អតីតកំពូលអ្នកប្រដាល់គុនខ្មែរ អេ ភូថង ដែលល្បីល្បាញខ្លាំងកាលពីជាង១០ឆ្នាំមុន បច្ចុប្បន្នជាគ្រូបង្វឹក ដែលកំពុងលើកទឹកចិត្ត ជួយជ្រោមជ្រែងឲ្យ កូនប្រុសស្រីទាំង៤នាក់របស់លោកហ្វឹកហាត់ ប្រដាល់គុនខ្មែរនេះ ដើម្បីរក្សាកេរដំណែលក្បាច់គុនត្រកូលអេ ។ នេះជាការលើកឡើងរបស់លោក នៅក្នុងពេល បង្វឹកដល់កូនសិស្សរបស់លោក នៅក្លឹបអេភូថង នៃពហុកីឡដ្ឋានជាតិ ។ លោក អេ ភូថង គ្រូបង្ហាត់ប្រដាល់គុនខ្មែរក្លឹប អេ ភូថង កំពុងខិតខំជំរុញឲ្យកូន ប្រុស៣នាក់ និងកូនស្រី ម្នាក់របស់លោកហ្វឹកហាត់ប្រដាល់គុនខ្មែរ ដើម្បីក្លាយខ្លួនជាកីឡាករ កីឡាការិនីអាជីពសាងភាពល្បីល្បាញ ក្នុងពិភពកីឡាប្រដាល់គុនខ្មែរ ។ បច្ចុប្បន្នកូនប្រុស-ស្រីទាំង៤នាក់របស់លោកត្រូវបាន ណែនាំតម្រង់ទិសឲ្យចូល ហ្វឹកហាត់ប្រដាល់ជាមួយលោកទាំងអស់ ហើយក្នុងចំណោមកូន៤នាក់នេះ គឺកីឡាការិនី អេ យ៉ានុត ភូថង ដែលជាកូនស្រីបង កីឡាករ អេវិរៈខាំឈីត កូនប្រុសបងទី២ និងកូនប្រុសទី៣ អេ អម្រឹតភូថង កំពុងសាងភាព ល្បីល្បាញជាបណ្តើរៗហើយ បន្ទាប់ពីពួកគេទទួលបានឱកាសឡើងប្រកួតលើសង្វៀនប្រដាល់តាមប៉ុស្តិ៍ទូរទស្សន៍ជាញឹកញាប់នោះ ។ …

សហព័ន្ធខ្មែរកីឡាទោចក្រយាន បានប្រកាសពីការរៀបចំវគ្គបណ្តុះបណ្តាលគ្រូបង្វឹកថ្នាល និងអត្តពលិកវ័យក្មេងជាលើកដំបូង ដែលគ្រោងធ្វើឡើងថ្ងៃទី២៦ដល់២៨ ខែមករា ឆ្នាំ២០១៩ នៅទីស្នាក់ ការគណៈកម្មាធិការជាតិអូឡាំពិកកម្ពុជា ក្នុងគោលដៅពង្រឹងគុណភាព និងអភិវឌ្ឍន៍វិស័យកីឡាទោចក្រយានកម្ពុជា ឆ្ពោះទៅរកការទទួលធ្វើម្ចាស់ផ្ទះ ស៊ីហ្គេម លើកទី៣២ នាឆ្នាំ២០២៣ ខាងមុខ ។ លោក វង្ស ខាន់ពៅ អគ្គលេខាធិការសហព័ន្ធខ្មែរកីឡាទោចក្រយាន បានបញ្ជាក់ប្រាប់ដល់បណ្តាក្លឹបនានាទូទាំងប្រទេសឲ្យបានជ្រាបថា ការរៀបចំបើកវគ្គបណ្តុះបណ្តាលគ្រូបង្វឹកថ្នាល និងកីឡាករ កីឡាការិនី ថ្នាលសម្រាប់ឆ្នាំ២០១៩នេះ គឺជាការចាប់ផ្តើមមួយនៃការរៀបចំខ្លួនជាពិសេសសម្រាប់ស៊ីហ្គេម ឆ្នាំ២០២៣ ក្នុងឋានៈជាម្ចាស់ផ្ទះ ។ អគ្គលេខាធិការរូបនេះ ឲ្យដឹងទៀតថា វគ្គបណ្ដុះបណ្ដាលថ្នាលគ្រូបង្វឹក និងអត្តពលិកនេះ ត្រូវបានរៀបចំជាពិសេស ដើម្បីពង្រឹងលើការអភិវឌ្ឍ និងបណ្ដុះបណ្ដាលធនធាន កីឡាករ-កីឡាការិនីវ័យក្មេងសម្រាប់ប្រកួត ប្រជែងក្នុងព្រឹត្តិការណ៍អន្ដរជាតិនានា ពិសេសស៊ីហ្គេម លើកទី៣២ នាឆ្នាំ២០២៣ ស្របតាមផែនការមេស៊ីហ្គេម របស់រាជរដ្ឋាភិបាលកម្ពុជា ក្រោមការជំរុញពីគណៈកម្មាធិការជាតិ អូឡាំពិកកម្ពុជា ៕

ដើម្បីយកខ្សែបម្រើ Christian Eriksen ក្លឹប Real Madrid បានត្រៀម លុយមួយចំនួនតូចបន្ថែម James Rodriguez ក្នុងកិច្ចព្រមព្រៀង ដើម្បីយក Eriksen ពី Spurs ។  នេះជាលើកទី២ហើយ ដែលក្រុមមានមូលដ្ឋាននៅទីក្រុងម៉ាឌ្រីដមួយនេះ ដាក់កិច្ចព្រមព្រៀងមួយនេះបញ្ចូល James Rodriguez ទៅក្នុងកញ្ចប់លុយ ខណៈដែលអនាគតរបស់គេនៅ Bayern នៅតែមិនទាន់ដោះស្រាយ ។ ការចំណាយពេលខ្ចីជើង នៅរដូវកាលទី២របស់ខ្លួន នៅឯក្លឹប Bayern Munich កីឡាករដែលមានតម្លៃខ្លួន៤២លានអឺរ៉ូរូបនេះ អាចឲ្យក្លឹបជើងឯកអាល្លឺម៉ង់មានជម្រើសទិញដាច់ ។ រដូវកាលដំបូងនៅអាល្លឺម៉ង់ James ទទួលបានផលវិជ្ជមានច្រើន ប៉ុន្តែចាប់តាំងពី លោក Niko Kovac មកដឹកនាំកាលពីខែកក្កដា រូបគេទើបតែបានលេង១២ប្រកួតគ្រប់ពានរង្វាន់ហើយលេងពេញ៩០នាទីតែមួយប្រកួតប៉ុណ្ណោះ ។ គួររំលឹកថា ប្រធានក្រុមជម្រើសជាតិកូឡុំប៊ី ធ្លាប់ទទួលបានជោគជ័យកាលនៅ Porto និងMonaco…

ក្លឹបយក្សអ៊ីតាលី AC Milan បានផ្ទេរខ្សែប្រយុទ្ធសញ្ជាតិប៉ូឡូញ Krzysztof Piatek ជាផ្លូវការណ៍ តាំងពីថ្ងៃទី២២មកម្ល៉េះ ក្នុងតម្លៃខ្លួន៣៥លានអឺរ៉ូ ព្រមទាំងតម្លៃពលកម្ម ២លានអឺរ៉ូ ក្នុងមួយឆ្នាំពីក្លឹប Genoa FC ពោលគឺ២ថ្ងៃមុនដែល Chelsea នាំយកកីឡាករ Gonzalo Higuain ទៅទឹកដី Stamford Bridge។ គួររំលឹកថា ពេលចុះកិច្ចសន្យាដំបូងខ្សែប្រយុទ្ធវ័យ២៣ឆ្នាំខាងលើនេះ ត្រូវបានក្លឹបផ្តល់លេខអាវ១៩ ប៉ុន្តែក្រោយការចាកចេញរបស់ខ្សែប្រយុទ្ធខ្ចីជើងពី Juventus ទៅកាន់ទីក្រុងឡុងដ៍ ធ្វើឲ្យលេខអាវដែលទំនេរ ពោលគឺលេខ៩ បានធ្លាក់មកដល់រូបគាត់ផ្ទាល់តែម្តង ។ កីឡាករវ័យជ្រេ Gonzalo Higuain បានបោះបង់អាវលេខ៩ របស់ក្លឹប AC Milan ដើម្បីទៅចូលរួមជាមួយតោខៀវ Chelsea ជាផ្លូវការណ៍ ខណៈពេលនេះក្លឹបអ៊ីតាលីក៏បានរកម្ចាស់អាវលេខ៩ថ្មីផងដែរនោះគឺ Krzysztof Piatek ៕

បើយោងតាម Cadena Ser បានឲ្យដឹងថា ខ្សែប្រយុទ្ធរបស់ក្លឹបតោខៀវ Chelsea កីឡាករ Alvaro Morata នឹងចូលរួមជាមួយក្លឹប Atletico Madrid ក្នុងលក្ខខណ្ឌខ្ចីជើងរយៈពេល ១៨ខែ ដោយតម្រូវឲ្យ ក្លឹបនេះបង់តម្លៃខ្លួនប្រមាណ ៦.៦លានផោនជាមុនសិន ។ ដោយមិនសូវទទួលបានជោគជ័យគួរឲ្យកត់សម្គាល់នៅទឹកដី Stamford Bridge ក៏មានសារព័ត៌មានជាច្រើន អំពីការផ្ទេររបស់ ខ្សែប្រយុទ្ធវ័យ២៦ឆ្នាំខាងលើ ទៅចូលរួមសារជាថ្មីនៅទឹកដីអេស្ប៉ាញ ។  សូមបញ្ជាក់ថា ក្រោយបញ្ចប់រដូវកាល ២០១៩-២០២០ ក្លឹបអេស្ប៉ាញ នឹងធ្វើការទិញផ្តាច់ពី Chelsea ក្នុងតម្លៃខ្លួនចន្លោះពី ៣៥លានផោន ទៅ ៤០លានផោន ដោយយោងទៅតាមស្ថានភាពជាក់ស្តែង ៕

កីឡាការិនីប្រដាល់សកលវ័យក្មេង ហេង ផានាទ គឺជានារីមានរូបសម្រស់ស្រស់ស្អាត ហើយមានទេពកោសល្យ ត្រូវបានសហព័ន្ធកីឡាប្រដាល់សកលជ្រើសរើសបញ្ចូលជាកីឡាការិនីថ្នាល ទទួលបានបានឧបត្ថម្ភពីក្រសួងអប់រំយុវជន និងកីឡា ពេញមួយឆ្នាំ ដើម្បីហ្វឹកហាត់ត្រៀមអភិវឌ្ឍន៍ខ្លួនជាកីឡាការិនី ប្រដាល់សកលប្រកួតតំណាងឲ្យកម្ពុជា នៅស៊ីហ្គេម ឆ្នាំ២០២៣។ កីឡាការិនីរូបនេះ បានរៀបរាប់ថា មូលហេតុដែលជំរុញខ្លួនបានក្លាយជាកីឡាការិនីប្រដាល់សកលដល់បច្ចុប្បន្ននេះ វាកើតចេញពីការស្រលាញ់ចូលចិត្ត និងមានបំណងប៉ងប្រាថ្នាចង់សាងកេរ្តិ៍ឈ្មោះឲ្យល្បីល្បាញ នៅក្នុងវិស័យកីឡាប្រដាល់សកល នាពេលអនាគត។ ជាពិសេសក្លាយជាកីឡាការិនីប្រដាល់អាជីព ដើម្បីទទួលបានប្រាក់ចំណូលខ្ពស់ ដើម្បីផ្គត់ផ្គង់គ្រួសារ។ កីឡាការិនីវ័យ១៤ឆ្នាំ ហេង ផានាទ មានកំណើតនៅរាជធានីភ្នំពេញ បានបង្ហើបទៀតថា អាជីពប្រដាល់សកលមួយនេះធ្វើឲ្យនាងបានចំណូលជួយគ្រួសារ១ឆ្នាំហើយ។ ជាមួយគ្នានេះ នាងប្តេជ្ញាខិតខំហ្វឹកហាត់បង្កើនសមត្ថភាពឲ្យក្លាយជាកីឡាការិនីល្បីឈ្មោះមួយរូបអាចដណ្តើមមេដាយជូនជាតិ និងក្រុមគ្រួសារផងដែរ។ សូមបញ្ជាក់ថា កីឡាការិនី ហេង ផានាទ គឺជាកីឡាការិនីថ្នាលទទួលបានប្រាក់ឧបត្ថម្ភពីក្រសួងអប់រំយុវជន និងកីឡា ក្រោមការបណ្តុះបណ្តាលពីសហព័ន្ធកីឡាប្រដាល់សកលកម្ពុជា៕

ក្លិប Manchester United បានបដិសេធចំពោះសំណើរបស់កាំភ្លើងធំ Arsenal ក្នុងការនាំយកខ្សែការពារ Eric Bailly មកកាន់ទីក្រុងឡុងដ៏។ Arsenal ចង់ខ្ចីជើងកីឡាករ សញ្ជាតិកូឌីវ័រមកជួយក្រុមរហូតដល់ចប់រដូវកាលនេះ ហើយអាចនឹងទិញផ្ដាច់នៅរដូវក្ដីខាងមុខ។ ប៉ុន្តែ Manchester  United មិនចង់បាត់បង់កីឡាករវ័យ២៤ឆ្នាំនេះឡើយ។ កីឡាករ Bailly ត្រូវបានអតីតអ្នកចាត់ការរបស់ Man Utd លោក Jose Mourinho ទិញមក ក្នុងតម្លៃ៣០លានផោន កាលពីឆ្នាំ២០១៦ ហើយពេលនេះសល់កុងត្រា១៨ខែទៀត។ បច្ចុប្បន្ន Bailly មិនស្ថិតក្រោមជម្រើសដំបូង របស់គ្រូបណ្ដោះអាសន្ន Ole Gunnar Solskjaer ឡើយ។ ក្នុងចំណោម៧ប្រកួតចាប់តាំងពី Solskjaer ចូលមកដឹកនាំខ្សែការពារកណ្ដាលរូបនេះលេងជម្រើសដំបូងបាន១ប្រកួតគត់។ គួរបញ្ជាក់ថា ក្លិប Man United ចង់ពង្រីកកុងត្រាថ្មីឲ្យ Eric Bailly ២ឆ្នាំទៀត ប៉ុន្តែពន្យារពេលរង់ចាំការតែងតាំងគ្រូថ្មីពិតប្រាកដសិន ខណៈកីឡាករផ្ទាល់ក៏ចង់បន្តពង្រឹងសមត្ថភាពនៅ Man…

អតីតអ្នកចាំទីឲ្យក្លិប Manchester United និងក្លិប Everton កីឡាករ Tim Howard បានប្រកាសចូលនិវត្តន៍ជាផ្លូវការ នាចុងឆ្នាំ២០១៩នេះ។ អ្នកចាំទីសញ្ជាតិអាម៉េរិក វ័យ៣៩ឆ្នាំខាងលើ បច្ចុប្បន្នកំពុងប្រកបអាជីពជាមួយក្លិប Colorado Rapids នាលីគកំពូលអាម៉េរិក បានបង្ហោះសារ ក្នុងគណនីបណ្តាញសង្គម Twitter របស់រូបគាត់ថា នឹងភ្ជួរខ្សែស្បែកជើង និងស្រោមដៃរបស់ខ្លួន ដោយបញ្ចប់អាជីព នៅលីគកំពូលប្រទេសដើមកំណើតរបស់រូបគាត់ ក្រោយបញ្ចប់រដូវកាល២០១៩ នេះតែម្តង។ គួររំលឹកថា  Tim Howard ធ្លាប់បង្ហាញកេរ្តិ៍ឈ្មោះយ៉ាងល្អ កាលពីរូបគាត់ស្នាក់នៅលីគកំពូលអង់គ្លេស ដោយលេងជាមួយក្លិបបិសាចក្រហម Manchester United ៣រដូវកាល (២០០៣ ដល់ ២០០៦) និងបន្តស្នាក់នៅជាមួយ Everton ៩រដូវកាលកន្លះ ដោយបានបង្ហាញខ្លួនសរុប៤៩១លើក នៅអង់គ្លេស ហើយធ្លាប់មានកំណត់ត្រាបិទមិនឲ្យដៃគូទាត់បញ្ចូលទី១១៦ដង ដែលជាកំណត់ត្រាមានតែអ្នកចាំទី២រូប ប៉ុណ្ណោះអាចធ្វើបាន នៅក្នុងប្រវត្តិសាស្ត្រលីគកំពូលអង់គ្លេស គិតមកទល់បច្ចុប្បន្ន។ សូមបញ្ជាក់ថា Tim Howard ធ្លាប់បានជួយឲ្យសហរដ្ឋអាម៉េរិក…

សិង្ហបុរី និងព្រុយណេ ប្រកាសដកខ្លួនចេញពីព្រឹត្តិការណ៍ AFF U-22 Championship 2019 ដែលកម្ពុជាធ្វើជាម្ចាស់ផ្ទះ នេះបើតាមការបញ្ជាក់ពីសហព័ន្ធកីឡាបាល់ទាត់អាស៊ីអាគ្នេយ៍។ ក្រោយការដកខ្លួនរបស់ជម្រើសសិង្ហបុរី អាយុក្រោម២២ឆ្នាំ ដែលស្ថិតនៅពូល B ជាមួយក្រុមជម្រើសជាតិកម្ពុជាយើង ពេលនេះក្រុមជម្រើសជាតិព្រុយណេ អាយុក្រោម២២ឆ្នាំ ដែលស្ថិតនៅពូល A ក៏បានសម្រេចចិត្តដកខ្លួនចេញពីព្រឹត្តិការណ៍នេះផងដែរ ដែលនឹងត្រូវរៀបចំប្រកួតនាពហុកីឡដ្ឋានជាតិអូឡាំពិកកម្ពុជា នាពេលខាងមុខនេះ។ ដូច្នេះសរុបជារួមមកនៅក្នុងពូល A គឺនៅសល់តែក្រុមជម្រើសជាតិចំនួន៥ប៉ុណ្ណោះ រួមមាន វៀតណាម ថៃ ទីម័រ ឡាវ និងហ្វីលីពីន ខណៈឯក្នុងពូល B វិញនៅសល់តែ៤ក្រុម រួមមាន ឥណ្ឌូណេស៊ី ម៉ាឡេស៊ី មីយ៉ាន់ម៉ា និងម្ចាស់ផ្ទះកម្ពុជាយើង។ សូមបញ្ជាក់ថា ការប្រកួតនឹងចាប់នៅថ្ងៃទី១៧ ខែកុម្ភៈ ឆ្នាំ២០១៩ ដោយក្រុមយុវជន ថៃ ប៉ះ ទីម័រ , ក្រុមយុវជន ហ្វីលីពីន…

សហព័ន្ធបាល់ទាត់ទ្វីបអឺរ៉ុប ហៅកាត់ថា UEFA ត្រូវបានដាក់បង្ហាញជាសាធារណៈ បាល់មានឈ្មោះថា Madrid Finale 19 ។ បាល់ដែលមានពណ៌ស លាយលឿង និងក្រហម ឌីហ្សាញដោយក្រុមហ៊ុនផ្គត់ផ្គង់សម្ភារកីឡា Adidas ហើយនឹងដាក់ឲ្យប្រើចាប់ពីវគ្គ១៦ក្រុមចុងក្រោយ រហូតដល់វគ្គផ្ដាច់ព្រ័ត្រ Champions League រដូវកាលនេះ ។  បាល់ដែលមានពណ៌ដូចគ្នាទៅនឹងទង់ជាតិរបស់ប្រទេសអេស្ប៉ាញ ជាទីកន្លែងរៀបចំវគ្គផ្ដាច់ព្រ័ត្រ នៅខែឧសភាខាងមុខនេះ។ គួររំលឹកថា កាលពីវគ្គចែកពូល បាល់របស់ UEFA គឺមានពណ៌ស លាយខៀវជាពណ៌ប្រចាំត្រកូលរបស់កម្មវិធីនេះ ប៉ុន្តែចាប់ពីវគ្គ១៦ក្រុម  នៅខែក្រោយ  គឺប្រើបាល់ពណ៌ស លាយក្រហមជំនួសវិញ។ សូមបញ្ជាក់ថា វគ្គផ្ដាច់ព្រ័ត្រ Champions League នឹងធ្វើឡើង នៅកីឡដ្ឋាន Wanda Metropolitano ក្នុងទីក្រុងម៉ាឌ្រីដ៕ម.ន