(ទីក្រុងប៊ែកឡាំង)៖ វីរកីឡាករ សាលី អ៊ូមើត បានបញ្ជាក់ ពីទឹកដីអាល្លីម៉ង់ថា ក្រុមកីឡាករ ជម្រើសជាតិម៉ូតូទឹកកម្ពុជា និងក្រុមជាង (Mechanic) បានត្រៀ មខ្លួនយ៉ាងល្អ សម្រាប់ការប្រកួតកីឡាម៉ូតូទឹក World Series ជុំទី១ នៅប្រទេសប៉ូឡូញ។ ការបញ្ជាក់បែបនេះ គ្រាដែល វីរៈកីឡាករ សាលី អូម៊ើត បានដឹកនាំក្រុមកីឡាករម៉ូតូទឹកកម្ពុជា កំពុងហ្វឹកហាត់ នៅទីក្រុងប៊ែកឡាំង ទឹកដីអាល្លីម៉ង់ នារសៀលថ្ងៃទី១៧ ខែកក្កដា ឆ្នាំ២០២៤។ វីរកីឡាករ សាលី អ៊ូមើត អះអាងថា ជោគជ័យនៅការប្រណាំងកីឡាម៉ូតូទឹកជើងឯកអាស៊ី នៅជប៉ុន ជាចំនុចវិជ្ជមាន និងភាពខ្លាំងរបស់ក្រុមជម្រើសជាតិម៉ូតូទឹកកម្ពុជា ឆ្ពោះទៅ Water Jet Ski World Series ជុំទី១ នៅប្រទេសប៉ូឡូញ ដែលប្រព្រឹត្តទៅថ្ងៃទី២៤ ដល់ ២៨ ខែកក្កដា ឆ្នាំ២០២៤ខាងមុខនេះ។ ជាមួយគ្នានេះកីឡាករឆ្នើមរបស់កម្ពុជារូបនេះ បានបង្ហាញការតាំងចិត្តដ៏មោះមុតថា ខ្លួននឹងប្រឹងឱ្យអស់ពីសមត្ថភាព ដើម្បីនាំយកពានរង្វាន់កម្រិតពិភពលោក (World…

(ភ្នំពេញ)៖ ឯកឧត្តម ថោង ខុន ទេសរដ្ឋមន្រ្តី ទទួលបន្ទុកបេសកម្មពិសេស តំណាងសម្តេច បវរមហាធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានជួបសំណេះសំណាលអត្តពលិកដែលត្រូវទៅចូលរួមប្រកួតកីឡាអូឡាំពិក ក្រុងប៉ារីស ប្រទេសបារាំង នឹងចាប់ផ្ដើមពីថ្ងៃទី២៦ខែកក្កដា ដល់ថ្ងៃទី១១ ខែសីហា ឆ្នាំ២០២៤។ ជំនួបនេះ បានធ្វើឡើង នៅអាគារ គណៈកម្មាធិការជាតិអូឡាំពិកកម្ពុជា នាព្រឹកថ្ងៃទី១៧ កក្តដា ឆ្នាំ២០២៤ ។ ឯកឧត្តម ថោង ខុន មានប្រសាសន៍ថា សម្រាប់ព្រឹត្តិការណ៍កីឡាអូឡាំពិកនេះ គឺជាព្រឹត្តិការណ៍កីឡាធំជាងនៅលើពិភពលោក អត្តពលិកកីឡារូបណាក៏មានក្តីស្រម៉ៃចង់ចូលរួមនៅក្នុងព្រឹត្តិការណ៍នេះដែរ។ ដូច្នោះហើយ យើងជាកីឡាករកីឡាការិនីតំណាងឱ្យព្រះរាជាណាចក្រកម្ពុជា នៅពេលមានឱកាសចូលរួមប្រកួតត្រូវខិតខំប្រកួតឱ្យអស់ពីលទ្ធភាព ពិសេសត្រូវបំបែកកំណត់ត្រាចាស់របស់ខ្លួនឱ្យបាន ឆ្លើយតបតាមស្មារតីកីឡា ឈ្នះដោយយុត្តិធម៍ ចាញ់ដោយកិត្តិយស ។ ឯកឧត្តម ទេសរដ្ឋមន្រ្តី បានគូសបញ្ជាក់ទៀតថា ក្នុងនាមជាអត្តពលិកកីឡាទៅចូលរួមតំណាងជាតិ ត្រូវខិតខំប្រកួតឱ្យអស់ពីលទ្ធភាព ជៀសវាងរាល់ការបំពានច្បាប់លក្ខន្តិកៈនៃការប្រកួត គោរពឱ្យបាននូវក្រមសិលធម៌ និងជៀសវាងការប្រើប្រាស់ សារធាតុប៉ូវកម្លាំង ដែលជាសារធាតុហាមឃាត់ក្នុងវិស័យកីឡា ធ្វើឱ្យប៉ះពាល់យ៉ាងធ្ងន់ធ្ងរដល់សេចក្តីថ្លៃថ្នូរបស់ជាតិ។ ទន្ទឹមជាមួយគ្នានេះ ឯកឧត្តម បានសូមណូពរឱ្យប្រតិភូកីឡាករកីឡាការិនីចូលរួមទាំងអស់ប្រកាន់ភ្ជាប់នូវអក្បកិរយាថ្លៃថ្នូតំណាងឱ្យកម្ពុជា…

(ខេត្តស្វាយរៀង)៖ ឯកឧត្តម សរ សិទ្ធិ រដ្ឋលេខាធិការក្រសួងមហាផ្ទៃ ទទួល​ការងារ​ដឹកនាំអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ និងជា​អនុ​ប្រធានទី២ សហព័ន្ធកីឡាទូកកានូ និងរ៉ូអ៊ីងកម្ពុជា បានជួបប្រជុំជាមួយ ឯកឧត្តម ប៉េង ពោធិ៍សា អភិបាល នៃគណៈអភិបាលខេត្តស្វាយរៀង នា រសៀលថ្ងៃទី១៥ ខែ កក្តដា ឆ្នាំ២០២៤ ។ ជំនួបប្រជុំនេះ បានធ្វើឡើងក្នុងគោលបំណងត្រៀមរៀបចំការប្រកួតកីឡា​ព្រឹត្តិការណ៍ការប្រកួតកីឡាទូកប្រពៃណីខ្នាតអន្តរជាតិទូកនាគ ទូកកានូ ទូកកាយ៉ាក់ និងទូករ៉ូអ៊ីង ជ្រើសរើសជើងឯកថ្នាក់ជាតិ “ពានរង្វាន់ ឯកឧត្តមអភិសន្តិបណ្ឌិត ស សុខា លើកទី១ ” ចាប់ពីថ្ងៃទី០២ ដល់ថ្ងៃទី០៤ ខែសីហា ឆ្នាំ២០២៤ នៅទន្លេវ៉ៃគោ ក្រុងស្វាយរៀង ខេត្តស្វាយរៀង។ឯកឧត្តម សរ សិទ្ធិ អនុប្រធានទី២ បានស្នើដល់រដ្ឋបាលខេត្តស្វាយរៀង ជួយសម្របសម្រួល និងផ្ដល់កិច្ចសហការក្នុងការរៀបចំព្រឹត្តិការណ៍នេះ ឱ្យដំណើរទៅដោយរលូន និងទទួលបានជោគជ័យ ជាពិសេស ក្នុងពិធីបិទ ដែលនឹងប្រព្រឹត្តទៅក្រោមអធីបតីភាព ឯកឧត្តមអភិសន្តិបណ្ឌិត ស សុខា…

(ភ្នំពេញ)៖ ព្រឹត្តការណ៍ប្រណាំងកង់ភ្នំ Mountain Bike Series ឆ្នាំ២០២៤ ជុំទី១ ដែលទទួលបានការគាំទ្រច្រើនដោយមានកីឡាករ កីឡាការិនីជាតិ និងអន្តរជាតិ ចូលរួមសរុប ២៣៥នាក់ បានបញ្ចប់ដោយជោគជ័យ នៅទីលានជណ្តើរកាច់ ស្ថិតនៅភូមិស្រែផ្អេរ ឃុំក្រាំងអំពិល ស្រុកសំរោងទង ខេត្តកំពង់ស្ពឺ ។ លោក យឿន ភីយុទ្ធ អ្នករៀបចំ Mountain Bike Series បានឱ្យដឹងថា ការប្រណាំងជុំទី១ ឆ្នាំនេះ គឺជោគជ័យមួយកម្រិត ទោះមិនទាន់មានដៃគូសហការ តែមានអ្នកចូលរួមមិនច្រើនលើសលប់អាចទទួលយកបានដោយមានក្រុមខ្លះមានកីឡាករ កីឡាការិនីជាង ៦០នាក់ ផ្តល់ភាពងាយស្រួលដល់គណកម្មការក្នុងការរៀបចំ។ រីឯសិទ្ធផលវិញ ទាំងកីឡាករវ័យក្មេង និងកីឡាករចាស់មានការកើនឡើងដោយប្រណាំងលើផ្លូវឧបសគ្គដូចគ្នា អ្នករៀបចំរូបនេះ រំពឹងថា ជុំទី២ និងទី៣ នឹងមានអ្នកចូលរួមច្រើនជាពិសេសកីឡាករអន្តរជាតិ ។ ……….ដាក់សម្ភាសន៍ លោក យឿន ភីយុទ្ធ ….០២នាទី ០៨វិនាទី ……. ចំពោះលទ្ធផលបច្ចេកទេសវិញ Class A លេខ១…