ថ្លែងនៅក្នុងឱកាសបិទការប្រកួតកីឡាវាយកូនឃ្លីលើតុយុវជនអាយុក្រោម១៥ឆ្នាំ និង១៨ឆ្នាំ ប្រចាំ២០១៩ កាលពីចុងសប្តាហ៍នេះ ឯកឧត្តម ជា ប៊ុនហេង ប្រធានប្រធានអង្គភាពកីឡានគរបាលជាតិកម្ពុជាថា ចង់ឲ្យមានការប្រកួតពានរង្វាន់បែបនេះ ឲ្យបាន១ដងទៅ២ដង ក្នុង១ឆ្នាំៗ ដើម្បីបង្កើនកម្រិតអភិវឌ្ឍបច្ចេកទេសកីឡាករ កីឡាការិនីវ័យក្មេងឲ្យកាន់តែរីកចម្រើន ពីព្រោះថា ការហ្វឹកហាត់ ដែលមិនមានការប្រកួតដណ្តើមពានរង្វាន់នោះ គឺមិនទទួលបានលទ្ធផលល្អប្រសើរឡើយ។ ឯកឧត្តមបញ្ជាក់ទៀតថា ការប្រកួតលើកនេះ មានភាពផុសផុលបានច្រើនបង្គួរ ហើយតាមរយៈការ ប្រកួតនេះ ឯកឧត្តមជឿជាក់យ៉ាងមុតមាំថា គុណភាពរបស់កីឡាករ កីឡាការិនីថ្នាលនឹងកើនឡើងនូវគុណភាព បច្ចេកទេសកាន់តែល្អប្រសើរបន្ថែមទៀត ក៏ដូចជាជួយជំរុញអភិវឌ្ឍន៍វិស័យកីឡាវាយកូនឃ្លីលើតុកាន់តែរីកចម្រើន ហើយឯកឧត្តមសន្យាថា នឹងរៀបចំការប្រកួតមួយទៀត នាខែតុលា ក្នុងឆ្នាំ២០១៩។ ឯកឧត្តម ជា ប៊ុនហេង បន្ថែមទៀតថា ការហ្វឹកហាត់របស់ក្មេងៗនៅតាមសាលារៀន នៅតាមក្លិបនានា លើប្រភេទកីឡាវាយកូនឃ្លីលើតុនេះមានចំនួនតិចតួចនៅឡើយ។ ដូច្នេះហើយការរៀបចំពានរង្វាន់បែបនេះ គឺដើម្បីបំផុសស្មារតីយុវជនឲ្យចូលរួមការហ្វឹកហាត់ និងប្រកួតកីឡានេះឲ្យកាន់តែសម្បូរបែបអាចសម្រិតសម្រាំងបានធនធានល្អៗសម្រាប់ជាតិកាន់តែមានគុណភាព។ ជាមួយគ្នានេះដែរ កីឡាករការិនីដែលបានចូលរួមប្រជែងក្នុងព្រឹត្តិការណ៍នេះ សុទ្ធសឹងតែបង្ហាញនូវអារម្មណ៍រីករាយ បន្ទាប់ពីពួកគេមានឱកាសប្រកួតប្រជែងសាកល្បងសមត្ថភាព។ ព្រឹត្តិការណ៍នេះត្រូវបានរៀបចំឡើងក្រោមគំនិតផ្តួចផ្តើម និងការឧបត្ថម្ភថវិកាដោយឯកឧត្តម ជា ប៊ុនហេង…

សហព័ន្ធខ្មែរហាប់គីដូ រៀបចំធ្វើមហាសន្និបាតបូកសរុបលទ្ធផលការងារឆ្នាំ២០១៨ និងលើកទិសដៅ៦ចំណុចធំៗ នាឆ្នាំ២០១៩ កាលពីចុងសប្តាហ៍កន្លងទៅ នៅសាលអគារកីឡាសូហ្វតេន្នីស នៃពហុកីឡដ្ឋានជាតិ ដោយថ្នាក់ដឹកនាំ បានប្តេជ្ញាចិត្តថា នឹងរៀបចំការប្រកួតជើងឯក ឬពានរង្វាន់នានាឲ្យបានច្រើន ក្នុងឆ្នាំ២០១៩នេះ ដើម្បីគោលដៅអភិវឌ្ឍន៍វិស័យកីឡាហាប់គីដូឲ្យរីកចម្រើន បន្ទាប់ពីទទួលបានការគាំទ្រខ្លាំង និងមានសកម្មភាពផុសផុលរយៈពេល២ឆ្នាំចុងក្រោយនេះ។ លោក គង់ចាន់ ធីណា អគ្គលេខាធិការសហព័ន្ធខ្មែរកីឡាហាប់គីដូ បានឲ្យដឹងថា កាលពីឆ្នាំ២០១៨ សហព័ន្ធសម្រេចបានសមិទ្ធផលជាច្រើនមានដូចជា ចូលរួមសកម្មភាពកីឡាផ្សេងៗរបស់ក្រសួងអប់រំ យុវជន និងកីឡា ចូលរួមសកម្មភាពជាមួយគណៈកម្មាធិការជាតិអូឡាំពិកកម្ពុជា។ វិស័យកីឡាហាប់គីដូ ត្រូវបានមហាជនទទួលស្គាល់ និងទាក់ទាញបានយុវជនជាច្រើនចូលរួមហ្វឹកហាត់ ប៉ុន្តែសហព័ន្ធពុំទាន់មានសកម្មភាព ដូចជារៀបចំការប្រកួតជើងឯកថ្នាក់ជាតិ និងពានរង្វាន់នានា ដើម្បីឆ្លើយតបនឹងកំណើនអ្នកហ្វឹកហាត់នាពេលបច្ចុប្បន្ន សហព័ន្ធកំពុងកំណត់ទិសដៅថា នឹងបង្កើតព្រឹត្តការណ៍ឲ្យបានច្រើន ដើម្បីវាស់ស្ទង់ និងស្វែងរកធនធានកីឡាករ-កីឡាការិនីល្អៗ ដើម្បីត្រៀមដណ្តើមមេដាយពីព្រឹត្តិការណ៍អន្ដរជាតិនានា នាពេលខាងមុខ។ អង្គមហាសន្និបាតនេះ មានការអញ្ជើញចូលរួមពី ឯកឧត្តម ម៉ក់ សំអុល ប្រធានសហព័ន្ធខ្មែរកីឡាហាប់គីដូ បានដាក់ចេញនូវទិសដៅធំៗសម្រាប់ឆ្នាំ២០១៩ ដូចជា បង្កើនទំនាក់ទំនង និងបង្កើតក្លិបនៅតាមរាជធានី…

យោងតាមការសែតដ៏ល្បីរបស់ប្រទេសអេស្ប៉ាញ Don Balon បានចុះផ្សាយឱ្យដឹងថាក្លិប Real Madrid ត្រៀមដាក់ James Rodriguez ទៅក្នុងកិច្ចព្រមព្រៀម ដើម្បីនាំយកខ្សែបម្រើកណ្ដាល Paul Pogba នារដូវក្ដៅខាងមុខនេះ។ ខ្សែបម្រើដែលជួយឲ្យបារាំងលើកពានរង្វាន់ World Cup 2018 នៅប្រទេសរុស្ស៊ី Pogba ធ្លាប់បាននិយាយកាលពីពេលថ្មីៗកន្លងទៅថា វាគឺជា “ក្តីសុបិនមួយ” ដែលអាចលេងក្រោមការដឹកនាំរបស់លោក Zinedine Zidane នៅ Real Madrid ស្របពេលដែលក្លិបយក្សរបស់អេស្ប៉ាញមួយនេះ ក៏មានបំណងចង់ធ្វើឱ្យក្តីសុបិនកីឡាកររូបនេះ ក្លាយជាការពិតផងដែរ។ ប៉ុន្តែក្លិបបីសាចក្រហម Manchester United មិនសប្បាយចិត្តជាមួយនឹង James Rodriguez ឡើយ ដែលខ្សែបម្រើសញ្ជាតិកូឡុំប៊ីរូបនេះស្ថិតនៅក្នុងកិច្ចព្រមព្រៀងនេះ ខណៈក្លិបយក្សរបស់អង់គ្លេសមួយនេះ ចង់បង្វែរឱ្យមានការចរចាលើកិច្ចព្រមព្រៀងនេះ ជំនួសដោយខ្សែប្រយុទ្ធស្លាបឆ្វេង Gareth Bale វិញ៕ធ.ដ

ក្លិបបាល់ទាត់ភ្នំពេញក្រោន បានប្រកាសពីការចុះកិច្ចព្រមព្រៀងទៅលើភាពជាដៃគូរយៈពេល២ឆ្នាំ ដើម្បីប្តូរឈ្មោះកីឡដ្ឋានថ្មីគឺ «Smart RSN Stadium» និងបានបង្ហាញឯកសណ្ឋានថ្មីសម្រាប់រដូវកាល២០១៩-២០២០ នាល្ងាចថ្ងៃទី២៥ ខែមីនា ឆ្នាំ២០១៩ម្សិលមិញ ស្របពេលដែលម្ចាស់ក្លិប និងដៃគូឧបត្ថម្ភ Smart បានប្តេជ្ញាអភិវឌ្ឍន៍យុវជនឲ្យឈានដល់កម្រិតអាជីព។ បើតាមសេចក្តីប្រកាសព័ត៌មានពីក្លិបភ្នំពេញក្រោន និងក្រុមហ៊ុន Smart បានឲ្យដឹងថា នឹងបង្កើតឲ្យមានការប្រកួតលីគយុវជនដែលមានឈ្មោះថា Smart Youth League ដែលជាស្ពានសម្រាប់ក្រុមបាល់ទាត់យុវជនតាមសាលារៀន និងតាមសហគមន៍គ្រប់ខេត្តក្រុងអាចចូលរួមប្រកួតប្រជែងដើម្បីឲ្យក្លាយជាក្រុមបាល់ទាត់ពិតប្រាកដ និងជាកីឡាករបាល់ទាត់អាជីពនាពេលអនាគត ដើម្បីរួមចំណែកអភិវឌ្ឍន៍បាល់ទាត់នៅប្រទេសកម្ពុជា។ លោក Thomas Hundt នាយកប្រតិបត្តិក្រុមហ៊ុន Smart Axiata បានពន្យល់ថា «ភាពជាដៃគូនេះ មានគោលបំណងក្នុងការបង្កើតកីឡាករ និងកីឡាការិនីបាល់ទាត់វ័យក្មេងជំនាន់ថ្មីមួយ តាមរយៈការផ្តល់ឱកាសផ្សេងៗឲ្យពួកគេក្នុងការសម្រេចគោលដៅរបស់ពួកគេក្នុងកីឡាផ្សេងៗ និងបង្កើតមិត្តភាពថ្មីតាមរយៈកីឡាដ៏មានប្រជាប្រិយភាពមួយនេះ»។ លោកបន្តថា លោកពិតជារីករាយណាស់ក្នុងការគាំទ្រដល់ក្លិបភ្នំពេញក្រោនក្នុងកិច្ចការប្រតិបត្តិការរបស់ពួកគេ និងក្នុងការបង្វឹកកីឡាករវ័យក្មេងដែលមានទេពកោសល្យដើម្បីលេងកីឡាបាល់ទាត់ជាតិសម្រាប់កម្ពុជា។ Smart គាំទ្រយ៉ាងសកម្មទៅលើកីឡាករកម្រិតថ្នាលទូទាំងប្រទេសកម្ពុជា ហើយក៏រីករាយបាននាំយកការគាំទ្រនេះទៅកាន់មួយកម្រិតទៀតជាមួយនឹងភាពជាដៃគូ។ សូមបញ្ជាក់ថា ភ្នំពេញក្រោន ជាក្លិបបាល់ទាត់ដែលឈ្នះពានលីគកម្ពុជាច្រើនជាងគេរហូតដល់៦ដង…

ក្លិបបិសាចក្រហម Manchester United កំពុងទាក់ទងជាមួយក្លិប Benfica ដើម្បីនាំយកកីឡាករ Luka Jovic  មកចូលរួមក្នុងរដូវកាល ២០១៩-២០២០ ខាងមុខនេះ។ តាមសារព៌ត័មានព័រទុយហ្គាល់ O Jogo បានឲ្យដឹងថា ក្លិបជើងឯកកំណត់ត្រា នៃលីគកំពូលអង់គ្លេសខាងលើ ត្រៀមដាក់តម្លៃខ្លួន និងផ្តល់កិច្ចសន្យានាំយកខ្សែប្រយុទ្ធ Luka Jovic ដែលបច្ចុប្បន្នកំពុងបង្ហាញទម្រង់លេងយ៉ាងល្អ ជាមួយក្លិប Eintracht Frankfurt ក្នុងនាមជាកីឡាករខ្ចីជើងនៅឯលីគកំពូលអាល្លឺម៉ង់។ ទាក់ទងនឹងការនាំយកកីឡាករវ័យ២១ឆ្នាំរូបនេះ អាចមានតម្លៃលើសពី៥០លានអឺរ៉ូ ពីព្រោះកាលពីដើមរដូវកាលនេះ ក្លិបយក្សអេស្ប៉ាញ FC Barcelona ក៏បានដាក់សំណើជាមួយកញ្ចប់ទឹកប្រាក់៥០លានអឺរ៉ូម្តងរួចមកហើយ ដោយចង់នាំយក Luka Jovic ទៅកាន់ទឹកដី Camp Nou និងក្លិប Chelsea, Arsenal, Real Madrid ក៏បានចាប់អារម្មណ៍ខ្សែប្រយុទ្ធរូបនេះ ដើម្បីជំនួស Karim Benzema ដែលមានវ័យ៣១ឆ្នាំហើយ។ គួររំលឹកថា ខ្សែប្រយុទ្ធវ័យក្មេងសញ្ជាតិស៊េប៊ីខាងលើ…

បើតាមការផ្សាយរបស់ CNN Business បានឲ្យដឹងថា កីឡាអេឡិចត្រូនិក ឬ Esports ដែលជាប្រភេទកីឡារៀនតាមបច្ចេកវិទ្យា ត្រូវបានសហរដ្ឋអាម៉េរិកដាក់បញ្ចូលក្នុង កម្មវិធីសិក្សាកម្រិតវិទ្យាល័យចំនួន៨រដ្ឋហើយ។ ការដាក់បញ្ចូលបែបនេះ ដោយសារប្រភេទ កីឡា អេឡិចត្រូនិក គឺជាផ្នែកដ៏សំខាន់ដើម្បីបង្កើនសមត្ថភាពរបស់សិស្សានុសិស្ស និងយុវជនឲ្យរីកចម្រើន ទាន់សម័យកាលបច្ចេកវិទ្យាទំនើប។ មិនត្រឹមតែប៉ុណ្ណោះ កីឡាសម័យទំនើបនេះ ក៏កំពុងក្លាយជាកីឡាអាជីពពិតប្រាកដដែល ខណៈ ព្រឹត្តិការណ៍កីឡាធំទូទាំងពិភពលោកកំពុងត្រៀមខ្លួនដាក់ប្រកួតដណ្តើមមេដាយជាផ្លូវការដូចជា កីឡា អូឡាំពិកឆ្នាំ២០២០ប្រទេសចិន បានប្រកាសផ្លូវការហើយដាក់កីឡានេះចូលរួមប្រកួត។ កីឡាស៊ីហ្គេម ឆ្នាំ២០១៩នេះ នៅប្រទេសហ្វីលីពីនក៏ដាក់បញ្ចូលផ្លូវការដែរ។ តាមពិតទៅ Esports ជាកីឡាអាជីវកម្មដែលមានចរន្តទឹកប្រើជាសកលតែម្តង។ បើយោង តាមក្រុមហ៊ុន Newzoo បានឲ្យដឹងថា កីឡា Esports បានប្រតិបត្តិការជាសកលមានទឹកប្រាក់ សរុបជាង១ប៊ីលានដុល្លារអាម៉េរិកនៅឆ្នាំ២០១៩នេះ។ សូមរំលឹកថា សហរដ្ឋអាម៉េរិក បានដាក់កីឡាអេឡិចត្រូនិកចូលកម្មវិធីសិក្សាកម្រិតវិទ្យាល័យ នៅរដ្ឋ Connecticut, Georgia, Kentucky, Massachusetts និង Rhode Island កាលពីឆ្នាំ២០១៨…

ព្រឹត្តិការណ៍កីឡាបាល់ទះឆ្នេរខ្សាច់អន្តរជាតិស្រាបៀរអាន់ឆ័រលើកទី២ ក្នុងក្របខ័ណ្ឌប្រកួត 2-Star World Tour សម្រាប់ផ្នែកបុរស នៅខេត្តសៀមរាប បានឈានដំណាក់កាលចុងក្រោយដ៏រំភើបរីករាយក្រៃលែងបំផុតកាលពីថ្ងៃទីអាទិត្យទី២៤ ខែមីនា នៅបរិវេណទីលានអង្គរឃ្យុងយ៊ូ ដោយមានការចូលរួមទស្សនាពីមិត្តអ្នកគាំទ្ររាប់ពាន់នាក់។ ពិធីប្រគល់រង្វាន់ជូនក្រុមជ័យលាភីមានការអញ្ជើញចូលរួមពីឯកឧត្តម នាក់ ណេរ៉ុន អភិបាលរងខេត្តសៀមរាប និងលោក Chris Liu នាយកផ្នែកបច្ចេកទេស នៃសហព័ន្ធកីឡាបាល់ទះអន្តរជាតិ (FIVB)  អ្នកនាង Justina Vincent នាយកម៉ាកសញ្ញាស្រាបៀរអាន់ឆ័រ និងលោក ហ៊ុយ វុទ្ធី ប្រធានគ្រប់គ្រងកិច្ចការក្រុមហ៊ុន ស្រាបៀរអាន់ឆ័រ។ ឆ្លងកាត់ការប្រកួតរយៈពេល៣ថ្ងៃ ចាប់ពីថ្ងៃទី២២-២៤ ខែមីនា មានកីឡាករយុវជនឆ្នើមកម្ពុជា២ក្រុម និងបណ្តាប្រទេសជាច្រើនទូទាំងពិភពលោកចូលរួម ហើយជាលទ្ធផលក្រុមជ័យលាភី ផ្នែកបុរស ប្រចាំខេត្តសៀមរាប បានលើក្រុមអូទ្រីស ទទួលបានមេដាយមាស និងប្រាក់រង្វាន់ ៤០០០ ដុល្លារអាម៉េរិក។  ក្រុមជើងឯករងបានទៅលើក្រុមរុស្ស៊ី (SIVOLAP/YARZUTKIN) ទទួលបានមេដាយប្រាក់ និងប្រាក់រង្វាន់ ៣០០០ ដុល្លារអាម៉េរិក និងលេខ៣ ក្រុមស្វីស…

ព្រឹត្តិការណ៍ប្រកួតកីឡាវាយកូនគោលដណ្តើមពានរង្វាន់ CGA លើកទី១៥ ដែលប្រសិទ្ធនាម ថា Chip Mong land Tournamant 2019 ដំណើរការប្រកួតពេញមួយព្រឹកកាល ពីថ្ងៃសៅរ៍ចុងសប្តាហ៍ នៅលើទីលានកីឡាវាយកូនគោល Royal Cambodia Phnom Penh Golf Club បានបញ្ចប់ដោយជោគជ័យកាន់តែខ្លាំងជាងមុន។ ឯកឧត្តម ឯក វណ្ណាឌី ប្រធានក្លិបកីឡាវាយកូនគោល CGA មានប្រសាសន៍បញ្ជាក់ថា អ្វីដែល យើងអាចនិយាយបានថា ជោគជ័យកាន់តែខ្លាំងសម្រាប់ព្រឹត្តិការណ៍ប្រកួត លើកទី១៥នេះ ព្រោះចំនួនកីឡាករការិនីចុះឈ្មោះចូលរួមប្រកួតកើនលើសចំនួនដែលក្លិបបានគ្រោងទុក ទោះបីមានការផ្លាស់ប្តូរទីតាំងប្រកួតក្តី អ្នកចូលរួមនៅតែបន្តមកចូលរួមកាន់តែផុសផុលអ៊ឹកធឹកជាងមុន ពិសេសគឺក្រុមហ៊ុនចូលរួមគាំទ្រព្រឹត្តិការណ៍ប្រកួតកាន់តែមានចំនួនច្រើនធ្វើឲ្យព្រឹត្តិការណ៍ប្រកួតកាន់តែទទួលបានជោគជ័យកាន់តែខ្លាំង។ ប្រធានក្លិបរូបនេះ បញ្ជាក់ថា ក្លិបវាយកូនគោលមិនមែនអាជីពមួយនេះ គឺជាក្លិបគោលកូនខ្មែរដំបូងគេ ដែលបង្កើតឡើងក្នុងគោលដៅរួមចំណែកបំផុសអភិវឌ្ឍន៍កីឡាកូនគោលនៅកម្ពុជា និងរួមចំណែកក្នុងការទាក់ទាញទេសចរអន្តរជាតិឲ្យមកកម្សាន្តនៅកម្ពុជាតាមរយៈ ការប្រកួត ដែលក្លិបបានរៀបចំរៀងរាល់៣ខែម្តង។ សម្រាប់លទ្ធផលវិញ លេខ១ Cross score Winner បានទៅលើកីឡាករ អ៊ុក ខ្នួច លេខ១…

អនុប្រធានអចិន្រ្តៃយ៍គណៈកម្មាធិការកីឡាស្បេស្យ៉ាលឡាំពិកកម្ពុជា អះអាងថា គ្រោងបន្ថែមកីឡាបាល់ទាត់មួយទៀតនៅឆ្នាំបន្ទាប់ បន្ទាប់ពីអត្តពលិកស្បេស្យ៉ាលឡាំពិក ដណ្តើមបានមេដាយ១០គ្រឿង ពីការប្រកួតស្បេស្យ៉ាលអូឡាំពិកពិភពលោក ពីប្រទេសអារ៉ាប់រួម។ ការថ្លែងបែបបញ្ជាក់នេះ ក្រោយពេលត្រឡប់មកដល់មាតុប្រទេសវិញ កាលពីចុងសប្តាហ៍កន្លងទៅ នៅអាកាសយានដ្ឋានអន្តរជាតិភ្នំពេញ។ ឯកឧត្តម មាស សារិន បានបញ្ជាក់ថា គណៈកម្មាធិការកីឡាស្បេស្យ៉ាលឡាំពិកម្ពុជា គ្រោងបន្ថែមប្រភេទកីឡាបាល់ទាត់ជនបញ្ញាខ្សោយមួយទៀត ក្នុងព្រឹត្តិការណ៍ស្បេស្យ៉ាលអូឡាំពិកពិភពលោក នាឆ្នាំបន្ទាប់ ខណៈដែលអត្តពលិកកីឡាករការិនីជនបញ្ញាខ្សោយកម្ពុជាឆ្នាំនេះ ទទួលបានជោគជ័យ ដោយប្រជែងបានមេដាយ១០គ្រឿង ពីព្រឹត្តិការណ៍ប្រកួតអូឡាំពិកពិភពលោករដូវក្តៅ ពីប្រទេសអារ៉ាប់រួម។ ឯកឧត្តមបន្តថា ការប្រជែងកម្រិតពិភពលោកបែបនេះ កម្ពុជាបញ្ជូនអត្តពលិកជនបញ្ញាខ្សោយ ១០នាក់ និងប្រតិភូ៦នាក់ ប្រជែងលើ ២ប្រភេទកីឡា គឺប៊ូលឈើ និងអត្តពលកម្ម ជាលទ្ធផលដណ្តើមបានមេដាយសរុបចំនួន១០គ្រឿង មាស៣ ប្រាក់៣ និងសំរឹទ្ធិ៤គ្រឿង។ សូមបញ្ជាក់ថា ព្រឹត្តិការណ៍ប្រកួតកីឡាស្បេស្យ៉ាលអូពិកពិភពលោករដូវក្តៅ ដែលប្រទេសអារ៉ាប់រួម ធ្វើជាម្ចាស់ផ្ទះ ក្នុងឆ្នាំ២០១៩នេះ មានអត្តពលិកចូលរួមចំនួន៧០០០នាក់ មកពី១៧០ប្រទេស ដោយប្រទេសកម្ពុជាបានបញ្ជូនអត្តពលិកចំនួន១៦នាក់ ក្នុងនោះ កីឡាករការិនីចំនួន១០នាក់ និងប្រតិភូចំនួន៦នាក់ ប្រជែងដណ្តើមបានមេដាយសរុបចំនួន១០គ្រឿង មកជូនមាតុប្រទេសវិញ។ …

ការប្រកួតកីឡាប៉េតង់ និងរត់ប្រណាំងចម្ងាយ ៥ គីឡូម៉ែត្រ ដើម្បីសុខភាព មានអ្នកចូលរួមរត់ប្រមាណជា១២០០នាក់ ពិធីនេះធ្វើឡើងក្រោមអធិបតីភាព ឯ ឧ ស សុខា រដ្ឋលេខាធិកាក្រសួងអប់រំ យុវជន និងកីឡា នាព្រឹកថ្ងៃទី២២ ខែមីនា ឆ្នាំ២០១៩ នៅក្រុងព្រៃវែង ខេត្តព្រៃវែង ។ គណៈកម្មារៀបចំការប្រកួត បានអោយដឹងថា ការប្រកួតកីឡាប៉េតង់ និងរត់ប្រណាំងចម្ងាយ ៥ គីឡូម៉ែត្រ ដើម្បីសុខភាព រៀបចំដោយមន្ទីរអប់រំយុវជននិងកីឡា ខេត្តព្រៃវែង ដើម្បីចូលរួមបំផុសចលនាកីឡា អោយមានសកម្មភាពកាន់តែផុសផុល ជាពិសេសបង្កភាពសប្បាយរីករាយ ជូនដល់ប្រជាពលរដ្ឋ និងយុវជនជៀសឆ្ងាយពីអំពើឧបាយមុខផ្សេងៗដែលសង្គមស្អប់ខ្ពើម ងាកមកលេងកីឡា ដើម្បីសុខុមាលភាព ។ សូមបញ្ជាក់ថា ការប្រកួតកីឡាប៉េតង់ និងរត់ប្រណាំងចម្ងាយ ៥ គីឡូម៉ែត្រ ដើម្បីសុខភាព រៀបចំដោយមន្ទីរអប់រំ យុវជន និងកីឡា ខេត្តព្រៃវែង សហការជាមួយសហភាពសហព័ន្ធយុវជនកម្ពុជា ខេត្តព្រៃវែង ដែលមានការឧបត្ថម្ភ គាំទ្រពីក្រុមការងារថ្នាក់ជាតិចុះជួយក្រុងព្រៃវែង  ៕ធ.ដ …