(ភ្នំពេញ)៖ វិញ្ញាសាប្រកួតជាក្រុមអាយុក្រោម១៥របស់កម្ពុជា នាព្រឹកថ្ងៃទី៣១ ខែ តុលា ឆ្នាំ២០២៣នេះ ឈ្នះត្រឹមមេដាយប្រាក់ប៉ុណ្ណោះ ក្រោយចាញ់ប្រទេសមីយ៉ាន់ម៉ានៅក្នុងវគ្គផ្តាច់ព្រ័ត្រប្រជែងដណ្តើមមេដាយមាស ក្នុងការប្រកួតកីឡាវាយសីជើងឯកអាស៊ីអាគ្នេយ៍ក្រោមអាយុ១៥និង១៧ឆ្នាំ ដែលកម្ពុជាធ្វើម្ចាស់ផ្ទះ នៅក្នុងកីឡដ្ឋានជាតិមរតកតេជោ ។ ឯកឧត្តម ជាម សុភា អគ្គលេខាធិការ សហព័ន្ធកីឡាវាយសីកម្ពុជាបានប្រសាសន៍ថា លទ្ធផលមេដាយប្រាក់ដែលក្រុមវាយសីកម្ពុជាអាយុក្រោម១៥ឆ្នាំ ប្រជែងដណ្តើមបានក្នុងព្រឹត្តិការណ៍កម្រិតតំបន់នេះ វាជាលទ្ធផលល្អមួយសម្រាប់ក្រុមកីឡាវាយសីវ័យក្មេងកម្ពុជា ព្រោះថា ពួកគាត់ទើបតែមានអាយុ១៣ទៅ១៤ប៉ុណ្ណោះ និងទើបតែចូលហ្វឹកហាត់ដែរ។ លទ្ធផលមេដាយប្រាក់នេះ បានសរបញ្ជាក់ឲ្យឃើញថា ពួកកាត់លេងបានល្អ និងខិតខំប្រឹងប្រែងក្នុងការហ្វឹកហាត់ណាស់ ដើម្បីដណ្តើមជ័យជំនះជូនកម្ពុជា។ ឯកឧត្តម អគ្គលេខាធិការ បានគូសបញ្ជាក់ទៀតថា ការប្រកួតជើងឯកយុវជនអាស៊ីអាគ្នេយ៍ដែលយើងទទួលធ្វើជាម្ចាស់ផ្ទះលើកទី១នេះ គឺជាការប្រកួតមួយដែលជួយពង្រឹងសមត្ថភាព និងបទពិសោធន៍ដល់កីឡាករវាយសីវ័យក្មេងកម្ពុជាឲ្យមានទឹកចិត្តមោះមុតក្លាហាន មិនថាការប្រកួតកម្រិតធំអន្តរជាតិបែបណាក៏ដោយ។ ដោយឡែកកីឡាការិនីវាយសីកម្ពុជា កុយ កន្និកា អាយុ១៥ឆ្នាំ បានឲ្យដឹងក្រោយបញ្ចប់ការប្រកួតដែរថា សម្រាប់ការប្រកួតជើងឯកអាស៊ីអាគ្នេយ៍ដែលក្រុមរបស់នាង បានចូលរួមជាលើកដំបូងនេះ លទ្ធផលទទួលបានត្រឹមមេដាយប្រាក់នេះ ជាលទ្ធផលល្អមួយដែរសម្រាប់កម្ពុជា ព្រោះវាជាការប្រកួតចូលរួមលើកដំបូង ហើយ លទ្ធផលនេះ នឹងរួមចំណែកលើកទឹកឲ្យក្រុមរបស់ពួកយើងប្រឹងប្រែងហ្វឹកហាត់ដុះខាត់សមត្ថភាពបន្ថែមទៀត ដើម្បីឈានទៅសម្រេចភាពជោគជ័យលើវថីកីឡាវាយសីនៅពេលអនាគត។ សូមបញ្ជាក់រយៈពេល២ថ្ងៃនៃការប្រកួតកីឡាវាយសីយុវជនជើងឯកអាស៊ីអាគ្នេយ៍ដែលកម្ពុជាធ្វើជាម្ចាស់ផ្ទះនេះ វិញ្ញសាប្រកួតជាក្រុមអាយុក្រោម១៥បានបញប់នៅព្រឹកថ្ងៃទី៣១ ដោយមេដាយមាសបានទៅប្រទេសមីយ៉ាន់ម៉ា និងមេដាយប្រាក់បានមកប្រទេសកម្ពុជា ខណៈវិញ្ញសាប្រកួតជាក្រុមអាយុក្រោម១៧ឆ្នាំ ក្រុមវាយសីកម្ពុជា…

កីឡាករពិការហែលទឹកជម្រើសជាតិកម្ពុជា ខូយ កុយ បានឡើងទៅវគ្គផ្តាច់ព្រ័ត្រ លើវិញ្ញាសាហែល ១០០ម៉ែត្រកង្កែប កម្រិតពិការ SB6 ក្រោយពីធ្វើបានយ៉ាងល្អ ក្នុងចំណាត់ថ្នាក់លេខ៣ ក្នុងស៊េរី នៅព្រឹកថ្ងៃទី២៦ ខែតុលា ឆ្នាំ២០២៣ នៅក្នុងព្រឹត្តិការណ៍ កីឡាអាស៊ីប៉ារ៉ាហ្គេម លើកទី៤ នៅទីក្រុងហាន់ចូវ ប្រទេសចិន។ គួរបញ្ជាក់ថា កីឡាករ ខូយ កុយ គឺជាម្ចាស់មេដាយប្រាក់ ២ជំនាន់ ក្នុងព្រឹត្តិការណ៍អាស៊ានប៉ារ៉ាហ្គេម លើកទី១១ ឆ្នាំ២០២២ នៅប្រទេសឥណ្ឌូណេស៊ី និងអាស៊ានប៉ារ៉ាហ្គេម លើកទី១២ កាលពីខែមិថុនា ឆ្នាំ២០២៣ ជាប្រវត្តិសាសស្ត្រដំបូងក្នុងការទទួលធ្វើម្ចាស់ផ្ទះរបស់កម្ពុជា៕ ចាន់ វិចត្រ

(ភ្នំពេញ)៖ ឧត្តមសេនីយ៍ ទោ ជាម សុភា អគ្គលេខាធិការ តំណាង ឯកឧត្តម លី កុសល់ ប្រធានសហព័ន្ធកីឡាវាយសីកម្ពុជា និងជារដ្ឋលេខាធិការក្រសួងការពារជាតិ បានបញ្ជាក់ឲ្យដឹង នារសៀលថ្ងៃទី២៤ ខែតុលា ឆ្នាំ២០២៣ នាឱកាសចុះពិនិត្យមើល ទីលាន កីឡាវាយសី ក្នុងពហុកីឡដ្ឋានជាតិ មរតកតេជោថា សហព័ន្ធ កីឡាវាយសីកម្ពុជា នឹងទទួលធ្វើជាម្ចាស់ផ្ទះ ការប្រកួតកីឡា វាយសីជើងឯក អាស៊ីអាគ្នេយ៍ជាលើកដំបូង រយៈពេល៥ថ្ងៃ ដោយចាប់ផ្តើមពីថ្ងៃទី ៣០ខែ តុលា រហូតដល់ថ្ងៃទី៣ ខែ វិច្ឆិកា ឆ្នាំ២០២៣។ ឯកឧត្តម អគ្គលេខាធិការ បានគូសបញ្ជាក់ថា កក្តាដែលកម្ពុជាត្រូវបាន ផ្តល់សិទ្ធរៀបចំព្រឹត្តិការណ៍អន្តរជាតិកម្រិតតំបន់ជាលើកទី១នេះ ផ្តល់សិទ្ធពីសហព័ន្ធកីឡាវាយសីអាស៊ី គឺដោយសារតែកម្ពុជារៀបចំកីឡាស៊ីហ្គេម លើកទី៣២ ដែលកម្ពុជាទទួលធ្វើជាម្ចាស់ផ្ទះទទួលបានជោគជ័យជាមួយការរៀបចំបានយ៉ាងល្អធ្វើឲ្យបណ្តាលប្រទេសចូលរួមលើកសសើរ។ ឯកឧត្តម អះអាងថា ការប្រកួតកីឡាវាយសីជើងឯកអាស៊ីអាគ្នេយ៍ដែលកម្ពុជាទទួលសិទ្ធរៀបចំធ្វើជាម្ចាស់ផ្ទះលើកទី១នេះ វាជាមោទនភាព និងជាប្រវត្តិសាស្រហើយ សម្រាប់កម្ពុជាដូជាព្រឹត្តិការណ៍កីឡាស៊ីហ្គេមដែរ។ ហើយ សម្រាប់ការទទួលលើកទី១នេះ កម្រិតអាស៊ានគឺមាន១១ប្រទេស ប៉ុន្តែកម្ពុជាទទួលយកតែ៥ប្រទេសប៉ុណ្ណោះ ក្នុងនោះមានកម្ពុជាម្ចាស់ផ្ទះ…