ភ្នំពេញ៖ ក្នុងឱកាសដែលពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ កាន់តែខិតជិតចូលមកដល់ គណៈកម្មាធិការជាតិអូឡាំពិកម្ពុជា បានរៀបចំពិធីសូត្រមន្ត សុំសេចក្តីសុខ សិរីសួស្តី ដល់មហាគ្រួសារ គណៈកម្មាធិការជាតិអូឡាំពិកម្ពុជា នារសៀលថ្ងៃទី៥ ខែមេសា ឆ្នាំ២០១៩  នៅអគារ NOCC ។ ពិធីនេះត្រូវបានរៀបចំធ្វើឡើងជារៀងរាល់ឆ្នាំ ព្រោះជាទំនៀមទម្លាប់ និងជាប្រពៃណីរបស់ប្រជាជនកម្ពុជាទូទាំងប្រទេស ដើម្បីបណ្តេញឧបទ្រពចង្រៃនៃឆ្នាំចាស់ ហើយនាំមកនូវពរជ័យសិរីសួស្តី និងជោគជ័យក្នុងឱកាសចូលឆ្នាំថ្មី ហើយក៏បានបង្ហាញនូវការគោរព និងរក្សាដោយខ្ជាប់ខ្ជួននូវប្រពៃណី វប្បធម៌ដ៏រុងរឿងរបស់ប្រជាជាតិខ្មែរ។ ម្យ៉ាងវិញទៀត ដើម្បីឧទ្ទិសកុសលផលបុណ្យជូនចំពោះដួងវិញ្ញាណក្ខន្ធ បុព្វការីជន ជីដូនជីតា ឪពុកម្តាយ និងញាតិការទាំង៧សន្តាន ដែលបានចែកឋានទៅកាន់បរលោកខាងមុខ សូមរំដោះរួចចាកផុតពីកម្មពារ វេរាទាំងឡាយ និងបានទៅសោយសុខក្នុងឋានសុគតិភពកុំបីឃ្លៀងឃ្លាតឡើយ។ ក្នុងឱកាសនោះ ក៏មានការសម្តែងរបាំត្រុដិ និងរបាំជូនពរដើម្បីបណ្តេញឧបទ្រពចង្រៃក្នុងឆ្នាំចាស់ និងទទួលយកនូវពរជ័យសេរីមង្គលឆ្នាំថ្មី ជូនដល់ថ្នាក់ដឹកនាំអតីតកីឡាករ កីឡាការិនី  និងមន្ត្រីរាជការគណៈកម្មាធិការជាតិអូឡាំពិកម្ពុជាផងដែរ។សូមបញ្ជាក់ថា ពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំកុរ ឯកស័ក ព,ស ២៥៥២ គឺប្រព្រឹត្តឡើងនៅថ្ងៃទី១៤ ១៥ និង១៦ ខែមេសា…

ឯកឧត្តម វ៉ាត់ ចំរើន រដ្ឋលេខាធិការក្រសួងទទេសចរណ៍ និងជាអគ្គលេខាធិការគណៈកម្មាធិការជាតិអូឡាំពិកកម្ពុជា បានបញ្ជាក់ថា ដើម្បីលើកកម្ពស់សុខុមាលភាពប្រជាពលរដ្ឋ ភ្ញៀវទេសចរជាតិ-អន្តរជាតិ ឯកឧត្តម ថោង ខុន រដ្ឋមន្រ្តីក្រសួងទេសចរណ៍ បានដាក់ចេញនូវគោលការណ៍រៀបចំសេវាកម្សាន្តខាងផ្នែកកីឡាឲ្យបានល្អប្រសើរ ជូនភ្ញៀវទេសចរជាតិ-អន្តរជាតិ តាមទីសាធារណៈ។ ប្រសាសនេះលើកឡើងក្រោយបញ្ចប់កិច្ចប្រជុំបូកសរុបការងារទេសចរណ៍ឆ្នាំ២០១៨ ត្រីមាសទី១ ឆ្នាំ២០១៩ និងទិសដៅអនុវត្តបន្តត្រីមាសទី២ និងឆមាសទី២ ឆ្នាំ២០១៩ កាលពីចុងសប្តាហ៍កន្លងទៅ។ ឯកឧត្តម វ៉ាត់ ចំរើន បន្តទៀតថា ដើម្បីរៀបចំឲ្យក្លាយជាទីក្រុងថ្មី ឬ Smart City រដ្ឋមន្រ្តីក្រសួងទេសចរណ៍ ឯកឧត្តម ថោង ខុន បានជំរុញឲ្យរៀបចំកន្លែងកម្សាន្តផ្នែកកីឡា នៅតាមខេត្ត ទីក្រុង ទីប្រជុំជន និងសួនកម្សាន្តសាធារណៈ ឲ្យមានដូចជាសម្ភារហាត់ប្រាណ ទីលានកីឡាគ្រប់ប្រភេទសម្រាប់ទេសចរជាដើម ដើម្បីរួមចំណែកអភិវឌ្ឍន៍វិស័យកីឡា ដែលជាចលនាអប់រំសុខភាពមួយប្រកបដោយនិរន្តភាពទៅថ្ងៃអនាគត។ ឯកឧត្តមអគ្គលេខាធិការ បន្ថែមថា នៅតាមគោលដៅទេសចរមួយចំនួន ត្រូវរៀបចំឲ្យមានផ្លូវរត់ ផ្លូវជិះកង់ ជាលក្ខណៈស្តង់ដារ ដូចជា នៅតាមតំបន់អង្គរ…

ខ្សែបម្រើប្រយុទ្ធរបស់ Manchester City កីឡាករ Raheem Sterling បានចំណាយថវិកាផ្ទាល់ខ្លួន កក់សំបុត្រទុក៥៥០សន្លឹក សម្រាប់ចែកជូនដល់សិស្ស នៅអតីតសាលារៀនពីកុមារភាព។ កីឡាករវ័យ២៤ឆ្នាំខាងលើ បានឲ្យភ្នាក់ងារក្លិបរបស់ខ្លួន ទិញសំបុត្រចូលរួមទស្សនាការប្រកួតវគ្គពាក់កណ្តាលផ្តាច់ព្រ័ត្រ នៃពានរង្វាន់ FA Cup រវាង Manchester City និង Brighton ដែលមានចំនួនដល់ទៅ៥៥០សន្លឹក សម្រាប់ផ្តល់ជូនដល់សិស្សៗ នៅអតីតសាលារៀនរបស់គាត់ការពីវ័យកុមារភាព។ គួររំលឹកថា សាលា Copland Community School ឈ្មោះដើមជំនាន់ Raheem Sterling នៅសិក្សា បច្ចុប្បន្នបានប្តូរទៅជា Ark Elvin Academy ចំនួន៥៥០នាក់ នឹងបង្ហាញវត្តមាន ក្នុងការប្រកួតនាថ្ងៃស្អែកនេះ ក្នុងកីឡដ្ឋានជាតិអង់គ្លេស Wembley Stadium៕ម.ន

ក្លិប Liverpool ត្រូវជួបជាមួយ Southampton នៅ Premier League សប្ដាហ៍ទី៣៣ ម៉ោង២រំលងអាធ្រាត្រនេះ។ ហង្សក្រហមបច្ចុប្បន្នកំពុងឈរលេខ២ ចាញ់ Manchester City ចំនួន១ពិន្ទុ  ខណៈ Southampton កំពុងឈរលេខ១៦ មានត្រឹម៥ពិន្ទុប៉ុណ្ណោះលើតំបន់ ដែលត្រូវគេកាត់ចោល ដូច្នេះចង់មិនចង់ក្រុមលោក Hasenhüttl ត្រូវការពិន្ទុដូចគ្នា ដើម្បីរក្សាតំណែងសុវត្ថិភាពដែរ។ កម្លាំងសំខាន់របស់ម្ចាស់ផ្ទះ Southampton ដូចជាកីឡាករ Danny Ings មិនអាចលេងបានទេយប់នេះ ខណៈ Mario Lemina និង Michael Obafemi កំពុងរបួស។ Shane Long និង Jannik Vestergaard អាចចូលលេងវិញបានក្រោយជាពីរបួសក្រលៀន និងភ្លៅ។ ចំណែកឯក្រុមភ្ញៀវ Liverpool មានកីឡាករមួយចំនួនដូចជា Joe Gomez និង Alex Oxlade-Chamberlain មិនបានលេងឡើយ បើទោះជាគេទាំងពីរចូលហ្វឹកហាត់បានវិញក៏ដោយ ប៉ុន្តែខ្សែការពារសំខាន់ និងជាអតីតកីឡាករ…

ក្លិប Manchester United បានធ្វើការចរចាជាមួយ Paul Pogba ជុំវិញកុងត្រាថ្មី ដើម្បីបញ្ចៀសពីការចង់បានរបស់ក្លិបយក្សអេស្ប៉ាញ Real Madrid។ តារាសញ្ជាតិបារាំង ចង់បានថ្លៃឈ្នួលមួយសប្ដាហ៍ ៥សែនផោន ដើម្បីឲ្យរូបគេក្លាយជាកីឡាករមានប្រាក់ពលកម្មខ្ពស់បំផុត នៅក្លិបស្មើគ្នានឹង Alexis Sanchez។ Pogba និង Eden Hazard គឺកីឡាករសំខាន់ដែលលោក Zinedine Zidane ចង់បានសម្រាប់រដូវកាលក្រោយ។ គួររំលឹកថា កុងត្រាចាស់របស់ Pogba ដែលមានតម្លៃ៣សែនផោន ក្នុងមួយសប្ដាហ៍ នៅសល់២ឆ្នាំទៀត តែ Man United ចង់បន្ត៣ឆ្នាំបន្ថែមរហូត ដល់ឆ្នាំ២០២៤។ ខ្សែបម្រើវ័យ២៦ឆ្នាំរូបនេះ ស្ថិតក្នុងបញ្ជីកីឡាករ ដែលអ្នកចាត់ការ Ole Gunnar Solskjaer ចង់រក្សាទុកក្នុងរជ្ជកាលរបស់លោក៕ម.ន

Heung-Min Son បានក្លាយជាកីឡាករដំបូងបំផុត ដែលស៊ុតចូលទីឲ្យ Spurs នៅកីឡដ្ឋានថ្មី សម្រាប់ក្របខណ្ឌ Premier League ស្របពេលដែលក្លិប Tottenham Hotspur បានសម្ពោធកីឡដ្ឋានថ្មី តម្លៃ១ពាន់លានផោនរបស់ខ្លួន ជាមួយនឹងជ័យជម្នះ ២-០ លើ Crystal Palace នៅ Premier League ។ ក្រោយពីពន្យារពេលប្រើប្រាស់កីឡដ្ឋានថ្មីជាច្រើនខែក្រុមរហស្សនាមមាន់ខ្នាយមាស បានលេងប្រកួតដំបូងលើទឹកដីរបស់ខ្លួន ចំពោះមុខអ្នកគាំទ្រប្រមាណ៦ម៉ឺននាក់។ ខណៈខ្សែប្រយុទ្ធកូរ៉េខាងត្បូង Son Heung-Min និង Eriksen គឺជាអ្នករកគ្រាប់បញ្ចូលទីឲ្យម្ចាស់ផ្ទះ នៅនាទី៥៥ និង៨០។ សូមបញ្ជាក់ថា ក្រោយជ័យជម្នះនេះ Spurs បានឡើងទៅលេខ៣វិញ នៅលើ Arsenal ដែលឈរលេខ៤ ខណៈ Chelsea ឈរលេខ៥ហើយ Manchester United លេខ៦៕ធ.ដ

ក្លិប Real Madrid បានបរាជ័យជាលើកដំបូងក្រោមការដឹកនាំ Zidane ក្រោមថ្វីជើងរបស់ Valencia ហើយក៏ជាបរាជ័យជាលើកទី៩ នៅ La Liga រដូវកាលនេះ។ លេងបានតែ៥នាទី Goncalo Guedes រកបានគ្រាប់ទីមួយឲ្យ Valencia និងគ្រាប់ទី២ នៅនាទី៨៣ ដោយកីឡាករ Ezequiel Garay ។ ប៉ុន្តែនៅម៉ោងបន្ថែម ៩០នាទី  ខ្សែប្រយុទ្ធ Karim Benzema អាចរកបានមួយគ្រាប់សងវិញ។ ចប់ការប្រកួត Valencia ២-១  Real Madrid។ សូមបញ្ជាក់ថា Real បានចាញ់នៅរដូវកាលនេះ ស្មើគ្នានឹងចំនួនចាញ់២រដូវកាលចុងក្រោយបូកចូលគ្នា ។ លទ្ធផលនេះធ្វើឲ្យក្រុមលោក Zidane បន្តនៅលេខ៣ ដាច់១០ពិន្ទុ ពីក្រុមលេខ៤ Getafe និងគម្លាត១៣ពិន្ទុ ពីក្រុមលេខមួយ Barcelona៕ធ.ដ

ម្ចាស់ពាន French Cup ៥រដូវកាលជាប់គ្នា Paris St- Germain  ឡើងទៅជួបក្រុម Rennes នៅវគ្គផ្ដាច់ព្រ័ត្រ បន្ទាប់ពីឈ្នះ ក្រុម  Nantes កាលពីយប់មិញ។ ក្លិប PSG មានកំណត់ត្រាឈ្នះពាន French Cup ១២ដង ហើយកំពុងតែសម្លឹងឈ្នះវា៥រដូវកាលជាប់គ្នា ដែលការប្រកួតវគ្គផ្ដាច់ព្រ័ត្រត្រូវធ្វើឡើង នៅថ្ងៃទី២៧ ខែមេសា ឆ្នាំ២០១៩ នៅកីឡដ្ឋាន  Stade de France  ជាមួយក្រុម Rennes។ កីឡាករ Marco Verratti ជាអ្នករកគ្រាប់ ខណៈ Kylian  Mbappe ជាបន្ថែមគ្រាប់ទី២ ដោយបាល់១១ ម៉ែត្រ និងខ្សែការពារ Dani Alves បានបន្ថែមមួយគ្រាប់ ជួយ PSG ឈ្នះ ៣-០ ។  PSG…

ឯកឧត្តម ស សុខា រដ្ឋលេខាធិការ ក្រសួងអប់រំ យុវជន និងកីឡា តំណាង ឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ថ្លែងក្នុងឱកាសបិទ ការប្រកួតកីឡាសិស្សបឋមសិក្សាថ្នាក់ជាតិប្រចាំឆ្នាំ២០១៩ នាល្ងាចមិញនេះថា វិស័យអប់រំកាយ និងកីឡា បានរួមចំណែកលើកកម្ពស់សុខភាព និងសុខុមាលភាព សិស្ស និស្សិត ប្រជាជនគ្រប់រូប និងកាត់បន្ថយភាពអសកម្មផ្សេងៗ ក្នុងសង្គមដូចជាការប្រើប្រាស់ គ្រឿងញៀនជាដើម ។ ឯកឧត្តម រដ្ឋលេខាធិការ បន្តថា បច្ចុប្បន្ននេះ វិស័យកីឡាមានការរីកចម្រើនគួរឱ្យកត់សម្គាល់ ហើយ ទទួលបាននូវការចាប់អារម្មណ៍ចូលរួមគាំទ្រយ៉ាងច្រើនពីយុវជន ហើយលទ្ធផល នៃការប្រកួតជាលក្ខណៈអន្តរជាតិមានការប្រែប្រួលជាវិជ្ជមាន ទទួលបានការអបអរសាទរពីមហាជន រហូតដល់ថ្នាក់ដឹកនាំរាជរដ្ឋាភិបាល ។ លទ្ធផលជោគជ័យទាំងអស់នេះ វាបានកើតឡើងដោយសារប្រទេសជាតិមានសុខសន្តិភាពពេញលេញ ស្ថេរភាពនយោបាយ សេដ្ឋកិច្ចជាតិមានការរីកចម្រើនបានធ្វើឲ្យមានការអភិវឌ្ឍលើគ្រប់វិស័យ ។ ឯកឧត្តម បញ្ជាក់ថា  ក្រោមការដឹកនាំដ៏ប៉ិនប្រសព្វ និងឈ្លាសវៃរបស់សម្តេចអគ្គមហាសេនាបតីតេជោ ហ៊ុន…

រាជធានីភ្នំពេញមិនឈ្នះមេដាយសូម្បីតែមួយ ចំណែកខេត្តកំពង់ឆ្នាំង ដណ្តើមបានមេដាយច្រើនជាងគេ ពីការប្រកួតសិស្សបឋមសិក្សាថ្នាក់ជាតិ២០១៩ បានធ្វើពិធីបិទកាលពីម្សិលមិញ នៅក្នុង ពហុកីឡដ្ឋានជាតិ ។ តាមការបញ្ជាក់ពី លោក ដួង មាសចំរើន ប្រធានគណៈកម្មការរៀបចំការប្រកួត បានឲ្យដឹងថា ការប្រកួតសិស្សបឋមសិក្សាថ្នាក់ជាតិឆ្នាំនេះ មាន៤ប្រភេទកីឡាដាក់ឲ្យប្រកួត មានអត្តពលកម្ម បាល់ទាត់ បាល់បោះ និងបាល់ទះ លើ៩ប្រភេទវិញ្ញាសា និងមេដាយសរុប ២៧គ្រឿង មាស៩ ប្រាក់៩ និងសំរិទ្ធ៩គ្រឿង ដែលមានប្រតិភូ គ្រូបង្វឹក កីឡាករ កីឡាការិនី ១៦០៥នាក់ ដែលបាន ប្រព្រឹត្តទៅចាប់ពីថ្ងៃទី២៩ ខែមីនា ដល់ថ្ងៃទី៣ ខែមេសា។ ជាលទ្ធផលកីឡាអត្តពលកម្ម ខេត្តកំពង់ឆ្នាំងលេខ១ ខេត្តកំពត លេខ២ និងខេត្តត្បូងឃ្មុំ លេខ៣ កីឡាបាល់បោះចម្រុះ កុមារា-កុមារី ខេត្តកំពង់ឆ្នាំង លេខ១ ខេត្តតាកែវ លេខ២ និងខេត្តស្វាយរៀង លេខ៣ កីឡាបាល់ទះចម្រុះ…