ក្លិបបាល់ទាត់ Chelsea ចង់បានខ្សែប្រយុទ្ធរបស់ក្លិប AC Milan កីឡាករ Higuain ប្រសិនបើសាកសម ក្លិបនឹងសម្រេចដាក់តម្លៃទិញយកនៅខែមករាតែម្ដង ។ កីឡាករសញ្ជាតិអាហ្សង់ទីន Higuain ត្រូវបានក្លឹប AC Milan  ខ្ចីជើងពីក្រុម Juventus នៅរដូវកាលនេះ ប៉ុន្តែហាក់ដូចជាលេងមិនបានល្អសម្រាប់ក្រុមឡើយ។ ក្លិប Chelsea ក្រោមការដឹកនាំរបស់លោក Sarri បានដាក់ការចាប់អារម្មណ៍ទៅលើខ្សែប្រយុទ្ធវ័យ៣១ រូបនេះ ដើម្បីយកមកជំនួសតំណែងរបស់ Morata ឬ Giroud ផ្ទាល់ ដែលមានទម្រង់លេងមិនល្អស្របតាមការចង់បានរបស់ក្រុមនោះទេ។ មួយវិញទៀត ពួកគេទាំង២នាក់ខាងលើនេះ ធ្លាប់ធ្វើការជាមួយគ្នាម្ដងមកហើយកាលនៅ Napoli ដូច្នេះ ពួកគេយល់ពីគ្នាច្បាស់ ទើបបានជាចង់មកធ្វើការជាមួយគ្នាម្ដងទៀត៕

មន្ដី្រជាន់ខ្ពស់ ផ្នែកកីឡា មកពីប្រទេសឡាវ ចំនួន៥រូបដឹកនាំដោយ លោក ស៊ូលីវ៉ាន់ សឺនវីឡៃ បានមកដល់កម្ពុជាកាលពីរាត្រីថ្ងៃទី២០ ខែធ្នូ ឆ្នាំ២០១៨ ដើម្បីធ្វើទស្សនកិច្ចស្វែងយល់ពីដំណើរការកសាងហេដ្ឋារចនាសម្ព័ន្ធកីឡានៅកម្ពុជា ក៏ដូចជាការអភិវឌ្ឍរីកចម្រើនរបស់កម្ពុជាផងដែរ។ មកដល់អាកាសយានដ្ឋានអន្ដរជាតិភ្នំពេញ ប្រតិភូនេះត្រូវបានទទួលស្វាគមន៍ ដោយ លោក ម៉ិល កាដូ អគ្គនាយករងកីឡានៃក្រសួងអប់រំ យុវជន និងកីឡា លោក ហ៊ុន សាមុត ប្រធាននាយកដ្ឋានអប់រំកាយនិងកីឡា ព្រមទាំង មន្ដ្រីកីឡាជាច្រើនរូបទៀត។ ក្នុងឱកាសស្នាក់នៅកម្ពុជា រយៈពេល៤ថ្ងៃប្រតិភូនេះ នឹងធ្វើដំណើទស្សនាចរណ៍ក្នុងរាជធានីភ្នំពេញ អញ្ជើញទៅទស្សនាស្វែងយល់ពីដំណើរការសាងសង់ពហុកីឡាដ្ឋានជាតិ មរតកតេជោ នៅក្នុងខណ្ឌជ្រោយចង្វារ រាជធានីភ្នំពេញ និងជួបពិភាក្សាផ្លាស់ប្ដូរបទពិសោធន៍ស្ដីពីដំណើរការនៃការរៀបចំពហុកីឡាដ្ឋាន ជាមួយថ្នាក់ដឹកនាំក្រសួងអប់រំយុវជន និងកីឡា។ ក្រៅពីការធ្វើទស្សនកិច្ចស្វែងយល់ពីវិស័យកីឡា ប្រតិភូក៏មានគម្រោងទៅទស្សនាសារមន្ទីរជាតិ និងទស្សនាព្រះបរមរាជវាំងផងដែរ មុននឹងត្រឡប់ទៅកាន់មាតុប្រទេសរបស់ខ្លួនវិញ នៅថ្ងៃទី២៣ ខែធ្នូ ឆ្នាំ២០១៨៕

ប្រាក់រង្វាន់សរុបចំនួន៤៧៣.៥០០.០០០រៀល របស់រាជរដ្ឋាភិបាលកម្ពុជា ត្រូវបានក្រសួងអប់រំ យុវជន និងកីឡា ប្រគល់ជូនដល់ម្ចាស់ជ័យលាភីមេដាយមាស ប្រាក់ សំរឹទ្ធ និងគ្រូបង្វឹក គ្រូជំនួយ លើ៥ ប្រភេទកីឡា ដែលយកឈ្នះពីលើឆាកអន្តរជាតិផ្សេងៗពីគ្នាកន្លងមក ដែលពិធីប្រគល់ និងទទួលនេះបានធ្វើឡើងនៅព្រឹកថ្ងៃសុក្រនេះ នៅមជ្ឈមណ្ឌលជាតិហ្វឹកហ្វឺនកីឡានៃពហុកីឡដ្ឋានជាតិ។ អគ្គនាយកនៃអគ្គនាយដ្ឋានកីឡា ឯកឧត្តម អ៊ុក សិទ្ធិជាតិ បានឱ្យដឹងថា ប្រាក់រង្វាន់សរុបចំនួន ៤៧៣.៥០០.០០០ រៀលនេះត្រូវបានបែងចែកប្រគល់ជូនដល់កីឡាករ កីឡាការិនី គ្រូបង្វឹក និងគ្រូ ជំនួយ ដែលទទួលបានជ័យលាភីពីព្រឹត្តិការណ៍អន្តរជាតិនានាដូចជា៖១-រង្វាន់កីឡាគុនដាវ ការប្រកួត កីឡាសាកលវិទ្យាល័យអាស៊ាន លើកទី១ នៅប្រទេសម៉ាឡេស៊ី ដែលមានប្រាក់រង្វាន់ សរុបចំនួន ២១.០០០.០០០រៀល សម្រាប់គ្រូ និងកីឡាករ ៣នាក់។ ២-កីឡាការ៉ាតេដូជ្រើសរើសជើងឯក អាស៊ី អាគ្នេយ៍ លើកទី៧ នៅប្រទេសវៀតណាម មានទឹកប្រាក់សរុប ចំនួន៤៩.៦០០.០០រៀល ដែលមានគ្រូ កីឡាករ កីឡាការិនី៦នាក់។ ៣-កីឡាសូហ្វតិន្នីស ជ្រើសរើសជើងឯក…

ក្រុមប្រតិភូកីឡា និស្សិតកម្ពុជា ២ប្រភេទកីឡា ក្នុងចំណោម៦ប្រភេទកីឡា គឺប៉េតង់ និងវាយកូនឃ្លីលើតុ បានមកដល់មាតុប្រទេសវិញ ព្រមទាំងនាំមកនូវមេដាយមាស ប្រាក់ និងសំរិទ្ធ មកជាមួយផង កាលពីល្ងាចថ្ងៃព្រហស្បតិ៍តម្សិលមិញ បន្ទាប់ពីចូលរួមប្រកួតក្នុងព្រឹត្តិការណ៍កីឡាសកលវិទ្យាល័យអាស៊ីអាគ្នេយ៍ លើកទី១៩ នៅទីក្រុង ណាយពីដរ ប្រទេសមីយ៉ាន់ម៉ា។ នេះជាក្រុមទី២ បន្ទាប់ពីអត្តពលិក២ប្រភេទកីឡាបានមកដល់មុន គឺកីឡាហែលទឹកនិងអត្តពលកម្ម ដែលមិនទទួលបានមេដាយ។ ដោយឡែក ប្រតិភូកីឡានិស្សិតកម្ពុជាចុងក្រោយក៏បានមកដល់កម្ពុជាវិញដែរ  នៅព្រឹកថ្ងៃទី២១ ខែធ្នូនេះ ក្នុងនោះមានក្រុម កីឡាករ វ៉ូវីណាម និងការ៉ាតេដូ។ សម្រាប់បេសកកម្មនេះ កម្ពុជាបានបញ្ជូនកីឡាត្រឹម៦ប្រភេទប៉ុណ្ណោះទៅចូលរួមចាប់ពីថ្ងៃទី១០-១៩ ខែធ្នូ ក្នុងនោះមានកីឡា ៤ប្រភេទ ដណ្ដើមបានមេដាយជូនជាតិ រួមមានកីឡាវ៉ូវីណាម ឈ្នះមេដាយមាស៤ ប្រាក់៥ និងសំរិទ្ធ៨។ កីឡាប៉េតង់ ឈ្នះមេដាយមាស១ ប្រាក់៤ និងសំរិទ្ធ១។ កីឡាវាយកូនឃ្លីលើតុ ឈ្នះមេដាយប្រាក់១ និងកីឡាការ៉ាតេដូ ឈ្នះមេដាយសំរិទ្ធ៣។ រីឯកីឡាមិនទទួលបានមេដាយ គឺកីឡា អត្តពលកម្ម និងកីឡាហែលទឹក។…

ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បញ្ជាក់ថា សហព័ន្ធកីឡាជាតិណា ដែលមិនអាចធ្វើតាមផែនការយុទ្ធសាស្ត្រដែលបានដាក់ជូន ជាពិសេសបន្ទាប់ពីឆ្លងកាត់វគ្គសិក្សាពីគ្រូជំនាញកីឡាកម្រិតខ្ពស់មកពីអាល្លឺម៉ង់ អាចនឹងអវត្តមាន ក្នុងព្រឹត្តការណ៍ស៊ីហ្គេម លើកទី៣២ នាឆ្នាំ២០២៣ ដែលកម្ពុជាធ្វើជាម្ចាស់ផ្ទះខាងមុខនេះ។ ឯកឧត្ដម វ៉ាត់ ចំរើន បន្តថា វគ្គបណ្ដុះបណ្ដាលពិសេសស្ដីពីផែនការយុទ្ធសាស្ត្រអភិវឌ្ឍន៍កីឡាកម្រិតខ្ពស់ ដែលកំពុងសិក្សារយៈពេល៣សប្តាហ៍នេះ ពិតជាមានសារសំខាន់ខ្លាំងណាស់ ដល់សហព័ន្ធនានា ក្នុងការអនុវត្តខ្លួនឲ្យទទួលបានជោគជ័យ និងប្រកបដោយគុណភាណ។ ឯកឧត្តមបន្ថែមទៀតថា វគ្គសិក្សានេះផ្ដោតសំខាន់ យុទ្ធសាស្ត្រកីឡាតែម្ដង ធ្វើឲ្យសហព័ន្ធ ឬអ្នកកីឡាត្រៀមខ្លួនយ៉ាងណាទើបអាចចូលរួមក្នុងព្រឹត្តិការធំៗបាន ឬការធ្វើជាម្ចាស់ផ្ទះ រៀបចំកម្មវិធីឲ្យបានល្អ។ វគ្គសិក្សាដែលបង្រៀនដោយលោក Gunter Lange គ្រូឧទ្ទេសមកពីប្រទេស អាល្លឺម៉ង់ លើ៣ជំនាញធំៗ៖ គឺផ្តោតសំខាន់លើ ការយកចិត្តទុកដាក់ពិសេសលើកីឡា ដែលមានសក្តានុពលសម្រាប់ស៊ីហ្គេម លើកទី៣២ នាឆ្នាំ២០២៣ ខាងមុខ ការរក្សារចនាសម្ព័ន្ធឲ្យមាននិរន្តរភាព ការគ្រប់គ្រងគម្រោង ព័ត៌មានទីផ្សារ ការកំណត់អត្តសញ្ញាណកម្មទេពកោសល្យ និងការអភិវឌ្ឍ ការអប់រំគ្រូបង្វឹក គុណភាពកម្លាំងកាយទូទៅ និងគុណភាព កម្លាំងអត់ធ្មត់ជាដើម។…

ក្រុមតោខៀវ Chelsea ១-០  Bournemouth នៅ Stamford Bridge ធ្វើសម្រេចដោយ ខ្សែប្រយុទ្ធស្លាប Eden Hazard នៅនាទី៨៤។ ខណៈក្រុម Tottenham Hutspur យកឈ្នះម្ចាស់ផ្ទះ Arsenal ២-០ ក្នុងវគ្គ១/៤ពាន  Carabao Cup កាលពីយប់មិញ។ រកបានដោយកីឡាករ Son Heung-min ក្នុងនាទីទី២០ និង Dele Alli ក្នុងនាទី៥៩។ ជ័យជម្នះមិនត្រឹមតែជួយឱ្យ Spurs អោយឡើងដល់៤ក្រុមចុងក្រោយពាន Carabao Cup ថែមទាំងស្តាមុខមាត់ការចាញ់ Arsenal ក្នុងក្របខណ្ឌ Premier League កាលពីសប្តាហ៍ទី១៨ កន្លងទៅ។ សូមបញ្ជាក់ថា វគ្គ៤ក្រុមចុងក្រោយ ពាន Carabao Cup នឹងធ្វើនៅថ្ងៃទី២២ ខែធ្នូ ដោយក្រុម Tottenham  ប៉ះ Chelsea…

កីឡាករហ្វីលីពីនវ័យក្មេង Rockie Bactol បានមកដើរកម្សាន្តនៅប្រទេសកម្ពុជាជាមួយគ្រូបង្វឹករបស់ខ្លួនលោក Nicholas Lee ដែលជាអតីតអ្នកប្រដាល់ក្នុងទ្រុង ដ៏ល្បីម្នាក់។ ការដើរកម្សាន្តរបស់អ្នកទាំង២ ដើម្បីសិក្សាស្វែងយល់ពីក្បាច់គុនប្រដាល់ខ្មែរ ជាមួយនឹងលោក ហ៊ុន ច័ន្ទរាជ ជាស្ថាបនិកក្លិប Cambodian Top Team  កាលពីពេលថ្មីៗកន្លងទៅនេះ។ កីឡាករ Rockie Bactol ដែលធ្លាប់ឡើងសង្វៀន ONE Championship ពេញចិត្តប្រទេសកម្ពុជា នៅពេលរូបគេចំណាយពេលលើកដំបូងមកដើរកម្សាន្តនៅកម្ពុជា បន្ទាប់ពីសម្រាកពីការឡើងសង្វៀន។ កីឡាករហ្វីលីពីនរូបនេះ បញ្ជាក់ថា «ខ្ញុំស្រលាញ់ប្រទេសកម្ពុជា ព្រោះមានអារម្មណ៍ថា ស្រស់ស្រាយ រីករាយក្នុងចិត្ត ជាមួយនឹងវប្បធម៌ដ៏សម្បូរបែប»។ លោកបន្តថា រូបគេវិលត្រឡប់ទៅទីក្រុងបាងកក ប្រទេសថៃ ដោយចំណាយពេលនៅជាមួយគ្រួសារ និងមិត្តភ្តិនាឱកាសឆ្លងឆ្នាំថ្មី។ បន្ទាប់មកនឹងចាប់ផ្តើមហ្វឹកហាត់បន្តទៀត ដើម្បីត្រៀមខ្លួនប្រកួតនាពេលខាងមុខ។ សូមបញ្ជាក់ថា កីឡាកររូបនេះ ធ្លាប់ទទួលបានជ័យជម្នះ២ដងនៅកម្មវិធី Full Metal Dojo ប្រទេសថៃ និងធ្លាប់ឈ្នះ១ ចាញ់១ នៅសង្វៀន…

ដើម្បីចូលរួមអបអរសាទរពិធីសម្ពោធវិមានឈ្នះ-ឈ្នះ ជាផ្លូវការ គណៈកម្មាធិការជាតិអូឡាំពិក កម្ពុជា បានប្រកាសរៀបចំកម្មវិធីជិះកង់កម្សាន្ដទ្រង់ទ្រាយធំមួយ នាថ្ងៃទី២៨ ខែធ្នូ ឆ្នាំ២០១៨ខាងមុខ ស្របពេលកម្មវិធីនេះ អនុញ្ញាតឲ្យថ្នាក់ដឹកនាំ និងប្រជាពលរដ្ឋ គ្រប់លំដាប់ថ្នាក់ចូលរួមដោយសេរី ដើម្បី រួមចំណែកក្នុងព្រឹត្តិការណ៍ជាប្រវត្តិសាស្ដ្រនេះ។ ឯកឧត្តម វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា បានបញ្ជាក់ថា គណៈកម្មាអូឡាំពិកកម្ពុជា សូមជូនដំណឹងដល់ថ្នាក់ដឹកនាំ និងប្រជាពលរដ្ឋទាំងអស់ ចូលរួមជិះកង់កម្សាន្តចម្ងាយផ្លូវ២០គីឡូម៉ែត្រ ឆ្ពោះទៅវិមានឈ្នះ-ឈ្នះ នៃពហុកីឡដ្ឋានជាតិមរតកតេជោ តំបន់អភិវឌ្ឍលីយ៉ុងផាត់ នាថ្ងៃទី២៨ ខាងមុខនេះ តាមកម្មវិធី៖ ទី១-ជួបជុំគ្នា នៅពហុកីឡដ្ឋានជាតិ ម៉ោង៥៖១៥នាទីព្រឹក និងចេញដំណើរ នៅម៉ោង៦៖០០នាទីព្រឹក ឆ្ពោះទៅវិមានឈ្នះ-ឈ្នះ ទី។ ដូចបានបញ្ជាក់ជូនខាងលើ គណៈកម្មាធិការជាតិអូឡាំពិកកម្ពុជា បានសង្ឃឹមថា ឯកឧត្តម លោកជំទាវ នឹងចូលរួមឲ្យបានច្រើនកុះករ ដើម្បីចូលរួមអបអរសាទរពិធីសម្ពោធវិមានឈ្នះ-ឈ្នះ ដែលគ្រោងប្រារព្ធពិធីសម្ពោធផ្លូវការ នាថ្ងៃទី២៩ ខែធ្នូ ឆ្នាំ២០១៩ ត្រូវនឹងថ្ងៃខួបលើកទី២០ឆ្នាំ ដែលរាជរដ្ឋាភិបាលកម្ពុជា ប្រារព្ធពិធីខួប ២០ឆ្នាំ…

ក្រសួងអប់រំយុវជន និងកីឡា បានត្រៀមកញ្ចប់ថវិកាជាង៤០០លានរៀល ប្រគល់ជូនដល់កីឡាករ កីឡាការិនី គ្រូបង្វឹក លើ៥ប្រភេទកីឡាដែលឈ្នះមេដាយពីព្រឹត្តការណ៍លក្ខណៈអន្តរជាតិកន្លងមក។ ពិធីប្រគល់ថវិកានេះ នឹងធ្វើឡើងក្រោមអធិបតីភាពឯកឧត្តម ហង់ ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា នៅមជ្ឈមណ្ឌលជាតិហ្វឹកហ្វឺនកីឡាថ្មី នៅព្រឹកថ្ងៃស្អែក។ កីឡា៥ប្រភេទនោះរួមមាន៖ ១.កីឡាប៉េតង់ ជ្រើសរើសជើងឯកអាស៊ីលើកទី១ នៅប្រទេសថៃ ចំនួនប្រាក់រង្វាន់សរុប ២០៩.០០០.០០០រៀល។ ២.កីឡាសូហ្វតិន្នីស ក្នុងព្រឹត្តការណ៍ជ្រើសរើសជើងឯកនៅប្រទេសហ្វីលីពីន ទឹកប្រាក់ចំនួន ១៤៨.៩០០.០០០រៀល។ ៣.កីឡាការ៉ាតេដូ ជ្រើសរើសជើងឯកអាស៊ីអាគ្នេយ៍លើកទី៧ នៅប្រទេសវៀតណាម ប្រាក់រង្វាន់សរុប ចំនួន ៤៩.៦០០.០០រៀល។ ៤.កីឡាប្រណាំងទោចក្រយានជ្រើសរើសជើងឯកអាស៊ី នៅប្រទេសមីយ៉ាន់ម៉ា ទឹកប្រាក់ចំនួន ៤៥.០០០.០០០រៀល។ ៥.កីឡាគុនដាវ ក្នុងព្រឹត្តការណ៍សកលវិទ្យាល័យអាស៊ាន លើកទី១ នៅប្រទេសម៉ាឡេស៊ី  ទឹកប្រាក់រង្វាន់សរុបចំនួន ២១.០០០.០០០រៀល៕

ក្រុមកីឡានិសិត្សកម្ពុជា ដណ្តើមបានមេដាយសរុប ចំនួន២៧វិញ្ញាសា ដែលក្នុងនោះរួមមាន៖ មេដាយមាស៥ ប្រាក់១០ និងសំរឹទ្ធ១២គ្រឿង នេះបើតាមការបញញជាក់របស់លោក មាស សារ៉េត មន្រ្តីនាយកដ្ឋានកីឡាសិស្សនិសិត្ស នៃក្រសួងអប់រំយុវជន និងកីឡា ពីប្រទេស មីយ៉ាន់ម៉ា ហើយចំពោះការប្រកួតនឹងធ្វើពិធីបិទបញ្ចប់នៅថ្ងៃទី២០ ខែធ្វូស្អែកនេះ ។ ក្នុងចំណោម៦ប្រភេទកីឡា កីឡាវ៉ូវីណាម ដណ្តើមបានច្រើនជាងគេ ដោយឈ្នះមេដាយមាស៤, ប្រាក់៥ សំរិទ្ធ៨ ។ កីឡាប៉េតង់ឈរលេខ២ ដណ្តើមបាន មេដាយមាស១ ប្រាក់៤ និងសំរិទ្ធ១គ្រឿង ។ កីឡាការ៉ាតេ ដណ្តើមមេដាយ សំរិទ្ធ៣គ្រឿង និងកីឡាវាយកូនឃ្លីលើតុ ដណ្តើមមេដាយ ប្រាក់១គ្រឿង ក្រៅពីនោះកីឡាហែលទឹក និងអត្តពលកម្ម មិនដណ្តើមមេដាយនោះទេ ។ លោក ឡាច ច័ន្ទដារ៉ា អគ្គលេខាធិការរងសហព័ន្ធកីឡាការ៉ាតេកម្ពុជា ថ្លែងប្រាប់តាមសារអេឡិចត្រូនិចពីប្រទេសមីយ៉ាន់ម៉ាថា សម្រាប់ប្រភេទកីឡាការ៉ាតេបានបញ្ចប់ការប្រកួតហើយ កាលពីម្សិលមិញ ដោយឈ្នះមេដាយសំរឹទ្ធ៣គ្រឿង លើវិញ្ញាសាប្រយុទ្ធឯកត្តជន នារីទម្ងន់៥០គីឡូក្រាម…