ការពារច្រើនជាងប្រយុទ្ធ របស់ក្រុមអគ្គីសនីកម្ពុជា បានធ្វើឲ្យគ្រូក្លឹបបាល់ទាត់វិសាខា លោក ហុក សុជីវ័ន ថា ពិបាកលេង ការថ្លែងបែបនេះក្រោយ ក្រុមម្ចាស់វិសាខា ៤:០ ក្រុមអគ្គីសនីកម្ពុជា ក្នុងការប្រកួតសន្សំពិន្ទុ នៅសប្ដាហ៍ទី៤ នៃលីគកំពូលកម្ពុជា នៅកីឡដ្ឋានវិសាខា កាលពីចុងសប្ដាហ៍កន្លងទៅ ។ គ្រូបង្វឹកក្លឹបវិសាខា លោក ហុក សុជីវ័ន បានលើកឡើងថា «តង់ទី១ យើងមានឱកាសច្រើន ប៉ុន្តែមិនទទួលបានលទ្ធផល ដោយសារទម្រង់លេងរបស់ ក្រុមអគ្គីសនីកម្ពុជាស្ទើរទាំងអស់ចុះមកការពារ ទុកតែម្នាក់សម្រាប់ប្រយុទ្ធ ដូច្នេះហើយទើបធ្វើយើងពិបាកលេង ។ ម្យ៉ាងទៀតតង់ទី១ ក្រុមទាំង២ ពេញកម្លាំងដូចគ្នា ។ តែយ៉ាងណាលោកនៅតែពេញចិត្ត ចំពោះការសហការរបស់កូនក្រុម រហូតទទួលបាន ៣ពិន្ទុបន្ថែម ក្នុងសប្ដាហ៍ទី៤ ។ ដោយឡែកគ្រូក្លឹប អគ្គីសនីកម្ពុជា បានបញ្ជាក់ថា ក្នុងជំនួបជាមួយក្រុមខ្លាំងវិសាខា លោកចង់បានត្រឹមតែស្មើរ ប៉ុន្តែលទ្ធផលមិនដូចការរំពឹងទុក ពីព្រោះបន្ទាប់ពីសម្រាកចូលឆ្នាំកម្លាំងមួយចំនួនមានការបាត់បង់ ម្យ៉ាងទៀតក្រុមវិសាខាជាក្រុមមួយខ្លាំង ហើយកីឡាករបរទេសច្រើន  ។…

យើងក្រឡេកទៅមើល ក្របខណ្ឌ UEFA Champions League វិញវគ្គពាក់កណ្តាលផ្តាច់ព្រាត់ មានក្រុម Liverpool , Tottenham Hotspur , Barcelona និងក្រុម Ajax ។ ការប្រកួតវគ្គពាក់កណ្ដាលផ្ដាច់ព្រាត់ជើងទី១ រវាង Barcelona v Liverpool គឺនៅថ្ងៃទី១ ខែឧសភា និងជើងទី២ នៅថ្ងៃទី៨ ខែឧសភា ឆ្នាំ២០១៩ ។ រីឯ ក្រុម Tottenham Hotspur v Ajax នឹងធ្វើនៅថ្ងៃទី១ ខែឧសភា ហើយជើងទី២ នៅថ្ងៃទី៩ ខែឧសភា ឆ្នាំ២០១៩ ។ ពេលវេលាប្រកួតសុទ្ធតែធ្វើឡើងនៅម៉ោង២រំលងអាធ្រាត្រទាំងអស់ ។ គួររំលឹកថា ក្របខណ្ឌ UEFA Champions League ក្លឹប Barcelona ធ្លាប់ឈ្នះពានអ៊ឺរ៉ុបមួយចំនួន៥ដង…

រកឃើញ៤ក្រុមចុងក្រោយ ដែលឈានទៅវគ្គពាក់កណ្ដាលផ្ដាច់ព្រ័ត្រ UEFA Europa League គឺមាន Arsenal, Chelsea, Frankfurt និង Valencia ។ ការប្រកួតវគ្គពាក់កណ្ដាលផ្ដាច់ព្រ័ត្រជើងទី១ រវាង Arsenal & Valencia គឺនៅថ្ងៃទី៣ ខែឧសភា និងជើងទី២ នៅថ្ងៃទី ១០ ខែឧសភា ឆ្នាំ២០១៩ ។ រីឯ Frankfurt & Chelsea នឹងធ្វើនៅថ្ងៃទី៣ ខែឧសភា ហើយជើងទី២ នៅថ្ងៃទី១០ ខែឧសភា ឆ្នាំ២០១៩ ។ ពេលវេលាប្រកួតសុទ្ធតែធ្វើឡើងនៅម៉ោង២រំលងអាធ្រាត្រទាំងអស់ ។ សូមបញ្ជាក់ថា មុននឹងឡើងដល់វគ្គពាក់កណ្តាលផ្តាច់ព្រាត់ ក្រុមកាំភ្លើងធំ Arsenal បានយកឈ្នះ Napoli ៣-០ សម្រាប់លទ្ធផលទាំង២ជើង ។  ឯក្លឹបតោខៀវ Chelsea បានទម្លាក់ Malmö…

ក្លឹប Barcelona ជាក្លឹបដែលជោគជ័យខ្លាំង ក្នុងប្រវត្តិសាស្ត្រ ដោយធ្លាប់ឈ្នះពានធំៗ ៣ក្នុងមួយរដូវកាលចំនួន ២លើក គឺនៅឆ្នាំ២០០៩ និង២០១៥ ។ តែចំពោះពាន UEFA Cup ឬ Europa League វិញ ក្លឹបកាតាឡាន់មួយនេះ ធ្លាប់បានលេងក្នុងកម្មវិធីនេះចំនួន ១០ដង ដោយបង្ហាញខ្លួនលើកចុងក្រោយគឺនៅរដូវកាល ២០០៣/០៤ តែជាអកុសល ក្លឹបមួយនេះមិនដែលឈ្នះពានលំដាប់ទី២អឺរ៉ុបម្ដងណាឡើយ ។ Barcelona បានត្រឹមឡើងដល់វគ្គពាក់កណ្ដាលផ្ដាច់ព្រ័ត្រ  ៤ដង គឺនៅរដូវកាល ១៩៧៥/៧៦, ១៩៧៧/៧៨, ១៩៩៥/៩៦ និងរដូវកាល ២០០០/០១ ។ សូមបញ្ជាក់ថា ទោះមិនធ្លាប់ឈ្នះពាន UEFA Cup ឬ Europa League ក្នុងពេលបច្ចុប្បន្ន ក្លឹបBarcelona បានឈ្នះពានជាច្រើន ក្នុងកម្មវិធីអឺរ៉ុប ដោយឈ្នះ UEFA Champions League ចំនួន…

អ្នកចាំទីដៃទី១ក្លឹបហង្សក្រហម Liverpool ពោលគឺ Alisson Becker  និងបោះបង់អាវលេខ១៣ មកលេខ១វិញ ដែលរូបគាត់ធ្លាប់តែពាក់នៅជម្រើសជាតិប្រេស៊ីល និងក្លឹបចាស់ នារដូវកាលក្រោយ ។ អ្នកចាំទីវ័យ២៦ឆ្នាំ ដែលទើបតែចូលរួមជាមួយ Liverpool ក្នុងរដូវកាលនេះបានប្រើប្រាស់អាវលេខ១៣ មួយរដូវកាលពេញមកហើយ ខណៈក្លឹបនៅតែផ្តល់អាវលេខ១ ទៅកីឡាករចាស់ Loris Karuis ប៉ុន្តែបច្ចុប្បន្នកីឡាកររូបនេះ បានផ្លាស់ទៅ Besiktas ក្នុងលក្ខខណ្ឌខ្ចីជើង ២រដូវកាល ។ ការប្តូរមកអាវលេខ១វិញនេះ ដើម្បីសាកសមជាកីឡាករអ្នកចាំទីដែលមានតម្លៃខ្លួនថ្លៃជាងគេ ដែលទើបតែទិញចូលមកដំបូងនាដើមរដូវកាលនេះ ហើយក៏ជាលេខរបស់រូបគាត់ធ្លាប់ ពាក់កន្លងមកនៅ ជាមួយក្លឹបចាស់ AS Roma ព្រមទាំងជម្រើសជាតិប្រេស៊ីលរួមផង ៕ធ.ដ

វីរៈបុរសកាំភ្លើងធំ Arsenal អតីតកីឡាករ Thierry Henry  ត្រូវបានអតីតក្លឹប របស់លោកនៅលីគកំពូលសហរដ្ឋអាម៉េរិក ធ្វើការទាក់ទងចង់ឲ្យមកដឹកនាំសារជាថ្មី ក្នុងនាមជាគ្រូបង្វឹកក្លឹប ។ ក្លឹប New York Red Bulls ដែលជាទីកន្លែងអតីតខ្សែប្រយុទ្ធបារាំងរូបនេះធ្លាប់រួមរស់នៅរយៈពេល៤រដូវកាល និងចូលនិវត្តន៍នៅទីនោះ បានធ្វើការទាក់ទងចង់ផ្តល់ ឳកាសឲ្យបុរសវ័យ៤១ឆ្នាំខាងលើ មកបន្តអាជីពជាគ្រូបង្វឹកសារជាថ្មី ក្រោយពីធ្លាប់បានដឹកនាំ AS Monaco មួយរយៈពេលខ្លីកន្លងមក ។ Henry ធ្លាប់ដឹកនាំលើកដំបូង ក្នុងអាជីពជាមួយក្លឹបបារាំង AS Monaco ពោលដោយឈានជើងចូលតំណែងផ្លូវការនៅថ្ងៃទី១៣ ខែតុលា ឆ្នាំ២០១៨ និងត្រូវបានបណ្តេញចេញវិញនៅថ្ងៃទី២៤ ខែមករា ឆ្នាំ២០១៩នេះ ខណៈក្នុងចំណោម២០ប្រកួតផ្លូវការ លោកបានដឹកនាំឈ្នះតែ៤ប្រកួតប៉ុណ្ណោះ ។ សូមបញ្ជាក់ថា ក្លឹប New York Red Bulls បច្ចុប្បន្នកំពុងមានភាពរអាករអួល ក្រោយពីចាប់ផ្តើមលីគកំពូលសហរដ្ឋអាម៉េរិករដូវកាលនេះ ឆ្លងកាត់៦ប្រកួតកន្លងមក ឈ្នះ១ ចាញ់៣ និងស្មើរ២ ក្រោមការដឹកនាំរបស់លោក…

ការធ្លាក់ចេញពីពាន Champions League របស់ Juventus កាលពីថ្មីៗនេះ អាចជាមូលហេតុ ដែលធ្វើឲ្យគម្រោងស្នាក់នៅរយៈពេលយូររបស់ កីឡាករវ័យ៣៤ឆ្នាំ ស្ថិតក្នុងមន្ទិល ។ តាមប្រភព Republica, Ronaldo កំពុងពិចារណាអំពីអនាគតរបស់គាត់ បន្ទាប់ធ្លាក់ចេញពីពានមួយនេះ ។ កីឡាករវ័យ៣៤ឆ្នាំ នឹងមិនចាកចេញពីអ៊ីតាលីនៅរដូវក្ដៅនេះទេ ប៉ុន្តែការចាកចេញ នៅក្នុងឆ្នាំ២០២០ គឺអាចទៅរួចដោយភាគរយខ្ពស់ ។ ប្រភពព័ត៌មានទាំងនេះបាននិយាយបែបនេះ ពិសេសកាសែត Gazzetta Dello Sport ក៏បាននិយាយថា Ronaldo ហាក់មិនអាច ទទួលយកបានពីការបរាជ័យក្រោមថ្វីជើង Ajax ។ ទោះបីជាយ៉ាងនេះក្ដី ប្រភពទាំងនេះមិនទាន់មានការបញ្ជាក់ច្បាស់លាស់ ក្នុងបណ្ដាញសង្គមរបស់ Cristiano ។ ខណៈស្ថានភាពចាកចេញឬក៏នៅបន្តទាល់តែរង់ចាំរយៈពេល២ទៅ៣ខែទៀតទើបអាចច្បាស់ ។ តែអ្វីដែលអាចបញ្ជាក់ច្បាស់ គឺការមិនសូវមានសកម្មភាព ក្នុងពានទ្វីបអឺរ៉ុបគឺជាមូលហេតុនៃការចាកចេញរបស់ Ronaldo ។ គួរបញ្ជាក់ថា Cristiano Ronaldo អាចចាកចេញពី Juventus ពេលចប់រដូវកាលនេះ…

ការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្តរដូវកាល​ ឆ្នាំ២០១៩ បានឈានដល់វគ្គ១៦ក្រុម ចុងក្រោយ នឹងបានចាប់ឆ្នោតគូប្រកួតរួចរាល់តាំងពីថ្ងៃទី១១ ខែមេសាមក ដោយគណៈកម្មការប្រកួតបាល់ទាត់ជាតិកម្ពុជា ហៅកាត់ CNCC នឹងត្រូវផ្ដើមប្រកួត ជម្រុះបន្តនៅថ្ងៃទី២៣ ដល់ថ្ងៃទី២៥ ខែមេសា ដែលមានតែមួយជើងប៉ុណ្ណោះ ។ ការចាប់ឆ្នោតជ្រើសរើសគូប្រកួតវគ្គ១៦ក្រុមចុងក្រោយថ្នាក់ខេត្តនេះ ត្រូវបានធ្វើឡើងដោយតំណាងក្រុមនានាជាសាក្សី និងចូលរួមដោយលោក ឆាំង ពិសិដ្ឋ លេខាធិការប្រតិបត្តិ គណៈកម្មការប្រកួតបាល់ ទាត់ជាតិកម្ពុជា CNCC នៃសហព័ន្ធកីឡាបាល់ទាត់កម្ពុជា ។ សម្រាប់ការប្រកួតវគ្គ១៦ក្រុម ចុងក្រោយថ្នាក់ខេត្ត នាថ្ងៃអង្គារទី២៣ ខែមេសា រួមមាន៖ សៀមរាបជួបជាមួយខេត្តកំពង់ស្ពឺ ខេត្តកែប ជួប បន្ទាយមានជ័យ និងព្រៃវែង ជួបជាមួយខេត្តបាត់ដំបង ។ នៅថ្ងៃពុធ ទី២៤ ខែមេសា ៖ កំពត ជួប មណ្ឌលគិរី កំពង់ធំ ជួប ព្រះវិហារ ត្បូងឃ្មុំ ជួប…

ការដាក់បញ្ចូល ប្រភេទកីឡាបុរាណខ្មែរ ទៅក្នុងព្រឹត្តិការណ៍ស៊ីហ្គេមនៅឆ្នាំ២០២៣ ដែលកម្ពុជាធ្វើជាម្ចាស់ផ្ទះ វាជាចំណែកមួយក្នុងការអភិរក្សនិងអភិវឌ្ឍ វិស័យកីឡាដែលបានបន្សល់ទុកតាំងពីដូនតា នេះបើតាមកាលើកឡើងរបស់ ឯកឧត្តម វ៉ាត់ ចំរើន កាលពីពេលថ្មីៗកន្លងទៅ នៅអគារគណៈកម្មការអូឡាំពិកកម្ពុជា ។  ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ ទទួលបន្ទុកផ្នែកកីឡានិងជាអគ្គលេខាធិការគណៈកម្មាធិការអូឡាំពិកកម្ពុជា មានប្រសាសន៍ថា ជាផ្នែកមួយនៃយុទ្ធសាស្ត្ររៀបចំស៊ីហ្គេមឆ្នាំ២០២៣ គឺក្រៅពីកីឡាទំនើប គឺយើងក៏បានរៀបចំឲ្យមាន ការប្រកួតកីឡា ប្រពៃណីដែលជាអត្តសញ្ញាណជាតិ ។ ឯកឧត្តម បានបញ្ជាក់ថា គោលដៅធំបំផុត គឺយើងចង់បញ្ជូលប្រភេទកីឡាអត្តសញ្ញាណជាតិនេះទៅក្នុង បញ្ជីបេតិកភ័ណ្ឌអរូបិយ នៃមនុស្សជាតិ របស់អង្គការ យូនីស្កូរ ដើម្បីធ្វើអោយកីឡាអត្តសញ្ញាណជាតិយើងមានគុណតំលៃជាសកលក្នុងពិភពលោក និងធ្វើអោយពិភពលោកចាប់អារម្មណ៍ហើយក៏ជាចំណែកមួយក្នុងការអភិរក្ស និងអភិវឌ្ឍ វិស័យកីឡាដែលបានបន្សល់ទុកតាំងពីដូនតា ផងដែល។      

  ក្រុមភ្ញៀវ Liverpool យកឈ្នះម្ចាស់ផ្ទះ Porto ៤:១ ខណៈម្ចាស់ផ្ទះ Manchester City ឈ្នះភ្ញៀវ Tottenham Hotspur ៤:៣ ក្នុងការប្រកួតពានរង្វាន់ Champions League Final Stage កាលពីយប់មិញ ។ គ្រាប់ទី១ របស់ Liverpool រកបានដោយកីឡាករ Sadio Mane នៅនាទី២៦ គ្រាប់ទី២ នៅនាទី៦៥ ដោយកីឡា Mohamed Salah គ្រាប់ទី៣ រកបានដោយកីឡាករ Roberto Firmino នៅនាទី៧៧ គ្រាប់ទី៤ រកបានដោយកីឡាករ Virgil van Dijk នៅនាទី៨៤ និង១ គ្រាប់របស់  Porto រកបានដោយកីឡាករ Eder Militao នៅនាទី៦៩ ។ ចំណែកឯ ៤គ្រាប់របស់ Manchester City…