ភ្នំពេញេ: លោក ខេស៊ី បាណេត ប្រធានសហព័ន្ធកីឡា ចំបាប់អាស៊ីអាគ្នេយ៍ និងជា អនុប្រធានសហព័ន្ធកីឡា ចំបាប់កម្ពុជា មានប្រសាសន៍ថា សហព័ន្ធកីឡាចំបាប់កម្ពុជា កំពុងផ្តោតខ្លាំងក្នុងរយ:ពេល៥ឆ្នាំ ពីឆ្នាំ២០២៤ ដល់ឆ្នាំ២០២៩ លើការផលិតធនធាន យុវជនឱ្យសម្បូរបែប និងមានគុណភាព ដើម្បីត្រៀមទទួលរៀបចំ ធ្វើម្ចាស់ផ្ទះ ការប្រកួតកីឡាយុវជនអាស៊ី លើកទី៥ នាឆ្នាំ២០២៩។ នេះជាការប្រសាសន៍ របស់លោក ខេស៊ី បាណេត ក្នុងឱកាសអញ្ជើញជាអធិបតី ក្នុងពិធីបិទការប្រកួតកីឡាចំបាប់ ជ្រើសរើសជើងឯក ថ្នាក់ជាតិ ប្រចាំឆ្នាំ២០២៣ បានបិទបញ្ចប់ដោយជោគជ័យ នៅសាលសហព័ន្ធនៃពហុកីឡដ្ឋានជាតិអូឡាំពិក។ លោក ខេស៊ី បាណេត គូសបញ្ជាក់ថា ៖«ជាមួយនឹង ការប្រឹងប្រែង អភិវឌ្ឍធនធានយុវជននេះ គឺសហព័ន្ធ នឹងបន្ថែមរៀបចំ ការប្រកួតក្នុងស្រុក និងនៅតាមខេត្ត ឱ្យបានច្រើនបន្ថែមទៀត។ ជាគោលដៅក្នុងឆ្នាំ២០២៤នេះ សហព័ន្ធ គ្រោងនឹងរៀបចំ ការប្រកួតចំនួន២ នៅខេត្តពោធិ៍សាត់ និងនៅឃុំវិហារសួគ៌ ខេត្តកណ្តាល ក្នុងឱកាសបុណ្យភ្ជុំបិណ្ឌ និងក្នុងពេលបុណ្យកឋិន។ បន្ថែមពីលើនេះ…

(ភ្នំពេញ)៖ ឯកឧត្តម ថោង ខុន ទេសរដ្ឋមន្ត្រី និងជាប្រធានគណៈកម្មាធិការ ជាតិ អូឡាំពិក កម្ពុជា នាព្រឹកថ្ងៃទី១៨ ខែ មករា ឆ្នាំ២០២៤នេះ បានទទួលជួបតំណាង ភាគីទូរទស្សន៍សាធារណៈប្រជាមានិតចិនហាយណាននៅអាគារគណៈកម្មាធិការជាតិអូឡាំពិកកម្ពុជា។ ឯកឧត្តម ទេសរដ្ឋមន្រ្តី បានលើកឡើងថា ជំនួបជាមួយតំណាងទូរទស្សន៍ ហាណានរបស់សាធារណៈរដ្ឋប្រជាមានិនចិននាពេលនេះ គឺជាការផ្លាស់ប្តូរវប្បធម៌រវាងប្រជាជនកម្ពុជា និងប្រជាជនចិន ដែលជាយុទ្ធសាស្រ្តចំណងមិត្តភាពដែកថែបរវាងរដ្ឋាភិបាលនៃប្រទេសទាំងពីរ។ ឯកឧត្តម បានគូសបញ្ជាក់ថា ព្រឹត្តិការណ៍កីឡាដែលកម្ពុជានិងចិនបង្កើតរួមគ្នានេះ នៅថ្ងៃទី១៩ ខែមករា ឆ្នាំ២០២៤សែ្អកនេះ គឺជាវេទិការដ៏សំខាន់មួយនៃការផ្លាស់ប្តូរវប្បធម៌រវាងប្រជាជនកម្ពុជា និងប្រជាជនចិនផងដែរ។ ជំនួបក្បាច់គុនខ្មែរខាងលើនេះ ជាការផ្លាស់ប្តូរនូវវប្បធម៌ក្បាច់គុន ហើយ ក៏ជាឱកាសដ៏សំខាន់ ដើម្បីផ្សព្វផ្សាយគុនខ្មែរទៅកាន់ពិភពលោក។ ឯកឧត្តម ថា តាមរយៈកិច្ចសហការណ៍នេះ បានផ្តល់ផលចំណេញច្រើនណាស់ សម្រាប់ការផ្សព្វផ្សាយគុនខ្មែរទៅកាន់ឆាកអន្តរជាតិ ព្រោះទូរទស្សន៍របស់ចិន មានការផ្សព្វផ្សាយទូលំទូលាយដល់ពិភពលោកធ្វើឲ្យគុនខ្មែរកាន់តែល្បីរន្ទឺផង។ ពិសេស ព្រឹត្តិការណ៍ជំនួបក្បាច់គុនខាងលើនេះ វាក៏ជាការទាក់ទាញនូវទេសចរណ៍ ឲ្យ ចូលមកកម្សាន្តនៅក្នុងប្រទេសកម្ពុជាកាន់តែច្រើនថែមទៀតផង។ ឯកឧត្តម ទេសរដ្ឋមន្រ្តី បានបន្ថែមទៀតថា តាមរយៈកិច្ចសហការបង្កើត ព្រឹត្តិការណ៍ប្រកួតកីឡាគុនខ្មែរ និង Kung…

ភ្នំពេញ៖ កីឡាករ កីឡាការិនីអុកចក្រត្រង្គ ដែលចូលរួម ប្រកួត ចំនួន ៨០នាក់ មានបច្ចេទេសល្អៗ និងគោរពគោលការណ៍ប្រកួតប្រកប ដោយស្មារតីទទួលខុសត្រូវខ្ពស់ គោរពវិន័យ លក្ខន្តិកៈបានល្អប្រសើរ។ នេះជាការលើកឡើងរបស់ឯកឧត្តម គុជ គីមឡុង ប្រធានសហព័ន្ធ កីឡាអុកចត្រង្គកម្ពុជា លើកឡើងក្នុងឱកាសបិទការប្រកួតកីឡា អុក ចត្រង្គ ជ្រើសរើសជើងឯកថ្នាក់ជាតិ ប្រចាំឆ្នាំ២០២៣ នៅសាលនៃ សាកលវិទ្យាល័យភូមិន្ទភ្នំពេញ ដែលបានបញ្ចប់ដោយជោគជ័យ កាលពីល្ងាចថ្ងៃទី១៧ ខែមករា ឆ្នាំ២០២៤។ ឯកឧត្តមបានបន្តថា ឆ្លងកាត់ការប្រកួតយ៉ាងស្វិតស្វាញជាច្រើនជុំ រហូតដល់វគ្គផ្តាច់ព្រ័ត្រ គឺកីឡាករ សុខ លឹមហេង ដែលជាម្ចាស់ មេដាយមាស ស៊ីហ្គេម លើកទី៣២ ឆ្នាំ២០២៣ នៅកម្ពុជា បាន ក្លាយជាម្ចាស់ជើងឯកថ្នាក់ជាតិ ប្រចាំឆ្នាំ២០២៣នេះម្តងទៀត បន្ទាប់ពីបានយកឈ្នះលើកីឡាករ សំ កក្កដា ដែលជាម្ចាស់មេដាយ ប្រាក់ ស៊ីហ្គេម ឆ្នាំ២០២៣ លើវិញ្ញាសាឯកត្តជន។ឯកឧត្តម បានសង្កេតឃើញថា កីឡាករចូលរួមមានបច្ចេកទេសល្អៗ ច្រើនគួរជាទីចាប់អារម្មណ៍ ដែលគុណភាពបច្ចេកទេសរបស់ពួកគាត់…

(មណ្ឌលគីរី)៖ ការប្រកួតកីឡាបាញ់កាំភ្លើងពានរង្វាន់ CSF IPSC Challenge Series ឆ្នាំ២០២៤ បានបញ្ចប់ដោយជោគជ័យ បន្ទាប់ពីដំណើររយៈពេល១ថ្ងៃ នៅខេត្តមណ្ឌលគីរី ដោយមានកីឡាករចូលរួមសរុប ២៧នាក់ ចែកចេញជា៤ វិញ្ញាសា ។ ឯកឧត្តម ស៊ិន សូផានណាក់ អគ្គលេខាធិការសហព័ន្ធកីឡាបាញ់កាំភ្លើង បានអោយដឹងថា ការប្រកួតកីឡាបាញ់កាំភ្លើងពានរង្វាន់ CSF IPSC Challenge Series ឆ្នាំ២០២៤ មានកីឡាករចូលរួមសរុប ២៧នាក់ ចែកចេញជា៤ វិញ្ញាសា។ ឯកឧត្តមអគ្គលេខាធិការ បន្តថា បន្ទាប់ពីការប្រកួតនេះ សហព័ន្ធគ្រោងនឹងរៀបចំការប្រកួតថ្នាក់ជាតិ ដើម្បីស្វែងរកកីឡាករឆ្នើមចូលក្រុមជម្រើសរើសជាតិហ្វឹកហាត់បង្កើនសមត្ថភាព និងបច្ចេកទេសអោយកាន់តែប្រសើរ ជាពិសេសសហព័ន្ធមានផែនការបញ្ជូនកីឡាករទៅហ្វឹកហាត់ក្រៅប្រទេស និងការប្រកួតជាលក្ខណៈអន្តរជាតិ ដូចជា ក្នុងតំបន់អាស៊ាន អាស៊ី និងលើវិញ្ញាសាកីឡាអូឡាំពិកជាដើម ។ ឯកឧត្តម សុខ ពុទ្ធិវុធ ប្រធានសហព័ន្ធកីឡាបាញ់កាំភ្លើងកម្ពុជា បានមានប្រសាសន៍ថា គោលបំណងសំខាន់ នៃការរៀបចំការប្រកួតនេះ គឺធ្វើឡើងដើម្បីពង្រឹងសមត្ថភាពកីឡាករ ដើម្បីចូលរួមការប្រកួតជាលក្ខណៈអត្តរជាតិធំៗ ដូចជាការប្រកួតអន្តរជាតិ នៅតំបន់អាស៊ាន កីឡាអាស៊ី…

(ភ្នំពេញ)៖ ឯកឧត្តម វ៉ាត់ ចំរើន អគ្គលេខាធិការសហព័ន្ធកីឡាការ៉ាតេកម្ពុជា បានថ្លែងបញ្ជាក់ក្នុងពិធីបិទការប្រកួតកីឡាការ៉ាតេជ្រើសរើសជើងឯកថ្នាក់ឆ្នាំ២០២៣ថា ការប្រកួតឆ្នាំនេះ បានកាត់បន្ថយបញ្ហាវិវាទច្រើន តែកីឡាករ កីឡាការិនី គ្រូបង្វឹក ទាំងអស់ មានការយល់ដឹងពីបទបញ្ជាប្រកួត និងក្រមសីលធម៌កីឡាខ្ពស់ ធ្វើកីឡាការ៉ាតេកាន់តែរីកចម្រើន ។ ប្រសាសន៍ផ្ដាំផ្ញើរបស់ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានសហព័ន្ធ តាមរយៈឯកឧត្តម វ៉ាត់ ចំរើន ស្នើឲ្យកីឡាករ កីឡាការិនី បន្ដការខិតខំហ្វឹកហាត់បន្ថែមទៀត ដើម្បីសម្រួចសិទ្ធផល និងគុណផល ដើម្បីបង្កើនសមត្ថភាព និងបច្ចេកទេស ឈានទៅរកភាពរីកចម្រើនបន្ថែមទៀត ត្រៀមការប្រកួតជាតិ និងអន្ដរជាតិនានា ពិសេសស៊ីហ្គេម ឆ្នាំ២០២៥ នៅថៃ ដោយសហព័ន្ធសង្ឃឹមថា នឹងទទួលបានលទ្ធផលកាន់តែប្រសើរ ឬដូចស៊ីហ្គេម ឆ្នាំ២០២៣ នៅកម្ពុជា ។ ឯកឧត្តមអគ្គលេខាធិការ បន្តថា សមិទ្ធផលថ្មីៗ នៅស៊ីហ្គេម ឆ្នាំ២០២៣ កីឡាអាស៊ី នៅទីក្រុងហានចូវ ក្រោមការយកចិត្តទុកដាក់របស់ឯកឧត្តម អូន ព័ន្ធមុនីរ័ត្ន ប្រធានសហព័ន្ធ និងថ្នាក់ដឹកនាំសហព័ន្ធ ជាពិសេសការគាំទ្រពីក្រសួងអប់រំ…