ថ្នាក់ដឹកនាំសហព័ន្ធកីឡាតេក្វាន់ដូ ITF បានប្រាប់កីឡាករគ្រូបង្វឹក ដែលចូលរួមវគ្គបណ្តុះបណ្តាលចៅក្រមអាជ្ញាកណ្តាលកីឡាតេក្វាន់ដូ ITF ត្រូវយកចិត្តទុក្ខដាក់ក្រេបជញ្ជក់ក្បួនច្បាប់ ដែលទទួលបានចែករំលែកពីគ្រូបង្វឹកមកពីតំបន់អឺរ៉ុប ពីព្រោះបច្ចេកទេស និងក្បួនច្បាប់តេក្វាន់ដូ ITF តំបន់អ៊ីរ៉ុប បានកា្លយជារនាំងឧសគ្គមួយ ដែលធ្វើឱ្យអត្តពលិកតេក្វាន់ដូ ITF កម្ពុជា ខ្លាចមិនចង់ទៅចូលរួមប្រកួតប្រជែង ក្នុងព្រឹត្តិការណ៍ធំៗ ដែលរៀបចំដោយប្រទេសលោកខាងលិច ព្រោះលក្ខន្តិកៈមួយចំនួនខុសពីបច្ចេកទេស និងក្បួនច្បាប់តេក្វាន់ដូ។   ដូច្នេះសហព័ន្ធបានសម្រេចអញ្ជើញគ្រូមកពីប្រទេសប៊ុលហ្គារី ដែលអនុវត្តបច្ចេកទេស និងច្បាប់ទាំងនោះ មកចែករំលែកចំណេះដឹងដល់កីឡាករ កីឡាការិនី គ្រូបង្វឹក និងចៅក្រមអាជ្ញាកណ្តាលកីឡាតេក្វាន់ដូ ITF នៅកម្ពុជា។ នេះជាការបញ្ជាក់របស់ប្រធានសហព័ន្ធកីឡាតេក្វាន់ដូ ITF ឯកឧត្តម កែវ រ៉េមី ក្នុងកម្មវិធីបិទវគ្គបណ្តុះបណ្តាលចៅក្រមអាជ្ញាកណ្តាល កីឡាតេក្វាន់ដូ ITF កាលពីម្សិលមិញ នៅសាលប្រជុំ ក្នុងពហុកីឡដ្ឋានជាតិ។ ឯកឧត្តមប្រធានសហព័ន្ធ ក៏បានក្រើនរំលឹកឲ្យសិក្ខាកាមទាំងអស់ ត្រូវយកចិត្តទុកដាក់ក្រេប យកចំណេះដឹង បច្ចេកទេស និងបទពិសោធន៍ពីវគ្គបណ្តុះបណ្តាលនេះ ទៅអនុវត្ត និងចែករំលែកបន្តដល់កូនសិស្ស ដើម្បីពង្រឹងអភិវឌ្ឍន៍ជំនាញបន្ថែមទៀត សម្រាប់ត្រៀមចូលរួមការប្រកួតមិនថាតំបន់អាស៊ី…

តាមការប្រកាសរបស់ក្លិបកាំភ្លើងធំ Arsenal កីឡាករ Henrikh Mkhitaryan ត្រូវសម្រាក៦សប្ដាហ៍ដោយសាររបួសបាក់ឆ្អឹងប្រអប់ជើងខាងស្ដាំ។ ខ្សែបម្រើ Mkhitaryan វ័យ២៩ឆ្នាំ ត្រូវបានប្ដូរចេញនៅវគ្គទីមួយ អំឡុងពេលលេងក្នុងពាន League Cup វគ្គ៨ក្រុមចុងក្រោយចាញ់ Spurs និងអវត្តមាននៅ Premier League ពេលឈ្នះ Burnley។ សូមបញ្ចាក់ថា នៅរដូវកាលនេះ Mkhitaryan រកបាន៤គ្រាប់ ឲ្យក្រុមកាំភ្លើងធំ Arsenal។ បញ្ហារបួសរបស់ Mkhitaryan មានន័យថា ស្ថិតចូលក្នុងបញ្ជីកីឡាកររបួសរបស់ Arsenal ជាមួយ Danny Welbeck និងខ្សែការពារ Rob Holding ប៉ុន្តែអ្នកទាំងពីរ រំពឹងថានឹងអាចត្រលប់ក្លិបនៅរដូវកាលក្រោយឯណោះ៕

ក្លិបយក្សបារាំង Paris St Germain គ្រោងផ្ដល់សំណើរតម្លៃ៣០លានផោន ដើម្បីនាំខ្សែបម្រើជនជាតិបារាំង Abdoulaye Doucoure របស់ក្លិប Watford ត្រលប់ទៅ Ligue 1 វិញ។  Doucoure វ័យ២៥ឆ្នាំ ដែលធ្លាប់ជាប់ជម្រើសជាតិយុវជនបារាំង អាយុក្រោម១៧ឆ្នាំ ដល់យុវជនអាយុក្រោម២១ឆ្នាំ បានវិវឌ្ឍន៍ខ្លួនក្លាយជាខ្សែបម្រើល្អបំផុតម្នាក់ ក្នុងក្របខណ្ឌ Premier League តាមរយៈល្បឿន និងកម្លាំងរបស់គេ ក្រោយមកចូលរួម Watford ក្នុងឆ្នាំ២០១៦។ ជាមួយគ្នានេះ អតីតគ្រូបង្វឹករបស់ Doucoure គឺលោក Marco Silva ដែលកំពុងដឹកនាំ Everton ក៏នៅតែមានចំណាប់អារម្មណ៍នាំគេទៅធ្វើការជាមួយគ្នាជាថ្មីដែរ។ សូមបញ្ជាក់ថា ក្លិប Tottenham និង Arsenal ក៏ត្រូវបានរាយការណ៍ថាចាប់អារម្មណ៍ Doucoure ដែរ ទោះបី Watford ទើបចងជើងគេដោយចុះកុងត្រាថ្មី៥ឆ្នាំ កាលពី ខែសីហាថ្មីៗនេះក៏ដោយ៕

អត្តពលិកក្រសួងសេដ្ឋកិច្ច និងហិរញ្ញវត្ថុ ឈរលេខ២ ក្នុងព្រឹត្តិការណ៍ប្រកួតកីឡាអត្តពលកម្មជ្រើសរើសជើងឯកថ្នាក់ ឆ្នាំ២០១៨ ដោយដណ្តើមបានមេដាយសរុប១០គ្រឿង មេដាយមាស៣គ្រឿង ប្រាក់៥គ្រឿង និងសំរិទ្ធ២គ្រឿង ខណៈក្រុមក្រសួងការពារជាតិដណ្តើមបានមេដាយច្រើនជាងគេសរុ១៣គ្រឿង មេដាយមាស៦គ្រឿង ប្រាក់៣គ្រឿង និងមេដាយសំរិទ្ធ៤គ្រឿង។ ថ្លែងក្រោយបញ្ចប់ពិធីបំពាក់មេដាយ លោក ពៅ ហុក គ្រូបង្វឹកក្លិបកីឡាអត្តពលកម្មក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា ទោះបីវត្តមានដំបូងតែក្លិបក្រសួងសេដ្ឋកិច្ចប្រជែងបានចំណាត់ថ្នាក់លេខ២ដែរ សម្រាប់ជើងឯកថ្នាក់ឆ្នាំនេះ ហើយវាក៏ជាជោគជ័យធំមួយផងដែរ។ លោកអះអាងថា ប្រកួតជើងឯកឆ្នាំក្រោយ ក្លិប និងបង្កើនសមត្ថភាពអត្តពលិកឲ្យកាន់តែខ្លាំងខ្លា ធ្វើយ៉ាងណាប្រជែង យកចំណាត់ថ្នាក់លេខ១ឲ្យបាន។ ដោយឡែក ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា បានលើកឡើងថា ឆ្លងការប្រកួតរយៈ២ថ្ងៃនេះ យើងសង្កេតឃើញកីឡាករ កីឡាការិនី អត្តពលកម្ម ពិតជាមានទេពកោសល្យសមត្ថភាព ប៉ុន្តែបើប្រៀបធៀបទៅ និងកម្រិតបច្ចេកទេសប្រទេសក្នុងតំបន់ តាមរយៈការចូលរួមព្រឹត្តិការណ៍ ស៊ីហ្គេម ព្រឹត្តិការណ៍កីឡាសកលវិទ្យាល័យ ឬក៍ព្រឹត្តិការណ៍អេស៊ានហ្គេមកន្លងមកឃើញថា សិទ្ធផលនៅកម្រឹតទៀបនៅឡើយទេ។ ដូច្នោះទាមទារឲ្យកីឡាករខិតខំហ្វឹកហាត់ឲ្យបានខ្លាំងខ្លាបន្ថែមទៀត ដើម្បីអភិវឌ្ឍន៍សមត្ថភាពឈានទៅដណ្តើមមេដាយពីការប្រកួតលើឆាកអន្តរជាតិមកជូនកម្ពុជា។ …

ពិធីបិទវគ្គបណ្តុះបណ្តាលគ្រូបង្វឹកកីឡាឡើងភ្នំ កម្រិតមូលដ្ឋាន  ដោយមានការអញ្ជើញ ចូល រួមពីលោក ហ៊ុន សាមុត ប្រធាននាយកដ្ឋានអប់រំកាយ និងកីឡា តំណាងឯកឧត្តម អ៊ុក សិទ្ធិជាតិ អគ្គនាយក នៃអគ្គនាយកដ្ឋានកីឡា នៃក្រសួងអប់រំ បានបញ្ចប់ដោយជោគជ័យ នាថ្ងៃទី២៤ ខែធ្នូនេះ នៅខេត្តសៀមរាប ។លោក ទុយ ប៊ុនហឿន អនុប្រធានសហព័ន្ធកីឡាឡើងភ្នំកម្ពុជា បានអោយដឹងថា វគ្គបណ្តុះបណ្តាលគ្រូបង្វឹកនេះ មានរយៈពេល០៥ថ្ងៃ ប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែធ្នូ ឆ្នាំ២០១៨ ដោយមានសិក្ខាកាមចូលរួមសរុបចំនួន២៥នាក់ ក្នុងនោះស្រី០៥នាក់ មកពីបណ្តាខេត្ត ចំនួន៥រួមមាន ៖ ខេត្តសៀមរាប បាត់ដំបង កំពត បន្ទាយមានជ័យ និងខេត្តតាកែវ ។ លោក ហ៊ុន សាមុត ប្រធាននាយកដ្ឋានអប់រំកាយ និងកិឡា បានថ្លែងអំណរគុណ ចំពោះសហព័ន្ធកីឡា ដែលបានរៀបចំវគ្គបណ្តុះបណ្តាលនេះឡើង គឺដើម្បីលើកម្ពស់សមត្ថភាពគ្រូ បង្វឹកលើផ្នែកជំនាញ និងបច្ចេទេសបង្ហាត់ដល់កីឡាករ កីឡាការិនី ក្នុងការឈានទៅទទួល ជោគជ័យក្នុងការប្រកួតថ្នាក់ក្លឹប…

ពិធីបិទវគ្គបណ្តុះបណ្តាលគ្រូបង្វឹកកីឡាឡើងភ្នំកម្រិតមូលដ្ឋាន បានបញ្ចប់ដោយជោគជ័យ ដោយមានការអញ្ជើញចូលរួមពីលោក ហ៊ុន សាមុត ប្រធាននាយកដ្ឋានអប់រំកាយ និងកីឡា តំណាងឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំ នាថ្ងៃទី២៤ ខែធ្នូនេះ នៅខេត្តសៀមរាប។ លោក ទុយ ប៊ុនហឿន អនុប្រធានសហព័ន្ធកីឡាឡើងភ្នំកម្ពុជា បានឲ្យដឹងថា វគ្គបណ្តុះបណ្តាលគ្រូបង្វឹកនេះ មានរយៈពេល០៥ថ្ងៃ ប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែធ្នូ ឆ្នាំ២០១៨ ដោយមានសិក្ខាកាមចូលរួមសរុបចំនួន២៥នាក់ (ស្រី៥នាក់) មកពីបណ្តាខេត្ត ចំនួន៥រួមមាន៖ ខេត្តសៀមរាប បាត់ដំបង កំពត បន្ទាយមានជ័យ និងខេត្តតាកែវ។ ក្នុងឱកាសនោះ លោក ហ៊ុន សាមុត ប្រធាននាយកដ្ឋានអប់រំកាយ និងកិឡា បានថ្លែងអំណរគុណ ចំពោះសហព័ន្ធកីឡា ដែលបានរៀបចំវគ្គបណ្តុះបណ្តាលនេះឡើង គឺដើម្បីលើកម្ពស់សមត្ថភាពគ្រូ បង្វឹកលើផ្នែកជំនាញ និងបច្ចេទេសបង្ហាត់ដល់កីឡាករ កីឡាការិនី ក្នុងការឈានទៅទទួលជោគជ័យក្នុងការប្រកួតថ្នាក់ក្លិប សមាគម ថ្នាក់ជាតិ និងអន្តរជាតិនានា។ …

ប្រធានសហព័ន្ធកីឡាគុនដាវកម្ពុជា សង្កេតឃើញថា អត្តពលិកកីឡាគុនដាវកម្ពុជា មានការកើនឡើងទាំងបច្ចេកទេស និងសមត្ថភាពជាងឆ្នាំមុន ប៉ុន្តែត្រូវខិតខំពង្រឹងសមត្ថភាពបន្ថែមទៀត ដើម្បីត្រៀមខ្លួន សម្រាប់ព្រឹត្តិការណ៍ ស៊ីហ្គេម ដែលកម្ពុជាធ្វើជាម្ចាស់ផ្ទះ នាឆ្នាំ២០២៣ខាងមុខ។ ឯកឧត្តម តែ ឡូរិន ប្រធានសហព័ន្ធកីឡាគុនដាវកម្ពុជា មានប្រសាសន៍ក្រោយបញ្ចប់ការប្រកួតជ្រើសរើសជើងឯកថ្នាក់ជាតិថា តាមរយៈព្រឹត្តិការណ៍នេះ នឹងក្លាយជាប្រយោជន៍ថ្មីៗបន្ថែមទៀត ដើម្បីអភិវឌ្ឍន៍ឲ្យកាន់តែរីកចម្រើន ដោយកាលពីកន្លងមកកីឡាគុនដាវធ្លាប់ដណ្តើមបានមេដាយមាស ប្រាក់ និងសំរឹទ្ធ ជាបន្តបន្ទាប់ក្នុងកម្រិតអាស៊ាន ប៉ុន្តែទ្វីបអាស៊ីមិនទាន់ធ្លាប់ទទួលបាននៅឡើយ ដោយយើងត្រូវការខិតខំបន្ថែមទៀត ដើម្បីឈានដល់ដណ្តើមបានមេដាយទ្វីបអាស៊ីនាពេលខាងមុខ ជាពិសេសសហព័ន្ធក៏បានរៀបចំផែនការរបស់ខ្លួនផងដែរ សម្រាប់ធ្វើម្ចាស់ផ្ទះស៊ីហ្គេម នាឆ្នាំ២០២៣។ ដោយឡែកលោក ពៅ ហុក ប្រធានផ្នែកលក់ និងទីផ្សារក្រុមហ៊ុនដូនពេញម៉េតហ្វាម បញ្ជាក់ដែរថា ក្រុមហ៊ុនតែងតែបានចូលរួមឧបត្ថម្ភគាំទ្រដល់ព្រឹត្តិការណ៍កីឡានានា ដើម្បីរួមចំណែកលើកកម្ពស់វិស័យកីឡានៅកម្ពុជាឲ្យកាន់តែរីកចម្រើន ជាមួយនឹងការផ្សព្វផ្សាយឲ្យកីឡាករ កីឡាការិនី បានស្វែងយល់ពីសារៈប្រយោជន៍នៃការប្រើប្រាស់ផលិតផល Star Balm សម្រាប់លាបរឹតសន្លាក់ និងសាច់ដុំ មុនពេលលេង និងក្រោយពេលលេងកីឡា។ សូមបញ្ជាក់ថា ការប្រកួតជើងឯកថ្នាក់ជាតិឆ្នាំ២០១៨នេះ មានចំនួន២វិញ្ញាសាដែលដាក់ឲ្យប្រកួត…

ប្រធានក្លឹប C G A បង្ហាញមោទនភាពក្រោយគៀងគរបានសមាជិកគាំទ្រក្លឹបច្រើនការប្រកួតកីឡាវាយកូនគោលដណ្តើមពានរង្វាន់ក្លឹបកីឡាវាយកូនគោលស៊ីជីអេលើកទី១៤ ដែលបានដំណើរការប្រកួតពេញមួយព្រឹក នៅលើទីលានកីឡាវាយកូនគោល ហ្គ្រេនភ្នំពេញ កាលពីថ្ងៃ សៅរ៍ ចុងសប្តាហ៍បានបញ្ចប់ដោយជោគជ័យ។  ឯកឧត្តម ឯក វណ្ណឌី ប្រធានក្លឹបកីឡាវាយកូនគោលស៊ីជីអេ បានបញ្ជាក់ថា ការរៀបចំ ប្រកួត ពាន រង្វាន់ស៊ីជីអេពីមួយលើកទៅមួយលើកកាន់តែទទួលបានជោគជ័យ ខណៈដែលការគាំទ្រឧបត្ថម្ភនិង ការចូលរួមពីសមាជិកកាន់តែមានចំនួនច្រើន បានបង្កលក្ខណៈឪ្យព្រឹត្តិការណ៍ប្រកួតប្រព្រឹត្ត ទៅដោយ បរិយាកាសសប្បាយរីករាយ ។ ប្រធានក្លឹបរូបនេះ បានបង្ហាញមោទនភាពយ៉ាងខ្លាំង បន្ទាប់ពីក្លឹបកីឡា វាយកូនគោលរបស់ខ្មែរមួយនេះអាចគៀងគរបានសមាជិកចូលរួមគាំទ្ររហូត ជាង១០០នាក់ ដែល បង្ហាញពីការដាក់គ្រឹះយ៉ាងមាំក្នុងការរួមចំណែកបំផុស និងអភិវឌ្ឍន៍វិស័យកីឡាវាយកូនគោល នៅកម្ពុជា ពិសេសគឺការរួមចំណែកបណ្តុះធនធានកីឡាករការិនីល្អៗជូនសហព័ន្ធ ដើម្បីសហព័ន្ធយកទៅបណ្តុះបន្តត្រៀមការប្រកួតលើឆាកអន្តរជាតិធំៗ ។ សម្ភាសន៍   ភាពជោគជ័យ និងការចូលរួមកាន់តែច្រើនពីមួយឆ្នាំទៅមួយត្រូវបានឯ ឧ ប្រធានក្លឹប C G A រូបនេះ បញ្ជាក់ថា ដោយសារកត្តាសន្តិភាព និងនយោបាយឈ្នះ ឈ្នះ របស់សម្តេចតេជោ…

ព្រឹត្តិការណ៍ប្រកួតកីឡាអត្តពលកម្មជ្រើសរើសជើងឯកថ្នាក់ជាតិ ឆ្នាំ២០១៨ នាថ្ងៃទី២១ ខែធ្នូនេះ បានដំណើរការប្រកួតផ្លូវការ ហើយ ដោយប្រកួតនៅលើទីលានចំនួន២ គឺពហុកីឡាដ្ឋានជាតិ និងមជ្ឈមណ្ឌលកីឡាកងយោធពលខេមរ ភូមិន្ទ ស្ទាតចាស់ ។ លោក ផៃ សុខ អនុប្រធានសហព័ន្ធខ្មែរកីឡាអត្តពលកម្ម បានអោយដឹងថា ការប្រកួតនៅឆ្នាំនេះ គណៈកម្មការបច្ចេកទេស រៀបចំការប្រកួតបានកំណត់ដាក់ចំនួន១៨វិញ្ញាសាអោយអត្តពលិកមកពីរាជធានីខេត្តធ្វើការប្រកួតប្រជែងដណ្តើមយកជ័យលាភី ។ លោក បញ្ជាក់ថា សម្រាប់លក្ខខណ្ឌដែលសហព័ន្ធបានកំណត់នោះ ក្នុងព្រឹត្តិការណ៍ជើងឯកថ្នាក់ជាតិនេះ ក្នុង១វិញ្ញាសាប្រកួតបានតែ២នាក់ ប៉ុណ្ណោះ ក្នុង១ក្លឹប ហើយក្នុងនោះ១នាក់អាចចូលរួមប្រកួត២វិញ្ញាសា លើកលែងតែវិញ្ញាសា ៤គុណ១០០ម៉ែត ។ ដោយឡែក លោក ពៅ ហុក គ្រូបង្វឹក ក្រសួងសេដ្ឋកិច្ច និងហិរញ្ញវត្ថុអះអាងថា អត្តពលិកខ្លួនទាំង៨នាក់ នៅព្រឹកថ្ងៃទី១ នៃព្រឹត្តិការណ៍ប្រកួតជើងឯកនេះ គឺទទួលបានលទ្ធផលជោគជ័យល្អប្រសើរ ដោយវិញ្ញាសាខ្លះប្រជែងដណ្តើមបានមេដាយមាស និងវិញ្ញាសាមួយចំនួនឈានឡើងទៅវគ្គផ្តាច់ព្រ័ត្រដណ្តើមមេដាយ ។ គ្រូបង្វឹករូបនេះ បានបង្ហាញក្តីរំពឹងខ្ពស់ថា អត្តពលិកក្លឹបក្រសួងសេដ្ឋកិច្ចនូវមានលទ្ធភាពប្រជែងបានមេដាយមាសជូនក្លឹបបន្ថែម…

វគ្គបណ្ដុះបណ្ដាលគ្រូបង្វឹកបាល់បោះ កម្រិតមូលដ្ឋាន បានបញ្ចប់ដោយជោគជ័យ នាល្ងាចម្សិលមិញ ដោយសិក្ខាកាមចំនួន៣០ភាគរយ ទទួលបាននិទ្ទេសល្អ ៤០ភាគរយបានទទួលនិទ្ទេស ល្អបង្គួរ និង៣០ភាគរយបានទទួល និទ្ទេសមធ្យម ។ លោកកៅ កាន់ណាលី អគ្គលេខាធិការសហព័ន្ធកីឡាបាល់បោះកម្ពុជា បាននិយាយថា វគ្គនេះមានសិក្ខាកាមចំនួន៣៥នាក់ មកពីវិទ្យាស្ថានជាតិអប់រំកាយ និងកីឡា ខេត្តស្វាយរៀង ឧត្តរមានជ័យ កណ្ដាល កំពង់ធំ កំពង់ឆ្នាំង ព្រមទាំងមកពីសាលារៀន និងសហគមន៍បាល់បោះរបស់ខេត្តព្រៃវែង ។ វគ្គដែរនេះសិក្សាលម្អិតពីទ្រឹស្ដី ពីតួនាទីគ្រូបង្វឹក ការបង្កើតក្រុមបាល់បោះ ការត្រៀមខ្លួនប្រកួត តួនាទីគ្រូមុនពេលប្រកួត និងក្រោយពេលប្រកួត ពីលោក គ្រូ អូស្ទីន ដែលជានាយកបច្ចេកទេសរបស់សហព័ន្ធកីឡាបាល់កម្ពុជា ជាគ្រូឧទ្ទេស។  លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា សង្ឃឹមថា បន្ទាប់ពីបញ្ចប់វគ្គបណ្តុះបណ្តាលនេះហើយ សូមយកចំណេះដឹងទាំងនេះទៅចែករំលែក ទៅដល់មូលដ្ឋានរបស់ខ្លួន ដើម្បីចូលរួមអភិវឌ្ឍន៍វិស័យកីឡាបាល់បោះអោយកាន់តែមានការផុសផុល និងរីកចំរើនបន្ថែមទៀត ។ លោក បន្តថា ក្រសួងអប់រំ…