៤០លានអឺរ៉ូ គឺជាតម្លៃមួយដែលក្លិប Liverpool ដាក់ឲ្យក្លិប Atletico Madrid ដែលចង់ធ្វើការផ្ទេរយក កីឡាករ Marko Grujic  វ័យ២៣ឆ្នាំរូបនេះ ។ ក្លិប Atletico Madrid ចង់បាន  Marko Grujic  ដើម្បីត្រៀមយកទៅជំនួសតំណែង Rodri ដែលរំពឹងថាចាកចេញពីទឹកដី La liga មកចូលរួមជាមួយ Manchester City នារដូវកាលក្រោយ ។ ដូច្នេះហើយបន្ទាប់ពីធ្វើការទាក់ទងទៅកាន់ Liverpool ពេលនេះក្លិបក្រោមការដឹកនាំរបស់ លោក Jurgen Klopp  បានឆ្លើយតបតម្លៃខ្លួន ៤០លានអឺរ៉ូ ប្រសិនបើ AT Madrid ចង់បានកីឡាកររូបនេះ នាដំណាច់រដូវកាល២០១៨-២០១៩ ។ សូមបញ្ជាក់ថា ខ្សែបម្រើជម្រើសជាតិស៊ែបខាងលើ បានចុះកិច្ចសន្យាជាមួយ Liverpool តាំងពីឆ្នាំ២០១៦ មកម្ល៉េះ ប៉ុន្តែមិនសូវទទួលបានឱកាស ក្នុងការបង្ហាញខ្លួនប៉ុន្មាននោះឡើយ ហើយត្រូវបានដាក់ឲ្យខ្ចីជើងទៅកាន់ក្លិបដទៃទៀតដល់៣ក្លិបមកហើយ…

គេហទំព័របណ្តាញសង្គម Facebook ឈ្មោះ Borussia Dortmund Fan Club in Vietnam របស់អ្នកគាំទ្រក្លិបយក្សអាល្លឺម៉ង់ Borussia Dortmund ត្រូវបានប្រកាសទទួលស្គាល់ពីភាគីក្លិប ដែលចាត់ទុកជាសមាគមអ្នកគាំទ្រផ្លូវការ នៅក្នុងប្រទេសវៀតណាម។ សមាគមអ្នកគាំទ្ររបស់ក្លិបយក្សអាល្លឺម៉ង់ នៅជុំវិញពិភពលោកនេះ ត្រូវបានបង្កើតឡើងតាំងពីឆ្នាំ១៩៧០មកម៉្លេះ ខណៈមកទល់បច្ចុប្បន្នត្រូវបានក្លិបប្រកាសទទួលស្គាល់ជាង៨៥០កន្លែងជុំវិញ ពិភពលោក និងចុងក្រោយបង្អស់នេះ ត្រូវបានដាក់បញ្ចូលខាងអ្នកគាំទ្រនៅប្រទេសវៀតណាម របស់ខ្លួនថែមទៀតផង។ បើលើកឡើងជារួម នៅក្នុងតំបន់អាស៊ីអាគ្នេយ៍យើងគិតទល់ពេលនេះ មានសមាគមអ្នកគាំទ្រដែល ទទួលស្គាល់ជាផ្លូវការពីក្លិបអាល្លឺម៉ង់មួយនេះ ចំនួន៤ប្រទេសរួមមាន ថៃ សិង្ហបុរី ឥណ្ឌូនេស៊ី និងវៀតណាម៕ម.ន

ខ្សែការពារ  Virgil van Dijk របស់ក្លិបហង្សក្រហម Liverpool ឈ្នះពានរង្វាន់កីឡាករល្អជាងគេប្រចាំឆ្នាំ នៅអង់គ្លេស ពីសមាគមន៍បាល់ទាត់អង់គ្លេស ប្រចាំរដូវកាលនេះ។ ខ្សែការពារវ័យ២៧ឆ្នាំរូបនេះ បានជាប់ក្នុងបញ្ជីឈ្មោះជុំចុងក្រោយ ដែលមានកីឡាករ៦រូប កាលពីចុងសប្តាហ៍កន្លងទៅ ដោយក្នុងនោះរួមមាន Eden Hazard, Sergio Aguero, Raheem Sterling, Bernardo Silva និងមិត្តរួមក្រុមរបស់គាត់ Sadio Mane ផងដែរ។ ដូច្នេះមានន័យថា ពានរង្វាន់កីឡាករល្អជាងគេប្រចាំរដូវកាលនេះ របស់សមាគមបាល់ទាត់អង់គ្លេស គឺនៅតែជាកីឡាករក្លិប Liverpool ដដែល ខណៈឆ្នាំចាស់កន្លងទៅបានលើខ្សែប្រយុទ្ធអេហ្ស៊ីប Mohamed Salah។ Liverpool ក្នុងរដូវកាលនេះ ត្រូវបានគេសង្កេតឃើញថា មានប្រព័ន្ធការពារមួយដ៏រឹងមាំ ខណៈឆ្លងកាត់ការប្រកួត៣៥លើក ក្នុងលីគកំពូលអង់គ្លេស របូតតែចំនួន២០គ្រាប់់ប៉ុណ្ណោះ ដែលនេះគឺជាចំនួនតិចជាងគេបំផុតគិតត្រឹមសប្តាហ៍នេះ។ ការប្រគល់ពានរង្វាន់នឹងត្រូវធ្វើឡើងនៅទីក្រុងឡុងដ៍ នាយប់ថ្ងៃទី២៨ ខាងមុខនេះ៕ម.ន

ការប្រកួតបាល់ទាត់ដណ្ដើមពានរង្វាន់ ឯកឧត្តមបណ្ឌិតសភាចា្យ ហង់ ជួនណារ៉ុន លើកទី២ ឆ្នាំ ២០១៩នេះ បានឈានដល់សប្តាហ៍ទី៤ ហើយកាលពីម្សិលមិញ នៅពហុកីឡដ្ឋានជាតិ ដោយរកក្រុមដើរចេញមុនគេ ក្នុងពូល«ក» គឺក្រុមមន្ទីរអប់រំយុវជន និងកីឡា ខេត្តប៉ៃលិន និងខេត្តកំពង់ស្ពឺ  ។ គួររំលឹកថា ពានរង្វាន់ ឯកឧត្តមរដ្ឋមន្រ្តីឆ្នាំនេះ នេះមាន២១ក្រុមចូលរួម មានអគ្គនាយកដ្ឋានទាំង៦ និងអគ្គាធិការដ្ឋាន១ ចំណុះ ក្រសួងអប់រំ យុវជន និងកីឡា និងរាជធានី ខេត្តចំនួន១៤ រួចធ្វើការប្រកួតបែងចែកជា៤ពូល ដែលមក ពីមន្ទីរអប់រំ ខេត្ត ក្រុងនានា។ ដោយធ្វើការប្រកួតជម្រុះស្វែងរក២ក្រុមខ្លាំង ក្នុងមួយពូលបន្តទៅវគ្គខ្វែង រួចឈានទៅវគ្គផ្តាច់ព្រាត់ ដើម្បីរកក្រុមជើងឯកតែម្តង។ ចំពោះគោលបំណងវិញ គឺរួមចំណែក និងលើកកម្ពស់សុខមាលភាពមន្ត្រីរាជការទាំងផ្លូវកាយ ផ្លូវចិត្ត សាមគ្គីភាព មិត្តភាព ភាពសប្បាយរីករាយ និងកិច្ចសហប្រតិបត្តិការការងារ រវាងអង្គភាពចំណុះទីស្តីការ និងមន្ទីរអប់រំយុវជន និងកីឡា ដើម្បីលើកកម្ពស់ប្រសិទ្ធភាពការងារកាន់តែល្អប្រសើរនៅតាមអង្គភាពនានា ចំណុះទីស្តីការក្រសួង…

គ្រូបង្វឹក Real Madrid លោក Zinedine Zidane កំពុងពិចារណាប្ដូរតួនាទី Gareth Bale ឲ្យលេងខ្សែការពារស្លាបវិញ បើគ្មានក្លឹបណាទិញ ឬខ្ចីជើង ។ ខ្សែប្រយុទ្ធជម្រើសជាតិវែល ធ្លាប់លេងគ្រប់ដំណែង ក្នុងអាជីពបាល់ទាត់របស់ខ្លួន ប៉ុន្តែកីឡាករវ័យ២៩ឆ្នាំ ពេលនេះត្រូវបានក្លាយជាកីឡាករជម្រើសទី៣ នៅកីឡដ្ឋាន Bernabeu ។  Bale ទំនងត្រឡប់ទៅលេងនៅ Premier League, ប៉ុន្តែបើតាមប្រភព AS, Real កំពុងស្វែងរកដំណោះស្រាយ ដាក់ឲ្យលេងតំបន់ណាមួយលើទីលាន ប្រសិនបើលក់អត់មានអ្នកទិញ ។ តាមប្រភពដដែល បានបញ្ជាក់ថា Bale គឺជាជម្រើសខ្សែការពារស្លាបឆ្វេង សម្រាប់ Zidane ខណៈដែលកីឡាកររូបនេះ ធ្លាប់លេងក្នុងតំបន់នេះ កាលនៅ Southampton និងTottenham Hotspur ។ Marcelo និង Sergio Reguilon កំពុងប្រជែងគ្នាយកដំណែងខ្សែការពារឆ្វេង ប៉ុន្តែគេអាចឃើញថា…

ខ្សែប្រយុទ្ធវ័យក្មេងសញ្ជាតិព័រទុយហ្គាល់ Renato Sanches របស់ក្លឹប Bayern Munich ចង់ចាកចេញ ស្វែងរកទ្រនំថ្មីនារដូវកាលក្រោយ ។ មកដល់ពេលនេះ លោក Kovacថ្លែងប្រាប់ក្រុមអ្នកសារព័ត៌មានថា លោកចង់សម្រេចបំណងរបស់កីឡាកររូបនេះ ប្រសិនបើចង់ចាកចេញមែននោះ ។ អ្នកចាត់ការរូបនេះ បន្តថា Sanches បានព្យាយាមលើទីលានហ្វឹកហាត់ដូចកីឡាករដទៃទៀតដែរ តែនៅពិបាករកដំណែង១១នាក់ដំបូងដដែល ។ សម្រាប់គម្រោងនារដូវកាលថ្មី យ៉ាងណានោះ ខ្ញុំមិនទាន់ប្រាកដជាក់លាក់ ក្នុងចិត្តនៅឡើយនោះទេ ពេលនេះពួកយើងមានការងារទាំងអស់គ្នា ក្នុងការបញ្ចប់រដូវកាលជាមួយគ្នា ហើយគាត់ក៏ជាផ្នែកមួយរួមផង ។ គួររំលឹកថា Renato Sanches ធ្លាប់ប្រាប់ការសែតព័ត៌មាន Bild កាលពីពេលថ្មីៗថា  មិនថាក្នុងលក្ខខណ្ឌខ្ចីជើង ឬផ្ទេរចេញនោះទេ ខ្ញុំគឺជាការប្រសើរសម្រាប់ខ្ញុំ ពីព្រោះការលេង ៥នាទីចុងក្រោយ មិនគ្រប់គ្រាន់សម្រាប់ខ្ញុំឡើយ ។សូមបញ្ជាក់ថា សារព័ត៌មានមួយចំនួនក៏បានធ្លាប់ចុះដែលថា ក្លឹបអ្នកមានបារាំង Paris Saint-Germain គឺជាក្លឹបគោលដៅដែលកំពុងពេញចិត្តចង់បានខ្សែប្រយុទ្ធជួយជម្រើសជាតិព័រទុយហ្គាល់ លើកពាន EURO ២០១៦ រូបនេះទៅចូលរួមក្រុមផងដែរ…

ខ្សែបម្រើប្រយុទ្ធកីឡាករ Kylian Hazard បច្ចុប្បន្នកំពុងលេង ក្នុងលក្ខខណ្ឌខ្ចីជើងពីតោខៀវ Chelsea ទៅកាន់ក្លឹបប៊ែលហ្ស៊ិក Cercle Brugge KSV បង្ហើបចេតនាចង់បានកិច្ចសន្យាថ្មី និងអាចវិលមករួមរស់ជាមួយក្លឹបសារជាថ្មីនារដូវកាលក្រោយ ។ កីឡាករវ័យ២៣ឆ្នាំខាងលើនេះ បច្ចុប្បន្ននៅសល់កិច្ចសន្យាជាមួយ Chelsea ត្រឹមមួយរដូវកាលប៉ុណ្ណោះ ខណៈក្នុងរដូវកាលនេះត្រូវបានក្លឹបដាក់ឲ្យខ្ចីជើងទៅកាន់លីគនៃប្រទេសកំណើត ប៉ុន្តែរឿងហេតុមិនសូវល្អប៉ុន្មាននោះឡើយ ក្រោយពីជួបបញ្ហារបួសសាច់ដុំតាំងពីអំឡុងពាក់កណ្តាលរដូវកាលមកម៉្លេះ ។ ដូច្នេះ Kylian Hazard សង្ឃឹមថានឹងអាចមករួមរស់ជាមួយបងប្រុស នៅ Chelsea សារជាថ្មីនារដូវកាលក្រោយ ដែលសមល្មមពេលវេលាដែលជាពីរបួសវិញនោះ ស្របពេលដែលក្លឹបកំពុងជួយវិបត្តិមិនអាចទិញកីឡាករថ្មីចូលថែមទៀតផង ។ Kylian Hazard បានចុះកិច្ចសន្យាជាមួយ Chelsea តាំងពីខែសីហា ឆ្នាំ២០១៧ ប៉ុន្តែក្នុងរដូវកាលដំបូងមិនទទួលបានឳកាសបង្ហាញខ្លួននោះទេ ខណៈរដូវកាលនេះបានត្រូវដាក់ឲ្យខ្ចីជើង ៕ធ.ដ

ក្រុមបាល់ទាត់ខេត្តសៀមរាប ព្រៃវែង និងខេត្តកែប បានកក់កៅអីវគ្គ ៨ក្រុមចុងក្រោយ (១/៤) នៃពានរង្វាន់សម្ដេចតេជោ ហ៊ុន សែន ថ្នាក់ខេត្ត មុនគេបន្ទាប់ពីយកឈ្នះគូប្រជែងរៀងខ្លួន នៅវគ្គ ១៦ក្រុមចុងក្រោយ នៅលើទីលានចំនួន៣ផ្សេងៗគ្នា កាលពីម្សិលមិញ ។ សម្រាប់ខេត្តព្រៃវែង ២-០ ខេត្តបាត់ដំបង នៅកីឡដ្ឋានខេត្តព្រៃវែង កាលពីម្សិលមិញ ។ ដោយ ក្រុមម្ចាស់ផ្ទះព្រៃវែង នាំមុខក្រុមភ្ញៀវ ១គ្រាប់ ក្នុងតង់ទី១ និង១គ្រាប់ទៀតនៅតង់ទី២ ។ ចំណែកឯ ខេត្តសៀមរាប និងខេត្តកែប សុទ្ធតែបានទម្លាក់គូប្រកួត ដោយបាល់ប៉េណាល់ ទីកាត់សេចក្ដី បន្ទាប់ពីបញ្ចប់ការប្រកួតពេញម៉ោងស្មើគ្នា ១-១ ដូចគ្នា ពោលគឺខេត្តសៀមរាប ឈ្នះខេត្ត កំពង់ស្ពឺ ៤-៣ នៅកីឡដ្ឋានខេត្តសៀមរាប ខណៈខេត្តកែប ឈ្នះខេត្តបន្ទាយមានជ័យ ៤-៣ នៅកីឡដ្ឋានខេត្តកែប ដែលនាំឲ្យខេត្តសៀមរាប និងកែប បានឡើងវគ្គ ១/៤ផ្ដាច់ព្រ័ត្រ ។ …

សហព័ន្ធកីឡាវាយកូនបាល់កម្ពុជា បានរៀបចំវគ្គបណ្តុះបណ្តាលគ្រូកម្រិតមូលដ្ឋាន លើកទី២ របស់ខ្លួន កាលពីម្សិលមិញ ក្រោមជំនួយថវិកាពីក្រសួងអប់រំ យុវជន និងកីឡា និងសហព័ន្ធកីឡាវាយ កូនបាល់អន្តរជាតិ ITF នៅពហុកីឡដ្ឋានជាតិ ដែលមានរយៈពេល៤ថ្ងៃជាមួយនឹងក្តីរំពឹងខ្ពស់ថានឹងស្វែងរកបាននូវគ្រូបង្វឹកកម្រិតមូលដ្ឋានប្រកបដោយគុណភាពជាង១០នាក់បន្ថែមទៀត  សម្រាប់ការអភិវឌ្ឍវិស័យកីឡាជំនាញ មួយនេះនៅកម្ពុជា ។ លោក ជា ពៅ អគ្គលេខាធិការរង សហព័ន្ធកីឡាវាយកូនបាល់កម្ពុជា គូសបញ្ជាក់ថា កាលពីវគ្គ បណ្តុះបណ្តាលជាលើកដំបូង ក្នុងឆ្នាំ២០១៨ កន្លងទៅ សហព័ន្ធផលិតបានគ្រូល្អត្រឹម៥នាក់ប៉ុណ្ណោះ ប៉ុន្តែសម្រាប់ឆ្នាំនេះ សហព័ន្ធរំពឹងខ្ពស់ថានឹងផលិតបានគ្រូល្អយ៉ាងហោចណាស់១០នាក់បន្ថែមទៀត ។ វគ្គបណ្តុះបណ្តាលគ្រូបង្វឹកមូលដ្ឋាននេះត្រូវបានសហព័ន្ធវាយកូនបាល់កម្ពុជាវាយតម្លៃខ្ពស់ថា វាគឺជា ឱកាសល្អពុំធ្លាប់មាន ដោយសហព័ន្ធជំនាញមួយនេះ បានអញ្ជើញគ្រូជំនាញ មកពីក្រៅ ប្រទេសចំនួន៣រូប ដើម្បីធ្វើជាវាគ្មិន និងបង្ហាត់បង្រៀនដល់កីឡាករ-ការិនី និងមន្ត្រីបច្ចេកទេសវាយកូនបាល់ កម្ពុជា។ គួរបញ្ជាក់ថា នេះជាលើកទី២ដែលសហព័ន្ធកីឡាវាយកូនបាល់កម្ពុជា រៀបចំវគ្គបណ្តុះបណ្តាល គ្រូបង្វឹក កម្រិតមូលដ្ឋានដែលគាំទ្រថវិកាដោយក្រសួងអប់រំ យុវជន និងកីឡា និងសហព័ន្ធវាយកូនបាល់អន្តរជាតិ  ITF។  វគ្គបណ្តុះបណ្តាលនេះធ្វើឡើងរយៈពេល៤ថ្ងៃ…

ទីស្តីការគណៈរដ្ឋមន្ត្រី កាលពីពេលថ្មីៗបានចេញលិខិតគាំទ្រ ក្រសួងអប់រំ យុវជន និងកីឡា ចំពោះការផ្តល់ប្រាក់រង្វាន់លើកទឹកចិត្តដល់ម្ចាស់ជ័យលាភីមេដាយមាស កីឡាកាយវប្បកម្ម ពិភពលោក ដោយ អះអាងថា ក្រសួងបានអនុវត្តត្រឹមតាមច្បាប់ ។ ការអះអាងបែបនេះ គឺបន្ទាប់ពីមានការចោទ ប្រកាន់ថា ក្រសួងបានកិបកេង ប្រាក់រង្វាន់លើកទឹកចិត្តរបស់កីឡាករ សំបូរសុភណ្ឌ ។ រាជរដ្ឋាភិបាលកម្ពុជា បានអះអាងថា ក្រសួងអប់រំ យុវជន និងកីឡា មិនបានកិបកេងថវិកា ១០០ លានរៀល របស់ម្ចាស់មេដាយមាសពិភពលោក កីឡាកាយវប្បកម្ម សំបូរ សុភណ្ឌ ដូចការចោទប្រកាន់នោះទេ ។ នេះបើយោងតាមលិខិតរបស់ទីស្តីការគណៈរដ្ឋមន្ត្រី ដែលចេញផ្សាយកាលពីថ្ងៃទី៩ ខែមេសា ឆ្នាំ២០១៩ ។ លិខិតគាំទ្រដែល ចុះហត្ថលេខាដោយ ឯកឧត្តម អ៊ីន វីរជាតិ រដ្ឋលេខាធិការទីស្តីការគណៈរដ្ឋមន្ត្រី បានរៀបរាប់ ដូច្នេះថា ៖« ករណីរបាយការណ៍ស្តីពីការផ្តល់ប្រាក់រង្វាន់ដល់ម្ចាស់ជ័យលាភី នៃការចូល រួមប្រកួតលក្ខណៈអន្តរជាតិប្រចាំឆ្នាំ និងការផ្តល់ប្រាករង្វាន់ដល់ម្ចាស់ជ័យលាភី កីឡាកាយវប្បកម្ម…