ក្នុងចំណោមតារាបាល់ទាត់ល្បីៗ Lionel Messi បានចូលរួមអំពាវនាវឲ្យអាជ្ញាធរ ក៏ដូចជារដ្ឋាភិបាល បារាំង និងអង់គ្លេសជួយរុករក Emiliano Sala និងពីឡុតដែលបានបាត់ខ្លួនក្នុងហេតុការណ៍ដែលគេសង្ស័យថាធ្លាក់យន្តហោះ។ យន្តហោះខ្នាតតូចដែលជិះដោយកីឡាករ Sala និងពីឡុត David Ibbotson បានបាត់ពីររ៉ាដា កាលពីថ្ងៃចន្ទក្បែរកោះ Guernsey ដែនទឹកអង់គ្លេស បង្កឲ្យមានការសង្ស័យថាអាចនឹងធ្លាក់នៅម្ដុំនោះ។ យ៉ាងណាក្រោយរុករក៣ថ្ងៃគ្មានឃើញសញ្ញាអ្វីអាជ្ញាធរបានសម្រេចបោះបង់ចោលផែនការតាមរកជនរងគ្រោះ ។ ការមិនខ្វល់ខ្វាយពីអ្នកបាត់ដូច្នេះ បានធ្វើឲ្យមានការសោកស្ដាយ និងរិះគន់យ៉ាងខ្លាំង ហើយកីឡាករល្បីៗនៅជុំវិញពិភពលោកដូចជា Messi, Sergio Aguero, Fabio Da Silva ជាដើមបានទទូចឲ្យអាជ្ញាធរបន្តសកម្មភាពរបស់ខ្លួនតទៅទៀតកុំព្រងើយនឹងជនរងគ្រោះដូច្នេះ។ ដោយឡែកប្រធានាធិបតីអាហ្សង់ទីនលោក Mauricio Macri បានបញ្ជាឲ្យរដ្ឋមន្ត្រីការបរទេសធ្វើសំណើផ្លូវការមួយទៅកាន់រដ្ឋាភិបាល នៃចក្រភពអង់គ្លេស និងបារាំង ដើម្បីអន្តរាគមន៍ស្វែងរក Sala ដែលជាពលរដ្ឋម្នាក់របស់ខ្លួន។ គួររម្លឹកថា Sala គឺជាកីឡាករថ្លៃបំផុតក្នុងប្រវត្តិសាស្ត្ររបស់ Cardiff City ដែលទិញពី Nantes ក្នុងតម្លៃ១៥លានផោន។ កីឡាករសញ្ជាតិអាហ្សង់ទីន បានទៅលាមិត្តរួមក្រុមនៅបារាំងមុនត្រឡប់ទៅប្រទេសវែល សម្រេចការផ្ទេរជាផ្លូវការ ស្រាប់តែជួបគ្រោះអកុសលតែម្ដង៕ម.ន …

ក្លិបធំៗ៣ កំពុងរង់ចាំ ខ្សែបម្រើឆ្នើមរបស់ក្លិបបិសាចក្រហម Manchester United កីឡាករ Paul Pogba ប្រសិនបើកីឡាកររូបនេះ ចាកចេញ ក្នុងនោះមានក្លិបអេស្ប៉ាញ២ និងអង់គ្លេស១ នេះបើយោងតាមការបញ្ជាក់ពី កីឡាករ Florentin Pogba ខ្សែការពារកំពុងប្រកបអាជីពនៅលីគកំពូលតួកគី និងជាបងប្រុសរបស់តារាឆ្នើមនេះផងដែរ ។ Florentin Pogba បន្តថា Paul Pogba ចាកចេញពី Manchester Uunited នោះ គេអាចនឹងចូលរួមក្លិប៣ ដែលអាចជួយឲ្យគេមានការវិវត្តខ្លួនកាន់តែល្អ។ ក្នុងនោះមានក្លិប Manchester City , Real Madrid និង Barcelona ។ បើទោះបីជាមានការបង្ហើបយ៉ាងនេះក្តី ប៉ុន្តែពេលនេះកីឡាករបារាំងដែលជួយឲ្យជម្រើសជាតិបារាំងឈ្នះ World Cup ២០១៨ នៅរុស្ស៊ីកន្លងទៅ កំពុងមានទម្រង់លេងល្អឡើងវិញ ក្រោមការដឹកនាំរបស់លោក Ole Gunnar Solskjaer ដែលមាននាទីជាអ្នកចាត់ការស្តីទី ក្លិប Man Utd ៕ម.ន…

ឆ្លងកាត់ការប្រកួតយប់មិញ ក្រុមខ្លាំង២ គឺក្រុមការពារតំណែងជើងឯកអូស្រ្តាលី និងក្រុមកូរ៉េខាងត្បូង បានធ្លាក់ចេញពី Asian Cup គួរឲ្យភ្ញាក់ផ្អើល។ តាមលទ្ធផលយប់មិញ ក្រុមកូរ៉េខាងត្បូង ០:១ ក្រុមជម្រើសជាតិកាតា ដោយការទាត់បញ្ចូលទីបាល់ពីចម្ងាយយ៉ាងល្អនៅនាទី៧៩ ពីកីឡាករ Abdulaziz Hatem រីឯក្រុមការពារតំណែងជើងឯកអូស្រ្តាលី ០:១ ក្រុម អារ៉ាប់រួម ធ្វើសម្រេចដោយកីឡាករ Ali Ahmed Mabkhout នៅនាទីទី៦៨។ លទ្ធផលនេះបានធ្វើឲ្យក្រុមម្ចាស់ផ្ទះ World Cup ២០២២  អារ៉ាប់រួម  ប៉ះ ក្រុមជម្រើសជាតិកាតា ខណៈក្រុមសាំម៉ូរៃជប៉ុន ប៉ះ ក្រុមអឺរ៉ុង នៅវគ្គពាក់កណ្តាល់ផ្តាច់ព្រាត់។ គួរបញ្ជាក់ថា វគ្គពាក់កណ្តាលផ្តាច់ព្រ័ត្រ AFC Asian Cup ២០១៩ នឹងធ្វើនៅថ្ងៃទី២៨ ដោយក្រុមសាំម៉ូរៃជប៉ុន ប៉ះ ក្រុមអឺរ៉ុង ថ្ងៃទី២៩ ខែមករា  ក្រុម អារ៉ាប់រួម  ប៉ះ ក្រុមជម្រើសជាតិកាតា៕ម.ន

គ្រូបង្វឹកតេក្វាន់ដូជនជាតិកូរ៉េបង្ហាញភាពជឿជាក់ថា ស៊ីហ្គេមនៅប្រទេសហ្វីលីពីននៅចុងឆ្នាំនេះតេក្វាន់ដូ មានលទ្ធផលប្រជែងបានមេដាយមាស២គ្រឿងជូនកម្ពុជា។ លោក ឆយ យ៉ុងសុគ គ្រូបង្វឹកជនជាតិកូរ៉េអះអាងថា ស៊ីហ្គេមនៅប្រទេសហ្វីលីពីនលើកទី៣០ ដែលដំណើរការប្រកួតនាចុងឆ្នាំ២០១៩នេះ ប្រភេទកីឡាតេក្វាន់ដូ WTF និងមានលទ្ធភាពប្រជែងដណ្តើមបានមេដាយមាសយ៉ាងតិច២គ្រឿងមកជូនកម្ពុជា។ លោកបានបង្ហាញក្តីរំពឹងខ្ពស់បែបនេះ ក្នុងបទសម្ភាសន៍ជាមួយអ្នកព័ត៌មាន ពេលកំពុងបង្ហាត់កូនសិស្ស នាល្ងាចថ្ងៃទី២៣ ខែមករា ឆ្នាំ២០១៩ ក្នុងពហុកីឡាដ្ឋានជាតិ។ លោកថា អ្វីដែលធ្វើឲ្យយើងហ៊ានរំពឹងមុនថា អត្តពលិកយើងមានសមត្ថភាពប្រជែងដណ្តើមបានមេដាយមាស២គ្រឿងជូនកម្ពុជាពីស៊ីហ្គេមនៅប្រទេសហ្វីលីពីន នាចុងឆ្នាំនេះ ដោយយើងមើលឃើញថា មេដាយមាសទី១ យើងរំពឹងលើកីឡាការិនី ស៊ន សៀវមី និងមេដាយមាសទី២ គឺយើងសង្ឃឹមលើកីឡាករការិនីចាស់ៗមួយចំនួន ដែលធ្លាប់ប្រជែងបានមេដាយសំរឹទ្ធិ ស៊ីហ្គេម នៅម៉ាឡេស៊ី កាលពីឆ្នាំ២០១៧ ហើយឥលូវការវិវឌ្ឍសមត្ថភាពរបស់ពួកគេ គឺមានការរីកចំរើនច្រើន។ ម្យ៉ាងទៀត នៅក្នុងឆ្នាំនេះ យើងមានកម្មវិធីហ្វឹកហាត់ និងចេញទៅប្រកួតក្រៅប្រទេសច្រើន ដែលទាំងអស់នេះវានឹងជួយឲ្យអត្តពិកយើងកាន់តែទទួលបាននូវបទពិសោធន៍បច្ចេកទេសច្រើនក្នុងការត្រៀមប្រជែងដណ្តើមមេដាយពីការប្រកួតកម្រឹតតំបន់មួយនេះមកជូនកម្ពុជា។   សម្រាប់ការប្រមូលផ្តុំអត្តពលិករបស់សហព័ន្ធកីឡាតេក្វាន់ដូ WTF ក្នុងឆ្នាំ២០១៩ ក្នុងការត្រៀមលក្ខណៈជាជម្រើសត្រៀមស៊ីហ្គេមនៅប្រទេសហ្វីលីពីន គឺមានរហូតដល់ទៅជាង៣០នាក់ ទាំងអត្តពលិកថ្នាល និងឈុតធំ ហើយអត្តពលិកទាំងនេះនិងមានការប្រកួតជម្រុះបន្តទៀត ដើម្បីជម្រើសជាក្រុមជម្រើសជាតិហ្វឹកហាត់ត្រៀមប្រយុទ្ធដណ្តើមមេដាយជូនកម្ពុជា។…

លោក Maurizio Sarri បាននិយាយសរសើរពីគុណសម្បត្តិរបស់ Eden Hazard ថាជាកីឡាករបាល់ទាត់ដ៏អស្ចារ្យម្នាក់ ប៉ុន្តែគេមិនសាកសមជាអ្នកដឹកនាំទេ។ លោក Maurizio Sarri បានធ្វើការរិះគន់យ៉ាងខ្លាំងកាលពីសប្តាហ៍មុនសម្រាប់ការដាក់ពិន័យជាសាធារណៈដល់ក្រុមរបស់គាត់ក្រោយពីចាញ់ក្រុម Arsenal ក្នុងលទ្ធផលល ២-០ ដោយលោកបានអះអាងថា កីឡាកររបស់គាត់មានការលំបាកក្នុងការលើកទឹកចិត្ត ហើយពួកគេប្រហែលជាមិនគួរលេងនៅកម្រិតខ្ពស់បំផុតឡើយ។ បន្ទាប់មកគ្រូបង្វឹកសញ្ជាតិអ៊ីតាលីរូបនេះបាននិយាយថា កីឡាករថ្មី ឬសូម្បីតែកីឡាករក្បាលចាស់អាចជាចម្លើយទៅនឹងការផ្លាស់ប្តូរជោគវាសនាក្រុមតោខៀវដោយបង្ហាញថា ក្លិបខ្វះភាពជាអ្នកដឹកនាំ៕

ចិន និងវៀតណាម ធ្លាក់ត្រឹមវគ្គ៨ក្រុមចុងក្រោយនៅ Asian Cup 2019 ដោយចិនចាញ់អ៊ីរ៉ង ហើយ វៀតណាម ចាញ់ ជប៉ុន។ ការប្រកួតកាលពីយប់មិញ អ៊ីរ៉ង់ ៣:០ ចិន រកបានដោយកីឡាករ Taremi, Azmoun និង Ansarifard ម្នាក់មួយគ្រាប់។ ចំណែកឯជើងខ្លាំងជប៉ុនវិញរកឃើញជ័យជម្នះទាំងប្រផិតប្រផើយ លើវៀតណាម ពោលឈ្នះ ១-០ ។ មួយគ្រាប់រកបាននៅនាទីទី៥៧ ដោយកីឡាករ Doan។ ដូច្នេះនៅវគ្គ៤ក្រុមចុងក្រោយ ជប៉ុនត្រូវប៉ះអ៊ីរ៉ង់ ហើយសម្រាប់យប់នេះ មានការលេង២ប្រកួត កូរ៉េខាងត្បូង ជួប កាតា និងអារ៉ាប់រួម ប៉ះ អូស្ត្រាលី ដើម្បីរកក្រុមបានឡើងទៅវគ្គពាក់កណ្ដាលផ្ដាច់ព្រ័ត្រ៕

ក្លិបបារាំង Monaco បានសម្រេចចែកផ្លូវគ្នាជាមួយ Thierry Henry ក្រោយដឹកនាំបានត្រឹម៣ខែ ឬ២០ប្រកួត ទទួលលទ្ធផលខុសការរំពឹងទុក។ Monaco ដែលជាជើងឯកបារាំងក្នុងឆ្នាំ២០១៧ បច្ចុប្បន្នស្ថិតនៅតំបន់ដែលត្រូវកាត់ចេញក្រោយឈ្នះតែ៥ប្រកួតប៉ុណ្ណោះ គិតគ្រប់កម្មវិធីក្រោមការដឹកនាំរបស់ Henry។ លោក Leonardo Jardim រំពឹងថានឹងទៅជំនួសតំណែង Henry ដឹកនាំការប្រកួតនៅសល់រដូវកាលនេះ។ ដោយឡែកជំនួយការគ្រូបង្វឹក Franck Passi ដែលទើបចូលកាន់តំណែងកាលពីខែមុន មានតួនាទីដឹកនាំកីឡាករ ក្នុងក្រុមហ្វឹកហាត់សម្រាប់ចុងសប្ដាហ៍នេះ។ Henry គឺជាកីឡាករស៊ុតចូលទីច្រើនបំផុតរបស់ Arsenal ហើយចាប់ផ្ដើមអាជីពបាល់ទាត់ជាមួយ Monaco នេះតែម្ដងកាលនៅជាយុវជន។ គួរបញ្ជាក់ថា បុរសសញ្ជាតិបារាំង ធ្លាប់ធ្វើជាជំនួយការគ្រូបង្វឹកក្រុមជម្រើសជាតិបែលហ្ស៊ិក មុនទៅដឹកនាំនៅ Monaco ហើយក៏ធ្លាប់ត្រូវ Aston Villa ទាក់ទងឲ្យដឹកនាំផងដែរ ប៉ុន្តែការព្រមព្រៀងមិនបានកើតឡើង៕

កីឡាករ John Obi Mikel  ត្រូវបានក្លិប Middlesbrough FC ដែលនៅក្របខណ្ឌ Championship បានផ្តល់កិច្ចសន្យារយៈពេលខ្លី មកកាន់លីគកំពូលអង់គ្លេស ក្នុងរដូវកាលដោះដូរកីឡាករនេះ។ ខ្សែបម្រើវ័យ៣១ឆ្នាំ ដែលធ្លាប់លេងឲ្យ Chelsea ជិត១០រដូវកាល បានចុះកិច្ចសន្យាជាផ្លូវការណ៍ចូលរួមជាមួយក្លិប Middlesbrough FC បន្ទាប់ពីស្នាក់នៅជាមួយក្លិប Tianjin TEDA FC នៃលីគកំពូលចិន រយៈពេល២ឆ្នាំ។ ការវិលត្រឡប់មកកាន់ទឹកដីអង់គ្លេសសាជាថ្មីនេះ John Obi Mikel នឹងពាក់អាវលេខ២។ រំលឹកអតីតកាល កីឡាករសញ្ជាតិនីហ្សេរីយ៉ា ធ្លាប់បង្ហាញ សមត្ថភាពនៅលីគកំពូលអង់គ្លេស ១១រដូវកាល ជាមួយក្លិបតោខៀវ Chelsea ដោយបង្ហាញខ្លួនសរុបដល់ទៅ៣៧៤ដងឲ្យក្លិបមូលដ្ឋានទីក្រុងឡុងដ៍។ John Obi Mikel បានឈ្នះពានរង្វាន់ជាច្រើនដូចជា លីគកំពូលអង់គ្លេស២ដង, Fa Cup ៣ដង, League Cup ១ដង, ពានបើករដូវកាល…

អ្នកចាំទី David De Gea គ្មានឈ្មោះក្នុងបញ្ជីរបស់លោក Ole Gunnar Solskjaer ត្រៀមជួបជាមួយ Arsenal ក្នុងពាន FA Cup ។ David De Gea គឺជាកីឡាករសំខាន់ម្នាក់ដែលត្រូវដកចេញពីបញ្ជីនេះ បើទោះបីជាអ្នកចាំទីអេស្ប៉ាញម្នាក់នេះកម្របង្ហាញខ្លួនក្នុងពានរង្វាន់លំដាប់ Cup ។ ដើម្បីបំពេញចន្លោះប្រហោងក្នុងតំបន់អ្នកចាប់បាល់ គ្រូបង្វឹកសញ្ជាតិន័រវេសបានបញ្ចូលឈ្មោះអ្នកចាំទីសញ្ជាតិព័រទុយហ្គាល់ Joel Perrira ខណៈកីឡាកររូបនេះកំពុងស្វែងរកកន្លែងលេងខ្ចីជើង។ រូបគេត្រូវបានគេដឹងថានឹងទៅចូលរួមជាមួយ Reading FC ប៉ុន្តែក្រុមលេងនៅ Championship មួយនេះបានជ្រើសរើស Emiliano Martinez ជំនួសវិញ។ រីឯChris Smalling នៅតែមិនទាន់បានលេង ប៉ុន្តែសប្ដាហ៍ក្រោយនឹងច្បាស់បានលេងហើយខណៈដែល Marouane Fellaini និង Marcos Rojo នៅតែអវត្តមានរយៈពេលវែង៕

ការប្រកួតបាល់ទាត់ Tiger Street Football Festival 2019 បន្តទៅ មណ្ឌលទី៤ នៅថ្ងៃទី២៦-២៧ ខែមករា ឆ្នាំ២០១៩ នៅពហុកីឡដ្ឋានស្តាត់ចាស់ វាលបែកចាន់ ទីរួម ខេត្តបាត់ដំបង បន្ទាប់ពីរកឃើញក្រុមខ្លាំងទាំង១២ ចំនួន៣ មណ្ឌលរួចរាល់ហើយ ក្នុងចំណោម៤៦ក្រុម ទាំង៨មណ្ឌល ។ ៣មណ្ឌលដែលធ្វើការប្រកួត រួមមាន៖ មណ្ឌលខេត្តព្រះសីហនុ មណ្ឌលខេត្តតាកែវ និង មណ្ឌលខេត្តកំពង់ស្ពឺ ចំពោះមណ្ឌលខេត្តបាត់ដំបង បន្តស្វែងរក៤ក្រុម ដើម្បីទៅប្រកួតវគ្គផ្តាច់ព្រ័ត្រ នៅ រាជធានីភ្នំពេញ នៅថ្ងៃទី១៦ដល់១៧ ខែមីនា ឆ្នាំ២០១៩ ជាមួយនិងក្រុមខ្លាំង ៤មណ្ឌលផ្សេងទៀត បន្ទាប់ពីមណ្ឌលខេត្តបាត់ដំបង ។ ជាពិសេសក្រុមខ្លាំងទាំង ៨មណ្ឌល និងមានឱកាសជួបជាមួយតារា បាល់ទាត់អន្តរជាតិ Ronaldinho ។  គួររំលឹកថា ការប្រកួត Tiger Street Football Festivalនេះ…