុវជន និងកីឡា ខេត្តនានាចំនួន១០ ត្រូវបានជ្រើសឲ្យចូលរួមប្រកួត ប្រជែង នៅក្នុងការប្រកួតដណ្តើមពានរង្វាន់ ជីផាក យុវជនក្រោម១៥ឆ្នាំ រដូវកាល២០១៩ ដែលគ្រោងនឹងដំណើរប្រកួតជម្រុះបឋមតាមរូបមន្តផ្លាស់ប្តូរទឹកដីគ្នាម្តងម្នាក់ នាដើមខែឧសភាឆាប់ៗនេះ។ លោក ហុក សុចិត្រា អ្នកចាត់ការទូទៅក្លិបបាល់ទាត់វិសាខា បញ្ជាក់ថា ព្រឹត្តិការណ៍បាល់ទាត់យុវជននេះ ធ្វើឡើងក្រោមការរៀបចំពីក្លិបបាល់ទាត់វិសាខា និងក្រុមហ៊ុន ជីផាក ក្នុងគោលបំណងចូលរួមអភិវឌ្ឍ និងលើកស្ទួយវិស័យកីឡាបាល់ទាត់នៅកម្ពុជាឲ្យកាន់តែរីកចម្រើនបន្ថែមទៀត ជាពិសេសផ្តល់ឱកាសឲ្យយុវជននានា នៅតាមបណ្តាខេត្តចំនួន១០ បានចូលរួមលេងកីឡាបាល់ទាត់ ដើម្បីសុខភាព មិត្តភាព និងរឹតចំណងសាមគ្គីភាពជាក្រុម ក៏ដូចជាបានកសាងសមត្ថភាពបន្ថែម ឲ្យក្លាយជាកីឡាករអាជីពបាល់ទាត់នាថ្ងៃអនាគត។ លោក បញ្ជាក់ទៀតថា ការប្រកួតនេះ ក៏ជាចលនាបញ្ជៀសឲ្យយុវជនជៀសឆ្ងាយពីអំពើអបាយមុខផ្សេងៗ ដែលបំផ្លាញសង្គមជាតិ និងខ្លួនឯងផងដែរ។ ចំពោះរូបមន្តប្រកួត គឺក្រុមខេត្តទាំង១០ នឹងត្រូវប្រកួតផ្លាស់ប្តូរទឹកដីគ្នាម្តងម្នាក់ ដោយបូកសរុបលទ្ធផល បញ្ជូលទាំងពីរជើង ហើយបើឈ្នះនឹងបានឡើងទៅប្រកួតនៅវគ្គបន្ត ប៉ុន្តែក្នុងករណីស្មើគ្នានឹងត្រូវកាត់សេចក្តី ដោយបាល់១១ម៉ែត្រតែម្តង។ បន្ទាប់ពីប្រកួតវគ្គជម្រុះវគ្គទី១ គណៈកម្មការនឹងជ្រើសរើសយកក្រុមឈ្នះចំនួន៥ ឡើងមកវគ្គទី២ ខណៈ១ក្រុមដែលធ្លាក់ ប៉ុន្តែល្អជាងគេ នៅវគ្គទី១នឹងត្រូវបានជ្រើសរើសយកបង្គ្រប់វគ្គទី២…

អ្នកចាត់ការក្លិប Chelsea លោក Maurizio Sarri រំពឹងថា ខ្សែប្រយុទ្ធអាហ្សង់ទីន Gonzalo Higuain ដែលកំពុងលេងក្នុងលក្ខខណ្ឌខ្ចីជើងនឹងបន្តនៅជាមួយក្លិបតទៅទៀត។ លោកបាននិយាយថា “វាពិបាកនឹងសម្របខ្លួននៅ Premier League តែខ្ញុំគិតថា Higuain នឹងអាចរកគ្រាប់បាល់បានច្រើននៅរដូវកាលក្រោយ”។ អ្នកចាត់ការរូបនេះ បន្តថា “Suarez កាលលេងឲ្យ Liverpool នៅរដូវកាលដំបូង រកបានតែ ៣គ្រាប់ប៉ុណ្ណោះ រដូវកាលរកបាន១៦គ្រាប់ ហើយបន្តទៀតរកបាន២៤គ្រាប់”។ យ៉ាងណាមិញ លោកបដិសេធ ក្នុងការបកស្រាយពីរឿងចុះកុងត្រា បន្តជាមួយនឹងខ្សែប្រយុទ្ធវ័យ៣១ឆ្នាំ ដោយលោកបាននិយាយថា នេះមិនមែនជាតួនាទីរបស់លោកឡើយ។ គួររំលឹកថា Higuain បានចាកចេញពី Juventus មកលេងនៅ Chelsea កាលពីខែមករា ឆ្នាំ២០១៩នេះ ដោយរកបាន៤គ្រាប់ ក្នុង១៤ប្រកួតចុងក្រោយ៕ធ.ដ

ក្រុមបិសាចក្រហម Manchester United កំពុងពិចារណាទម្លាក់ថវិកា១២០លានអឺរ៉ូ នាំយក Jan Oblak ពីក្លិប AT. Madrid ។ ដោយសាររដូវកាលនេះ អ្នកចាំទី De Gea ហាក់ដូចធ្វើមិនល្អសោះនៅចុងរដូវកាលនេះ។ ខណៈដែលកុងត្រារបស់អ្នកចាំទីជម្រើសជាតិអេស្ប៉ាញរូបនេះ នៅសល់ចុងត្រាជាងមួយឆ្នាំទៀតជាមួយ Man Utd។ តាមរបាយការណ៍របស់ ESPN បានបន្ថែមថា អ្នកចាំទីជម្រើសជាតិស្លូវេនៀនឹងចាកចេញ ទៅលេងជាមួយក្លិបណាដែលមានកៅអី Champions League ប៉ុណ្ណោះខណៈ Man Utd មិនទាន់ដឹងថា អាចដណ្ដើមកៅអីក្រុមកំពូលតារាងទាំងបួនបានឬអត់ផង។ ពេលនេះកំពុងឈរលេខ៦ ហើយសល់ពីប្រកួតទៀតប៉ុណ្ណោះ។ សូមបញ្ជាក់ថា អ្នកចាំទី Jan Oblak ទើបតែបន្តកុងត្រាជាមួយ Aletico កាលពីថ្មីៗនេះទេ ហើយពេលនេះកុងត្រារបស់ផុតកំណត់នៅឆ្នាំ២០២៣។ ដូច្នេះក្លិបណាចង់បាន ត្រូវចំណាយយ៉ាងតិចពី១០០លានអឺរ៉ូ ទៅជា១២០លានអឺរ៉ូ៕ធ.ដ

ភ្នំពេញ៖ សហព័ន្ធកីឡាវាយសីកម្ពុជា បានបញ្ជូនកីឡាករកីឡាការិនីជម្រើសជាតិរបស់ខ្លួនចំនួន៨នាក់ ក្នុងនោះកីឡាករ៤នាក់ កីឡាការិនី៤នាក់ គ្រូបង្វឹកម្នាក់ និងប្រតិភូដឹកនាំ១នាក់ ទៅចូលរួមប្រកួតក្នុងព្រឹត្តិការណ៍កីឡា Arafura Games 2019 នៅប្រទេសអូស្ត្រាលី កាលពីម្សិលមិញ នៅអាកាសយានដ្ឋានអន្តរជាតិភ្នំពេញ។ មុនចេញដំណើរទៅប្រកួតនៅប្រទេសអូស្ត្រាលី លោក ជាម សុភា ប្រតិភូដឹកនាំកីឡាករ កីឡាការិនីថា នេះជាលើកទី១ហើយ ដែលសហព័ន្ធបញ្ជូនក្រុមកីឡាវាយសីកម្ពុជាបានបញ្ជូនក្រុមជម្រើសជាតិរបស់ខ្លួន ចូលរួមព្រឹត្តិការណ៍  Arafura Game 2019 នេះ។ ក្នុងនាមតំណាងថ្នាក់ដឹកនាំសហព័ន្ធ លោកមិនមានក្តីរំពឹង ខ្ពស់ពេកទេ ក្នុងការប្រជែងយកមេដាយ ដោយសារនេះជាការចូលរួមលើកដំបូងរបស់កម្ពុជា សម្រាប់ការចូលរួមប្រកួតជាមួយបណ្តានានារហូតដល់៤០ប្រទេស។ ដូច្នេះលោកមិនទាន់អាចវាស់ស្ទង់កម្រិតបច្ចេកទេសរបស់ពួកគេមានកម្រិតប៉ុនណានោះនៅឡើយទេ។ ជាមួយនឹងទិសដៅការចេញចូលរួមប្រកួតក្នុងព្រឹត្តិការណ៍ដ៏ធំនេះ លោក ជាម សុភា អគ្គលេខាធិការ សហព័ន្ធកីឡាវាយសីរូបនេះ បានលើកឡើងបន្ថែមទៀតថា យ៉ាងហោចណាស់ក៏លោករំពឹងទុកថា ក្រុមកីឡាករ កីឡាការិនីជម្រើសជាតិកម្ពុជានឹងអាចឈានដល់វគ្គ១/៨ ចុងក្រោយ។ លោកបញ្ជាក់ថា សម្រាប់ការចូលរួមនេះ ទទួលបានប្រាក់ហោប៉ៅឧបត្ថម្ភពីក្រសួងអប់រំ យុវជន និងកីឡា ខណៈថ្លៃធ្វើដំណើរសំបុត្រយន្តហោះ…

ឯកឧត្តម វ៉ាត់ ចំរើន ការកើនឡើងនៃចំនួនអ្នកចូលរួម ទិវាពាក់កណ្តាលម៉ារ៉ាតុង អន្តរជាតិអង្គរ ជាចំណែកជួយ សង្រ្គោះដល់ជនរងគ្រោះដោយសារគ្រាប់មីន និងកុមាដែលរងគ្រោះនៅកម្ពុជា ការលើកឡើងយ៉ាងដូច្នេះ នៅក្នុងពិធីប្រគល់ប្រាក់ចំនួន ១០,៥០០៣១ដុល្លារសហរដ្ឋអាមេរិក (១០ម៉ឺន៥ពាន់៣១ដុល្លារ) ដែលបានមក ពីព្រឹត្តិការណ៍កីឡារត់ប្រណាំងពាក់កណ្តាលម៉ារ៉ាតុងអន្តរជាតិ នៅអង្គរវត្ត ឆ្នាំ២០១៨ កន្លង ប្រគល់ជូន មន្ទីរពេទ្យ អង្គការសប្បុរសធម៌នានាចំនួន១០ នាព្រឹកថ្ងៃមិញ នៅសណ្ឋាគារ ហ៊ីម៉ាវ៉ារី រាជធានីភ្នំពេញ ។ឯកឧត្តម វ៉ាត់ ចំរើន អគ្គលេខាធិការ គណៈកម្មាធិការជាតិ អូឡាំពិកកម្ពុជាមានប្រសាសន៍ថា ការប្រគល់ថវិកានេះគណៈកម្មការម៉ារ៉ាតុងអង្គរតែងតែបាន ប្រគល់ជារៀងរាល់ឆ្នាំ ហើយនៅក្នុងទិវាពាក់កណ្តាលម៉ារ៉ាតុងអន្តរជាតិអង្គរ ខេត្តសៀមរាប លើកទី២៣ ឆ្នាំ កាលពីថ្ងៃទី២ ខែធ្នូ ២០១៨ ដែលទាក់ទាញបានអ្នកចូលរួមច្រើនលើសពីការរំពឹងជាង១ម៉ឺននាក់ ហើយជាឆ្នាំ ជោគជ័យខ្លាំងបំផុត ដែលជាកំណត់ត្រាប្រវត្តិសាស្រ្តថ្មីមួយ។ ឯកឧត្តម បញ្ជាក់ថា កាលពីព្រឹត្តិការណ៍ លើកទី១ មានអ្នករត់ត្រឹម ៣០០នាក់ប៉ុណ្ណោះ កាលពីឆ្នាំ១៩៩៦ ដែលនេះឯកឧត្តមបានចាត់ទុកថា ទិវានេះបានរីកចម្រើនជាលំដាប់ ដោយសារទទួលបានការគាទ្រយ៉ាងខ្លាំងពីដៃគូឧបត្ថម្ភនានាជាបន្តបន្ទាប់ជា មួយនឹងការគាំទ្រដល់វិស័យសង្គម…

គ្រូបង្គោលជម្រើសចិន លោក Fabio Cannavaro បានសម្រេចចិត្តលាលែងពីតំណែងជម្រើសជាតិមួយនេះ ក្រោយចូលកាន់តំណែងបានតែជាង១ខែប៉ុណ្ណោះ និងដឹកនាំបានតែ២ប្រកួត។ អតីតកីឡាករជម្រើសជាតិអ៊ីតាលី ធ្លាប់ជួយជម្រើសជាតិខ្លួន លើកពាន FIFA World Cup កាលពីឆ្នាំ២០០៦ បានឈានជើងកាន់តំណែងជម្រើសជាតិចិន កាលពីថ្ងៃទី១៥ ខែមីនាថ្មីៗនេះ ហើយក៏មានភារកិច្ចដឹកនាំប្រកួតក្នុងព្រឹត្តិការណ៍ពានមិត្តភាពអន្តរជាតិ China Cup ២០១៩ ប៉ុន្តែធ្វើមិនបានល្អឡើយក្នុងនាមជាក្រុមម្ចាស់ផ្ទះ ដោយចាញ់ទាំង២លើក ក្រោមថ្វីជើងថៃ និងអូប៊េគីស្ថាន។ យ៉ាងណាក្តីត្បិតចាកចេញពីតំណែងធំមួយនេះ ក៏បុរសវ័យ៤៥ឆ្នាំរូបនេះ មិនទាន់ចាកចេញពីទឹកដីចិនឡើយ ដោយបន្តការដឹកនាំក្លិប Guangzhou Evergrande សមាជិកនៃលីគកំពូលចិនដដែល។ សូមបញ្ជាក់ថា លោក Fabio Cannavaro ធ្លាប់កាន់តំណែង២លើកមកហើយ និងធ្លាប់ជួយឲ្យក្លិប Guangzhou Evergrande ទទួលបានជើងឯក Chinese FA Cup ១សម័យកាលផងដែរ៕ធ.ដ

លោក Mauricio Pochettino ចង់បានខ្សែការពារមួយរូប គឺកីឡាករ  Max Aarons ដែលកំពុងលេងនៅក្របខ័ណ្ឌ Championships ជាមួយក្លិប Norwich City។ ការចង់ផ្ទេរយកខ្សែការពារវ័យទើប១៩ឆ្នាំនេះ សម្រាប់ក្លិបមាន់ខ្នាយ Tottenham Hotspur មិនមែនជារឿងថ្មីឡើយ ព្រោះកាលពីពាក់កណ្តាលរដូវកាលកន្លងមក ក៏ធ្លាប់បានដាក់សំណើជាលក្ខខណ្ឌខ្ចីជើងមួយរដូវកាលទុកជាមុន ហើយត្រូវបានក្លិបសាម៉ីកីឡាករ Norwich City បដិសេធម្តងរួចមកហើយ។ ឥឡូវនេះ Tottenham Hotspur បានដាក់សំណើសុំផ្ទេរយកតែម្តង ចំពោះ Max Aarons ដែលទើបទទួលបានឈ្មោះជាកីឡាករ ក្នុងបញ្ជីជម្រើស១១នាក់ល្អបំផុតប្រចាំរដូវកាល នៅក្នុងក្របខ័ណ្ឌលីគលំដាប់ទី២ អង់គ្លេសរដូវកាលនេះ។ សូមបញ្ជាក់ថា Max Aarons យុវជនដែលបានចូលហ្វឹកហាត់បាល់ទាត់ដំបូង នៅក្លិប Luton Town FC ស្ថិតនៅក្របខ័ណ្ឌលីគលំដាប់ទី៣ អង់គ្លេស ហើយក៏បានផ្ទេរមកចូលរួមជាមួយ Norwich City នាឆ្នាំ២០១៦។ មកទល់រដូវកាល២០១៨ នេះក៏ត្រូវបានដំឡើងមកឈុតធំ ហើយមានឳកាសបង្ហាញខ្លួនស្ទើរគ្រប់ការប្រកួតឲ្យក្លិប…

ក្រុមកីឡាករវ័យចាស់ដែលស្រឡាញ់ និងចង់អភិរក្សវិស័យកីឡាសីស្លាប មកពីបណ្តាលខេត្ត-ក្រុងនានា នៅក្នុងប្រទេសកម្ពុជា សំណូមពរដល់ក្រសួងស្ថាប័នពាក់ព័ន្ធ និងវិស័យឯកជន សូមមេត្តាជួយឧបត្ថមលើកស្ទួយ និងអភិរក្សវិស័យកីឡា ដែលជាអត្តសញ្ញាណរបស់ខេត្តកោះកុង មួយនេះផង។ ការសំណូមពរយ៉ាងដូចច្នេះធ្វើឡើង នៅក្នុងឱកាសដែលពួកគាត់កំពុងជួបជុំគ្នាលេងកីឡាសីស្លាប នៅមុខរមណីយដ្ឋានវត្តភ្នំ ដើម្បីបង្ហាញពីប្រភេទកីឡាមួយនេះទៅដល់ភ្ញៀវជាតិ-អន្តរជាតិដែលបានមកកម្សាន្តនៅទីនោះ នាព្រឹកថ្ងៃទី២៨ ខែមេសា ឆ្នាំ២០១៩ម្សិលមិញ។ លោកគ្រូ ហ៊ាត់ សុភ័ណ្ឌ អនុប្រធានក្រុមកីឡា សីស្លាប មុខព្រះបរមរាជវាំង បានប្រាប់ក្រុមអ្នកព័ត៌មានកីឡាប្រចាំអគ្គនាយកដ្ឋានវិទ្យុ និងទូរទស្សន៍អប្សរាឲ្យដឹងថា ការមកលេង សីស្លាប នៅថ្ងៃអាទិត្រនេះ ជាការលេងលក្ខណៈចម្រុះនៃក្រុមសីទាំងអស់ ចំពោះថ្ងៃផ្សេងៗទៀត ការលេងត្រូវបែងចែកទៅតាម ទៅតាមកន្លែងក្រុមរៀងៗខ្លួន។ លោកគ្រូបានឲ្យដឹងថា ប្រវត្តកីឡាមួយនេះ ចេញមកពីតំណាលរឿងព្រេងខ្មែរ ឃុនឆាង ឃុនផែន នៅខេត្តកោះកុង ឯក្បួនច្បាប់នៃការលេងមានច្រើនរបៀប ហើយមានការទាក់ទងនឹងក្បាច់គុណល្បុក្កតោ។ កីឡាមួយនេះមិនប្រកាន់វ័យទេ ទោះវ័យណាក៏អាចលេងបានដែល ព្រោះការលេងសីនេះ វាផ្តល់ផលប្រយោជន៍ច្រើនដល់សុខភាព ធ្វើឲ្យកាយសម្បទាយើងរឹងមាំ និងរហ័សរហួន។ លោកគ្រូ បញ្ជាក់ថា សម្រាប់បងប្អូនដែលស្រលាញ់ ចូលចិត្តកីឡាប្រភេទនេះ ទាំងអ្នកចេះល្មម…