អគ្គលេខាធិការសហព័ន្ធកីឡាកាយសម្ព័ន្ធកម្ពុជា លោក ណយ ផាន់ណា សង្ឃឹមថា ការបញ្ជូនកីឡាករ វៃ ភ័ក្ត្រា ទៅហ្វឹកហាត់ពង្រឹងសមត្ថភាព នៅប្រទេសចិនរយៈពេល៩ខែ នឹងទទួលបានលទ្ធផលល្អ ដើម្បីត្រៀមប្រជែង ស៊ីហ្គេម នៅហ្វីលីពីនឆ្នាំនេះ។ លោកបានថ្លែងនៅអាកាសយានដ្ឋានអន្តរជាតិភំ្នពេញកាលពីម្សិលមិញថា ការដែលជ្រើសយកប្រទេសចិនជាគោលដៅ ក្នុងការបញ្ជូនកីឡាករទៅហ្វឹកហាត់ ដោយសារចិនជាប្រទេសសក្តានុពលផ្នែកកីឡាកាយសម្ព័ន្ធ។ លោកបន្តថា កម្ពុជា-ចិន មានទំនាក់ទំនងយ៉ាស្អិតរមួត កត្តានេះបានធ្វើឲ្យលោករំពឹងថា កីឡាករ វៃ ភ័ក្ត្រា នឹងអាចសាងកំណត់ត្រាថ្មី សម្រាប់កម្ពុជា ក្នុងព្រឹត្តិការណ៍កីឡា ស៊ីហ្គេម នៅចុងឆ្នាំនេះ។ ចំណែកឯ កីឡាករ វៃ ភក្ត្រា បញ្ជាក់ថា ការហ្វឹកហាត់នៅក្រៅប្រទេស នឹងទទួលបានបទពិសោធន៍ និងបច្ចេកទេសថ្មីៗបន្ថែម។ កីឡាកររូបនេះ ប្តេជ្ញាថា នឹងខិតខំប្រឹងប្រែងឲ្យអស់ពីសមត្ថភាព ដើម្បីត្រៀមប្រជែង ស៊ីហ្គេម នៅប្រទេសហ្វីលីពីន។ សូមបញ្ជាក់ថា សម្រាប់ការចេញទៅហ្វឹកហាត់រយៈពេលវែង នៅប្រទេសចិនលើកនេះ កម្ពុជាបញ្ជូនប្រតិភូម្នាក់ កីឡាករម្នាក់ និងលោក វ៉ាង ម៉េង ជាអ្នកសម្របសម្រួល ហើយទទួលបានការឧបត្ថម្ភទាំងស្រុងពីឯកឧត្តម ថោង ខុន និងលោក…

Arsenal បានឡើងកាន់កាប់លេខ៣ ក្នុងតារាង Premier League ក្រោយយកឈ្នះ Newcastle United ដោយលទ្ធផល ២:០ ក្នុងប្រកួតសប្ដាហ៍ ទី៣២ ។ ៣ពិន្ទុរបស់ក្រុមកាំភ្លើងធំ ធ្វើសម្រេចដោយ Ramsey នៅនាទី៣០ និង Lacazette នៅនាទី៨៣។ ជ័យជម្នះនេះធ្វើឲ្យ Tottenham Hotspur ធ្លាក់ទៅលេខ៤ ខណៈ Manchester United ត្រូវខ្ទាតទៅលេខ៥វិញ។ ក្រុម Arsenal នៅសល់១ប្រកួតទៀត នៅក្នុងដៃ ពោលសម្រាប់ពួកគេ និងក្លិបមួយចំនួនទៀតទើបលេងបាន៣១ប្រកួតប៉ុណ្ណោះ ដោយសារជាប់ប្រកួតពាន FA Cup កាលពីសប្ដាហ៍មុនៗ។ ចុងសប្ដាហ៍នេះ នៅលីគក្រុមលោក Emery ត្រូវធ្វើដំណើរទៅទឹកដី Everton មុនបើកទ្វារផ្ទះស្វាគមន៍ Napoli នៅ Europa League សម្រាប់សប្ដាហ៍ក្រោយ៕ធ.ដ

Jose Mourinho បានបង្ហើបថា ចង់ត្រលប់មកដឹកនាំការប្រកួតវិញ ពេលចាប់ផ្ដើមរដូវកាលក្រោយ ហើយក៏មិនឈឺចាប់ដែរ ក្នុងពេលវេលាដែលមិនបានដឹកនាំ។ ខ្ញុំមានពេលដើម្បី គិត អំពីរឿងផ្សេងទៀត ត្រៀមមកដឹកនាំវិញ នៅរដូវកាលក្រោយ”។ បុរសវ័យ៥៦ឆ្នាំ បានបន្ថែមថា ការសម្រេចចិត្តមិនដឹកនាំរហូតចូលដល់រដូវកាលថ្មី ដោយចង់ត្រលប់ទៅដឹកនាំក្លិបមួយ ដែលមានការប្រកួតប្រជែងច្រើន និងមានលើកទឹកចិត្តលើរូបគាត់។ លោកក៏បានបញ្ជាក់ផងដែរថា ថ្ងៃណាមួយនឹងទៅដឹកនាំជម្រើសជាតិព័រទុយហ្គាល់ ប៉ុន្តែមិនមែនពេលនេះទេ។ សូមរំលឹកថា កាលពីខែធ្នូ កន្លងទៅ អ្នកចាត់ការសញ្ជាតិព័រទុយហ្គាល់ Jose Mourinho ត្រូវបាន Manchester United បណ្ដេញចេញ បន្ទាប់មកលោកក៏បានចំណាយ ពេលធ្វើជាអ្នកវិភាគបាល់ទាត់ ដើម្បីបំពេញចន្លោះដែរទំនេរ៕ធ.ដ

ស្របពេលដែលសល់៦ប្រកួតទៀតបញ្ចប់លីគ Mane បានរំឭកដល់ក្រុមខ្លួនថា លេងឲ្យបានល្អប្រសិនចង់ឈ្នះពាន។ “ជាការពិត ខ្ញុំគិតថាពួកយើងត្រូវការឈ្នះគ្រប់ការប្រកួត ទោះបីជាមិនងាយស្រួលក៏ដោយ។ ប៉ុន្តែពួកយើងនៅតែអាចឈ្នះគ្រប់ការប្រកួត ព្រោះពួកយើងជាក្រុមល្អមួយ និងលេងបានល្អណាស់ហើយយើងអាចឈ្នះពាន Premier League នៅរដូវកាលនេះ”។ ហង្សក្រហម Liverpool បានបន្តក្ដីសង្ឃឹមក្នុងការប្រជែងពាន ក្រោយយកឈ្នះ Spurs ២:១ កាលពីចុងសប្តាណ៍នៅកីឡដ្ឋាន Anfield។ គ្រាប់បាល់ធ្វើ ឲ្យចូលទីចុង ម៉ោង របស់ Toby Alderweireld បានរុញក្រុមលោក Jurgen Klop ឡើងលើ កំពូលតារាង គម្លាត២ពិន្ទុពី Manchester City ដែលសល់មួយប្រកួតក្នុងដៃ។ Man City អាចនឹងឡើងទៅកំពូលតារាងវិញ ប្រសិនពួកគេអាចយកឈ្នះ Cardiff City នៅថ្ងៃពុធស្អែកនេះ។ តែពួកគេនៅសល់ការប្រកួតត្រូវប៉ះក្រុមខ្លាំងជាច្រើនទៀតដូចជា Spurs និង Man Utd ជាដើម និងត្រូវត្រៀមខ្លួនលេង UCL…

ក្រុមណាហ្គាវើល នឹងត្រូវបន្តនៅប្រកួតទី៣របស់ខ្លួន ដែលជាធ្វើម្ចាស់ផ្ទះជួប ប្រកួតជាមួយ ក្រុមសិង្ហបុរី Tampines Rovers នៅយប់ថ្ងៃអង្គារ៍ទី២ ខែមេសានេះ នៅពហុកីឡដ្ឋានជាតិ វគ្គ សន្សំពិន្ទុ ក្នុងពូល F នៃព្រឹត្តិការណ៍ពានរង្វាន់ ក្លឹបលំដាប់ទី២ ប្រចាំទ្វីបអាស៊ី AFC Cup 2019 ដោយគ្រូបង្គោល ណាហ្គាវើលរំពឹងថា កូនក្រុមរបស់ខ្លួននឹងខិតខំអស់ពីលទ្ធភាព ដើម្បីប្រជែងបាន នូវលទ្ធផលល្អមួយ ពីក្រុមមកពីសិង្ហបុរី បន្ទាប់ពីចាញ់ក្រុមម្ចាស់ផ្ទះវៀណាម Hanoi FC ១០:០ និងយកឈ្នះក្រុមមីយ៉ាន់ម៉ា Yangon United FC ២:១។ គ្រូបង្គោលក្រុមណាហ្គាវើល លោក មាស ចាន់ណា ដែលជាក្រុមជើងឯកលីគកំពូលកម្ពុជា រដូវកាល ២០១៨ គូសបញ្ជាក់នៅក្នុងសន្និសីទសារពត៌មាន កាលពីម្សលមិញថា វាមិនមែនការប្រកួត ដ៏ងាយស្រួលនោះឡើយ សម្រាប់ក្រុមរបស់លោក ប៉ុន្តែទោះយ៉ាងនេះក្តី ក៏លោកអះអាងថា កូនក្រុមរបស់លោកនឹងខិតខំអស់ពីសមត្ថភាព ក្នុងឋានៈជាក្រុមម្ចាស់ផ្ទះទទួលស្វាគមន៍ក្រុមភ្ញៀវ Tampine Rovers…

ក្រុមបាល់បោះខេត្តកំពត ២៩:១៧ ក្រុមខេត្តបាត់ដំបង ខណៈក្រុមខេត្តប៉ៃលិន ៣:២០ ក្រុម ខេត្តក្រចេះ នៅក្នុងការប្រកួតសន្សំពិន្ទុ កាលពីល្ងាចថ្ងៃចន្ទម្សិលមិញ នៅពហុកីឡដ្ឋានជាតិ នៃព្រឹត្តិការណ៍កីឡាសិស្សបឋមសិក្សាជ្រើសរើសជើងឯកថ្នាក់ជាតិ ប្រចាំឆ្នាំ២០១៩ ក្រោមការរៀបចំ របស់ក្រសួងអប់រំ យុវជន និងកីឡា សហការបច្ចេកទេសជាមួយសហព័ន្ធជំនាញ។ លោក កៅ កាន់ណាលី អគ្គលេខាធិការសហព័ន្ធកីឡាបាល់បោះកម្ពុជា ទទួលបន្ទុកប្រធានអនុគណៈកម្មការបច្ចេកទេសកីឡាបាល់បោះ បានបញ្ជាក់ថា ២ប្រកួតម្សិលមិញនេះ គឺជាប្រកួតចុងក្រោយ នៃវគ្គសន្សំពិន្ទុ តាមពូល ដោយក្រុមខេត្តកំពតបានទម្លាក់ខេត្តបាត់ដំបង ខណៈខេត្តក្រចេះទម្លាក់ក្រុមប៉ៃលិន ហើយខេត្តកំពត និងក្រចេះ បានឡើងទៅវគ្គ៨ក្រុមចុងក្រោយ ជាមួយក្រុមស្វាយរៀង កណ្តាល តាកែវ ពោធិ៍សាត់ កំពង់ចាម និងខេត្តកំពង់ឆ្នាំង នាថ្ងៃទី២ ខែមេសានេះ ដើម្បីស្វែងរក ក្រុមខ្លាំងៗឡើងទៅវគ្គ ១/២ ឬ វគ្គ៤ ក្រុមចុងក្រោយ និងបញ្ចប់នៅវគ្គផ្តាច់ព្រ័ត្រ នាថ្ងៃទី៣ ខែមេសា ស្អែកនេះ។ ព្រឹត្តិការណ៍កីឡាការប្រកួតកីឡាសិស្សបឋមសិក្សា…

អ្នកចាត់ការរបស់ Real Madrid លោក Zinedine Zidane និយាយថា លោកចូលចិត្ត Paul Pogba ខ្លាំង ដោយខ្សែបម្រើរូបនេះ ដឹងពីរបៀបលេងគ្រប់យ៉ាងលើទីលាន។ កីឡាករ Pogba វ័យ២៦ឆ្នាំ កំពុងមានការទាក់ទងជាមួយ Real Madrid ហើយកន្លងទៅអំឡុងពេលជួយជម្រើសជាតិបារាំងរូបគេធ្លាប់និយាយថា Real គឺជាក្លិបក្នុងក្ដីស្រមៃរបស់កីឡាករគ្រប់គ្នា។ គួររំលឹកថា Pogba បានត្រលប់មកចូលរួមជាមួយ United ពីក្លិប Juventus ក្នុងតម្លៃកំណត់ត្រាពេលនោះ៨៩លានផោន កាលពីឆ្នាំ២០១៦។ ប៉ុន្តែអនាគតរបស់គេនៅ Old Trafford ស្ថិតក្នុងមន្ទិលសង្ស័យ ក្រោមការដឹកនាំរបស់ អតីតអ្នកចាត់ការ Jose Mourinho។ ប៉ុន្តែក្រោយពីលោក Ole Gunnar Solskjaer ចូលមកជំនួស លោក Mourinho ខ្សែបម្រើ Pogba បានបង្ហាញទម្រង់លេងយ៉ាងល្អឡើងវិញ។ ក្រៅពី Paul Pogba អ្នកចាត់ការសញ្ជាតិបារាំង ចង់បានកីឡាករសំខាន់ៗជាច្រើនទៀតដូចជា Kylian…

ក្លិប Liverpool បានឡើងឈរកំពូលតារាង Premier League វិញក្រោយយកឈ្នះ Tottenham Hotspur  ២:១។ ការប្រកួតសប្ដាហ៍ទី៣២ នៅ Anfield កាលពីយប់មិញម្ចាស់ផ្ទះ បានធ្វើការនាំមុខ១គ្រាប់មុន តាំងពីនាទី១៦តែតបញ្ចូលទីដោយ Roberto Firmino។ ប៉ុន្តែតង់ទី២ Spurs តាមស្មើបានវិញនៅនាទី ៧០ ស៊ុតបញ្ចូលទីដោយ Lucas Moura។ ប៉ុន្តែនៅចុងម៉ោងទៅហើយ កីឡាករ Alderweireld របស់ Spurs ចូលទីខ្លួនឯងពីការតែតបាល់ទម្លាក់មុខទីឲ្យមិត្តរួមក្រុម នៅនាទី៩០ លទ្ធផលនេះបានធ្វើ ក្លិបហង្សក្រហមឡើងឈរកំពូលតារាងវិញ ខណៈក្លិប Man City ឈរលេខ២ មាន៧៧ ពិន្ទុ តែសល់១ប្រកួតក្នុងដៃ រីឯ Tottenham Hotspur ឈរលេខ៣៕ធ.ដ

ក្លិបស្តេចសរ Real Madrid រកបាន៣ពិន្ទុទាំងពិបាក ពីក្រុមបាតតារាង Huesca ៣-២ នៅ La Liga សប្ដាហ៍ទី២៩ កាលពីយប់មិញ ។ Karim Benzema រកបានគ្រាប់បាល់ចុងម៉ោង តាមយកឈ្នះក្រុមបាតតារាង ក្រោមការដឹកនាំរបស់លោក   Zidane ថែមទាំងបានដាក់កូនប្រុសខ្លួន Luca ចាប់ផ្ដើមជម្រើស១១នាក់ដំបូងផងដែរ។ ចំពោះលទ្ធផលវិញ ចាប់ផ្ដើមបាន៣នាទី កីឡាករវ័យ២០ឆ្នាំ Camilo Hernandez របស់ក្លិប Huesca រកបានគ្រាប់នាំមុខ។ តែនៅនាទីបន្តបន្ទាប់ Isco និង Dani Ceballos អាចរកបានម្នាក់មួយគ្រាប់ជួយឲ្យ Real នាំមុខវិញ មុនពេល Xabier Etxeita ថែមមួយគ្រាប់ជួយ Huesca តាមស្មើ ២-២ ។ ប៉ុន្តែចុងម៉ោង នាទី៨៩ Benzema សម្រេចបានមួយគ្រាប់ ធ្វើឲ្យ Madrid ទទួលបានពិន្ទុ។ …

ក្រុមម្ចាស់ផ្ទះអគ្គិសនីកម្ពុជា រកបាន៣ពិន្ទុ ពីក្រុមខ្លាំងបឹងកេត ដោយលទ្ធផល១:០ នៅក្នុងការប្រកួតសន្សំពិន្ទុសប្តាហ៍ទី២ កាលពីល្ងាចថ្ងៃអាទិត្យម្សិលមិញ នៅកីឡដ្ឋានអគ្គិសនីកម្ពុជា សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ នៃក្របខ័ណ្ឌលីគកំពូលកម្ពុជារដូវកាល២០១៩។ ១គ្រាប់ជ័យជម្នះរបស់អគ្គិសនីកម្ពុជា ធ្វើសម្រេចដោយកីឡាករ សៀន សុភក្ត្រា នៅនាទី៨៩ ដែលធ្វើឲ្យក្រុមម្ចាស់ផ្ទះមួយនេះ ស្វែងរកបាន៣ពិន្ទុដំបូងរបស់ខ្លួន ពីក្រុមខ្លាំង បឹងកេត បាត់បង់សមាជិកម្នាក់នៅនាទី៧៥ គឺកីឡាករ ប៊ិន ឧត្តម ក្រោយទទួលពិន័យកាតក្រហមពីអាជ្ញាកណ្តាល។ ថ្លែប្រាប់ក្នុងពេលហ្វឹកហាត់៣ថ្ងៃមុនពេលប្រកួតនេះ លោក ប្រាក់ វុទ្ធី គ្រូបង្គោលក្លិបបាល់ទាត់អគ្គិសនីកម្ពុជា បានបញ្ជាក់ថា ប្រសិនបើបានស្មើជាមួយបឹងកេត គឺជាការល្អហើយ ពីព្រោះ ដោយសារក្រុមនេះ មានកីឡាករខ្លាំងៗ ជាពិសេសកីឡាករបរទេសតែម្តង ដែលធ្វើឲ្យក្រុមរបស់លោកពិបាកក្នុងការ ស្វែងរកជ័យជម្នះ។ ប៉ុន្តែនៅក្នុងជំនួបសប្តាហ៍ទី២នេះ កូនក្រុមរបស់លោកធ្វើបានយ៉ាងល្អ ដោយទទួលបាន៣ពិន្ទុពីក្រុមខ្លាំងនឹលស្មានមិនដល់ទៅវិញ។ ដោយឡែកលទ្ធផល៦ប្រកួតផ្សេងទៀត ពីគណៈកម្មការបាល់ទាត់ជាតិកម្ពុជា ហៅកាត់ថា CNCC របស់សហព័ន្ធកីឡាបាល់ទាត់កម្ពុជា ក្រុមម្ចាស់ផ្ទះចំណូលថ្មី ខេត្តកំពង់ចាម ០:១១ អង្គរថាយហ្គឺរ ក្រុម យុវជនបាទីU18 ០:២ ភ្នំពេញក្រោន…