(ភ្នំពេញ)៖ ក្នុងជំនួបប្រកួតប្រដាល់មិត្តភាពអន្តរជាតិកាលពីយប់ថ្ងៃទី៥ ខែ វិច្ឆិកា ឆ្នាំ២០២៣កន្លងទៅនេះ ដែលមានកីឡាករប្រដាល់គុនខ្មែរលំដាប់ប្រទេសរបស់កម្ពុជាបានជួបជាមួយកីឡាករប្រដាល់អន្តរជាតិដែលជាងជើងខ្លាំងលំដាប់ល្បីៗនៅលើឆាកអន្តរជាតិ។ ជាលទ្ធផលកីឡាករកម្ពុជា៥គូក្នុងជំនួបដ៏កកម្រើកពិភពកីឡានេះ កីឡាករកម្ពុជាបានយកឈ្នះកីឡាករអន្តរជាតិ៤គូ និងស្មើមួយគូ ។ គូឯកក្នុងជំនួបនេះគឺ រវាងកីឡាករ ព្រំ សំណាង ឈ្មោះពិត រុំ សំណាង ត្រូវប៉ះជាមួយ ដាវ លីឌុច កីឡាករកាណាដាតំណាងក្បាច់គុនប្រទេសមីយ៉ាន់ម៉ា ប្រកួតក្នុងលក្ខខណ្ឌម៉ាស់ហ្វៃគុនខ្មែររុំអំបោះឆៅ។គូឯកនេះលទ្ធផលគឺស្មើគ្នា ខណៈដែលអ្នកទស្សនាឃើញថា កីឡាករ ព្រុំ សំណាង មានរបួសច្រើនលើផ្ទៃមុខ និងហាក់ថមថយកម្លាំងខ្លាំង។ ជុំវិញលទ្ធផលស្មើក្នុងជំនួបគូឯក រវាងកីឡាករ ព្រុំ សំណាង ប៉ះស្តេចប្រដាល់ ដាវ លីឌុច ដែលប្រកួតក្នុងលក្ខខ័ណ្ឌម៉ាស់ហ្វៃរុំអំបោះឆៅនេះ លោក សេន ប៊ុនថេន អតីតកីឡាករប្រដាល់គុនខ្មែរ និងជាមន្រ្តីអាជ្ញាកណ្តាល ចៅក្រម បានបញ្ជាក់ថា “ការប្រកួតក្នុងលក្ខខ័ណ្ឌម៉ាស់ហ្វៃនេះ តាមច្បាប់គេបានកំណត់ឲ្យប្រកួតក្នុងមួយទឹកចំនួន ៩នាទី ប្រកួតគ្មានចៅក្រមដាក់ពិន្ទុឡើយ គឺមានតែអាជ្ញាកណ្តាលតែម្នាក់គត់ រវាងគូប្រកួតទាំងពីរ ប្រសិនបើគ្មានភាគីណាសន្លប់នោះទេ ច្បាប់គេកំណត់ គឺលទ្ធស្មើគ្នា”។ ពាក់ព័ន្ធជាមួយ និងលក្ខខ័ណ្ឌប្រកួត ម៉ាស់ហ្វៃគុនខ្មែររុំអំបោះឆៅនេះ…

(ភ្នំពេញ)៖ ក្រុមម្ចាស់មេដាយមាស វិទ្យាស្ថាន ខេមអេដ លើប្រភេទកីឡាបាល់បោះនារី ៤សម័យកាល ក្នុងព្រឹត្តិការណ៍កីឡាសាកលវិទ្យាល័យថ្នាក់ជាតិ បានចាប់ផ្តើមការប្រកួតដើម្បីស្វែងរកផលិតធនធាន ត្រៀមព្រឹត្តិការណ៍ថ្នាក់ជាតិ នាឆ្នាំ២០២៤ ខាងមុខ។ លោកស្រី សំ សុគន្ធារី នាយិការង វិទ្យាស្ថានខេមអេដគូសបញ្ជាក់ថា ខេមអេដ តែងតែជំរុញសកម្មភាពកីឡាជាច្រើនប្រភេទកីឡា ក្នុងនោះកីឡាបាល់បោះផ្នែកបុរស និងនារី គឺជាប្រភេទកីឡាចម្បងមួយ ក្នុងចំណោមកីឡាផ្សេងៗ ដែលតែងតែរៀបចំការប្រកួតជារៀងរាល់ឆ្នាំ ដើម្បីផ្តល់ឱកាសដល់កីឡាករ កីឡាការិនីជានិស្សិតរបស់ខ្លួនបានចូលរួមប្រកួតប្រជែង ដើម្បីសុខភាព មិត្តភាព សាមគ្គីភាព បណ្តុះស្មាតីស្រឡាញ់កីឡា ធ្វើការជាក្រុមបានល្អ ក៏ដូចជាចម្រាញ់រកកីឡាករ កីឡាការិនីឆ្នើមៗ ប្រចាំវិទ្យាស្ថាន ត្រៀមចូលរួមការប្រកួតថ្នាក់ជាតិនានា នាពេលខាងមុខ។ លោកស្រីនាយិការងរូបនេះបន្ថែមថា ខេមអេដមិនត្រឹមតែផ្តោតសំខាន់តែលើវិស័យអប់រំប៉ុណ្ណោះទេ ប៉ុន្តែវិស័យកីឡាក៏ត្រូវបានយកចិត្តទុកដាក់ខ្ពស់ដូចគ្នាផងដែរ ដើម្បីអភិវឌ្ឍធនធានកីឡាករ កីឡាការិនីលើប្រភេទកីឡានានា ដើម្បីចូលរួមប្រកួតប្រជែងមេដាយ ក្នុងការប្រកួតថ្នាក់ជាតិ។ ជាមួយគ្នានេះ វិទ្យាស្ថាននេះបានសម្រិតសម្រាំង លើវិញ្ញាសាបាល់បោះ ជាពិសេសគឺក្រុមបាល់បោះនារី ដែលជាម្ចាស់មេដាយមាស៤សម័យកាល។ លោកស្រីបានដាក់ក្តីសង្ឃឹមថា នៅក្នុងការប្រកួតកីឡាសាកលវិទ្យាល័យថ្នាក់ជាតិ (រៀងរាល់២ឆ្នាំម្តង) ឆ្នាំ២០២៤ ខាងមុខ ក្រុមបាល់បោះនារីខេមអេដ នឹងអាចការពារម្ចាស់មេដាយមាស ជំនាន់ទី៥ជាបន្តទៀតជាក់ជាមិនខាន។…

(ភ្នំពេញ)៖ ការប្រកួតកីឡាវាយសីជើងឯកយុវជនអាស៊ីអាគ្នេយ៍ ឆ្នាំ២០៣ ដែលកម្ពុជាធ្វើជាម្ចាស់ ដំណើរការប្រកួតរយៈពេល៥ថ្ងៃ ចាប់ពីថ្ងៃទី៣០ ខែ តុលា រហូតដល់ថ្ងៃទី៣ ខែ វិច្ឆិកា ឆ្នាំ២០២៣ នៅក្នុងពហុកីឡដ្ឋានមរតកតេជោ កម្ពុជា ដណ្តើមបានមេដាយសរុបចំនួន១៤គ្រឿង ក្នុងមេដាយ មាស១ ប្រាក់៦ និងសំរិទ្ធ៧គ្រឿង។ សូមបញ្ជាក់ថា ការប្រកួតកីឡាវាយសីជើងឯកយុវជនអាស៊ី អាគ្នេយ៍ ឆ្នាំ២០២៣នេះ ប្រទេសដែលដណ្តើមបានចំណាត់ថ្នាក់ លេខ១ ប្រទេសមីយ៉ាន់ម៉ា ឈ្នះមេដាយសរុប ១៧គ្រឿង មេដាយមាស១១ មេដាយប្រាក់៤ និងសំរិទ្ធ២គ្រឿង។ ប្រទេសដែលឈរនៅចំណាត់ថ្នាក់លេខ២កម្ពុជា ឈ្នះមេដាយសរុបចំនួន ១៤គ្រឿង មាស១ ប្រាក់៦ និងសំរិទ្ធ ៧គ្រឿង។ ប្រទេសឈរនៅចំណាត់ថ្នាក់លេខ៣ ទីម័រលេស ឈ្នះមេដាយសរុប ១០គ្រឿង មេដាយប្រាក់១ និងសំរិទ្ធ៩គ្រឿង ។ ប្រទេសឈរនៅចំណាត់លេខ៤ប្រទេសឡាវ ឈ្នះមេដាយសរុប៣គ្រឿង ប្រាក់ សំរិទ្ធ២ ៕ រូបភាព និងអត្ថបទ ៖ ជាវ ចន្ធូ

(ភ្នំពេញ)៖ កីឡាការិនីវាយសីកម្ពុជាវិញ្ញាសាវាយគូរកបានមេដាយ មាសមួយជូនកម្ពុជា មុននេះបន្តិច ពីការប្រកួតកីឡាវាយសីយុវជន ជើងឯកអាស៊ីអាគ្នេយ៍ ឆ្នាំ២០២៣ ដែលកម្ពុជាធ្វើជាម្ចាស់ផ្ទះ នៅ ពហុកីឡដ្ឋានជាតិមរតកតេជោ ដោយយកឈ្នះកីឡាការិនីប្រទេស ទីម័រលេស ក្នុងវគ្គផ្តាច់ព្រ័ត្រ នាព្រឹកថ្ងៃទី៣ ខែ វិច្ឆិកា ឆ្នាំ២០២៣។ មេដាយមាសនេះរកបានដោយកីឡាការិនី លឿង ម៉ាលីនិច្ច ចាប់ដៃ ជាមួយកីឡាការិនីសុខ សុម៉ាលីតា យកឈ្នះកីឡាការិនីប្រទេស ទីម័រលេស ក្នុងលទ្ធផល២ទសិតទល់០ ក្នុងពិន្ទុសិតទី១ ២១ទល់៣ និងសិតទី២ ២១ទល់និង៤។ សម្រាប់ការប្រកួតក្នុងជើងឯកយុវជនអាស៊ីអាគ្នេយ៍ព្រឹកនេះ កម្ពុជា នូវមានវិញ្ញសាច្រើនទៀត ដណ្តើមមេដាយមាស ខណៈនេះកម្ពុជា មានមេដាយក្នុងដៃចំនួន៣គ្រឿង ក្នុងនោះមេដាយប្រាក់ពីគ្រឿង ដណ្តើមក្នុងវិញ្ញសាវាយក្រុមចម្រុះអាយុក្រោម១៥ និងអាយុក្រោម ១៧ឆ្នាំ និងមេដាយមាស រកបានលើវិញ្ញាសាវាយគូនារីអាយុក្រោម ១៧ឆ្នាំ៕ រូបភាព ជាវ ចន្ធូ

(ភ្នំពេញ)៖ កម្ពុជាឈ្នះមេដាយប្រាក់ ១ទៀត ដែលនេះជា មេដាយប្រាក់ទី២ហើយ សម្រាប់ម្ចាស់ផ្ទះកម្ពុជា ដែលរកបាន ក្នុងព្រឹត្តិការណ៍ប្រកួតកីឡាវាយសីជើងឯកយុវជនអាស៊ីអាគ្នេយ៍អាយុក្រោម១៥និង១៧ឆ្នាំ ដែលដំណើរការប្រកួតនៅក្នុងពហុកីឡដ្ឋានមរតកតេជោ ខណៈមេដាយប្រាក់ទី១របស់កម្ពុជារកបានដោយវិញ្ញសាប្រកួតជាក្រុមអាយុ១៥ឆ្នាំ កាលពីថ្ងៃទី៣០ ខែ តុលា ឆ្នាំ២០២៣ម្សិលមិញ។ មេដាយប្រាក់ទី២នេះ ក្រុមកម្ពុជាអាយុក្រោម១៧ឆ្នាំ បានចាញ់ក្រុមវាយសីប្រទេសមីយ៉ាន់ម៉ាដោយលទ្ធផលស្វិតស្វាញ២សិតទល់និង៣សិត។ ហើយលទ្ធផលនេះ ត្រូវបានកីឡាការិនី លឿង ម៉ាលីនិច្ច តំណាងឲ្យមិត្តរួមក្រុមលើកឡើងថា នេះជាលទ្ធផលល្អមួយហើយសម្រាប់ក្រុមរបស់នាង ព្រោះថា ការប្រមូលផ្តុំមានរយៈពេលខ្លីបានធ្វើឲ្យនាងមានបញ្ហាសាច់ដុំ ដែលធ្វើឲ្យការប្រកួតវិញ្ញាសាឯកក្តជនត្រូវបានចាញ់ជាមួយនឹងការប្រកួតវាយគូម៉ិច។ ទោះជាបែបនេះក្តី នាងបានចាត់ទុកថា មេដាយប្រាក់ដែលទទួលបាននេះ ជាមោទនភាព ព្រោះវាជាការចូលរួមលើកទី១ក្នុងព្រឹត្តិការណ៍កម្រិតអន្តរជាតិ។ ឯកឧត្តម លី កុសល រដ្ឋលេខាធិការក្រសួងការពារជាតិ និងជាប្រធានសហព័ន្ធកីឡាវាយសីកម្ពុជា ចាត់ទុកមេដាយ ប្រាក់ដែលក្រុមកម្ពុជាដណ្តើមបានក្នុងថ្ងៃទី១វិច្ឆិកានេះ ជាជោគជ័យមួយដ៏ធំ ដោយហេតុថា កីឡាករកីឡាការិនី របស់កម្ពុជាជាថ្នាលមួយដែលទើបតែបណ្តុះបណ្តាល។ ឯកឧត្តម ប្រធាន បានកោសសើរ ចំពោះទឹកចិត្តក្រុមវាយសីកម្ពុជា ដែលបានខិតខំប្រកួតអស់ពីលទ្ធភាព បើទោះបីបច្ចេកទេស យើង នូវមានកម្រិត និងទទួលបានការបណ្តុះបណ្តាលរយៈពេលខ្លី តែការប្រឹងប្រែងក្នុងស្មារតីប្រកួតដើម្បីជាតិ។ សូមបញ្ជាក់ថា បច្ចុប្បន្នម្ចាស់ផ្ទះកម្ពុជា ដណ្ដើមបានមេដាយសរុប…

(ភ្នំពេញ)៖ ការប្រកួតកីឡាប្រដាល់សកល និងគុនខ្មែរ ជើងឯករាជធានីភ្នំពេញឆ្នាំ២០២៣ បានបញ្ចប់ជាផ្លូវហើយ ក្រោយដំណើរការប្រកួតអស់រយៈពេល៦ នាសាលហ្វឹកហាត់ប្រដាល់សកល នៅក្នុងពហុកីឡដ្ឋានជាតិអូឡាំពិក។ តាមរបាយការណ៍ លោក ស្រេង សេង ប្រធានការិយាល័យកីឡា បានបញ្ជាក់ឲ្យដឹងថា ការប្រកួតប្រដាល់គុនខ្មែរនិងប្រដាល់សកលជើងឯករាជធានីភ្នំពេញ ដែលដំណើរការប្រកួតរយៈពេល៦នេះ មានសមាសភាពដែលចូលរួមប្រកួត រួមមាន ក្លឹប កុមារទេពមានរិទ្ធ តាឡីដំរីមានរិទ្ធ នាគរាជមានរិទ្ធ ព្រែកឯកកីឡា នាគរាជមានជ័យ ពន្លឺថ្មីកីឡា តាមព្រហ្មមានជ័យ វិបុលដារិទ្ធសែនជ័យ បូរីរាជសីហ៍ និងក្លឹបនាគនាំសំណាង សរុមប្រតិភូ គ្រូបង្វឹក កីឡាករ កីឡាការិនី មានចំនួន ១០៥ នាក់ នារី ១២ នាក់។ លោក អ៊ុក ចន្ថា អនុប្រធានមន្ទីរអប់រំយុវជននិងកីឡា បានមានប្រសាសន៍ថា គណៈប្រតិភូដឹកនាំក្រុមកីឡា ដែលបានខិតខំ បង្កើត ក្រុម ដើម្បីចូលរួមប្រកួតជើង ឯកនាពេលនេះ ជាកាយវិការ និងការចូលរួមដោយ ស្មោះក្នុង ការកសាង និងអភិវឌ្ឍវិស័យកីឡានៅរាជធានីភ្នំពេញ…