ការបរាជ័យក្នុងដីយប់មិញ ត្រូវបានអ្នកចាត់ការក្លិប Manchester United លោក Ole Gunnar Solskjaer ជឿជាក់ថា ការវាយបកនៅ Champions League ក្នុងដី Barcelona នឹងក្លាយជាការសម្រេចគោលដៅធំមួយ ជាងវគ្គ១៦ក្រុមចុងក្រោយ ពេលឈ្នះ PSG អ៊ីចឹង។ Man United នឹងត្រូវទៅកាន់ Camp Nou ក្នុងជំនួបជើងទី២វិញ  ក្រោយពីក្រុមខ្លួនឯងចាញ់ក្នុងដី លទ្ធផល ១-០ វគ្គ៨ក្រុមចុងក្រោយ ពីការធ្វើឲ្យចូលទីខ្លួនឯងរបស់ Luke Shaw នាទីទី១២។ យ៉ាងណាក្ដីលោក Solskjaer និយាយថា បិសាចក្រហម អាចវាយបកយកឈ្នះវិញ ដូចកាល PSG។ វានឹងក្លាយជាការសម្រេចគោលដៅដ៏ធំមួយ និងឈ្នះម្ដងទៀត ព្រោះតែប្រវត្តិសាស្ត្រ របស់ Barcelona មិនធ្លាប់ចាញ់ក្នុងផ្ទះទេ៕ធ.ដ

កីឡា៨ប្រភេទ ទាំងកីឡាបែបទំនើប និងកីឡាប្រពៃណី ត្រូវបានដាក់ឲ្យប្រកួតអបអរសាទរសង្រ្កាន្តឆ្នាំថ្មី២០១៩ ដែលរៀបចំដោយមន្ទីរអប់រំ យុវជន និងកីឡា ខេត្តកណ្តាល ក្នុងនោះកីឡាបាល់ទាត់បានដំណើរការប្រកួតហើយ លើទីលានចំនួន២រួមមាន ទីលានកីឡដ្ឋានខេត្តកណ្តាល និងទីលានសាលាកុរុកោសល្យភាគភូមិភាគ។ លោក ពៅ វណ្ណា ប្រធានការិយាល័យកីឡានៃមន្ទីរអប់រំ យុវជន និងកីឡាខេត្ត កណ្តាល បាន បញ្ជាក់ឲ្យដឹងថា ៨ប្រភេទកីឡា ដែលមន្ទីរអប់រំ យុវជនខេត្តកណ្តាល ដាក់ឲ្យប្រកួតប្រជែងនោះ មានដូចជា កីឡាបាល់ទាត់ បាល់ទះ ទាញព្រ័ត្រ តេក្វាន់ដូ ប្រដាល់គុនខ្មែរ កីឡាចំបាប់បុរាណ កីឡាអត្តពលកម្ម និងអុកចក្រត្រង្គ។ ប្រភេទកីឡាទាំងនេះ បានដំណើរការប្រកួតជាបណ្តើរៗហើយ ក្នុងនោះបាល់ទាត់ដំណើរមុនគេ ដោយបានចាប់ផ្តើមប្រកួតតាំងពីថ្ងៃទី៧ ខែមេសាមកម្ល៉េះ។ លោកបញ្ជាក់ទៀតថា ប្រភេទកីឡាទាំង៨នេះ និងធ្វើការប្រកួតជាបន្តបន្ទាប់ ដោយគិតចាប់ពីថ្ងៃទី៧ ខែមេសា រហូតដល់ថ្ងៃទី១៦ ខែមេសា ទើបបញ្ចប់ការប្រកួតផ្លូវ។ លោកបានអះអាងថា ការប្រកួតនេះ ក្រោមគំនិតផ្តួចផ្តើមពីឯកឧត្តមអភិបាលខេត្តកណ្តាល ក្នុងគោលបំណងដើម្បីចូលរួមអបអរសាទរពិធីបុណ្យចូលឆ្នាំខ្មែរប្រពៃណីជាតិ…

សហព័ន្ធកីឡាអេឡិចត្រូនិកកម្ពុជា បានអនុញ្ញាតឲ្យក្រុមហ៊ុន Gentec Work Co.LTD បានរៀប ចំការប្រកួតឡើង ដើម្បីអភិវឌ្ឍន៍វិញ្ញាសា Mobile Legends ជាវិញ្ញាសា ដែលត្រូវបានគណៈរៀបចំប្រកួត ស៊ីហ្គេម នៅប្រទេសហ្វីលីពីន នាខែវិច្ឆិកា ឆ្នាំ២០១៩ ដាក់ឲ្យប្រកួត។ ថ្លែងនៅក្នុងសន្និសីទសារព័ត៌មាន នៅព្រឹកថ្ងៃពុធ នៅទីស្នាក់ការគណៈកម្មាធិការជាតិអូឡាំពិកម្ពុជា លោក លន់ សាមឺឌី អគ្គលេខាធិការសហព័ន្ធកីឡាអេឡិចត្រូនិកកម្ពុជាគូសបញ្ជាក់ថា ការប្រកួត Mobile Legends: Bang Bang គឺជាវិញ្ញាសាមួយ ដែលលេងនៅលើទូរសព្ទ ៥ទល់៥ ដែលចេញផ្សាយ កាលពីឆ្នាំ២០១៦ និងទទួលបានការគាំទ្រពេញពិភពលោក ជាពិសេសនៅក្នុងតំបន់ អាស៊ានតែម្តង ក្នុងនោះកម្ពុជាក៏មានអ្នកលេងច្រើន និងមានក្រុមអ្នកលេងខ្លាំងៗដូចគ្នាផងដែរ។ សហព័ន្ធ E-Sport កម្ពុជាបានអនុញ្ញាតឲ្យក្រុមហ៊ុន Gentec Work Co.,LTD រៀបចំការ ប្រកួតនេះឡើងដើម្បីអភិវឌ្ឍន៍វិញ្ញាសា Mobile Legends ដោយកម្មវិធី Mobile Legends: Bang Bang នេះត្រូវបានផលិត…

ខ្សែការពារ Gerard Pique បានប្រាប់ Barcelona ថាត្រូវមានការប្រុងប្រយ័ត្នចំពោះក្លិប Manchester United ឲ្យបាន ព្រោះបន្ទាប់ពីឃើញក្លិបចាស់របស់ខ្លួន បានបង្ហាញទម្រង់លេងល្អវាយបកយកឈ្នះ Paris Saint-Germain។ Pique បានរៀនសូត្រច្រើន ក្នុងរយៈពេល៤ឆ្នាំនៅ United និងមើលឃើញក្លិបមានមូលដ្ឋានក្នុងទីក្រុង Manchester មួយនេះឡើងជើងខ្លាំងក្រោមការដឹកនាំរបស់លោក Ole Gunnar Solskjaer។ ខ្សែការពារសញ្ជាតិអេស្ប៉ាញ ដែលត្រៀមបង្ហាញខ្លូននៅ Old Trafford ជាលើកដំបូងចាប់តាំងចាកចេញនៅឆ្នាំ២០០៨ ជឿជាក់ Lionel Messi និងមិត្តរួមក្រុមផ្សេងទៀតត្រូវតែប្រយ័ត្ន Man Utd។ សូមបញ្ជក់ថា ក្លិបអ្នកមានបុណ្យ Barcelona ត្រូវទៅសួរសុខ Manchester United នៅកីឡដ្ឋាន Old Trafford នៅជំនួបជើងទី១ ក្របខ័ណ្ឌ Champions League វគ្គ៨ក្រុមចុងក្រោយ ហើយត្រៀមជួបជើងទី២ នៅថ្ងៃទី១៩ ខែមេសាខាងមុខនេះ នៅកីឡដ្ឋាន CampNov៕ម.ន …

Naby Keita និង Roberto Firmino រកបានម្នាក់មួយគ្រាប់ជួយ Liverpool ឈ្នះ Porto ២-០ ក្នុងជើងទីមួយក្នុពានរង្វាន់ Champions League វគ្គ៨ក្រុមចុងក្រោយ យប់មិញកាលពីយប់មិញ។ ក្រោយបញ្ចប់ការប្រកួតអតីតអាជ្ញាកណ្ដាល Premier League លោក Mark Clattenburg បានលើកឡើងថា Mohamed Salah សំណាងខ្លាំងដែលជៀសផុតពីកាតក្រហម។ កីឡាកររបស់ Liverpool រូបនេះបានលើកជើងរំលងបាល់ និងបើកបាតដាក់គូប្រកួត។ ប្រសិនពេលនោះមានការពិនិត្យ VAR ខ្ញុំច្បាស់ណាស់ថា Salah នឹងត្រូវដេញចេញ” ៕ធ.ដ

ក្រុម Ajax នឹងស្វាគមន៍ក្រុមភ្ញៀវ Juventus នៅម៉ោង២រំលងអាធ្រាត្រនេះហើយ ក្នុងការប្រកួតពានរង្វាន់ UEFA Champions League វគ្គ៨ក្រុមចុងក្រោយ ជើងទី១។ ការប្រកួតនេះដែរ ក្រុម Ajax បានត្រៀមខ្លួនរួចជាស្រេច ដ្បិតអីពួកគេមានកីឡាករពេញជើងស្រាប់ ហើយលេងក្នុងដីខ្លួនឯងទៀត។ ដោយឡែកសម្រាប់ក្រុម Juventus វិញ ពួកគេកំពុងជួបបញ្ហា ខ្សែប្រយុទ្ធសំខាន់ Cristiano Ronaldo របួស មិនទាន់ច្បាស់ថាបានលេងឬអត់ទេនៅរាត្រីនេះ។ ចំពោះការអវត្តមានកីឡាករកំពូលលើលោកនេះដែរ De Jong ខ្សែបម្រើរបស់ Ajax ដែលនឹងផ្លាស់ទៅលេងនៅ Barcelona រដូវកាលក្រោយ បាននិយាយថារូបគេចង់ឱ្យ Ronaldo បានលេងនៅរាត្រីនេះ។ ភាគរយឈ្នះ Juventus នឹងមានច្រើន ពេលអត់មានអតីតកីឡាករ Real Madrid ប៉ុន្តែខ្លួនគេចង់ជួបតតាំងជាមួយ Ronaldo ខ្លាំងណាស់។ ការឈ្នះ Juventus ដោយមានប្រធានក្រុមជម្រើសជាតិព័រទុយហ្គាល់ គឺជារឿងអស្ចារ្យបំផុត៕ធ.ដ

ក្លិប Liverpool នឹងបើកទ្វារកីឡដ្ឋាន Anfield ស្វាគមន៍ FC Porto ក្នុងការប្រកួត Champions League វគ្គ៨ក្រុមជើងទី១ វេលាម៉ោង២រំលងអធ្រាត្រយប់នេះ។ កាលពីឆ្នាំទៅក្រុមទាំងពីរបានប៉ះគ្នាម្ដងរួចមកហើយ នៅវគ្គ១៦ក្រុមចុងក្រោយ ដោយក្រុម Liverpool បានយកឈ្នះ ៥-០ នៅទឹកដីព័រទុយហ្គាល់ និងស្មើគ្នា ០-០ នៅជើងទីពីរនៅ អង់គ្លេស។ ក្នុងជំនួបកណ្តលអធ្រាត្រយប់នេះ Jurgen Klopp បានព្រមានកូនក្រុមឲ្យមានការប្រយ័ត្នខ្ពស់ ព្រោះ Porto មកលើកនេះ រំពឹងការសងសឹកលើក្រុមរបស់លោក៕ធ.ដ

តោខៀវ Chelsea ឡើងទៅឈរលេខ៣ នៅ Premier League ខណៈ Tottenham Hotspur ទៅលេខ៤វិញ ក្រោយយកឈ្នះ West Ham ២:០ ។ ជ័យជម្នះរបស់ក្រុមតោខៀវ រកបានទាំង២គ្រាប់ ដោយខ្សែបម្រើ  Eden Hazard នៅនាទី២៤ និង៩០។ បន្ថែម២គ្រាប់ របស់តារាឆ្នើមសញ្ជាតិបែលហ្ស៊ិក គម្រប់១៦គ្រាប់ ក្នុងតារាង Top Scorer នៅក្របខ័ណ្ឌកំពូលរបស់អង់គ្លេស តាមពីក្រោយ Sergio Aguero ដែលលេខមួយចំនួន៣គ្រាប់។ គួរបញ្ជាក់ថា ក្លិប Chelsea ត្រូវការឈរ Top 4 ដើម្បីមានឱកាសលេង Champions League រដូវកាលក្រោយ ចំណែកឯពាន Europa League ក្រុម Chelsea កំពុងត្រៀម ប៉ះ Slavia Praha មកពីប្រទេសឆេក…

ប្រធានក្លិប Sporting កំពុងពិចារណាដាក់ឈ្មោះថ្មីឲ្យកីឡដ្ឋានរបស់ខ្លួន ហើយចង់បន្ថែមឈ្មោះ Cristiano Ronaldo ទៅលើកីឡដ្ឋាន ដែលបច្ចុប្បន្នមានឈ្មោះ Jose Alvalade នេះបើតាមប្រភព O Jogo ។ ប្រធានក្លិប លោក Frederico Varandas បានចាប់ផ្ដើមសន្ទនាជាមួយខ្សែប្រយុទ្ធ Juventus ថាតើអាចទៅរួចទេ។ សូម្បីតែមនុស្សមួយចំនួនដែលស្និទ្ធនឹងបាល់ទាត់ក៏មានគំនិតពេញចិត្ត ហើយចង់ឲ្យវាកើតឡើងផងដែរ។ គួរបញ្ជាក់ថា ឈ្មោះមាន២ ដែលត្រៀមដាក់ គឺ៖  The ‘CR7 Stadium’ និង the ‘Alvalade CR7’ ទោះបីជាយ៉ាងនេះក្ដី ពួកគេអាចគ្រាន់តែប្រើប្រស់ឈ្មោះ២ជាគោលប៉ុណ្ណោះហើយឈ្មោះដទៃទៀតអាចនឹងត្រូវបានជ្រើសរើសប្រសិនបើល្អជាង។ គួររំលឹកថា Cristiano Ronaldo គឺជានិម្មិតរូបរបស់ក្លិបរួចទៅហើយ ខណៈដែលកីឡាករល្អជាងគេក្នុងពិភពលោករូបនេះធ្លាប់លេងនៅទីនោះកាលជាយុវជន ដូចនេះការដាក់ឈ្មោះគាត់ចូលក្នុងកីឡដ្ឋានជារឿងមួយដែលអាចទៅរួច ក្នុងប្រទេសព័រទុយហ្គាល់ អាកាសយានដ្ឋាន Madeira airport សារមន្ទីរ និងសណ្ឋាគារមួយមានឈ្មោះរបស់គាត់រួចទៅហើយ។ សូមបញ្ជាក់ថា Cristiano Ronaldo…

ក្រុមបាល់ទះនារី មកពីសហរដ្ឋអាម៉េរិកដណ្តើមមេដាយមាសពីព្រឹត្តការណ៍ប្រកួតបាល់ទះឆ្នេរខ្សាច់អន្តរជាតិស្រាបៀរអាន់ឆ័រ លើកទី២ ផ្នែកនារី នៅខេត្តបាត់ដំបង បន្ទាប់ពីយកឈ្នះក្រុមបាល់ទះនារីមកពីប្រទេសក្រិច ដោយលទ្ធផល ២:០ នៅវគ្គផ្តាច់ព្រ័ត្រ កាលពីចុងសប្តាហ៍កន្លងទៅ នៅបរិវេណវាលបែកចាន ទីរួមខេត្តបាត់ដំបង។ ក្នុងឱកាសពិធីប្រគល់រង្វាន់ជូនក្រុមជ័យលាភីដោយមានការអញ្ជើញចូលរួម ក្រោមអធិបតីភាព ឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា និងជាអនុប្រធានទី១នៃសហព័ន្ធកីឡាបាល់ទះកម្ពុជា ឯកឧត្តម ងួន រតនៈ អភិបាលខេត្តបាត់ដំបង លោក Chris Liu នាយកផ្នែកបច្ចេកទេស សហព័ន្ធកីឡាបាល់ទះអន្តរជាតិ លោក Moon Yoo នាយកផ្នែកទីផ្សារ នៃក្រុមហ៊ុន ស្រាបៀរអាន់ឆ័រ អ្នកនាង Justina Vincent នាយកម៉ាកសញ្ញាស្រាបៀរអាន់ឆ័រ និងលោក ហ៊ុយ វុទ្ធី នាយកទំនាក់ទំនងកិច្ចការសហគ្រាស។ ចំពោះជ័យលាភីវិញ ក្រុមជើងឯកនារីសហរដ្ឋអាម៉េរិក ទទួលបានមេដាយមាស និងប្រាក់រង្វាន់១០០០ដុល្លារ ក្រុមជើងឯករង ក្រុមនារីប្រទេសក្រិក ទទួលបានមេដាយប្រាក់…