កីឡាករ និងបុគ្គលិករបស់ក្លឹប Leicester City បានទៅដល់ប្រទេសថៃ កាលពីម្សិល មិញដើម្បីចូលរួមពិធីបូជាសព របស់ម្ចាស់ក្លឹបខ្លួនលោក Vichai Srivaddhanaprabha។ ក្នុងពិធីគេឃើញមានវត្តមានអ្នកចាត់ការ Brendan Rodgersប្រធានក្រុម Wes Morgan និងខ្សែប្រយុទ្ធ Jamie Vardy បានទៅដល់វត្តមួយ ក្នុងទីក្រុងបាងកក ដើម្បីរៀបចំលាសពមហា សេដ្ឋីដែលបានស្លាប់ ក្នុងហេតុការណ៍ធ្លាក់ឧទ្ធម្ភាគចក្រ នៅឯកីឡដ្ឋាន  King Power Stadium  កាលពីខែតុលា។ គួររំលឹកថា លោក Vichai Srivaddhanaprabha ស្ថិតក្នុងចំណោមមនុស្ស៥នាក់ដែលបានស្លាប់ ពេលដែលឧទ្ធម្ភាគចក្របាត់ការគ្រប់គ្រង និងធ្លាក់មកដីចំកន្លែងចតរថយន្ត បន្ទាប់ចប់ការប្រកួតនៅ  Premier League ទល់នឹង West Ham  ៕ធ.ដ

Paul Pogba បានលើកឡើងថា ខ្លួនរីករាយនៅជាមួយ Man Utd ថែមទាំងចង់ឲ្យលោក Ole Gunnar Solskjaer ធ្វើជាគ្រូពេញសិទ្ធិទៀតផង បើទោះបីជា Real Madrid ជាក្លិបក្នុងក្ដីស្រមៃរបស់កីឡាករគ្រប់គ្នាក៏ដោយ។ ខ្សែបម្រើវ័យ២៦ឆ្នាំ ក៏បានសរសើរអ្នកចាត់ការបណ្ដោះអាសន្ន Solskjaer ។ Pogba បញ្ជាក់ទៀតថា ពេលនេះគេកំពុងរីករាយនៅ Manchester ជាមួយនឹងអ្នកចាត់ការថ្មី។ គួរបញ្ជាក់ថា Paul Pogba ត្រូវមានភារកិច្ចជួយជម្រើសជាតិបារាំង លេងជម្រុះ Euro 2020 ជាមួយនឹង Moldova នៅថ្ងៃសុក្រ និងអ៊ីស្លង់ នៅថ្ងៃច័ន្ទសប្ដាហ៍ក្រោយ៕ធ.ដ

លោក Keisuke Honda គ្រូបង្វឹក និងជាអ្នកចាត់ការទូទៅក្រុមបាល់ទាត់ កម្ពុជាបានបង្ហាញខ្លួនជាលើកដំបូង ក្នុងឆ្នាំ២០១៩ កាលពីល្ងាចម្សិលមិញ ក្នុងការដឹកនាំហ្វឹកហាត់ក្រុម U23 កម្ពុជា នៅពហុកីឡដ្ឋានជាតិ ក្នុងនាមជាម្ចាស់ផ្ទះ សម្រាប់វគ្គជម្រុះ ក្នុងពូលH នាថ្ងៃទី២២-២៦ ខែមីនា ឆ្នាំ២០១៩ នៅរាជធានីភ្នំពេញ នៃព្រឹត្តិការណ៍ AFC U23 Championship 2020 ។ ជាធម្មតា ក្រុមយុវជនអាយុក្រោម២៣ឆ្នាំ កម្ពុជា ត្រូវបានដឹកនាំហ្វឹកហាត់ដោយ គ្រូបង្វឹកសញ្ញាតិអាហ្សង់ទីន Felix ប៉ុន្តែម្សិលមិញ គ្រូបង្វឹក និងអ្នកចាត់ការទូទៅ លោក Keisuke Honda ក៏បានមកដឹកនាំការហ្វឹកហាត់ផងដែរ ដោយបាននាំយកគ្រូបរទេសពីរូបមកពីតំបន់អឺរ៉ុបមកជួយដល់ U-23 កម្ពុជា នៅក្នុងការប្រកួតជម្រុះ ក្នុងពូល H នេះ ។ ម្ចាស់ផ្ទះជម្រើសជាតិកម្ពុជា ស្ថិតក្នុងពូល H នឹងត្រូវជួបក្រុមខ្លាំងៗ៣ផ្សេងទៀត រួមមាន…

ប្រធានគណៈកម្មាធិការ អូឡាំពិកជប៉ុន លោក Tsunekazu Takeda បានលាលែង ពីតំណែង ចំពេលដែលមានរឿងអាស្រូវទិញសន្លឹកឆ្នោតមួយ ដែលក្រុមអ្នកស៊ើបអង្កេតបារាំង សង្ស័យ ថា បានជួយឲ្យក្រុងតូក្យូក្លាយជាម្ចាស់ផ្ទះការប្រកួតកីឡាអូឡាំពិក នៅឆ្នាំក្រោយ យោងតាមការចេញ ផ្សាយពីគេហទំព័រជប៉ុន Today ។ ប្រធានគណៈកម្មាធិការ អូឡាំពិកជប៉ុនរូបនេះ បានប្រកាស នៅកិច្ចប្រជុំក្រុមប្រឹក្សាភិបាលគណៈកម្មាធិការថា លោកនឹងលាលែងពីតំណែង នៅពេលអាណត្តិរបស់លោកបញ្ចប់ នៅខែមិថុនា ហើយលោក ក៏បានបដិសេធការចោទប្រកាន់ពីបទពុករលួយនេះផងដែរ ។ លោក Takeda ជាសមាជិកគណៈកម្មាធិការអូឡាំពិកអន្តរជាតិដ៏មានឥទ្ធិពល និងជាប្រធានគណៈកម្មការទីផ្សារ ផងនោះ ។ ហើយចំពោះការលាលែងពីតំណែងនេះ លោកនឹងបាត់បង់សមាជិកភាព IOC ដែលត្រូវបានចងភ្ជាប់ជាមួយនឹងតំណែងប្រធានាធិបតីរបស់គាត់ ។រឿងអាស្រូវដែលអាជ្ញាធរបារាំង កំពុងស៊ើបអង្កេតអស់រយៈពេលជាច្រើនឆ្នាំ បានស្រមើស្រមៃយ៉ាងខ្លាំង ទៅលើព្រឹត្តិការណ៍កីឡាអូឡាំពិក ទីក្រុងតូក្យូ និងបានសង្កត់ធ្ងន់លើកិច្ចប្រឹងប្រែងរបស់ IOC ក្នុងការសម្អាតដំណើរការដេញថ្លៃរបស់ខ្លួន ។ គួរបញ្ជាក់ថា ប្រទេសជប៉ុន ត្រូវចំណាយយ៉ាងហោចណាស់…

ក្រុម Pitou FC  បានក្លាយជាជើងឯក ការប្រកួតបាល់ទាត់ហ្វូតសាល ដណ្តើមពានរង្វាន់ សសយក ឆ្នាំ២០១៩ លើកទី១ ប្រចាំឆ្នាំ២០១៩ ដើម្បីអបអរបុណ្យទន្លេលើកទី៥ ក្រោមប្រធានបទ ទន្លេផ្សារភ្ជាប់ សន្តិភាព ប្រជាជន និងទេសចរណ៍ នៅខេត្តកំពង់ឆ្នាំង បន្ទាប់ពីយកឈ្នះក្រុម អះម៉ាទីយ៉ា  នៅលើទីលាន បន្ទាយលង្វែក Sport Plex។ ឯកឧត្តម ហេង ពិទូ ប្រធានសហភាពសហព័ន្ធយុវជនកម្ពុជាខេត្តកំពង់ឆ្នាំង និងជាអភិបាលរងខេត្តកំពង់ឆ្នាំង បាន មានប្រសាសន៍ថា គោលបំណងដែលបង្កើតពានរង្វាន់នេះឡើង គឺដើម្បីអបអរ និងជួយជំរុញឲ្យពិធី បុណ្យទន្លេឆ្នាំនេះ ទទួលបានការទាក់ទាញកាន់តែល្អប្រសើរ និងបានផ្តល់ភាពសប្បាយរីករាយ ជូន ដល់យុវជន ជាពិសេសបំផុសស្មារតីពួកគាត់ឲ្យស្រឡាញ់ និងចូលចិត្តលេងកីឡា ក្នុងន័យស្វែងរក កីឡាករប្រកបដោយគុណភាព ត្រៀមប្រកួតតំណាងអោយជាតិ ក្នុងព្រឹត្តិការណ៍ កីឡាស៊ីហ្គេម លើក ទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះ។ ឯកឧត្តមបន្តថា ភាពជោគជ័យនេះ គឺជាបទពិសោធន៍ដ៏ល្អ សម្រាប់ការរៀបចំសកម្មភាពកីឡា…

ក្លិប Paris Saint-Germain បានចាប់អារម្មណ៍លើខ្សែបម្រើរបស់ Real Madrid កីឡាករ Toni Kroos ដើម្បីយកមកពង្រឹងក្រុម នៅរដូវកាលក្រោយ។ ក្រុមយក្សរបស់បារាំងមួយនេះ ចង់ឲ្យក្រុមរឹងមាំជាងមុន ដើម្បីសម្រេចមហិច្ឆតាឈ្នះ Champions League រដូវកាលក្រោយ។ លោក Nasser al-Khelaifi  ប្រធានក្លិប PSG អស់សង្ឃឹមបន្ទាប់ពីធ្លាក់ចេញ ក្របខណ្ឌ Champions League នៅអឺរ៉ុប ក្នុងនោះ Antoine Griezmann ក៏ជាគោលដៅរបស់ក្លិបបារាំងនេះដែរ។ តាមកាសែត France Football ឲ្យដឹងថា លោក Thomas Tuchel អ្នកចាត់ការរបស់ PSG កំពុងសម្លឹងលើខ្សែប្រយុទ្ធរបស់ Toni Kross ដើម្បីយកមកបំពេញតំបន់ខ្វះខាតរបស់ក្រុម ជំនួស Adrien Rabiot ដែលអាចចេញដោយគ្មានតម្លៃនៅរដូវក្ដៅខាងមុខ។ ប៉ុន្តែការត្រលប់មកវិញរបស់ Zinedine Zidane…

ខ្សែបវ័យក្មេងម្រើប្រយុទ្ធរបស់ Chelsea កីឡាករ Callum Hudson-Odoi  រំភើបរីករាយ ដែលត្រូវបានក្រុមជម្រើសជាតិអង់គ្លេសឈុតធំកោះហៅចូលលេងជាលើកដំបូង។ កីឡាករវ័យ១៨ឆ្នាំ ពេលនេះ កំពុងតែហ្វឹកហាត់ជាមួយជម្រើសជាតិអង់គ្លេស ដើម្បីត្រៀមប្រកួតជម្រុះ Euro ២០២០ ជាមួយនឹងសាធារណរដ្ឋឆេក និងម៉ុងតេណេក្រូ ។ Hudson-Odoi លេងបាន១៩ប្រកួតឲ្យ Chelsea រដូវកាលនេះនឹងរកបាន៥គ្រាប់។ គួរបញ្ជាក់ថា អង់គ្លេស ត្រូវបើកទ្វារផ្ទះស្វាគមន៍ឆេក នៅកីឡដ្ឋាន Wembley នៅថ្ងៃសុក្រនេះ និងបន្តជួបម្ចាស់ផ្ទះ ម៉ុងតេណេក្រូ នៅថ្ងៃទី២៥ ខែមីនា ឆ្នាំ២០១៩ខាងមុខនេះ៕ធ.ដ

ក្រុមជម្រើសជាតិអាហ្សង់ទីន បានប្រមូលផ្ដុំហ្វឹកហាត់ នៅទីក្រុងម៉ាឌ្រីដ ប្រទេសអេស្ប៉ាញ កាលពីថ្ងៃម្សិលមិញ ដោយមានទាំងវត្តមានប្រធានក្រុម Lionel Messi ត្រៀមជំនួបមិត្តភាព។ ខ្សែប្រយុទ្ធវ័យ៣២ឆ្នាំ បានវិលមកលេងឲ្យជម្រើសជាតិវិញលើកដំបូង គិតចាប់តាំងពីអាហ្សង់ទីនធ្លាក់ចេញពី World Cup ត្រឹមវគ្គ១៦ក្រុមមក។ Messi បានដកខ្លួនពីជម្រើសជាតិមួយរយៈ ដើម្បីសម្រាក និងផ្ដោតលើក្លិបអាជីព ក្នុងនោះរូបគេខកខានមិត្តភាព៦ប្រកួត ដែលអាហ្សង់ទីន ឈ្នះ៤ ស្មើ១ និងចាញ់១។ គួរបញ្ជាក់ថា អាហ្សង់ទីន ត្រូវលេង២ប្រកួត នៅប្រទេសអេស្ប៉ាញ ក្នុងជំនួបមិត្តភាព ជាមួយក្រុមជម្រើសជាតិវ៉េណេស៊ុយអេឡា និងម៉ារ៉ុក ដើម្បីត្រៀមព្រឹត្តិការណ៍ Copa America ដែលមានប្រេស៊ីលធ្វើជាម្ចាស់ផ្ទះ ក្រោមការដឹកនាំពី លោក Lionel Scaloni៕ធ.ដ

កីឡាករ Xherdan Shaqiri ត្រូវគ្រូបង្វឹកដកចេញពីបញ្ជីក្រុមជម្រើសជាតិស្វីសសម្រាប់ព្រឹត្តិការណ៍ជម្រុះពានរង្វាន់បាល់ទាត់ទ្វីបអឺរ៉ុបចុងសប្ដាហ៍នេះ ដោយសារតែរបួសភ្លៅ។ ស្វីសមានបេសកកម្មចំនួន២ប្រកួត សម្រាប់វគ្គជម្រុះ Euro ២០២០ ដោយប៉ះជាមួយ ហ្សកហ្ស៊ី នៅថ្ងៃសៅរ៍ មុនបើកទ្វារផ្ទះស្វាគមន៍ ដាណឺម៉ាក នៅថ្ងៃ២៦ សប្ដាហ៍ក្រោយ ។ Shaqiri វ័យ២៦ឆ្នាំ រកបាន៦គ្រាប់នៅ Premier League រដូវកាលនេះ ប៉ុន្តែមិនជាប់ជម្រើសដំបូងឲ្យ Liverpool តាំងពីថ្ងៃ៣០មករាមក។ គួរបញ្ជាក់ថា ក្រោយបញ្ចប់វគ្គជម្រុះ  Euro នេះ ក្លិប Liverpool នឹងទទួលភ្ញៀវ Spurs នៅ Anfield ថ្ងៃទី៣១ ខែមីនា ។ ក្រុមហង្សក្រហមត្រូវលេង Premier League ៧ប្រកួតទៀត ហើយត្រូវប៉ះ Porto សម្រាប់វគ្គ៨ក្រុមចុងក្រោយ Champions League៕ធ.ដ

អតីតកីឡាករក្រុមកាំភ្លើងធំ Marc Overmars បានបញ្ចប់ពាក្យចចាមអារ៉ាមដែលថាលោកត្រូវ Arsenal ទាក់ទងទៅធ្វើការ ដោយបានបន្តកុងត្រាថ្មីជាមួយ Ajax ដល់ខែមិថុនា ឆ្នាំ២០២៤។ ក្រុមរហស្សនាមថា កាំភ្លើងធំកំពុងស្វែងរកគ្រូបច្ចេកទេសថ្មី មកជួយអ្នកចាត់ការទូទៅបច្ចុប្បន្ន ហើយបានចាប់អារម្មណ៍លោក Overmars ដែលជាអតីតកីឡាករ Arsenal ផ្ទាល់។ មុននេះ Arsenal ក៏ចាប់អារម្មណ៍លោក Monchi ប៉ុន្តែត្រូវសាមីខ្លួនបដិសេធដោយរើសយក Sevilla ជំនួសវិញ។ លោក Overmars គឺជាគ្រូបច្ចេកទេស កំពុងធ្វើការជាមួយលោក Erik ten Hag ដែលជាអ្នកចាត់ការរបស់ Ajax ។ យ៉ាងណា Overmars ត្រូវបានគេចាត់ទុកជាតួអង្គសំខាន់មួយរូប ដែលជួយយឹតយោងក្រុមមកពីហូឡង់មួយនេះ ឡើងជើងខ្លាំងពិសេសគឺបានទម្លាក់ Real Madrid នៅ Champions League៕ធ.ដ