ឥណ្ឌា-ឃឿន ប៊ុនឡុង ឈ្នះមេដាយសំរិទ្ធិ ១គ្រឿង លើវិញ្ញាសា មេគុនខ្សែរក្រវ៉ាត់ខ្មៅ២ដាន់ អាយុ១៨ ដល់ ៣៤ឆ្នាំ ក្រោយប្រកួតចុងក្រោយចាញ់កូរ៉េ​ ៥ទល់​ ០។ប្រកួតទី១ ឈ្នះ កាហ្សាក់ស្ថានចំនួន៣តឹក ជាលទ្ធផលទឹកទី៣ កម្ពុជាឈ្នះ ៣ទល់២ ។ជួបកូរ៉េវគ្គពាក់កណ្តាលផ្តាច់ព្រ័ត្រ​ ធ្វេីអោយយេីងអស់ឱកាសទៅប្រជែងមេដាយមាស៕ ចាន់ វិចិត្រ

ឥណ្ឌា-សូមអបអរសាទរ កម្ពុជាឈ្នះមេដាយប្រាក់២គ្រឿង​ បន្ថែមទៀត​ លើវិញ្ញាសាមេគុន ជាក្រុមនារី និង​ ជាក្រុមបុរស​ នៅមុននេះបន្តិច​ ។ប្រកួតផ្តាច់ព្រ័ត្រ ចុងក្រោយទាំងក្រុមបុរស​ និង​ នារី​ គឺយេីងប៉ះកូរ៉េខាងជេីង​ ដែលជាម្ចាស់ក្បាច់គុនដូចគ្នា​ ជាលទ្ធផលមិនគាប់ប្រសេីរ​ ទេីបយេីងឈ្នះត្រឹមមេដាយប្រាក់៕ ចាន់ វិចិត្រ

ប្រទេសឥណ្ឌា៖ កីឡាករ តាំង សៀ សុង ជម្រើសជាតិតេក្វាន់ដូITFកម្ពុជា និងអត្តពលិកក្រសួងមហាផ្ទៃ ដណ្តើមបានមេដាយប្រាក់ ០១គ្រឿង លើប្រភេទវិញ្ញាសាមេគុន ក្រោយចាញ់ម្ចាស់ក្បាច់គុនកូរ៉េខាងជើង នៅវគ្គផ្តាច់ព្រ័ត្រ ក្នុងព្រឹត្តិការណ៍ប្រកួតកីឡាតេក្វាន់-ដូ ITF ជើងឯកអាស៊ី លើកទី១០ ឆ្នាំ២០២៤ ដែលប្រារព្វឡើងនៅប្រទេសឥណ្ឌា៕ ចាន់ វិចិត្រ

អ្នកប្រយុទ្ធវ័យក្មេងកម្ពុជា​ សម្បិត្ត​ សុវណ្ណរ៉េន​ ឈ្នះបានមេដាយសំរឹទ្ធិ១គ្រឿង​ បេីកឆាក​ ក្រោយឈ្នះពីរប្រកួត​ និងចាញ់ប្រកួតវគ្គពាក់កណ្តាលផ្តាច់ព្រ័ត្រ​ ដោយប៉ះម្ចាស់ផ្ទះកូរ៉េ ក្នុងព្រឹត្តការណ៍ ជើងឯកអាស៊ីលើកទី១០ នៅប្រទេស ឥណ្ឌា ។

(ភ្នំពេញ)៖ មន្ត្រីរដ្ឋបាលរាជធានីភ្នំពេញ ទទួលបន្ទុកជាអ្នកនាំពាក្យអោយរដ្ឋបាលរាជធានីភ្នំពេញ មានចំនួន៤រូប ហើយដើម្បីអោយសាធារណជន និងអ្នកសារព័ត៌មានងាយស្រួលក្នុងការទំនាក់ទំនងការងារ រដ្ឋបាលរាជធានីភ្នំពេញ នាថ្ងៃទី២១សីហានេះ បានចេញសេចក្តីជូនដំណឹងមួយ ដោយបានបង្ហាញឈ្មោះ តួនាទីនិងលេខទូរស័ព្ទផ្ទាល់ខ្លួនរបស់មន្ត្រីទាំង៤រូបនេះតែម្តង។ បើតាមសេចក្តីជូនដំណឹងស្តីពីលេខទូរស័ព្ទទំនាក់ទំនងមន្ត្រីទទួលបន្ទុកព័ត៌មានរបស់រដ្ឋបាលរាជធានីភ្នំពេញ បានអោយដឹងថា៖ រដ្ឋបាលរាជធានីភ្នំពេញមានកិត្តិយសសូមជម្រាបជូនសាធារណជន និងអ្នកសារព័ត៌មានទាំងអស់មេត្តាជ្រាប អំពីលេខទូរស័ព្ទរបស់មន្ត្រីទទួលបន្ទុកព័ត៌មានរបស់រដ្ឋបាលរាជធានីភ្នំពេញ ដូចខាងក្រោម៖ ទី១ ឯកឧត្តម កើត ឆែ អភិបាលរងរាជធានីភ្នំពេញ មានលេខទូរស័ព្ទ ០១២ ៧៨៨ ៨៨១។ទី២ លោកស្រី ពេជ ស៊ីធឿន ប្រធានមន្ទីរព័ត៌មានរាជធានីភ្នំពេញ លេខទូរស័ព្ទ ០៩៩ ៥៣៤ ៧៤៨។ទី៣ លោកស្រី ជោ សម្ផស្ស នាយិកាទីចាត់ការរដ្ឋបាល លេខទូរស័ព្ទ ០១៧ ៦៦២ ២២៣។ទី៤ លោក សេង បញ្ញា នាយកស្តីទីទីចាត់ការផែនការ និងវិនិយោគលេខទូរស័ព្ទ ០១៧ ៥៥៥ ៨២៧ ៕ ដោយ ៖ ថេត វិចិត្រ

(ភ្នំពេញ)៖ ឯកឧត្តម សែម សុខា រដ្ឋលេខាធិការ ក្នុងនាមឯកឧត្តម ជា សុមេធី រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និងជាប្រធានគណៈកម្មាធិការជាតិស្ប៉េស្យាល់អូឡាំកកម្ពុជា បានអំពាវនាវ ក្នុងពិធីបើកការប្រកួតកីឡាស្ប៉េស្យាល់អូឡាំពិកថ្នាក់ខេត្តប្រចាំឆ្នាំ២០២៤ ខេត្តសៀមរាប កាលពីចុងសប្តាហ៍ថា សូមអាណាព្យាបាល គ្រប់ភាគីពាក់ព័ន្ធ ផ្តល់ឱកាសអោយជនពិការខ្សោយសតិបញ្ញា បានហ្វឹកហាត់ និងលេងកីឡា ដើម្បីរួមចំណែក និងលើកស្ទួយវិស័យពិការភាព នៅកម្ពុជា ។ ឯកឧត្តម បន្តថា គណៈកម្មាធិការជាតិស្ប៉េស្យាល់អូឡាំពិកកម្ពុជា ជាអង្គការមិនរកប្រាក់ចំណេញ មានការទទួលខុសត្រូវក្នុង ការអភិវឌ្ឍ ចលនាកីឡាជនបញ្ញាខ្សោយទាំងក្មេង ទាំងចាស់ នៅទូទាំងព្រះរាជាណាចក្រកម្ពុជា។ ឯកឧត្តម រដ្ឋលេខាធិការ កោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ ឯកឧត្តម លោកជំទាវ លោក លោកស្រី គណៈកម្មាធិកាជាតិស្ប៉េស្យាល់អូឡាំពិកកម្ពុជា និងអនុគណៈកម្មាធិការស្ប៉េស្យាល់អូឡាំពិកខេត្តសៀមរាប និងខេត្តកំពង់ធំ ព្រមទាំងក្រុមការងារទាំងអស់ ដែលបានលះបង់ពេលវេលាមកចូលរួម និងរៀបចំកកម្មវិធីនេះ ដើម្បីរួមចំណែក និងលើកស្ទួយវិស័យពិការភាព ជាពិសេសការងារកីឡាស្ប៉េស្យាល់អូឡាំពិក ដែលជានិច្ចកាលគណៈកម្មាធិការជាតិស្ប៉េស្យាល់អូឡាំពិកកម្ពុជា តែងតែយកចិត្តទុកដាក់ពង្រីកចលនាកីឡាស្ប៉េស្យាល់អូឡាំពិកដល់បណ្តាខេត្តនានា និងបានបណ្តុះបណ្តាលមន្រ្តីជំនាញ ដើម្បីវាយតម្លៃប្រភេទពិការភាព…

(ភ្នំពេញ)៖ លោក ឆែម តារា ប្រធានសហព័ន្ធកីឡាបេស្បល-សូហ្វបលកម្ពុជាលើកឡើងថា ការប្រកួតកីឡាបេស្បល ហ្វាយលីគកម្ពុជា លើកទី១ ពីថ្ងៃទី២២-២៤ ខែសីហា ឆ្នាំ២០២៤ត្រូវបានរៀបចំការប្រកួត ដែលផ្តល់ផលចំណេញដល់យុវជន និងកីឡាករ កីឡាការិនីដែលទើបនឹងចាប់ផ្តើមលេង ដើម្បីបំផុសស្មារតីពួកគាត់ឱ្យចូលរួមលេងឱ្យកាន់តែផុសផុល ដើម្បីមិត្តភាព សុខភាព សាមគ្គីភាព រួមទាំងគោលដៅផលិតធនធានសម្រាប់ជាតិផងដែរ។ ប្រធានសហព័ន្ធរូបនេះបន្ថែមថា សហព័ន្ធតែងតែទទួលបានការគាំទ្រក្រសួងអប់រំ យុវជន និងកីឡា ជាពិសេសគឺឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រី ដែលផ្តល់ឱ្យសហព័ន្ធមានភាពកក់ក្តៅជាបន្តបន្ទាប់ ក្នុងការប្រឹងប្រែងជំរុញដល់ការអភិវឌ្ឍជំនាញកីឡានេះកាន់តែប្រសើរ។ សម្រាប់ការប្រកួតបេស្បលហ្វាយលីគឆ្នាំ២០២៤នេះ គឺជាប្រវត្តិសាស្ត្រដំបូងសម្រាប់សហព័ន្ធខ្លួនឯង ដែលត្រូវបានអនុញ្ញាតឱ្យរៀបចំនៅពហុកីឡដ្ឋានជាតិអូឡាំពិក។ ជាមួយគ្នានេះ លោក ឆែម តារា ក៏បានអរគុណដល់ដៃគូអភិវឌ្ឍនានា ដែលបានចុះអនុស្សរណៈយោគយល់គ្នា នាពេលនេះ ដើម្បីឧបត្ថម្ភគាំទ្រដល់ដំណើរការប្រកួតលីគនេះឱ្យទទួលបានជោគជ័យ។ លោក ទុយ ប៊ុនហឿន អនុប្រធាននាយកដ្ឋានកីឡាជំនាញ និងកីឡាមហាជននៃក្រសួងអប់រំ យុវជន និងកីឡាបានចាត់ទុកថា ថ្មីដ្បិតតែនេះជាការរៀបចំករប្រកួតលីគ លើកដំបូង ប៉ុន្តែនេះជាសមិទ្ធផលមួយ ដែលបានកើតចេញពីការខិតខំប្រឹងប្រែងរបស់សហព័ន្ធ និងខិតខំកៀរគរដៃគូអភិវឌ្ឍនានាចូលរួមឧបត្ថម្ភគាំទ្រដល់ព្រឹត្តិការណ៍នេះ។ អនុប្រធាននាយកដ្ឋានរូបនេះសង្កត់ធ្ងន់ថា សហព័ន្ធកីឡាជាតិ…