(ភ្នំពេញ)៖ ឯកឧត្តម វ៉ាត់ រដ្ឋលេខាធិការ ក្រសួងអប់រំយុវជន និងកីឡា និងជា​អនុ​ប្រ​ធាន​ប្រចាំការក្រុមការងារចំពោះកិច្ច ព្រឹត្តិការណ៍គុនចម្រុះជើងឯកអាស៊ី​លើក​ទី២ បានដឹកនាំក្រុមការងារចុះទៅកាន់ក្លឹបប្រដាល់ខេបូឌាថប់ធីម ដើម្បី​ត្រួតពិនិត្យមើលការហ្វឹកហាត់របស់កីឡាករកីឡាការិនីគុនចម្រុះកម្ពុជា ហ្វឹកហាត់ត្រៀមចូលរួមក្នុងព្រឹត្តិការណ៍គុនចម្រុះជើងឯកអាស៊ីលើកទី២ ដែលកម្ពុជាទទួលធ្វើជាម្ចាស់ផ្ទះ ប្រកួតចាប់ពីថ្ងៃទី១០ ដល់ថ្ងៃទី១៣ ខែ កក្តដា ឆ្នាំ២០២៤។ នាឱកាសចុះពិនិត្យ និងសំណេះសំណាលនោះ ឯកឧត្តម វ៉ាត់ ចំរើន ដែលជាអ្នកជំនាញបច្ចេកទេសកីឡាប្រយុទ្ធ និងជាអតីតកីឡាករចំបាប់ ក៏បានបង្ហាញនូវបច្ចេកទេស ដែលជាជំនាញរបស់ឯកឧត្តមផ្ទាល់ ចែករំលែកទៅកាន់កីឡាករកីឡាការិនីអំពីយុទ្ធសាស្រ្តនិងល្បិចមួយចំនួន ដើម្បីយកឈ្នះលើគូប្រជែងលើស្នៀតបោក និងកាច់ក្លេផងដែរ។ បន្ទាប់ពីបញ្ចាប់ការបង្ហាញស្នៀតបច្ចេកទេសទៅដល់កីឡាករកីឡាការិនីឱ្យជ្រោជ្រាបអំពីយុទ្ធសាស្រ្តសំខាន់មួយចំនួនដែលចាំបាច់ប្រើប្រាស់ក្នុងការប្រកួតហើយនោះ ឯកឧត្តម បានណែនាំ កីឡាករកីឡាការិនីយកចិត្ត​ទុកដាក់​ខិតខំហ្វឹកហាត់ពង្រឹងសមត្ថភាព ទម្លាក់ចោលនូវអាម្មណ៍ភ័យខ្លាច និងស្រេសមួយចំនួនឱ្យអស់​ ដាក់អារម្មណ៍មុតស្រួចគិតតែរឿងវិជ្ជមាន​សម្រាប់ការប្រកួត ប្រកួតដើម្បីឈ្នះលើកមុខមាត់កម្ពុជា។ ឯកឧត្តម រដ្ឋលេខាធិការ បានគូសបញ្ជាក់ទៀតថា ការដែលក្រុមការងារ បានចុះមកពិនិត្យមើលសកម្មភាពហ្វឹកហាត់ដល់កន្លែងបែបនេះ គឺចង់បង្ហាញថា ក្រុមការងារ និងរាជរដ្ឋាភិបាលបានយកចិត្តទុកដាក់ខ្លាំង​ណាស់​ចំពោះពួកគាត់ទាំងអស់គ្នា។ ផ្តល់នូវភាពកក់ក្តៅដែលជាការជំរុញលើកទឹកចិត្តឱ្យពួកគាត់មានកម្លាំងចិត្តហ្វឹកហាត់កាន់តែខ្លាំង កាន់តែរឹងមាំ និងល្អជាងមុន ពិសេស គឺលើកទឹកចិត្តឱ្យ​ពួកគាត់​កាន់តែមានទំនុកចិត្តខ្ពស់ប្រកួតដើម្បីដណ្តើមជ័យជម្នះជូនកម្ពុជា។ នាឱកាសចុះសួរសុខទុក្ខនិងសំណេះសំណាលជាមួយកីឡាករកីឡាការិនី និងគ្រូបង្វឹកនោះ ឯកឧត្តម រដ្ឋលេខាធិការបានផ្តល់នូវដំបូន្មានល្អៗ​ដែលជា​យុទ្ធ​សាស្រ្ត​ជួយឱការហ្វឹកហាត់ និងប្រកួតមានប្រសិទ្ធភាពផងដែរ។…

(ភ្នំពេញ)៖ ស្របពេលដែលព្រះរាជណាចក្រកម្ពុជា ទទួលសិទ្ធិធ្វើជាម្ចាស់ផ្ទះ រៀបចំព្រឹត្តិការណ៍​គុនចម្រុះជើងឯកអាស៊ីលើកទី២ ចាប់ដំណើរការពីថ្ងៃទី១១ដល់ថ្ងៃទី១៣ ខែ កក្តដា ឆ្នាំ២០២៤ នៅពហុកីឡដ្ឋានជាតិអូឡាំពិក សហព័ន្ធកីឡាគុនចម្រុះកម្ពុជា បានអញ្ជើញអ្នកជំនាញគុនចម្រុះអន្តរជាតិ មកបណ្តុះបណ្តាល ដល់មន្រ្តី ចៅក្រមអាជ្ញាកសរុប ៣៨នាក់ ក្នុងនោះចៅក្រម អាជ្ញាកណ្តាលកម្ពុជាចំនួន ១៦នាក់ និងចៅក្រម អាជ្ញាកណ្តាល ២២នាក់មកពី ១៤ប្រទេស ក្នុងទ្វីបអាស៊ី។ លោក សេង ប៊ុនសុង អនុប្រធានសហព័ន្ធកីឡាគុនចម្រុះកម្ពុជា បានមានប្រសាសន៍ឱ្យដឹងថា វគ្គបណ្តុះបណ្តាលចៅក្រម អាជ្ញាកីឡាគុន​ចម្រុះអន្តរជាតិនេះ គឺជាការរៀបចំលើកទី៣ហើយ ដោយលើកទី១រៀបចំនៅប្រទេសថៃ លើកទី២រៀបចំនៅប្រទេសចិន និងលើកទី៣នេះ រៀបចំនៅកម្ពុជា។ លោក អះអាងថា វគ្គបណ្តុះបណ្តាលនេះ ពិតជាមានសារៈសំខាន់ណាស់ សម្រាប់ប្រទេសដែលទទួលធ្វើជាម្ចាស់ផ្ទះ ព្រោះចៅក្រម អាជ្ញាកណ្តាលទាំងអស់ ចាំបាច់យល់ដឹងឱ្យបានកាន់តែច្បាស់អំពីច្បាប់លក្ខន្តិកៈនៃការប្រកួត ដើម្បីចូលរួមកាត់សេចក្តីក្នុងការប្រកួតប្រកបដោយគុណភាពដែលកំណត់ដោយច្បាប់អន្តរជាតិ។ លោក គូសបញ្ជាក់ទៀតថា ចៅក្រម អាជ្ញាកណ្តាលកម្ពុជាទាំង ១៦នាក់នេះ ថ្វីត្បិតចូលរួមលើកទី១មែន ប៉ុន្តែពួកគាត់ជាកីឡាករនិងខ្លះទៀតជាចៅក្រម អាជ្ញាកណ្តាលមកពីសហព័ន្ធផ្សេងៗដែលធ្លាប់ឆ្លងកាត់វគ្គបណ្តុះបណ្តាលមួយចំនួនរួចមកហើយ ។ ដូច្នោះហើយ ការបណ្តុះបណ្តាលនេះ…

(ស្វាយរៀង)៖ សហព័ន្ធកីឡាទូកានូ និងរ៉ូអ៊ីងកម្ពុជា ក្រោមការដឹកនាំ របស់ ឯកឧត្តម អភិសន្តិបណ្ឌិត សរ សុខា ឧបនាយរដ្ឋមន្រ្តី រដ្ឋមន្រ្តីក្រសួងមហាផ្ទៃ ជាប្រធានសហព័ន្ធ បានបើកវគ្គបណ្តុះបណ្តាល មន្ត្រីរៀបចំការប្រកួតកីឡាទូក​នាគ​​ថ្នាក់អន្តរជាតិកម្រិត១ ជូនដល់សិក្ខាកាម ដែលជាមន្រ្តី និងអាជ្ញាកណ្តាល រយៈពេល៤ថ្ងៃ ដោយអញ្ជើញ គ្រូឧទ្ទេសជំនាញ មកពីប្រទេសថៃ និងសង្ហបុរី​។ កញ្ញា មាសតឿ អគ្គហេរញ្ញឹក សហព័ន្ធកីឡាទូកកានូ និងរ៉ូអ៊ីងកម្ពុជា បានគូសបញ្ជាក់ឱ្យដឹងថា វគ្គបណ្តុះបណ្តាលនេះ បានធ្វើឡើងមានរយៈពេល៤ថ្ងៃ ចាប់ពីថ្ងៃទី៤ ដល់ថ្ងៃទី៧ ខែ កក្តដា ឆ្នាំ២០២៤ នៅទីរួមខេត្តស្វាយរៀង។មេរៀនសំខាន់ៗក្នុងវគ្គបណ្តុះបណ្តាលដែល លោក គ្រូឧទ្ទេសទាំងពីរយកមកបង្ហាត់នេះមាន៧ចំណុចធំៗ ទី១.ការសិក្សាអំពីប្រវត្តសហព័ន្ធកីឡាទូកនាគអន្តរជាតិ ទី២. សិក្សាអំពីរចនាសម្ព័ន្ធរបស់សហព័ន្ធកីឡាទូកនាគអន្តរជាតិ ទី៣.សិក្សាអំពីមុខងារគណៈកម្មការបច្ចេកទេស និងកម្រិតរបស់មន្ត្រីរៀបចំការប្រកួត ទី៤. សិក្សាអំពីតួនាទី និងមុខតំណាងរបស់មន្រ្តីរៀបចំការប្រកួត ទី៥ .ការសិក្សាអំពីការរៀបចំផែនការប្រកួតទូកនាគ ទី៦. សិក្សាអំពីការស្វែងរកព័ត៌មាន នៅក្នុងសហព័ន្ធកីឡាទូកនាគអន្តរជាតិ និងទី៧.សិក្សាអំពីការតរ៉ា និងការដោះស្រាយបណ្តឹង។ កញ្ញា មាសតឿ…

(ភ្នំពេញ)៖ ជាបទពិសោធថ្មីក្នុងការចូលរួមប្រកួតកីឡាគុនចម្រុះ កីឡាការិនី ទួន ស្រីភីន ទទួលស្គាល់ថា ពិតជាលំបាក តែក៏ចាត់ទុកជាការបន្ថែមជំនាញក្បាច់គុនថ្មីពីលើគុនខ្មែរដែលរូបនាងកំពុងតែហ្វឹកហាត់ស្រាប់។ ជាមួយគ្នានេះ យុវតីវ័យ២៤ឆ្នាំក៏មើលឃើញថា ទីផ្សារប្រកួតគុនចម្រុះលក្ខណៈអន្តរជាតិ ពិតជាមានច្រើន ដូច្នេះការបន្ថែមជំនាញក្បាច់គុននេះនឹងផ្ដល់ផលវិជ្ជមានដល់រូបនាង។ ស្រីភីន ពន្យល់ថា ការប្រើបច្ចេកទេសឃ្លេជាជំនាញថ្មីមួយដែលនាងត្រូវសម្របខ្លួន ព្រោះកន្លងមកប្រកួតតែលក្ខណៈឈរវាយទៅទៅវិញ តែសម្រាប់ការប្រកួតគុនចម្រុះ អាចវាយបានច្រើនស្ថានភាពទាំងឈរ និងដេក។ ទោះជាបទពិសោធថ្មីមែន ទួន ស្រីភីន អះអាងថា បានត្រៀមខ្លួន ១០០ភាគរយហើយសម្រាប់ការប្រកួត ដោយមិនខ្វល់លើលទ្ធផលទេ អ្វីដែលសំខាន់នោះ គឺប្រឹងប្រែងហ្វឹកហាត់ និងប្រកួតអស់ពីសមត្ថភាព។ ជាមួយគ្នានេះ កីឡាការិនីជម្រើសជាតិកម្ពុជាខាងលើក៏បានចាត់ទុកកីឡាយុទ្ធគុនចម្រុះជើងឯកអាស៊ី(AMMA) លើកទី២ ហើយលោកបានចាត់ទុកវេទិកានេះ គឺជាឱកាសដើម្បីជំរុញការអភិវឌ្ឍយុទ្ធគុនចម្រុះកម្ពុជា ពិសេសក៏ដើម្បីជំរុញការផ្សព្វផ្សាយបន្ថែមពីក្បាច់គុនខ្មែរផងដែរ៕ ដោយ ៖ ជាវ ចន្ធូ

(ភ្នំពេញ)៖ កីឡាករកីឡាការិនី គ្រូបង្វឹក និងគ្រូជំនួយ ទូកកានូ និងរ៉ូអ៊ីងកម្ពុជា ចំនួន ៥រូប នារសៀល ថ្ងៃទី១ ខែកក្តដា ឆ្នាំ២០២៤នេះ បានចេញដំណើរទៅចូលរួមការប្រកួតកីឡាទូក the South EAST Asian Senior ,U23 and Junior canoe sprint championships នៅខេត្តហៃផុង ប្រទេសវៀតណាម។ការចេញទៅរបស់អត្តពលិកទូកទាំង ៥រូបនេះ មានអញ្ជើញចូលរួមជូនដំណើរ ដោយកញ្ញា មាស តឿង អគ្គហិរញ្ញឹក សហព័ន្ធកីឡាទូកកានូ និងរ៉ូអ៊ីងកម្ពុជា មន្រ្តីក្រុមប្រឹក្សាកីឡាក្រសួងមហាផ្ទៃ ។ នាឱកាសនោះ កញ្ញា មាស តឿ តំណាងសហព័ន្ធកីឡាទូកកានូ និងរ៉ូអ៊ីងកម្ពុជា បានណែនាំដល់កកីឡាករកីឡាការិនី ត្រូវយកចិត្តទុកដាក់ចំពោះអានាម័យ និងសុខភាព គេងហូបចុកឱ្យបានបានគ្រប់គ្រាន់ ដើម្បីត្រៀមកម្លាំងប្រកួតដណ្តើមយកជោគជ័យជូនជាតិ ។ ត្រូវធ្វើការប្រកួតដោយមានទំនុកចិត្តលើខ្លួនឯង និង កុំបរិភោគអាហារណាដែលមិនធ្លាប់ហូប ជៀសវាងការរាករោះធ្វើប៉ះពាល់ដល់ការប្រកួត ។ មួយវិញទៀត ត្រូវតែរក្សាឱ្យបាននូវក្រមសិល៍ធម៌…