អត្តពលិកក្រសួងសេដ្ឋកិច្ច និងហិរញ្ញវត្ថុ ឈរលេខ២ ក្នុងព្រឹត្តិការណ៍ប្រកួតកីឡាអត្តពលកម្មជ្រើសរើសជើងឯកថ្នាក់ ឆ្នាំ២០១៨ ដោយដណ្តើមបានមេដាយសរុប១០គ្រឿង មេដាយមាស៣គ្រឿង ប្រាក់៥គ្រឿង និងសំរិទ្ធ២គ្រឿង ខណៈក្រុមក្រសួងការពារជាតិដណ្តើមបានមេដាយច្រើនជាងគេសរុ១៣គ្រឿង មេដាយមាស៦គ្រឿង ប្រាក់៣គ្រឿង និងមេដាយសំរិទ្ធ៤គ្រឿង។ ថ្លែងក្រោយបញ្ចប់ពិធីបំពាក់មេដាយ លោក ពៅ ហុក គ្រូបង្វឹកក្លិបកីឡាអត្តពលកម្មក្រសួងសេដ្ឋកិច្ច និងហិរញ្ញវត្ថុ បានបញ្ជាក់ថា ទោះបីវត្តមានដំបូងតែក្លិបក្រសួងសេដ្ឋកិច្ចប្រជែងបានចំណាត់ថ្នាក់លេខ២ដែរ សម្រាប់ជើងឯកថ្នាក់ឆ្នាំនេះ ហើយវាក៏ជាជោគជ័យធំមួយផងដែរ។ លោកអះអាងថា ប្រកួតជើងឯកឆ្នាំក្រោយ ក្លិប និងបង្កើនសមត្ថភាពអត្តពលិកឲ្យកាន់តែខ្លាំងខ្លា ធ្វើយ៉ាងណាប្រជែង យកចំណាត់ថ្នាក់លេខ១ឲ្យបាន។ ដោយឡែក ឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡា បានលើកឡើងថា ឆ្លងការប្រកួតរយៈ២ថ្ងៃនេះ យើងសង្កេតឃើញកីឡាករ កីឡាការិនី អត្តពលកម្ម ពិតជាមានទេពកោសល្យសមត្ថភាព ប៉ុន្តែបើប្រៀបធៀបទៅ និងកម្រិតបច្ចេកទេសប្រទេសក្នុងតំបន់ តាមរយៈការចូលរួមព្រឹត្តិការណ៍ ស៊ីហ្គេម ព្រឹត្តិការណ៍កីឡាសកលវិទ្យាល័យ ឬក៍ព្រឹត្តិការណ៍អេស៊ានហ្គេមកន្លងមកឃើញថា សិទ្ធផលនៅកម្រឹតទៀបនៅឡើយទេ។ ដូច្នោះទាមទារឲ្យកីឡាករខិតខំហ្វឹកហាត់ឲ្យបានខ្លាំងខ្លាបន្ថែមទៀត ដើម្បីអភិវឌ្ឍន៍សមត្ថភាពឈានទៅដណ្តើមមេដាយពីការប្រកួតលើឆាកអន្តរជាតិមកជូនកម្ពុជា។ …

ពិធីបិទវគ្គបណ្តុះបណ្តាលគ្រូបង្វឹកកីឡាឡើងភ្នំ កម្រិតមូលដ្ឋាន  ដោយមានការអញ្ជើញ ចូល រួមពីលោក ហ៊ុន សាមុត ប្រធាននាយកដ្ឋានអប់រំកាយ និងកីឡា តំណាងឯកឧត្តម អ៊ុក សិទ្ធិជាតិ អគ្គនាយក នៃអគ្គនាយកដ្ឋានកីឡា នៃក្រសួងអប់រំ បានបញ្ចប់ដោយជោគជ័យ នាថ្ងៃទី២៤ ខែធ្នូនេះ នៅខេត្តសៀមរាប ។លោក ទុយ ប៊ុនហឿន អនុប្រធានសហព័ន្ធកីឡាឡើងភ្នំកម្ពុជា បានអោយដឹងថា វគ្គបណ្តុះបណ្តាលគ្រូបង្វឹកនេះ មានរយៈពេល០៥ថ្ងៃ ប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែធ្នូ ឆ្នាំ២០១៨ ដោយមានសិក្ខាកាមចូលរួមសរុបចំនួន២៥នាក់ ក្នុងនោះស្រី០៥នាក់ មកពីបណ្តាខេត្ត ចំនួន៥រួមមាន ៖ ខេត្តសៀមរាប បាត់ដំបង កំពត បន្ទាយមានជ័យ និងខេត្តតាកែវ ។ លោក ហ៊ុន សាមុត ប្រធាននាយកដ្ឋានអប់រំកាយ និងកិឡា បានថ្លែងអំណរគុណ ចំពោះសហព័ន្ធកីឡា ដែលបានរៀបចំវគ្គបណ្តុះបណ្តាលនេះឡើង គឺដើម្បីលើកម្ពស់សមត្ថភាពគ្រូ បង្វឹកលើផ្នែកជំនាញ និងបច្ចេទេសបង្ហាត់ដល់កីឡាករ កីឡាការិនី ក្នុងការឈានទៅទទួល ជោគជ័យក្នុងការប្រកួតថ្នាក់ក្លឹប…

ពិធីបិទវគ្គបណ្តុះបណ្តាលគ្រូបង្វឹកកីឡាឡើងភ្នំកម្រិតមូលដ្ឋាន បានបញ្ចប់ដោយជោគជ័យ ដោយមានការអញ្ជើញចូលរួមពីលោក ហ៊ុន សាមុត ប្រធាននាយកដ្ឋានអប់រំកាយ និងកីឡា តំណាងឯកឧត្តម អ៊ុក សិទ្ធិជាតិ អគ្គនាយកនៃអគ្គនាយកដ្ឋានកីឡានៃក្រសួងអប់រំ នាថ្ងៃទី២៤ ខែធ្នូនេះ នៅខេត្តសៀមរាប។ លោក ទុយ ប៊ុនហឿន អនុប្រធានសហព័ន្ធកីឡាឡើងភ្នំកម្ពុជា បានឲ្យដឹងថា វគ្គបណ្តុះបណ្តាលគ្រូបង្វឹកនេះ មានរយៈពេល០៥ថ្ងៃ ប្រព្រឹត្តទៅចាប់ពីថ្ងៃទី២០ ដល់ថ្ងៃទី២៤ ខែធ្នូ ឆ្នាំ២០១៨ ដោយមានសិក្ខាកាមចូលរួមសរុបចំនួន២៥នាក់ (ស្រី៥នាក់) មកពីបណ្តាខេត្ត ចំនួន៥រួមមាន៖ ខេត្តសៀមរាប បាត់ដំបង កំពត បន្ទាយមានជ័យ និងខេត្តតាកែវ។ ក្នុងឱកាសនោះ លោក ហ៊ុន សាមុត ប្រធាននាយកដ្ឋានអប់រំកាយ និងកិឡា បានថ្លែងអំណរគុណ ចំពោះសហព័ន្ធកីឡា ដែលបានរៀបចំវគ្គបណ្តុះបណ្តាលនេះឡើង គឺដើម្បីលើកម្ពស់សមត្ថភាពគ្រូ បង្វឹកលើផ្នែកជំនាញ និងបច្ចេទេសបង្ហាត់ដល់កីឡាករ កីឡាការិនី ក្នុងការឈានទៅទទួលជោគជ័យក្នុងការប្រកួតថ្នាក់ក្លិប សមាគម ថ្នាក់ជាតិ និងអន្តរជាតិនានា។ …

ប្រធានសហព័ន្ធកីឡាគុនដាវកម្ពុជា សង្កេតឃើញថា អត្តពលិកកីឡាគុនដាវកម្ពុជា មានការកើនឡើងទាំងបច្ចេកទេស និងសមត្ថភាពជាងឆ្នាំមុន ប៉ុន្តែត្រូវខិតខំពង្រឹងសមត្ថភាពបន្ថែមទៀត ដើម្បីត្រៀមខ្លួន សម្រាប់ព្រឹត្តិការណ៍ ស៊ីហ្គេម ដែលកម្ពុជាធ្វើជាម្ចាស់ផ្ទះ នាឆ្នាំ២០២៣ខាងមុខ។ ឯកឧត្តម តែ ឡូរិន ប្រធានសហព័ន្ធកីឡាគុនដាវកម្ពុជា មានប្រសាសន៍ក្រោយបញ្ចប់ការប្រកួតជ្រើសរើសជើងឯកថ្នាក់ជាតិថា តាមរយៈព្រឹត្តិការណ៍នេះ នឹងក្លាយជាប្រយោជន៍ថ្មីៗបន្ថែមទៀត ដើម្បីអភិវឌ្ឍន៍ឲ្យកាន់តែរីកចម្រើន ដោយកាលពីកន្លងមកកីឡាគុនដាវធ្លាប់ដណ្តើមបានមេដាយមាស ប្រាក់ និងសំរឹទ្ធ ជាបន្តបន្ទាប់ក្នុងកម្រិតអាស៊ាន ប៉ុន្តែទ្វីបអាស៊ីមិនទាន់ធ្លាប់ទទួលបាននៅឡើយ ដោយយើងត្រូវការខិតខំបន្ថែមទៀត ដើម្បីឈានដល់ដណ្តើមបានមេដាយទ្វីបអាស៊ីនាពេលខាងមុខ ជាពិសេសសហព័ន្ធក៏បានរៀបចំផែនការរបស់ខ្លួនផងដែរ សម្រាប់ធ្វើម្ចាស់ផ្ទះស៊ីហ្គេម នាឆ្នាំ២០២៣។ ដោយឡែកលោក ពៅ ហុក ប្រធានផ្នែកលក់ និងទីផ្សារក្រុមហ៊ុនដូនពេញម៉េតហ្វាម បញ្ជាក់ដែរថា ក្រុមហ៊ុនតែងតែបានចូលរួមឧបត្ថម្ភគាំទ្រដល់ព្រឹត្តិការណ៍កីឡានានា ដើម្បីរួមចំណែកលើកកម្ពស់វិស័យកីឡានៅកម្ពុជាឲ្យកាន់តែរីកចម្រើន ជាមួយនឹងការផ្សព្វផ្សាយឲ្យកីឡាករ កីឡាការិនី បានស្វែងយល់ពីសារៈប្រយោជន៍នៃការប្រើប្រាស់ផលិតផល Star Balm សម្រាប់លាបរឹតសន្លាក់ និងសាច់ដុំ មុនពេលលេង និងក្រោយពេលលេងកីឡា។ សូមបញ្ជាក់ថា ការប្រកួតជើងឯកថ្នាក់ជាតិឆ្នាំ២០១៨នេះ មានចំនួន២វិញ្ញាសាដែលដាក់ឲ្យប្រកួត…

ប្រធានក្លឹប C G A បង្ហាញមោទនភាពក្រោយគៀងគរបានសមាជិកគាំទ្រក្លឹបច្រើនការប្រកួតកីឡាវាយកូនគោលដណ្តើមពានរង្វាន់ក្លឹបកីឡាវាយកូនគោលស៊ីជីអេលើកទី១៤ ដែលបានដំណើរការប្រកួតពេញមួយព្រឹក នៅលើទីលានកីឡាវាយកូនគោល ហ្គ្រេនភ្នំពេញ កាលពីថ្ងៃ សៅរ៍ ចុងសប្តាហ៍បានបញ្ចប់ដោយជោគជ័យ។  ឯកឧត្តម ឯក វណ្ណឌី ប្រធានក្លឹបកីឡាវាយកូនគោលស៊ីជីអេ បានបញ្ជាក់ថា ការរៀបចំ ប្រកួត ពាន រង្វាន់ស៊ីជីអេពីមួយលើកទៅមួយលើកកាន់តែទទួលបានជោគជ័យ ខណៈដែលការគាំទ្រឧបត្ថម្ភនិង ការចូលរួមពីសមាជិកកាន់តែមានចំនួនច្រើន បានបង្កលក្ខណៈឪ្យព្រឹត្តិការណ៍ប្រកួតប្រព្រឹត្ត ទៅដោយ បរិយាកាសសប្បាយរីករាយ ។ ប្រធានក្លឹបរូបនេះ បានបង្ហាញមោទនភាពយ៉ាងខ្លាំង បន្ទាប់ពីក្លឹបកីឡា វាយកូនគោលរបស់ខ្មែរមួយនេះអាចគៀងគរបានសមាជិកចូលរួមគាំទ្ររហូត ជាង១០០នាក់ ដែល បង្ហាញពីការដាក់គ្រឹះយ៉ាងមាំក្នុងការរួមចំណែកបំផុស និងអភិវឌ្ឍន៍វិស័យកីឡាវាយកូនគោល នៅកម្ពុជា ពិសេសគឺការរួមចំណែកបណ្តុះធនធានកីឡាករការិនីល្អៗជូនសហព័ន្ធ ដើម្បីសហព័ន្ធយកទៅបណ្តុះបន្តត្រៀមការប្រកួតលើឆាកអន្តរជាតិធំៗ ។ សម្ភាសន៍   ភាពជោគជ័យ និងការចូលរួមកាន់តែច្រើនពីមួយឆ្នាំទៅមួយត្រូវបានឯ ឧ ប្រធានក្លឹប C G A រូបនេះ បញ្ជាក់ថា ដោយសារកត្តាសន្តិភាព និងនយោបាយឈ្នះ ឈ្នះ របស់សម្តេចតេជោ…

ព្រឹត្តិការណ៍ប្រកួតកីឡាអត្តពលកម្មជ្រើសរើសជើងឯកថ្នាក់ជាតិ ឆ្នាំ២០១៨ នាថ្ងៃទី២១ ខែធ្នូនេះ បានដំណើរការប្រកួតផ្លូវការ ហើយ ដោយប្រកួតនៅលើទីលានចំនួន២ គឺពហុកីឡាដ្ឋានជាតិ និងមជ្ឈមណ្ឌលកីឡាកងយោធពលខេមរ ភូមិន្ទ ស្ទាតចាស់ ។ លោក ផៃ សុខ អនុប្រធានសហព័ន្ធខ្មែរកីឡាអត្តពលកម្ម បានអោយដឹងថា ការប្រកួតនៅឆ្នាំនេះ គណៈកម្មការបច្ចេកទេស រៀបចំការប្រកួតបានកំណត់ដាក់ចំនួន១៨វិញ្ញាសាអោយអត្តពលិកមកពីរាជធានីខេត្តធ្វើការប្រកួតប្រជែងដណ្តើមយកជ័យលាភី ។ លោក បញ្ជាក់ថា សម្រាប់លក្ខខណ្ឌដែលសហព័ន្ធបានកំណត់នោះ ក្នុងព្រឹត្តិការណ៍ជើងឯកថ្នាក់ជាតិនេះ ក្នុង១វិញ្ញាសាប្រកួតបានតែ២នាក់ ប៉ុណ្ណោះ ក្នុង១ក្លឹប ហើយក្នុងនោះ១នាក់អាចចូលរួមប្រកួត២វិញ្ញាសា លើកលែងតែវិញ្ញាសា ៤គុណ១០០ម៉ែត ។ ដោយឡែក លោក ពៅ ហុក គ្រូបង្វឹក ក្រសួងសេដ្ឋកិច្ច និងហិរញ្ញវត្ថុអះអាងថា អត្តពលិកខ្លួនទាំង៨នាក់ នៅព្រឹកថ្ងៃទី១ នៃព្រឹត្តិការណ៍ប្រកួតជើងឯកនេះ គឺទទួលបានលទ្ធផលជោគជ័យល្អប្រសើរ ដោយវិញ្ញាសាខ្លះប្រជែងដណ្តើមបានមេដាយមាស និងវិញ្ញាសាមួយចំនួនឈានឡើងទៅវគ្គផ្តាច់ព្រ័ត្រដណ្តើមមេដាយ ។ គ្រូបង្វឹករូបនេះ បានបង្ហាញក្តីរំពឹងខ្ពស់ថា អត្តពលិកក្លឹបក្រសួងសេដ្ឋកិច្ចនូវមានលទ្ធភាពប្រជែងបានមេដាយមាសជូនក្លឹបបន្ថែម…

វគ្គបណ្ដុះបណ្ដាលគ្រូបង្វឹកបាល់បោះ កម្រិតមូលដ្ឋាន បានបញ្ចប់ដោយជោគជ័យ នាល្ងាចម្សិលមិញ ដោយសិក្ខាកាមចំនួន៣០ភាគរយ ទទួលបាននិទ្ទេសល្អ ៤០ភាគរយបានទទួលនិទ្ទេស ល្អបង្គួរ និង៣០ភាគរយបានទទួល និទ្ទេសមធ្យម ។ លោកកៅ កាន់ណាលី អគ្គលេខាធិការសហព័ន្ធកីឡាបាល់បោះកម្ពុជា បាននិយាយថា វគ្គនេះមានសិក្ខាកាមចំនួន៣៥នាក់ មកពីវិទ្យាស្ថានជាតិអប់រំកាយ និងកីឡា ខេត្តស្វាយរៀង ឧត្តរមានជ័យ កណ្ដាល កំពង់ធំ កំពង់ឆ្នាំង ព្រមទាំងមកពីសាលារៀន និងសហគមន៍បាល់បោះរបស់ខេត្តព្រៃវែង ។ វគ្គដែរនេះសិក្សាលម្អិតពីទ្រឹស្ដី ពីតួនាទីគ្រូបង្វឹក ការបង្កើតក្រុមបាល់បោះ ការត្រៀមខ្លួនប្រកួត តួនាទីគ្រូមុនពេលប្រកួត និងក្រោយពេលប្រកួត ពីលោក គ្រូ អូស្ទីន ដែលជានាយកបច្ចេកទេសរបស់សហព័ន្ធកីឡាបាល់កម្ពុជា ជាគ្រូឧទ្ទេស។  លោក ប៉ុន សុខ ប្រធានមជ្ឈមណ្ឌលជាតិហ្វឹកហ្វឺនកីឡា សង្ឃឹមថា បន្ទាប់ពីបញ្ចប់វគ្គបណ្តុះបណ្តាលនេះហើយ សូមយកចំណេះដឹងទាំងនេះទៅចែករំលែក ទៅដល់មូលដ្ឋានរបស់ខ្លួន ដើម្បីចូលរួមអភិវឌ្ឍន៍វិស័យកីឡាបាល់បោះអោយកាន់តែមានការផុសផុល និងរីកចំរើនបន្ថែមទៀត ។ លោក បន្តថា ក្រសួងអប់រំ…

អតីតអ្នកចាំទីក្រុមជម្រើសជាតិអាល្លឺម៉ង់ និងក្លឹប Bayern Munich កីឡាករ Oliver Kahn ជឿជាក់ថា Manuel Neuer មិនមែនជាអ្នកចាំទីលំដាប់កំពូលទៀតទេ ដោយសារបច្ចុប្បន្ន Alisson Becker របស់ Liverpool ល្អជាង ។ បន្ទាប់ពីជោគជ័យ ក្នុងការផ្ទេរពី AS Roma ទៅកាន់ Liverpool ក្នុងតម្លៃ៦៧លានផោន Alisson បានបង្ហាញទម្រង់លេងយ៉ាងគួរឲ្យភ្ញាក់ផ្អើលនៅរដូវកាលនេះ ក្នុងនោះជួយក្រុមហង្សក្រហម មិនទាន់ចាញ់ទេ ១៨ប្រកួតកន្លងមក ។ កីឡាករប្រេស៊ីលវ័យ២៦ឆ្នាំរក្សាទី បាន១១ប្រកួត និងរបូតត្រឹម៧គ្រាប់ប៉ុណ្ណោះនៅលីគ ។សូមបញ្ជាក់ថា កាល World Cup នៅរុស្ស៊ី កីឡាករ Alisson បង្ហាញថា ខ្លួនជាអ្នកចាំទីលំដាប់ពិភពលោកពិតប្រាកដ ស្របពេល Neuer មិនមានឱកាសច្រើនបង្ហាញសមត្ថភាពនោះទេ៕

១គ្រាប់របស់ Salah ធ្វើអោយក្លឹបហង្សក្រហម Liverpool បន្តឈរកំពូលតារាង Mohamed Salah បានក្លាយជាតួឯកសម្រាប់សប្ដាហ៍ទី១៨ ក្រោយជួយ Liverpool យកឈ្នះ Wolves ២:០ ក្នុងការប្រកួតក្រៅទឹកដីនៅ Premier League ។ ជ័យជម្នះនេះជួយឲ្យ ក្រុមហង្សក្រហម បន្តកំណត់ត្រាមិនដែលចាញ់ នឹងធានាកៅអីកំពូលតារាងនៅថ្ងៃបុណ្យ ណូអែល ក្រោយដាច់ Manchester City ចំនួន៤ពិន្ទុ ។ នៅ៤រដូវកាលចុងក្រោយ ក្រុមណាដែលឈរ លេខ១ នៅថ្ងៃបុណ្យណូអែលតែងក្លាយជាជើងឯកលីគកំពូលអង់គ្លេសជានិច្ច ។២គ្រាប់របស់ ក្លឹប ហង្សក្រហម Liverpool រកបានដោយកីឡាករ Salah នៅនាទី ១៨ និងគ្រាប់ទី២រកបានដោយ  Virgil van Dijk នៅនាទី៦៨ ៕

ក្លិប Napoli បានធ្វើការបដិសេធសំណើកញ្ចប់ថវិកាប្រមាណជា៩៥លានផោន ដែលក្លិបបិសាចក្រហម Man United ចង់បានខ្សែការពារសញ្ជាតិសេណេហ្គាល់ Kalidou Koulibay នេះបើតាមការបញ្ជាក់របស់ការចុះផ្សាយ The Sunsports កាលពីម្សិលមិញ។ លោក Aurelio De Laurentiis ប្រធានក្លិប Napoli បានធ្វើការបដិសេធ តាំងតែពីមុនការបណ្តេញចេញលោក Jose Mourinho ពីក្លិបបិសាចក្រហមមកម្ល៉េះ ដោយក្លិប បានបញ្ជាក់ថា ខ្សែការពារសញ្ជាតិ សេនេហ្គាល់ រូបនេះ នឹងមិនចាកចេញទៅណាឡើយ។ គួរបញ្ចាក់ថា ខ្សែការពារស្បែកខ្មៅវ័យ២៧ឆ្នាំរូបនេះ បានបង្ហាញទម្រង់ដ៏ល្អបំផុត និងកំពុងមានឈ្មោះជាកីឡាករខ្សែការពារល្អបំផុតម្នាក់លើលោក ក្រោយការផ្លាស់ពីក្លិប Genk មក Napoli កាលពីឆ្នាំ២០១៤៕