កំពង់ចាម៖ការប្រគំតន្រ្តីយក្សនៃកម្មវិធីកីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទីពីរបានកក្រើកក្រុងក្រុងកំពង់ចាមដោយមានការចូលរួមទស្សនាយ៉ាងភ្លូកទឹកភ្លូកដី ពីបងប្អូនប្រជាពលរដ្ឋរស់នៅខេត្តកំពង់ចាម និងមកពីបណ្តាស្រុកជាច្រើននៅក្នុងឱកាសពិធីបុណ្យចូលឆ្នាំប្រពៃណីជាតិខ្មែរដែលមានរយៈពេលបីថ្ងៃចាប់ពីថ្ងៃទី ១៤ ដល់ ១៦ ខែមេសា ឆ្នាំ២០១៩។ប្រជាពលរដ្ឋយ៉ាងច្រើនកុះករបាននាំគ្នាមកចូលរួមកម្មវិធីពិសេសរបស់ស្រាបៀរអាន់ឆ័រ ជាលក្ខណៈគ្រួសារ និងមិត្តភ័ក្តិនៅផ្តុំគ្នារង់ចាំទស្សនាកម្មវិធីនេះ ដោយអ្នកខ្លះទទួលទានស្រាបៀរអាន់ឆ័រ ដែលបានទិញពីស្តង់ស្រាបៀរអាន់ឆ័រដែលលក់ក្នុងតម្លៃ ប្រូម៉ូសិនពិសេស រីឯអ្នកខ្លះទៀតជជែកគ្នាលេងយ៉ាងសប្បាយរីករាយ។គូរំលឹកថា កម្មវិធីពិសេសនេះបានចាប់ផ្តើមចាប់ពីម៉ោង ៨ យប់តទៅដោយមានការផ្សាយបន្តផ្ទាល់ទំព័រហ្វេសប៊ុក របស់ស្រាបៀរអាន់ឆ័រ។ ការប្រគំតន្ត្រីនេះមានការចូលរួមសម្តែងដោយតារាចម្រៀងល្បីៗក្នុងព្រះរាជាណាចក្រកម្ពុជា ព្រមទាំងតារាចំរៀងកំពុងនិយមជាច្រើនរូបទៀត ដែលបានច្រៀងបទមនោសញ្ចេតនាផង និងបទញ៉ាក់ជាច្រើនបទ ដែលបានធ្វើឲ្យអ្នកចូលរួម មានអារម្មណ៍សប្បាយរីករាយក្រៃលែង ជាពិសេសរាំកម្សាន្ត ច្រៀងតាម និងស្រែកហ៊ោគ្រប់គ្នា ពេញមុខឆាកតន្រ្តី យ៉ាងកក្រើកខេត្តកំពង់ចាម នាត្រីកាលនោះ៕    

ខ្សែប្រយុទ្ធប៉ូឡូញកីឡាករ Robert Lewandowski និងខ្សែស្លាបបារាំងកីឡាករ Kingsley Coman បានទាស់ទែងសម្ដីគ្នា រហូតដល់ប្រើដៃជើងទៀតផង នៅកំឡុងពេលហ្វឹកហាត់កន្លងទៅ ។បើតាមពាក្យល្ហិចល្ហៀងមួយចំនួន បានឲ្យដឹងថា ជម្លោះនេះត្រូវបានកើតឡើងដោយ Lewandowski រិះគន់ Coman ថា មិនយកចិត្តទុកដាក់ក្នុងការហ្វឹកហាត់ ។ ជម្លោះក៏កាន់តែខ្លាំងឡើងៗ រហូតដល់ខ្សែការពារ Jerome Boateng និង Niklas Sule ចូលបំបែកអ្នកទាំងពីរ ។ទាក់ទងនឹងរឿងនេះដែរ គ្រូបង្វឹកក្លឹប Bayern Munich លោក Niko Kovac បានបញ្ជាក់ថា មានជម្លោះក្នុងកន្លែងហ្វឹកហាត់មែន ប៉ុន្តែរឿងនេះត្រូវបានសម្របសម្រួលរួចស្រេចអស់ហើយ ដោយកីឡាករទាំងពីរសុំទោសគ្នាទៅវិញទៅមក ។ លោកក៏បានបន្ថែមថា ក្លឹបនឹងមិនដាក់ពិន័យលើការឈ្លោះគ្នានេះទេ ព្រោះកីឡាករទាំងពីរយោគយល់គ្នា៕    

ខ្សែបម្រើក្លឹប Real Madrid កីឡាករ Toni Kroos ច្រានចោលនូវពាក្យចចាមអារ៉ាមដែលថាចាកចេញពីក្លឹបអេស្ប៉ាញមួយនេះ ។កាសែតអេស្ប៉ាញ AS បានបង្ហោះ ក្នុងបណ្ដាញសង្គម Twitter ថា៖ ” ខ្សែបម្រើអាល្លឺម៉ង់កីឡាករ Toni Kroos មានបំណងផ្លាស់ប្ដូរបរិយាកាស បន្ទាប់ពីកីឡាកររួមរស់ជាមួយ Real Madrid តាំងពីឆ្នាំ២០១៤ ”  ។ ប៉ុន្មានម៉ោងក្រោយមក ស្រាប់តែ Kroos តបដោយ Retweet ការបង្ហោះរបស់កាសែតនេះ ជាការប្រឌិតទាំងស្រុង ” ។សូមបញ្ជាក់ផងដែរថា តាំងពីផ្ទេរមកក្លឹប Real Madrid បន្ទាប់ពីឈ្នះ World Cup នៅប្រទេសប្រេស៊ីលមក Toni Kroos ជោគជ័យគួរសមដែរ ដោយបានបង្ហាញខ្លួន ក្នុងជម្រើស ១១នាក់ដំបូង និងឈ្នះពានជាច្រើនជាមួយ Real Madrid ដែលជាពិសេសឈ្នះពាន UEFA Champions League ៣ឆ្នាំជាប់គ្នា  ៕…

  កីឡាករ Joao Felix របស់ក្រុម Benfica ទាត់បញ្ចូលទី៣គ្រាប់ម្នាក់ឯង ក្លាយជាកីឡាករវ័យក្មេងជាងគេបំផុតអាចរកគ្រាប់បាល់ Hat-Trick (៣គ្រាប់ក្នុងមួយប្រកួត) ក្នុងប្រវត្តិសាស្ត្រ នៃព្រឹត្តិការណ៍ UEFA Europa League កាលពីព្រឹកមិញ ។ ៣គ្រាប់របស់ Joao Felix រកបាននៅនាទី២០ ដោយបាលពិន័យ១១ ម៉ែត្រ គ្រាប់ទី២ រកបាននៅនាទី៤៣ និងគ្រាប់ទី៣ រកបាននៅដើមវគ្គទី២ នាទី៥៤ លទ្ធផលនេះបានធ្វើអោយម្ចាស់ផ្ទះ Benfica ៤:២  Eintracht Frankfurt មកពីអាល្លឺម៉ង់ នៅពានរង្វាន់ UEFA Europa Leauge ។ ចំណែក Arsenal មានសង្ឃឹមឡើងវគ្គ៤ក្រុមខ្ពស់ក្រោយឈ្នះ Napoli ២:០ ក្នុងការប្រកួត Europa League វគ្គ៨ក្រុមចុងក្រោយ ជើងទីមួយនៅកីឡដ្ឋាន Emirates ។ លទ្ធផលនេះ បានធ្វើឲ្យក្រុមកាំភ្លើងធំ សង្ឃឹមខ្ពស់សម្រាប់លទ្ធភាព ឡើងវគ្គពាក់កណ្ដាលផ្ដាច់ព្រ័ត្រ…

ក្រុមវ័យចាស់ស្រឡាញ់សុខភាព សាមគ្គីភាពបានឈ្នះជើងឯក ពានរង្វាន់មិត្តភាព សង្រ្កាន្ត ឆ្នាំកុរ ព.ស ២៥៦៣ បន្ទាប់ពីបានយកឈ្នះលើក្រុមវ័យ ចាស់ព្រះខ័នរាជស្វាយរៀង ដោយលទ្ធផល ៥ទល់១ នៅវគ្តផ្តាច់ព្រ័ត្រ ។ក្រុមបាល់ទាត់វ័យចាស់ស្រឡាញ់សុខភាព សាមគ្គីភាព បានក្លាយជាម្ចាស់ជើងឯកពានរង្វាន់មិត្តភាពវ័យចាស់សង្ក្រាន្ត ឆ្នាំកុរ ព.ស ២៥៦៣ ក្រោយយកឈ្នះលើក្រុមបាល់ទាត់វ័យព្រះខ័នរាជស្វាយរៀង ដោយលទ្ធផល ៥:១ នៅវគ្តផ្តាច់ព្រ័ត្រកាលពីល្ងាចម្សិលមិញ នៅកីឡាដ្ឋានមជ្ឈមណ្ឌល កងយោធពលខេមរៈភូមិន្ទស្តាតចាស់ ។ ខណៈក្រុមចំណាត់ថ្នាក់លេខ៣ ដណ្តើមបានដោយ ក្រុមវ័យចាស់សហភាពសហព័ន្ធយុវជនកម្ពុជាខេត្តព្រៃវែង ក្រោយយលឈ្នះ ទៅលើក្រុមវ័យចាស់ ក្រសួងការពារជាតិ ។ ថ្លែងក្រោយបញ្ចប់ការប្រកួត ឯកឧត្តម ជុំ កុសល រដ្ឋលេខាធិការក្រសួងព័ត៌មាន និងជាទីប្រឹក្សា សម្តេច អគ្គមហាសេនាបតីតេជោ ហ៊ុន សែន មានប្រសាសន៍ថា ព្រឹត្តិការណ៍ប្រកួតនេះ គឺជាលើកទី២ ហើយក្រោមគំនិតផ្តួចផ្តើមរបស់លោក ខូវ ឆាយ និងលោក អ៊ូ រតនា ដើម្បីបំផុសប្រម៉ែប្រមូល កីឡាករវ័យចាស់ចូលរួមប្រកួតក្នុងគោលបំណងចម្បងចំនួន២…

រដ្ឋលេខាធិការក្រសួងអប់រំ ឯកឧត្តម ស សុខា បានជម្រុញឲ្យសហព័ន្ធកីឡាជាតិនានា ផ្តល់ឪកាសឲ្យកីឡាករ កីឡាការិនីវ័យក្មេង ចូលរួមប្រជែងលើឆាកអន្តរជាតិ ដើម្បីបង្កើននូវធនធានកីឡាករឲ្យបានច្រើនផង នឹងជួយដុសខាត់សមត្ថភាពកាន់តែខ្លាំង ពោពេញដោយសក្តានុពល និងមានបទពិសោធន៍ ត្រៀមដណ្តើមមេដាយជូនជាតិ ការលើកឡើងនេះគ្រាដែល ឯកឧត្តម អញ្ជើញតំណាង ឯកឧត្តមបណ្ឌិតសភាចារ្យ ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា  ប្រគល់ប្រាក់រង្វាន់រាជរដ្ឋាភិបាលជូនដល់កីឡាករ កីឡាការិនីគ្រូបង្វឹក ជ័យលាភី ពីការប្រកួតកីឡាសាកលវិទ្យាល័យអាស៊ានលើកទី១៩ នៅប្រទេសមីយ៉ាន់ម៉ា និងការប្រកួតជ្រើសរើសជើងឯកកីឡាវ៉ូវីណាម ជើងឯកអាស៊ី លើកទី៤ នៅប្រទេសឥណ្ឌូនេស៊ីកន្លងទៅ នៅក្នុងពហុកីឡដ្ឋានជាតិ ។ លោក ដួង មាសចំរើន ប្រធាននាយកដ្ឋានអប់រំកាយ និងកីឡាសិស្សនិសិត្ស បានឲ្យដឹងថា ការប្រកួតកីឡាសាកលវិទ្យាល័យអាស៊ាន លើកទី១៩ នៅប្រទេសមីយ៉ាន់ម៉ា អត្តពលិកកម្ពុជាដណ្តើមបានមេដាយសរុប ២៧គ្រឿង មាស៥ ប្រាក់១០ និងសំរិទ្ធ១២ ចំណែកឯការប្រកួតកីឡាវ៉ូវីណាមជើងឯកអាស៊ី នៅប្រទេសឥណ្ឌូនេស៊ី កម្ពុជាដណ្តើមបានមេដាយសរុប ៧១គ្រឿង ។ …

ការប្រកួតបាល់ទាត់ពានរង្វាន់សម្ដេចអគ្គមហាសេនាបតីតេជោ ហ៊ុន សែន ថ្នាក់ខេត្ត រដូវកាល ២០១៩ បានឈានដល់វគ្គ១៦ក្រុមចុងក្រោយហើយ ដោយនៅព្រឹកថ្ងៃព្រហស្បតិ៍ត ទី១១ ខែមេសានេះ គណៈកម្មការប្រកួតបាល់ទាត់ជាតិកម្ពុជា ហៅកាត់ CNCC បានរៀបចំចាប់ឆ្នោតគូប្រកួត ដោយនឹង ត្រូផ្ដើមប្រកួត ជម្រុះបន្ត ពីថ្ងៃទី២៣ ដល់ថ្ងៃទី២៥ ខែមេសា ដែលមានតែមួយជើងប៉ុណ្ណោះ។ ការចាប់ឆ្នោតជ្រើសរើសគូប្រកួតវគ្គ១៦ក្រុមចុងក្រោយថ្នាក់ខេត្តនេះ ត្រូវបានធ្វើឡើងដោយតំណាងក្រុមនានាជាសាក្សី និងចូលរួមដោយលោក លោក ឆាំង ពិសិដ្ឋ លេខាធិការប្រតិបត្តិ គណៈកម្មការប្រកួតបាល់ ទាត់ជាតិកម្ពុជា CNCC នៃសហព័ន្ធកីឡាបាល់ទាត់កម្ពុជា។ លោកបញ្ជាក់ថា ក្រុម ខេត្តសៀមរាបនឹងជួបជាមួយ ខេត្តព្រះវិហារ នៅខេត្តបន្ទាយមានជ័យ ថ្ងៃសុក្រ ទី១២ ខែមេសា បង្គ្រប់ពូល” ង” ។ ការបង្គ្រប់កិច្ចយឺតបន្តិចនេះ ព្រោះសៀមរាបដែលរងពិន័យមិន ឲ្យរៀបចំការប្រកួត ក្នុងផ្ទះខ្លួនឯងពាក់ព័ន្ធនឹងប្រទូស្ដរាយ ជាមួយក្រុមខេត្ត ឧត្តរមានជ័យកាលពីរសប្ដាហ៍មុន ទើបសម្រេចយកកីឡដ្ឋានខេត្តបន្ទាយមានជ័យ សម្រាប់ធ្វើជាទឹក ដីកណ្ដាល។ …

ក្លិបហែលទឹកក្រសួងសាធារណការ និងដឹកជញ្ជូន ទទួលបានចំណាត់ថ្នាក់លេខ១ ដោយឈ្នះ មេដាយមាស៤ លេខ២ ក្លិបក្រសួងមហាផ្ទៃ មេដាយមាស៣ និងលេខ៣ ក្តោបក្តាប់ដោយ ក្លិបក្រសួងពត៌មាន និងក្រសួងសេដ្ឋកិច្ច និងហិរញ្ញវត្ថុ ដែលឈ្នះមេដាយមាស២វិញ្ញាសាដូចគ្នា ក្នុងចំណោម វិញ្ញាសាចំនួន១៥ នៃការប្រកួតកីឡាហែលទឹកពានរង្វាន់សម្តេចក្រឡាហោម ស ខេង លើកទី៦ ប្រចាំឆ្នាំ២០១៩ នៅអាងហែលទឹក នៃពហុកីឡដ្ឋានជាតិមរតកតេជោ បានបញ្ចប់ដោយជោគជ័យ នៅព្រឹកថ្ងៃទី១១ មេសានេះ។ លោក ហែម គីរី អគ្គលេខាធិការសហព័ន្ធខ្មែរកីឡាហែលទឹក បានឲ្យដឹងថា ការប្រកួតនេះទទួលបានការឧបត្ថម្ភគាំទ្រពីសម្តេច ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ តាមរយៈឯកឧត្តមឧត្តមសេនីយ៍ឯក ជា ប៊ុនហេង ប្រធានអង្គភាពកីឡាក្រសួងមហាផ្ទៃ និងជាអនុប្រធានសហព័ន្ធខ្មែរកីឡាហែលទឹក ដើម្បីជួយជ្រោមជ្រែងដល់ការបង្កើនបច្ចេកទេសយុវជនហែលទឹកទទួលបានឱកាសប្រកួតកាន់តែច្រើន ដើម្បីត្រៀមទទួលធ្វើម្ចាស់ផ្ទះយុវជនជើងឯកអាស៊ីអាគ្នេយ៍ នាចុងខែមិថុនា ឆ្នាំ២០១៩ខាងមុខឆាប់ៗនេះ ដែលព្រឹត្តិការណ៍នេះគឺជាការប្រកួតលក្ខណៈ អន្តរជាតិដ៏ធំកម្រិតតំបន់ ដែលកម្ពុជាកំពុងយកចិត្តទុកដាក់យ៉ាងខ្លាំងជាពិសេសគឺដាក់គោលដៅធ្វើយ៉ាងណា ខិតខំឲ្យអត្តពលិក ដណ្តើមឲ្យបានមេដាយសំរឹទ្ធចំនួន២ ខណៈក្រុមយុវជនហែលទឹកក្នុងតំបន់សុទ្ធសឹងតែជា កីឡាករ…

Rio Ferdinand បានបញ្ចេញឈ្មោះ៤ក្រុម ដែលអាចឈានដល់វគ្គពាក់កណ្ដាលផ្ដាច់ព្រ័ត្រ Champions League បន្ទាប់ពីការប្រកួតជើងទីមួយបានបញ្ចប់។ អតីតវីរបុរសរបស់ Manchester United បានទាយថា ក្រុមអង់គ្លេស៣នឹងបានឡើងទៅវគ្គបន្ត គឺ Liverpool , Spurs , Manchester Utd  និង Juventus ក្រោយស្មើគ្នា ១-១ AJax ។ Ferdinand បញ្ជាក់ថា Man Utd ត្បិតចាញ់ក្នុងដីខ្លួនឯង Old Trafford ១-០ តែរំពឹងថាអាចវាយបកបានល្អដូចកាលប៉ះ Paris Saint-Germain វគ្គ១៦ក្រុមចុងក្រោយ។ និយាយឲ្យចំអតីតខ្សែការពាររូបនេះជ្រើសរើស Man Utd៕ធ.ដ

កីឡាករ Diego Costa នឹងត្រូវជាប់ពិន័យ៨ប្រកួត ដោយសារតែរឿងជេរអាជ្ញាកណ្ដាលក្នុងជំនួបជាមួយ Barcelona នៅ La Liga ។ Costa បានកាតក្រហមនៅនាទី២៨ ក្រោយពីប្រើពាក្យមិនសមរម្យ អាជ្ញាកណ្ដាល Gil Manzano។ ចំពោះពាក្យសម្ដីទាំងនោះ ខ្សែប្រយុទ្ធរូបនេះ ត្រូវទទួលបានកាតក្រហម បណ្ដេញចេញពីទីលានភ្លាមៗតែម្ដង ហើយការប្រកួតនោះក៏ក្រុម FC Barcelona ២-០ Atletico។ ក្រោយពីធ្វើការពិនិត្យមកនេះ សហព័ន្ធបាល់ទាត់អេស្ប៉ាញ មិនទាន់ប្រកាសជាផ្លូវការទេ ប៉ុន្តែប្រភពស្និទ្ធនឹងសហព័ន្ធនេះបានបង្ហើបថា Costa អាចជាប់ពិន័យដល់៨ប្រកួត ចំពោះកាយវិការមិនសមរម្យ និង៤ប្រកួតទៀតចំពោះការប្រមាថមើលងាយដល់អាជ្ញាកណ្ដាល។ ស្របពេលពានរង្វាន់ La Liga សល់ត្រឹម៧ប្រកួតទៀតចប់ នោះបើពិន័យប៉ុណ្ណឹងមែន Costa នឹងត្រូវអវត្តមានរហូតចប់រដូវកាលហើយ ៕ធ.ដ