(ភ្នំពេញ)៖ សមាជិកគណៈកម្មាធិការប្រតិបត្តិសហព័ន្ធ ផ្ដល់សេចក្ដីទុកចិត្តតែងតាំង វីរកីឡាករម៉ូតូទឹកឆ្នើមកម្ពុជា សាលី អ៊ូមើត ជាអគ្គលេខាធិការសហព័ន្ធកីឡាម៉ូតូទឹកកម្ពុជាឡើងវិញ បន្ទាប់ពីបញ្ចប់ភារកិច្ចដ៏ជោគជ័យក្នុងការប្រកួតកីឡាស៊ីហ្គេម ឆ្នាំ២០២៣ នៅកម្ពុជា កាលពីពេលថ្មីៗ នៅសាលប្រជុំនាយកដ្ឋានរៀបចំ និងគ្រប់គ្រងព្រឹត្តិការណ៍កីឡា នាថ្ងៃទី១៥ ខែវិច្ឆិកា ឆ្នាំ២០២៣ ។ ឯកឧត្តម ណុះ ស្លេះ ប្រធានសហព័ន្ធ បានគូសបញ្ជាក់ថា បន្ទាប់ពីសហព័ន្ធ បានបង្កើតឡើងនៅ (ឆ្នាំ២០១៧) កីឡាករ សាលី អ៊ូមើត ធ្លាប់ជាអគ្គលេខាធិការម្ដងរួចមកហើយ តែដោយសារលក្ខខណ្ឌប្រកួតស៊ីហ្គេម មិនអនុញ្ញាតឲ្យកីឡាករមានតួនាទី ២ (ជាកីឡាករផង ជាមន្ដ្រីសហព័ន្ធផង) ទើបសហព័ន្ធតម្រូវឲ្យ អ៊ូមើត លាលែងពីតំណែង ដើម្បីប្បំពេញតួនាទីជាកីឡាករ ដណ្ដើមមេដាយមាសជូនជាតិ ។ក្រោយប្រកួតស៊ីហ្គេមដ៏ជោគជ័យ ដោយមើលឃើញពីការខិតខំប្រឹងប្រែង សាលី អ៊ូមើត បានសាងស្នាដៃជូនសហព័ន្ធ និងប្រទេស គណៈកម្មាធិការប្រតិបត្តិសហព័ន្ធ ក៏សម្រេចផ្ដល់ការគាំទ្រឲ្យរូបលោកធ្វើជា អគ្គលេខាធិការ ជាថ្មី នាពេលនេះ ។ លោក សាលី អ៊ូមើត បានសម្ដែងក្ដីរីករាយ…

(ភ្នំពេញ)៖ ជើងឯកថ្នាក់ជាតិកីឡាប៊ូលនិងប៉េតង់ ឆ្នាំ២០២៣ បានបើកការប្រកួតជាផ្លូវការហើយ នាព្រឹកថ្ងៃទី១៦ ខែវិច្ឆិកា នៅក្នុងទីលានកីឡាប៊ូល និងប៉េតង់ ក្នុងពហុកីឡដ្ឋានជាតិអូឡាំពិក ដោយមានការចូលរួមពីសម្ព័ន្ធ ក្លិប ចំនួន ៥៣ មក ពី១២ រាជធានី ខេត្ត ។ ឯកឧត្តម សុខ សូកាន រដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ និងជាប្រធានសហព័ន្ធកីឡាប៊ូល និងប៉េតង់កម្ពុជា បានមានប្រសាសន៍ថា ការប្រកួតកីឡាប៊ូល និងប៉េតង់ជើងឯកថ្នាក់ជាតិ ឆ្នាំ២០២៣ រៀបចំឡើងក្នុងគោលបំណងលើក ស្ទួយវិស័យ កីឡាប៊ូល និងប៉េតង់កម្ពុជា បង្កើនទំនាក់ទំនងរវាងសម្ព័ន្ធ ក្លិប និងផ្តល់ឱកាសដល់កីឡាករ កីឡាការិនី ទូទាំង ប្រទេសអាចចូលរួមប្រកួតប្រជែង និងដុសខាត់សមត្ថភាព ហើយក៏ជាវេទិកាសម្រាប់សហព័ន្ធកីឡាប៊ូល និង ប៉េតង់កម្ពុជា សម្លឹងមើល កីឡាករ កីឡាការិនី ដែលមានសក្តានុពល និងឧបនិស្ស័យលើកីឡាប៊ូល និងប៉េតង់ មកចូលរួមប្រមូលផ្តុំជាក្រុមជម្រើសជាតិ យុវជន ឬថ្នាល នាឆ្នាំបន្តបន្ទាប់ទៀត ។…

(ភ្នំពេញ)៖ សហព័ន្ធកីឡាវាយសីកម្ពុជា បានជូនដំណឹងជាផ្លូវការ ថា ការប្រកួតកីឡាវាយសីជ្រើសរើសជើងឯកថ្នាក់ជាតិ ឆ្នាំ២០២៣ មានក្លិបកីឡាវាយសីទូទាំងប្រទេសដាក់ពាក្យសុំសិទ្ធិចូលរួមប្រកួតប្រជែងចំនួន១៦ ក្លិប ដោយធ្វើ្កការប្រកួតចាប់ពីថ្ងៃទី១៧ដល់ថ្ងៃទី១៩ ខែ វិច្ឆិកា ឆ្នាំ២០២៣ នៅក្នុងទីលានកីឡាវាយសីរបស់សហព័ន្ធ ស្ថិតនៅក្នុងពហុកីឡដ្ឋានជាតិអូឡាំក។ ការប្រកួតនេះ សហព័ន្ធកីឡាវាយសីកម្ពុជា បានសហការជាមួយនាយកដ្ឋានអប់រំកាយនិងកីឡានៃក្រសួងអប់រំយុវជននិងកីឡា ដើម្បីចំរាញ់ជ្រើសរើសយកកីឡាករកីឡាការិនីដែលមានសមត្ថភាព មកបំប៉នហ្វឹកហាត់ជាមួយសហព័ន្ធត្រៀមប្រកួតតំណាងជាតិសម្រាប់ព្រឹត្តិការណ៍អន្តរជាតិ នាពេលខាងមុខ។ ឧត្តម សេនីយ៍ទោ ជាម សុភា អគ្គលេខាធិការ សហព័ន្ធកីឡាវាយសីកម្ពុជា បានបញ្ជាក់ឲ្យដឹងដែរថា ការប្រកួតកីឡាវាយសីជ្រើសរើសជើងឯកថ្នាក់ជាតិឆ្នាំ២០២៣នេះ មាន៧វិញ្ញាសា ដូចជា៖ វិញ្ញាសា ឯកក្តជន ១.វិញ្ញសាបុរសអាយុ១៩ឆ្នាំឡើង វាយទោល កើតមុនឬនៅក្នុងឆ្នាំ២០០៤។ វិញ្ញាសាយុវជនក្រោម១៨ឆ្នាំ កើតមុនឬក្រោយឆ្នាំ២០០៥។ វិញ្ញាសានារីក្រោមអាយុ១៨ឆ្នាំ វាយទោល កើតមុនឬក្រោយឆ្នាំ២០០៥។ ២.វិញ្ញាសាវាយគូ បុរស. វិញ្ញាសា វាយគូអាយុ១៩ឆ្នាំឡើង កើតមុនឬនៅឆ្នាំ២០១៤។ វាយគូយុវជនអាក្រោម១៨ឆ្នាំ កើតមុនឬក្រោយឆ្នាំ២០០៥។ វិញ្ញសាវាយគូនារី អាយុ១៩ឆ្នាំឡើង កើតមុនឬនៅឆ្នាំ២០០៤។ គ.វិញ្ញាសា វាយគូចម្រុះបុរសនិងនារី មិនគិតអាយុ។ សូមជម្រាប់ថា ជារៀងរាល់ឆ្នាំ…

(ភ្នំពេញ)៖ សហព័ន្ធកីឡាវាយកូនបាល់កម្ពុជា បានប្រកាសជាផ្លូវ ការណ៍ ថា នឹងរៀបចំការប្រកួតកីឡាវាយកូនបាល់ពានរង្វាន់ ទេព ឃុនណា MEMORIAL CUP រយៈពេល២ថ្ងៃ ចាប់ពីថ្ងៃទី១៨ ដល់ថ្ងៃ ទី១៩ ខែ វិច្ឆិកា ឆ្នាំ២០២៣ នៅក្នុងពហុកីឡដ្ឋានជាតិមរតកតេជោ ។ ការប្រកួតនេះ មានយុវជនកីឡាវាយកូនបាល់មកពីខេត្តចំនួន ២ចូល រួម ដូចជា៖ ខេត្តបាត់ដំបង និងខេត្តសៀមរាប ដោយធ្វើការប្រកួតលើ៤ ប្រ ភេទ អាយុ បុរស អាយុក្រោម១០ អាយុក្រោម១២ឆ្នាំ អាយុក្រោម១៤ និងអាយុក្រោម១៨ ។រីឯនារី មាន៤ប្រភេទអាយុដូចបុរសដែរ នារីអាយុ ក្រោម១០ អាយុក្រោម១២ឆ្នាំ អាយុក្រោម១៤ និងអាយុក្រោម១៨ ។ លោក ទេព រីទ្ធីវិទ្ធ អគ្គលេខាធិការ សហព័ន្ធកីឡាវាយកូនបាល់កម្ពុជា បានថ្លែង បញ្ជាក់ថា ការប្រកួតកីឡាវាយកូនបាល់ពានរង្វាន់ទេព ឃុនណា MEMORIAL CUP ដែល…

នាយិការង វិទ្យាស្ថានខេមអេដ បញ្ជាក់ថា ខេមអេដ តែងតែជំរុញសកម្មភាពកីឡា និងបង្កើតព្រឹត្តិការណ៍ច្រើនប្រភេទ ក្នុងនោះកីឡាបាល់បោះផ្នែកបុរស និងនារី គឺជាប្រភេទកីឡាចម្បងមួយ ក្នុងចំណោមកីឡាផ្សេងៗ ដែលតែងតែបង្កើតព្រឹត្តការណ៍ការប្រកួតជារៀងរាល់ឆ្នាំ និងជាឱកាសដល់កីឡាករ កីឡាការិនីជានិស្សិត ។ (រាយការណ៍ដោយ ៖ កន្និកា) Read ៖ ការប្រកួតកីឡាបាល់បោះពានរង្វាន់វិទ្យាស្ថាន ខេមអេដ រដូវកាល ២០២៣ នៅទីលានបាល់បោះមជ្ឈមណ្ឌលជាតិហ្វឹកហ្វឺនកីឡានៃពហុកីឡដ្ឋានជាតិអូឡាំពិក បានបញ្ចប់ជាស្ថាពរ បន្ទាប់ពីសម្រិតសម្រាំងបានម្ចាស់ជ័យលាភី ទាំងផ្នែកបុរស និងនារី ជាលទ្ធផល ៖ ផ្នែកបុរស ក្រុមចំណាត់ថ្នាក់លេខ១ បានទៅលើក្រុម Dream, លេខ២ ក្រុម Yung Jorce, លេខ៣ ក្រុម Majex ខណៈពានរង្វាន់ឯកត្តជនអ្នករកគ្រាប់បាល់បានច្រើនជាងគេ បានទៅលើកីឡាករ ដាវី។ ផ្នែកនារី ចំណាត់ថ្នាក់លេខ១ បានទៅលើក្រុម Maniac, លេខ២ Team ១ និងលេខ ៣ បានទៅលើក្រុម Wild…

(ភ្នំពេញ)៖ អគ្គលេខាធិការ សហព័ន្ធកីឡាទូកក្តោងកម្ពុជា លោក សោម សុទ្ធរិទ្ធិពង្ស បានថ្លែងលើកឡើង ក្នុងពិធីប្រគល់-ទទួល មជ្ឈមណ្ឌលជាតិហ្វឹកហ្វឺនកីឡាទូកក្តោង កាលពីចុងសប្តាហ៍ថា មជ្ឈមណ្ឌលជាតិហ្វឹកហ្វឺនកីឡាទូកក្តោងនេះ គឺជាការឧបត្ថម្ភរបស់ ក្រុមហ៊ុន CANOPY SAND Development ជូនដល់សហព័ន្ធកីឡាទូកក្តោងកម្ពុជា ដោយបានចាប់ផ្តើមសាងសង់ឡើងនៅថ្ងៃទី ០១ ខែកក្កដា ឆ្នាំ២០២៣ លើផ្ទៃដីទំហំ ៥០០ម៉ែត្រការ៉េ ដោយសំណង់អាគារនេះមានកំពស់មួយជាន់ មាន៤បន្ទប់ និងមានឃ្លាំងសម្រាប់ទុកសម្ភារ:ទូកក្តោងចំនួន១ ស្ថិតនៅក្នុងតំបន់អភិវឌ្ឍន៍ Bay of Light ស្ថិតក្នុងឃុំរាម ស្រុកព្រៃនប់ ខេត្តព្រះសីហនុ និងបានសាងសង់រួចរាល់ជាស្ថាពរនៅថ្ងៃទី០៥ ខែវិច្ឆិកា ឆ្នាំ២០២៣ ។ លោកថា សមិទ្ធិផល នៃមជ្ឈមណ្ឌលជាតិហ្វឹកហ្វឺនកីឡាទូកក្តោងនេះ គឺជាការអភិវឌ្ឍន៍បោះជំហានទៅមុខដ៏ធំមួយរបស់ សហព័ន្ធកីឡាទូកក្តោងកម្ពុជា ក្នុងការអភិវឌ្ឍន៍ និងបណ្តុះបណ្តាលវិស័យកីឡាទូកក្តោងនៅក្នុងព្រះរាជាណាចក្រកម្ពុជា ដោយទីតាំងនេះ នឹងក្លាយទៅជាទីតាំងនៃការបណ្តុះបណ្តាលក្រុមកីឡាករ កីឡាការិនីទូកក្តោងកំរិតខ្ពស់ និងកីឡាករ កីឡាការិនីថ្នាល ហើយក៏ជាទីតាំងសម្រាប់ការបណ្តុះបណ្តាល មន្ត្រីបច្ចេកទេសរៀបចំការប្រកួត ចៅក្រម និងគ្រូបង្វឹកកំរិតជាតិ និងអន្តរជាតិផងដែរ ជាពិសេសគឺជាទីតាំងសម្រាប់បម្រើដល់ការរៀបចំការប្រកួតកីឡាទូកក្តោងទាំងកំរិតថ្នាក់ជាតិ…

(ខេត្តកំពត)៖ រដ្ឋបាលខេត្តកំពតរៀបចំពិធីប្រណាំងទូក រយៈពេល ២ថ្ងៃ ចាប់ពីថ្ងៃទី១០ដល់ថ្ងៃទី១១ ខែ វិច្ឆិកា នៅដងព្រែក ក្នុង ក្រុង កំពត ខេត្ត កំពត ដើម្បីចូលរួមអបអរសាទរនៃព្រះរាជពិធីបុណ្យអុំទូក បណ្តែតប្រទីប សំពះព្រះខែ និង អកអំបុក ក្នុងឆ្នាំ២០២៣។ ពិធីប្រណាំងនេះ មានទូក ងរ ប្រពៃណី ចំណុះ២២នាក់ ចូលរួមប្រណាំងចំនួន៣២ទូក មានកីឡាករ និងប្រតិភូចូលរួមសរុបចំនួន៨៦៤នាក់។នេះបើយោងតាមរបាយការណ៍ ដែលបង្ហាញដោយគណៈកម្មការរៀបចំការប្រណាំង ក្នុងចិច្ចប្រជុំបច្ចេកទេស និងចាប់ឆ្នោតបែងចែកគូ ដែលធ្វើឡើង នារសៀលថ្ងៃទី៩ វិច្ឆិកា នៅសាលប្រជុំសាលាខេត្តកំពត។ ក្រោម វត្តមាន ឯក ឧត្តម អ៊ឹង ឆាយ អភិបាលរង ខេត្ត កំពត តំណាង ឯកឧត្តម ម៉ៅ ធនិន អភិបាល នៃគណៈអភិបាលខេត្ត កំពត។ ឯកឧត្តម ឧត្តម អ៊ឹង ឆាយ មានប្រសាសន៍លើកឡើងថា…