ក្រុមហ៊ុនស្រាបៀរ Tiger បានធ្វើសន្និសីទស្តីពីការ ចាប់ពូល នៃប្រកួតបាល់ទាត់ Tiger Street Football Festival 2019 នាសណ្ឋាគារឯករាជ ដោយជ្រើសរើសយកក្រុងព្រះសីហនុ ខេត្តព្រះសីហនុ ជាមណ្ឌលដំបូងគេ ធ្វើការប្រកួតជាផ្លូវការ ដោយចាប់ផ្តើមពីថ្ងៃទី៥-៦ ខែមករា ឆ្នាំ២០១៩ នៅឆ្នេរអូឈើទាល ។ ថ្លែងក្នុងឳកាសសន្និសីទសារព័ត៌មាន លោក ម៉ៃ តុលា អគ្គលេខាធិការរង នៃសហព័ន្ធកីឡាបាល់ទាត់កម្ពុជា  មានប្រសាសថា សម្រាប់ការប្រកួតរដូវកាលថ្មីឆ្នាំនេះ ទទួលបានចូលរួមយ៉ាងច្រើនកុះករដូចឆ្នាំមុន ជាពិសេសស្រទាប់យុវជនជាច្រើននាក់ ។ លោក សង្ឃឹមថា ព្រឹត្តការណ៍នេះ និងក្លាយជាចលករជម្រុញអោយវិស័យកីឡាបាល់ទាត់កម្ពុជា កាន់តែទទួលបានប្រជាប្រិយភាព និងមានការផុសផុលជាបន្តទៀត ។ ក្នុងនាមសហព័ន្ធ អគ្គលរខាធិការរង សូមថ្លែងអំណរដល់ក្រុមហ៊ុនស្រាបៀរ Tiger ដែលបានរៀបចំព្រឹត្តិការណ៍នេះឡើង ក្នុងគោលបំណងអភិឌ្ឍនវស័យបាល់ទាត់របស់កម្ពុជា ចំពេលប្រទេសកម្ពុជាត្រៀមខ្លួនធ្វើម្ចាស់ផ្ទះ ការប្រកួតកីឡាស៊ីហ្គេមឆ្នាំ ២០២៣ នាពេលខាងមុខនេះ ។ …

សហព័ន្ធបាល់ទាត់កម្ពុជា គ្រោងនឹងរៀបចំបង្កើតច្បាប់ថ្មីបន្ថែមទៀត ស្តីពីការគ្រប់គ្រងការផ្ទេរកីឡាករក្នុងស្រុក នៅក្នុងមហាសន្និបាតវិសាមញ្ញរបស់សហព័ន្ធនាពេលខាងមុខនេះ ដើម្បីបញ្ជៀសរាល់ការវិវាទជុំវិញការដោះដូរកីឡាករពីក្លិបមួយទៅក្លិបមួយទៀត។ ក្នុងលក្ខន្តិកៈពង្រាងច្បាប់ថ្មីនេះ ត្រូវបានគេមើលឃើញថា រាល់ការផ្ទេរចេញពីក្លិបដើមទៅកាន់ក្លិបថ្មី គឺទទួលបានផលចំណេញត្រឹមតែក្លិបដើមប៉ុណ្ណោះ រីឯកីឡាករទទួលបានត្រឹមតែប្រាក់ខែដែលក្លិបថ្មីផ្តល់ជូន តែពុំទាន់មានតម្លៃខ្លួនដែលទទួលបានពីការដោះដូពីក្លិបនោះទេ។ នេះបើយោងតាមការបញ្ជាក់ ពីអ្នកចាត់ការទូទៅក្លិបវិសាខា លោក ហុក សុចិត្រា ថ្លែងបង្ហើបឲ្យដឹងក្នុងសន្និសិទសារព័ត៌មានកាលពីពេលថ្មីៗនេះ។ អ្នកចាត់ការទូទៅក្លិបវិសាខារូបនេះ បានសូមណូមពរបន្ថែមដល់សហព័ន្ធបាល់ទាត់កម្ពុជា គួបន្ថែមមួយចំណុចទៀតនៅក្នុងពង្រាងច្បាប់ថ្មីដែលសហព័ន្ធគ្រោងនឹងបង្កើតចេញជារូបរាងនៅពេលខាងមុខនេះ គឺរាល់ការផ្ទេរ ឬដោះដូកីឡាករទៅក្លិបថ្មីកីឡាករត្រូវទទួលបានតម្លៃខ្លួន។ លោកអះអាងថា ការជំរុញលើកទឹកចិត្តដល់ពួកគេដូចនេះ វានិងធ្វើឲ្យបាល់ទាត់កាន់តែរីកចម្រើន ព្រោះការខិតខំប្រឹងប្រែងវាកើតចេញពីកីឡាករដោយខ្លួនឯង ដោយមិនស្ថិតនៅពេលហ្វឹកហាត់ជាមួយក្លិបតែ២ទៅ៣ម៉ោងនោះទេ។ សូមបញ្ជាក់ថា លក្ខនិ្តកៈច្បាប់ថ្មីស្តីពីការគ្រប់គ្រងការផ្ទេរ ដែលសហព័ន្ធបាល់ទាត់កម្ពុជាគ្រោងបង្កើតឡើង នៅក្នុងមហាសន្និបាតវិសាមញ្ញរបស់សហព័ន្ធនៅឆ្នាំ២០១៩ខាងមុខនេះ។ ច្បាប់ពង្រាងថ្មីនេះបានចងក្រងបង្កើតឡើង ក្រោយពីជម្លោះកើតឡើងរវាងក្លិបភ្នំពេញក្រោន និងក្លិបវិសាខា ជុំវិញការផ្ទេរចេញរបស់កីឡាករថ្នាលពីក្លិបភ្នំពេញក្រោន ទៅក្លឹបវិសាខា កាលពីពេលថ្មីនេះ។ គួររំលឹកថា កីឡាករយុវជនថ្នាល់ដែលផ្ទេរចេញពីក្លិបភ្នំពេញក្រោន ទៅក្លិបវិសាខានោះមាន កីឡាករ អ៊ុក សុវណ្ណ, អ៊ិន សូដាវីត, ស៊ិន កក្កដា, គីមឆាយ៉ា និងកែន…

មាន់ខ្នាយមាស Tottenham Hotspur បានត្រៀមបង្កើនប្រាក់អាទិត្យដល់ខ្សែបម្រើ Christian Eriksen ទ្វេដង នៃតម្លៃពលកម្មដែលរូបគេកំពុងទទួលបានត្រឹម ៧០,០០០ ផោនក្នុងមួយសប្ដាហ៍ ស្របពេលដែល Barcelona និង Real Madird បានគោលដៅចង់បានខ្សែបម្រើនេះ ដែលនឹងផុតកុងត្រាជាមួយ Spurs ខែមករា ឆ្នាំ២០២០។ ប៉ុន្តែមាន់ខ្នាយមាសបានត្រៀមខ្លួនជាស្រេច ដើម្បីចងជើងកីឡាករដាណឺម៉ាករូបនេះ ដោយដំឡើងប្រាក់អាទិត្យពីរដងឡើងដល់១៤០,០០០។ Spurs ជឿថា នឹងអាចចរចាជាមួយ Eriksen ឲ្យបានមុនចប់រដូវកាលនេះ។ ក្រៅពី Christian Eriksen  នៅមានខ្សែបម្រើ Dele Alli ក៏បានចុះកុងត្រាថ្មីកាលពីខែតុលា ឆ្នាំ២០១៨ ជាមួយប្រាក់អាទិត្យ១៥០,០០០ផោន ក្នុងមួយសប្ដាហ៍។ ស្របពេល Harry Kane  ទទួលបាន ២០០,០០០ ផោនក្នុងមួយសប្ដាហ៍។ Christian Eriksen ក៏បានបង្ហាញពីការចង់បានការបង្កើតប្រាក់អាទិត្យរបស់ខ្លួនឲ្យសមស្របទៅតាមសមាជិកផ្សេង ដើម្បីបន្តនៅជាមួយ Spursទៀត៕

យោងតាមការសិក្សារបស់ KPMG ដែលជាស្ថាប័នសវនកម្មដ៏ធំបំផុតមួយ របស់ពិភពលោក ខ្សែប្រយុទ្ធក្លិប Paris SG  កីឡាករ Neymar គឺមានតម្លៃខ្លួនថ្លៃជាងងគេរហូត ២៦១លានដុល្លារ លេខ២គឺ Kylian Mbappe ២៤៤,៩ លានដុល្លារ លេខ៣ Messi ២៣១,៦ លានដុល្លារ លេខ៤គឺ Mohamed Salah របស់ហង្សក្រហម មានតម្លៃ១៩២លានដុល្លារ។ គួររំលឹកថា Salah បានកើនតម្លៃខ្លួនពី៤៣លានដុល្លារកាលផ្ទេរពី Roma ទៅ Liverpool កាលពីខែមិថុនារដូវក្តៅមុន ខណៈដែលតម្លៃខ្លួនខ្សែប្រយុទ្ធហង្សក្រហម នាពេលបច្ចុប្បន្នបានកើនឡើងដល់១៩២លានដុល្លារ។ ដោយឡែកកីឡាករ Harry Kane លេខរៀងទី៥ ១៧២,១ លានដុល្លារ ទី៦ Hazard ១៦៨,៨ លានដុល្លារ ទី៧ DeBruyne ១៤៧,៤ លានដុល្លារ ពួកគេសុទ្ធតែស្ថិតនៅក្របខណ្ឌ Premier League រីឯលេខ៨  Griezmann…

ក្លិប Man City គួរតែប្រឈមមុខនឹងការដាក់ទណ្ឌកម្មឲ្យធ្ងន់ នេះបើតាមប្រភពកាសែតកីឡាជាច្រើនដកស្រងសម្ដីរបស់លោក Yves Leterme អគ្គនាយកស៊ើបអង្កេតរបស់សហព័ន្ធបាល់ទាត់អឺរ៉ុប។ កាសែតកីឡា អង់គ្លេសរួមទាំងកាសែត Telegraph និង Daily Mail ដែលបានចុះផ្សាយកាលពីម្សិលមិញថា វាអាចទៅរួចដែល Manchester City អាចនឹងត្រូវដកចេញពីពានរង្វាន់ Champions League ពីបទខុសច្បាប់ហិរញ្ញវត្ថុ។ លោក Yves Lemerte បាននិយាយ ក្នុងកាសែតបែលហ្ស៊ិកថា ក្លិបអង់គ្លេសគួរតែទទួលបានការដាក់ ”ទណ្ឌកម្មឲ្យធ្ងន់បំផុត”។ កាសែតដដែលបញ្ជាក់ថា UEFA និង Premier League កំពុងស៊ើបអង្កេតពីលទ្ធភាពលុយជាច្រើនដែល Manchester City ទទួលបានក្នុងហេតុផលទទួលពីម្ចាស់ឧបត្ថម្ភរបស់ក្រុមហ៊ុន Etihad ព្រមទាំងលុយ ៥៩,៩លានផោនកាលពីឆ្នាំ២០១៥។ លុយទាំងនេះ តាមទៅទទួលបានពីម្ចាស់ក្លិប Man City ដែលមានក្រុមហ៊ុន Abu Dhabi Group ។ មានន័យថា…

ក្លិបយក្ស Real Madrid និង Barcelona ត្រូវបានគេរាយការណ៍ថា កំពុងតាមប្រមាញ់ខ្សែការពារ Kalidou Koulibay ក្នុងរដូវកាលនេះ ខណៈក្លិបគូប្រជែងទាំងពីរកំពុងស្វែងរកជម្រើសការពារល្អបំផុត។ ខ្សែការពារកណ្ដាលរូបនេះ គឺជាខ្សែការពារដ៏រឹងមាំបំផុតមួយរូប ក្នុងពិភពលោក ហើយរូបគេកំពុងចង់ផ្ទេរទៅ Manchester United ។ កាសែត IMattino មានមូលដ្ឋាន នៅទីក្រុង Neapolitan បញ្ជាក់ថា ទោះបីជាក្លិបទាំង២ នឹងចូលរួមប្រកួតប្រជែងចុះកុងត្រាយកខ្សែការពារជម្រើសជាតិសេណេហ្គាល់រូបនេះ ពិតមែនក្ដី ក៏ត្រូវរងចាំដល់ចប់រដូវកាលនេះសិន មុននឹងធ្វើការដេញថ្លៃ ក្នុងតម្លៃណាមួយ។ គួរបញ្ជាក់ថា ក្លិប Napoli បានដាក់តម្លៃខ្លួនកីឡាករសេណេហ្គាល់រូបនេះដល់ ១២០លានអឺរ៉ូ ទើបអាចចរចាគ្នាបាន ម្យ៉ាងទៀតខ្សែការពាររូបនេះ ជាសំណព្វចិត្តរបស់លោក Carlo Ancelotti ក្នុងរដូវកាលនេះ៕

ទិវាកីឡាទេសចរណ៍រត់ប្រណាំង និងថ្មើរជើងប្រវត្តិសាស្រ្ត នៅលើដងភ្នំដងរែក នៅស្រុកអន្លង់វែង ខេត្តឧត្តរមានជ័យ នឹងត្រូវចាប់ផ្តើមលើកដំបូងនៅតំបន់តស៊ូចុងក្រោយនៃរបបខ្មែរក្រហម នៅព្រឹក ថ្ងៃសៅរ៍ស្អែកនេះហើយ ក្នុងគោលបំណងគាំទ្រដល់សុខសន្តិភាព ទិវាជ័យជម្នះ៧មករា ១៩៧៩-២០១៩ ក្រោមការរៀបចំពីក្រសួងទេសចរណ៍សហការជាមួយគណៈកម្មាធិការជាតិអូឡាំពិកកម្ពុជា រដ្ឋបាលខេត្តឧត្តរមានជ័យ សាលាស្រុកអន្លង់វែង និងមជ្ឈមណ្ឌលសន្តិភាពអន្លង់វែងនៃមជ្ឈមណ្ឌលឯកសារកម្ពុជា។ លោក ថន កុដ អភិបាលរងស្រុកអន្លង់វែងគូសបញ្ជាក់ថា ព្រឹត្តិការណ៍កីឡាទេសចរណ៍នេះ ចែកចេញជាពីរវគ្គ គឺទី១ ការរត់ប្រណាំងចាប់ពីម៉ោង៦ព្រឹក ដែលចេញដំណើរពីផ្ទះតាម៉ុកឆ្ពោះទៅរង្វង់មូលស្រុកអន្លង់វែង និងរត់ត្រឡប់ទៅផ្ទះតាម៉ុកវិញ និងទី២ ការដើរថ្មើរជើងនៅលើដងភ្នំដងរែក ចំណុចច្រកព្រំដែនអន្តរជាតិជាំ ឆ្ពោះទៅ “ពើយតាម៉ុក” ដែលការរៀបចំកីឡានេះ គឺដើម្បីអ្នកចូលរួម ទាំងឡាយបានស្វែងយល់ពីតំបន់សង្រ្គាមតស៊ូចុងក្រោយនៃរបបខ្មែរក្រហម កាលពីឆ្នាំ១៩៩៨ ដែល មានរយៈពេល២០ឆ្នាំមកដល់បច្ចុប្បន្ន តាមរយៈសមាហរណកម្មនៃនយោបាយឈ្នះ-ឈ្នះ របស់សម្តេចតេជោ ហ៊ុន សែន ដែលធ្វើឲ្យកម្ពុជាបានរស់នៅក្រោមសុខសន្តិភាពពេញបរិបូរណ៍ ហើយទិវា កីឡានេះដែរក៏បានចូលរួមអបអរសាទរលើកទី៤០ឆ្នាំនៃទិវាជ័យជម្នះ៧មករាផងដែរ។ ចំណែកឯ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា ថ្លែងប្រាប់ដែរថា ព្រឹត្តិការណ៍កីឡានេះ នឹងព្យាយាមតម្រង់ការចាប់អារម្មណ៍ទៅលើសារៈសំខាន់ ផ្នែកប្រវត្តិសាស្ត្ររបស់អន្លង់វែង និងទៅលើចំណុចគោលនៃសន្តិភាព សន្តិសុខ និងវិបុលភាពរបស់ប្រទេសកម្ពុជា។…

ក្លិប Real Madrid បន្តឈរនៅលេខ៤ នៅ La Liga ក្រោយស្មើជាមួយ Villarreal២:២ កាលពីយប់មិញ។ ពី២គ្រាប់របស់ Santi Cazorla នៅនាទី៤ និងនាទី៨២ ឯ២គ្រាប់ក្រុមស្តេចស រកបានដោយ Benzema នៅនាទី៧ និង Raphael Varane នៅនាទី២០ លទ្ធផល ២:២ ក្នុងជំនួប La Liga សប្តាហ៍ទី១៧។ ដូច្នេះ Real នៅតែស្ថិត ក្នុងចំណាត់ថ្នាក់លេខ៤ ពីក្រោមក្រុម Barcelona ៧ពិន្ទុ ក្រោយក្រុមលេខ២ Atletico Madrid ៤ពិន្ទុ និងក្រុមលេខ៣ Sevilla ២ពិន្ទុ៕

លោកឧកញ៉ា ស្រី ចាន់ថន បានបង្ហើបថា លោកគ្រោងនឹងសាងសង់សង្វៀនប្រដាល់ដ៏ធំមួយ ដែលអាចផ្ទុកអ្នកទស្សនាបានរាប់ពាន់នាក់ នៅក្នុងតំបន់អភិវឌ្ឍន៍ 7NG ស្ថិតនៅក្នុង ឃុំវិហារសួគ៌ ស្រុកខ្សាច់កណ្តាល ខេត្តកណ្តាល។ លោកឧកញ៉ាបន្តថា គម្រោងនេះអាចហើយរួចរាល់ត្រឹមចុងឆ្នាំ២០១៩ ឬក៏ដើមឆ្នាំ២០២០ ដែលសង្វៀនកម្រិតអន្តរជាតិនេះ សាងសង់លើទំហំផ្ទៃដី១ម៉ឺនម៉ែត្រការ៉េ និងអគារស្នាក់នៅ ហ្វឹកហាត់របស់កីឡាករមានទំហំ៤ពាន់ម៉ែត្រការ៉េ។ លោកឧកញ៉ា បញ្ជាក់ថា សម្រាប់សង្វៀនកម្រិតស្តង់ដារអន្តរជាតិមួយនេះ និងបម្រើដល់ការប្រកួតប្រដាល់គុនខ្មែរ ប្រដាល់សកល និងវ៉ៃដាក់ទ្រុងផងដែរ។ គម្រោងទាំងនេះ គឺលោកបង្កើតឡើង ដើម្បីរួមចំណែកលើកស្ទួយអភិវឌ្ឍវិស័យកីឡាប្រដាល់នៅកម្ពុជា។ សូមបញ្ជាក់ថា សង្វៀនប្រដាល់ដែលលោក ឧកញ៉ា ស្រី ចាន់ថន គ្រោងសាងសង់នៅក្នុងតំបន់អភិវឌ្ឍន៍ 7NG ជាសង្វៀនប្រដាល់កម្រិតស្តង់ដារដែលយកលំនាំតាមប្រទេសថៃ ដែលនៅជុំវិញសង្វៀន និងអគារស្នាក់នៅ ហ្វឹកហាត់របស់កីឡាករ មានខនដូ ផ្សារទឹក មន្ទីរពេទ្យ និងកន្លែងកម្សាន្តមួយចំនួនផ្តល់ភាពទាក់ទាញដល់ភ្ញៀវជាតិ និងអន្តរជាតិ៕    

Cristiano Ronaldo ឈ្នះពានរង្វាន់ Globe Soccer Awards ឯលោក Didier Deschamps ឈ្នះពានគ្រូបង្វឹកល្អ ចំណែកក្រុម Atletico Madrid ត្រូវបានជ្រើសរើសជាក្លិបល្អបំផុត។ កម្មវិធីនេះបានប្រារព្ធធ្វើនៅក្រុងឌូបៃ កាលពីម្សិលមិញ ហើយនេះជាពានរង្វាន់កិត្តិយសកំពូលសម្រាប់ឆ្នាំ២០១៨។ ពានរង្វាន់របស់ Cristiano Ronaldo គឺរូបគេឈ្នះពានរង្វាន់គ្រាប់បាល់ល្អដែលគេធ្វើបានពេលប៉ះក្លិបបច្ចុប្បន្នកាលឆ្នាំមុនដែរ មិនមែនជាពានរបស់គេ នៅ Juventus នោះទេ ។ គួររំលឹកថា តីតកីឡាករ Ronaldo Nazario, Fabio Capello និង Zvonimir Boban ក៏ធ្លាប់ទទួលបានផងដែរ៕