ក្របខណ្ឌ English Premier League សប្ដាហ៍ទី២៨ យប់មិញ ក្រុមខ្លាំងៗសុទ្ធតែឈ្នះទាំងអស់លើកលែងតែ Spurs មួយប៉ុណ្ណោះ។ ក្រុមហង្សក្រហម Liverpool នៅតែបន្តឈរកំពូលតារាំង ក្រោយយកឈ្នះ ៥-០ Watford។ ចំណែកក្រុម Manchester City ១-០ West Ham United ឈរលេខ២។ រីឯ Chelsea ២-០ Spurs ស្របពេល Arsenal ឈ្នះ Bournemouth ៥-១ ។ ឯ Manchester United ៣-១  Crystal Palace ។ ៣គ្រាប់របស់បិសាចក្រហម ធ្វើបានដោយកីឡាករ Romelu Lukaku ២គ្រាប់ និង Asley Young ១គ្រាប់៕ធ.ដ

ក្លិបអ្នកមានបុណ្យ Barcelona ទម្លាក់ Real Madrid  ឡើងទៅវគ្គផ្តាច់ព្រ័ត្រ ៦រដូវកាលជាប់គ្នា ពាន Copa del Rey ក្នុងលទ្ធផល ៣-០ ក្នុងជើងទី២ ធ្វើសម្រេចដោយកីលឡាករ Luis Suarez ២គ្រាប់ម្នាក់ឯង នៅនាទីទី៥០  និងនាទីទី៧៣ និងមួយគ្រាប់ទៀតរកបានដោយ Raphael Varane ធ្វើនៅនាទីទី៦៩  ជ័យជម្នះនេះ សរុបទាំង២ជើង Barcelona ឈ្នះ ៤-១។ ក្រុមទាំង២ និងត្រូវជួបគ្នាម្ដងទៀត នៅកីឡាដ្ឋាន Bernabeu ថ្ងៃសៅរ៍ខាងមុខនេះនៅ La Liga ។ គួររំលឹកថា នេះការឡើងវគ្គផ្ដាច់ព្រ័ត្រ លើកទី៦ ជាប់ៗគ្នាសម្រាប់ Barcelona ហើយក្នុងពាន Copa del Rey ដោយត្រូវ រង់ចាំក្រុម Valencia ប៉ះ Real Betis យប់នេះដើម្បីជួប…

ខ្សែប្រយុទ្ធក្លឹប Lyon កីឡាករ Ada Hegerberg និងជាម្ចាស់ Ballon d’Or នារីដំបូងគេបដិសេធមិនលេង ឲ្យក្រុមជម្រើសជាតិន័រវែស សម្រាប់ព្រឹត្តិការណ៍បាល់ទាត់ពិភពលោកនៅរដូវក្ដៅឆ្នាំ២០១៩ នេះបើតាមការបញ្ជាក់របស់ គ្រូបង្វឹកក្រុមន័រវែសលោក Martin Sjogren ។ លោក Martin បន្តថាពួកយើងព្យាយាមដោះស្រាយបញ្ហានេះដែរ ដោយយើងបានជួបគ្នាច្រើនដង ហើយនាងនៅតែបដិសេធមិនចូលរួម ” ។ Ada Hegerberg បានចាកចេញពីក្រុមជម្រើសជាតិន័រវែស តាំងពីន័រវែសបានធ្លាក់ចេញពី Women’s European Championship នៅឆ្នាំ២០១៧ ។ ខ្សែប្រយុទ្ធក្លឹប Lyon វ័យ​ ២៣ឆ្នាំរូបនេះបានសម្រេចមិនលេងឲ្យក្រុមជម្រើសជាតិន័រវែស ដោយសារតែនាងបានយល់ថា ប្រទេសរបស់នាងមិនបានផ្ដល់ការគោរព ទៅលើកីឡាការិនីបាល់ទាត់ ដែលទាក់ទងនឹងប្រាក់ឈ្នួលមិនស្មើគ្នា៕ធ.ដ

ភ្នំពេញ ៖ ក្រុមបាល់ទាត់ពាក់កណ្ដាលអាជីព Blue Dragon បានក្លាយជាជើងឯកពានរង្វាន់ទីលានបាល់ទាត់Domrey Sor League ២០១៨ សម្រាប់ការចូលរួមលើកដំបូង បន្ទាប់ពីយកឈ្នះក្រុម RFL ដោយលទ្ធផល ៤-២ ក្នុងជំនួបវគ្គផ្ដាច់ព្រ័ត្រ លើទីលានដំរីស កាលពីចុងសប្ដាហ៍កន្លងទៅ ។ លោក ឯក សុវណ្ណដា អ្នករៀបចំការណ៍ប្រកួតបានឲ្យដឹងថា គោលបំណងលោករៀបចំព្រឹត្តិការណ៍នេះឡើងគឺ ដើម្បីគៀងគរ មហាជន ក៏យុវជនងាកមកចាប់អារម្មណ៍លេងកីឡាឲ្យកាន់តែច្រើន ព្រោះថាកីឡានាំមកនូវសុខភាពល្អ រឹងមាំ ពិសេសទៅទៀតនោះ កីឡាបាល់ទាត់លេងជាក្រុម ការលេងជាក្រុមបែបនេះធ្វើឲ្យពួកកាន់តែមានភាពស្និតស្នាលនៅក្នុងក្រុមរបស់ពួកគេបន្ថែមទៀត ។ មួយវិញវាអាច ដូច្នេះធ្វើពួកអាចបង្កើនចង់ណង មិត្តភាព សាមក្គីភាព ជាក្រុមដ៏ទៃកាន់តែល្អប្រសើរផងដែរ។ អ្នករៀបចំព្រឹត្តិការណន៍ពានរង្វាន់ដំរីសរូបនេះ សូមអំពាវនាវ ឲ្យមហាជន ជាពិសេសយុវជន ចូលរួមលេងកីឡាទាំងអស់គ្នា ព្រោះការលេងកីឡាធ្វើឲ្យសុខភាពយើងរឹងមាំ ប្រាជ្ញាវាងវ័យ នៅពេលណាដែលយើងមានសុខភាពល្អនោះ ការសិក្សារៀនសូត្ររបស់ប្អូនៗ ក៏ពួកែនៅតាមនឹងដែរ ជាសជាងយកពេលទំនេរទៅប្រព្រឹត្តអំពើឧបាយមុខដែលសង្គមស្អប់ខ្ពើម។ សូមបញ្ជាក់ថា…

សហព័ន្ធកីឡាវូស៊ូកម្ពុជា បានរៀបចំពិធីអបអរសាទរដល់ខួបអនុស្សាវវីយ៍លើកទី១៩ឆ្នាំ ការបង្កើត សហព័ន្ធកីឡាវូស៊ូកម្ពុជា និងបានធ្វើសន្និបាតវិសាមញ្ញមួយ កាលពីថ្ងៃចន្ទម្សិលមិញ នៅភោជនីយដ្ឋានទន្លេបាសាក់២ ដោយជ្រើសរើសបានសមាជិកប្រតិបត្តិ ដែលជាក្បាលម៉ាស៊ីនដឹកនាំចំនួន២១រូប ក្នុងនោះ ឯកឧត្តម វ៉ា ឈូដា បានបន្តដឹកនាំជាប្រធានសហព័ន្ធ និងលោក ម៉ៅ ចន្ថាវុធ ជា អគ្គលេខាធិការ សម្រាប់អាណត្តិទី៥ ឆ្នាំ២០១៨-២០២២។ លោក ម៉ៅ ចន្ថាវុធ អគ្គលេខាធិការសហព័ន្ធកីឡាវូស៊ូកម្ពុជា មានប្រសាសន៍ថា ពិធីនេះត្រូវ បាន ប្រារព្ធធ្វើ ឡើងដោយមានការចូលរួមពីសមាជិកនៃក្លិបទាំង១៦ និងធ្វើជាសាក្សីពីឯកឧត្តម ប៊ូ ជុំសេរី អនុរដ្ឋលេខាធិការ ក្រសួងអប់រំយុវជន និងកីឡា។ ពិធីជួបជុំនេះ បានឈរលើស្មារតី សាមគ្គីភាព ជាធ្លុងមួយ និងបានដោះស្រាយ លើបញ្ហាមួយចំនួន ដើម្បីរួមគ្នាអភិវឌ្ឍន៍វិស័យកីឡាវូស៊ូ ឲ្យកាន់តែរីកចម្រើន និងឆ្ពោះទៅទទួលធ្វើម្ចាស់ផ្ទះ ស៊ីហ្គេម លើកទី៣២ នាឆ្នាំ២០២៣ខាងមុខ។ លោក អះអាងថា ការអភិវឌ្ឍរបស់សហព័ន្ធកីឡាវូស៊ូ…

អ្នកចាំទី Kepa Arrizabalaga ត្រូវបានក្លិបកាត់ប្រាក់មួយសប្ដាហ៍ ដោយសារគេបានកសាងកំហុស មិនព្រមប្ដូរចេញអំឡុងពេលលេងពាន League Cup កាលពីថ្ងៃអាទិត្យចាញ់ក្រុម Man City  កន្លងទៅ។  ជាមួយនឹងកំហុសរបស់ Kepa អ្នកចាត់ការក្លិប Chelsea លោក Maurizio Sarri បាននិយាយថា លោកមិនចង់បិទផ្លូវលើអ្នកចាំទីរូបនេះទេ ប៉ុន្តែមិនទាន់សម្រេចចិត្តថាត្រូវដាក់ឲ្យគេលេងទល់នឹង Spurs នៅថ្ងៃពុធនេះឬយ៉ាងណានោះទេ។ អ្នកចាំទីវ័យ២៤ឆ្នាំ បានសុំទោសក្លិប និងមិត្តរួមក្រុមជាពិសេសអ្នកគាំទ្រ។ គួររំលឹកថា ក្នុងជំនួបវគ្គផ្តាច់ព្រ័ត្រ League Cup  ក្លិប តោខៀវ Chelsea បានចាញ់ក្លិប Man City  នៅបាល់កាត់សេចក្តី១១ម៉ែត្រ ៤ទល់៣ ក្រោយស្មើរគ្នា ៩០នាទី  ៕ធ.ដ

ដោយសារបញ្ហារបួសធ្វើឲ្យក្លិប Man Utd អវត្តមានកីឡាករ៩នាក់ សម្រាប់ការប្រកួតយប់ថ្ងៃពុធនេះ ជាមួយក្លិប Crystal Palace។ ទាក់ទងនឹងបញ្ហាខាងលើ លោក Ole Gunnar Solskjaer ទាមទារឲ្យកីឡាកររបស់ Manchester United ទាំងអស់ត្រូវមានទំនួលខុសត្រូវ ។ Man United នឹងត្រូវអវត្តមានកីឡាករសំខាន់៩នាក់ សម្រាប់ការប្រកួតនៅ Premier League យប់នេះ រួមមាន៖ Juan Mata, Ander Herrera,Nemanja Matic, Phil Jones, Antonio Valencia, Anthony Martial, Mason Greenwood  ,Matteo Darmian, Jesse Lingard និង Marcus Rashford  ។ សូមបញ្ជាក់ថា Man Uinted កំពុងត្រូវការពិន្ទុ…

លោក Brendan Rodgers ត្រូវបានតែងតាំងជាអ្នកចាត់ការទូទៅថ្មីរបស់ Leicester City ក្រោយសម្រេចចិត្តបោះបង់ចោលការងាររបស់លោកនៅ Celtic។ អ្នកចាត់ការសញ្ជាតិអៀរឡង់ខាងជើង បានចុះកុងត្រាជាមួយ Leicester ដល់ខែមិថុនាឆ្នាំ២០២២ ជំនួសលោក Claude Puel ដែលក្លិបបណ្ដេញចេញក្រោយដឹកនាំ បាន១៦ខែ។ នេះគឺជាការវិលមក Premier League វិញលើកទី៣ របស់លោក Rodgers បន្ទាប់ពីធ្លាប់ដឹកនាំ Liverpool និង Swansea City កាលពីអតីតកាល។ ក្រោយបានការងារថ្មីភ្លាមបុរសវ័យ៤៦ឆ្នាំ បានសន្យាថានឹង ធ្វើគ្រប់យ៉ាងដើម្បីឲ្យអ្នកគាំទ្រមានមោទនភាពចំពោះក្លិបរបស់ពួកគេ។ Rodgers បានអង្គុយមើលក្រុម Leicester លេងកាលពីយប់មិញដែលបានយកឈ្នះ Brighton ២-១ បន្ទាប់មកលោកក៏បានចូលជួបកីឡាករទាំងអស់លើកដំបូងនៅបន្ទប់ផ្លាស់សម្លៀកបំពាក់។ គួររំលឹកថា លោក Rodgers ធ្លាប់ដឹកនាំក្លិប Liverpool សឹងនិងឈ្នះ Premier League លើកដំបូង កាលពីឆ្នាំ២០១៤ ប៉ុន្តែបែរជាខកខានវិញ  ហើយត្រូវក្លិបបណ្ដេញចេញ១រដូវកាលបន្ទាប់។…

ព្រឹត្តិការណ៍ប្រកួតកីឡាសិស្សមធ្យមសិក្សាជ្រើសរើសជើងឯកប្រចាំខេត្តកណ្តាល ដើម្បីជ្រើសរើសសាលាដែលខ្លាំងឡើងទៅប្រជែងជើងឯកកីឡាសិស្សទូទាំងប្រទេស នាព្រឹកមិញនេះ គឺបានដំណើរការប្រកួតផ្លូវការហើយ។ លោក ហែម វ៉ារិន អនុប្រធានការិយាល័យកីឡា នៃមន្ទីរអប់រំ យុវជន និងកីឡា ខេត្តកណ្តាល បានបញ្ជាក់ប្រាប់អ្នកព័ត៌មានថា ព្រឹត្តិការណ៍ប្រកួតកីឡាសិស្សមធ្យមសិក្សាជ្រើសរើសជើងឯកប្រចាំខេត្តកណ្តាល ប្រចាំឆ្នាំ២០១៩ ដែលរៀបចំដោយមន្ទីរអប់រំយុវជន និងកីឡាខេត្តកណ្តាល បានដំណើរការប្រកួតផ្លូវការហើយ ដោយផ្តើមពីព្រឹកថ្ងៃទី២៧ ខែកុម្ភៈនេះតទៅ។ លោកថា ព្រឹត្តិការណ៍ប្រកួតនេះ មានសិស្សមកពី១១ក្រុង-ស្រុក ទូទាំងខេត្តកណ្តាល ក្នុងនោះវិទ្យាល័យចំនួន១៧វិទ្យាល័យ អនុវិទ្យាល័យចំនួន៦ និងសាលាឯកជនចំនួនមួយ ដោយធ្វើការប្រកួតលើ៥ប្រភេទកីឡាដូចជា បាល់ទាត់ បុរសមាន១២ក្រុម នារីមាន៧ក្រុម បាល់ទះ បុរសមាន៦ក្រុម នារីមាន៦ក្រុម បាល់បោះ បុរសមាន៤ក្រុម នារីមាន៣ក្រុម កីឡាប៉េតង់ បុរសមាន៣ក្រុម នារី៣ក្រុម និងកីឡាអត្តពលកម្មមាន៦ក្រុមចូលរួម ប្រកួតលើ៦វិញ្ញសា ក្នុងនោះមានវិញ្ញាសារត់ល្បឿន វិញ្ញាសារត់ចម្ងាយ វិញ្ញាសាដើរចម្ងាយ វិញ្ញាសារលោកកម្ពស់ វិញ្ញសាលោតចម្ងាយ និងវិញ្ញាសាចោលដុំដែក។ អនុប្រធានរូបនេះ…

ប្រធានសហព័ន្ធកីឡាប៊ូល និងប៉េតង់ពិភពលោក លោក Claude Azema មកចែករំលែកបទពិសោធន៍ តាមរយៈវគ្គបណ្តុះបណ្តាលដល់អាជ្ញាកណ្តាល ចៅក្រម គ្រូបង្វឹក និងមន្ត្រីសហព័ន្ធដើម្បីត្រៀមរៀបចំផែនការធ្វើជាម្ចាស់ផ្ទះការប្រកួតជើងឯកពិភពលោក២០១៩នេះ បន្ទាប់ពីទទួលបានសិទ្ធិពីសហព័ន្ធកីឡាប៉េតង់អន្តរជាតិ ។ ការមកដល់របស់ប្រធានសហព័ន្ធកីឡាប៉េតង់ពិភពលោក ត្រូវបានទទួលស្វាគមន៍ពីឯ ឧ ប៊ូ ជុំសេរី អនុរដ្ឋលេខាធិការក្រសួងអប់រំ យុវជន និងកីឡា នាព្រឹកថ្ងៃទី២៧ ខែកុម្ភៈ នៅអាកាសយាន្តដ្ឋានអន្តរជាតិភ្នំពេញ  ។ឯ ឧ ប៊ូ ជុំសេរី បញ្ជាក់ថា ការទទួលធ្វើជាម្ចាស់ផ្ទះ ព្រឹត្តិការណ៍កីឡាប៉េតង់ជ្រើសរើសជើងឯកពិភពលោក ឆ្នាំ២០១៩នេះ គឺជាការលើកមុខលើកមាត់របស់កម្ពុជាលើឆាកអន្តរជាតិ ដែលសហព័ន្ធអន្តរជាតិ ផ្តល់សិទ្ធិជូនកម្ពុជា ក្នុងការរៀបចំការប្រកួតកម្រិតពិភពលោក ជាលើកដំបូងបែបនេះ ។ ឯ ឧ បានចាត់ទុកថា នេះគឺជាភារកិច្ចដ៏ធំធេង ដែលគ្រប់សមាសភាពពាក់ព័ន្ធទាំងអស់ រួមទាំងសហព័ន្ធប៊ូល និងប៉េតង់កម្ពុជា ត្រូវខិតខំរួមគ្នា ដើម្បីសម្រេចបាននូវលទ្ធផលជាផ្លែផ្កានៅក្នុងកម្រិតពិភពលោកនេះ ។ ជាមួយគ្នានេះ ឯ ឧ ចាត់ទុកថា…