(ភ្នំពេញ)៖ ថ្លែងប្រាប់អ្នកព័ត៌មានក្រោយបញ្ចប់កិច្ចប្រជុំ នាព្រឹកថ្ងៃទី២០ ខែ មេសា ឆ្នាំ២០២៤ ឯកឧត្តម វ៉ាត់ ចំរើន រដ្ឋលេខាធិការ ក្រសួងអប់រំយុវជននិងកីឡា បានគូសបញ្ជាក់ថា ការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២៤ ដែលគ្រោងដំណើរការប្រកួតរយៈពេល១០ថ្ងៃ ចាប់ពីថ្ងៃទី១៨ដល់ថ្ងៃទី២៧ ខែ ឧសភា ខាងមុខនេះ ក្រសួងអប់រំយុវជន និងកីឡា នឹងធ្វើការពិនិត្យយ៉ាងជាក់លាក់ទៅលើសមាសភាពកីឡាករកីឡាការិនីជានិស្សិតដែលចូលរួមប្រកួតមកពីបណ្តាសកលវិទ្យាល័យនិងគ្រឹះស្ថានឧត្តមសិក្សា។ ឯកឧត្តម រដ្ឋលេខាធិការ បានបញ្ជាក់ថា គ្រប់សមាសភាពនិស្សិតចូលរួមក្នុងការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិឆ្នាំ២០២៤នេះ ក្រសួងនឹងពិនិត្យលម្អិតឱ្យបានជាក់លាក់អំពីសមាសភាពនិស្សិត បើគ្មានអត្តសញ្ញាណច្បាស់លាស់បញ្ជាក់ថានិស្សិតកំពុងសិក្សានៅសកលវិទ្យាល័យនោះទេ គឺមិនអនុញ្ញាតឱ្យប្រកួតតំណាងសកលវិទ្យាល័យឡើយ។ ទាំងអស់នេះជាការលប់បំបាត់ធ្វើឲ្យមានសមភាពក្នុងការលេងកីឡាដោយមានតម្លាភាពស្នើរគ្នា។ ឯកឧត្តម អះអាងថា ប្រសិនបើយើងមិនពិនិត្យលម្អិតនឹងឈានទៅលប់បំបាត់បញ្ញាទាំងអស់នោះទេ ការប្រកួតអាចបង្កើតបានទៅជាមានជម្លោះទៅវិញ ។ ឯកឧត្តម រដ្ឋលេខាធិការ បានពន្យល់ថា ការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ដែលបង្កើតឡើងដោយក្រសួងអប់រំយុវជននិងកីឡានេះមានគោលបំណងបំផុសចលនាឱ្យនិស្សិតចូលរួមលេងកីឡាឱ្យបានមួយមុខឬច្រើនមុខប្រចាំជីវិតរបស់ពួកគេ ដើម្បីគុណភាពជីវិត ជាពិសេស គឺមិត្តភាព សាមគ្គីភាព និងសុខភាព ។ ជាមួយគ្នានេះដែរ ការប្រកួតនេះ វាក៏ជាការចំរាញ់ស្វែងរកកីឡាករកីឡាការិនីជានិស្សិតដែលឧបនិស្ស័យនិងមានទេពកោសល្យល្អលើប្រភេទកីឡានីមួយ ដើម្បីយកមកបណ្តុះបណ្តាលបញ្ចូលទៅក្នុងក្រុមជម្រើសជាតិនៅថ្ងៃខាងមុខ ព្រោះថានិស្សិតមានប្រាជ្ញាស្មារតីល្អ ឆ្លៀសវ៉ៃ…

(ភ្នំពេញ)៖ ព្រឹត្តិការណ៍បាល់ទាត់មិត្តភាពសប្បុរសធម៌ ក្រោមមូលបទ រួមគ្នាដើម្បីសប្បុរសធម៌ និងប្រយុទ្ធប្រឆាំងគ្រឿងញៀន ដែលគ្រោងធ្វើឡើងនៅល្ងាចថ្ងៃទី ០១ ខែឧសភា ឆ្នាំ២០២៤ នៅពហុកីឡដ្ឋានជាតិអូឡាំពិកនឹងមានអ្នកចូលរួមទស្សនារាប់ម៉ឺននាក់ ជាមួយនឹងថ្នាក់ដឹកនាំកំពូលៗរបស់ជាតិចូលរួមទស្សនាផងដែរ ។ អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង នារសៀល ថ្ងៃទី១៩ ខែមេសា ឆ្នាំ២០២៤នេះ បានដឹកនាំកិច្ចប្រជុំមួយជាមួយកងកម្លាំងប្រដាប់អាវុធនិងក្រសួងពាក់ព័ន្ធមួយចំនួន ដើម្បីធ្វើយ៉ាងណាឱ្យព្រឹត្តិការណ៍បាល់ទាត់នេះដំណើរការទៅដោយរលូននិងទទួលបានជោគជ័យទាំងការរៀបចំសណ្តាប់ធ្នាប់ និងការរក្សាសន្តិសុខ សុវត្ថិភាព ជាដើម ។ ឯកឧត្តម ឃួង ស្រេង បានមានប្រសាសន៍ឱ្យដឹងថា កិច្ចប្រជុំនេះធ្វើឡើងដើម្បី ពិភាក្សារៀបចំផែនការសំដៅធ្វើយ៉ាងណាឱ្យព្រឹត្តិការណ៍បាល់ទាត់មិត្តភាពសប្បុរសធម៌ខាងលើនេះដំណើរទៅដោយរលូន និងជោគជ័យ ។ ឯកឧត្ដម បញ្ជាក់ថា បើតាមគម្រោងព្រឹត្តិការណ៍នេះ និងមាន កម្មករ កម្មការនី យុវជន និស្សិតរាប់ម៉ឺននាក់ចូលទស្សនា ជាមួយនិងមន្ត្រីរាជការ ថ្នាក់ដឹកនាំរាជរដ្ឋាភិបាលផងដែរ ដែលកិច្ចការងារនេះទាមទាឱ្យអាជ្ញាធររបស់យើងត្រូវយកចិត្តទុកដាក់ឱ្យបានម៉ឺងម៉ាត់ទាំងការរៀបចំសន្តិសុខ សណ្តាប់ធ្នាប់ និងចំណតជាដើម ។ ឯកឧត្តម បានបន្តទៀតថា គោលបំណងបង្កើតព្រឹត្តិការណ៍បាល់ទាត់នេះឡើងគឺដើម្បីរឹតចំណងមិត្តភាពរវាងថ្នាក់ដឹកនាំអាជ្ញាធរជាតិប្រយុទ្ធប្រឆាំងគ្រឿងញៀន សហព័ន្ធកីឡាបាល់ទាត់កម្ពុជា សាលារាជធានីភ្នំពេញ និងក្រុមបាល់ទាត់កំពូលតារាកម្ពុជា (ខេមបូឌាហ្វូតបលសូពើស្តារ)…

ភ្នំពេញ៖បន្ទាប់ពីឈ្នះមេដាយជូនកម្ពុជាក្នុងព្រឹត្តិការណ៍ កីឡា ស៊ីហ្គេមលើកទី៣២ ឆ្នាំ២០២៣ លើវិញ្ញាសាប្រដាល់គុនខ្មែរ ដែល កម្ពុជាធ្វើជាម្ចាស់ផ្ទះ កីឡាការិនី ទូច ចាន់វត្តី ទទួលបាន ប្រជាប្រិយភាពខ្លាំងពីអ្នកគាំទ្រគុនខ្មែរ ។ការគាំទ្រនិងការលើក ទឹកចិត្ត ពីសំណាក់ អ្នកគាំទ្រ បានជំរុញលើកទឹកឳ្យ ទូច ចាន់វត្តី កាន់តែមានកម្លាំងចិត្តហ្វឹកហាត់ ដើម្បីបង្កើន សមត្ថភាព ត្រៀម ការពារ មេដាយមាសក្នុងព្រឹត្តិការណ៍កីឡាស៊ីហ្គេម លើកទី៣៣ នៅប្រទេសថៃ នាឆ្នាំ២០២៥ ។ កីឡាការិនី ទូច ចាន់វត្តី ក្នុងវិស័យប្រដាល់គុនខ្មែរនេះ នាងមិន ត្រឹមតែចង់ឈ្នះមេដាយមាសពីការប្រកួតកម្រិតស៊ីហ្គេមជូន កម្ពុជា ប៉ុណ្ណោះនោះទេ កីឡាការិនីគុនខ្មែររូបស្រស់ម្នាក់នេះ ក៏តាំងចិត្តកសាងសមត្ថភាពដើម្បីឈានជើងចូលប្រឡូក ក្នុង សង្វៀនOne championship ដែលជាសង្វៀនកម្រិតពិភព លោក។នាងចង់ចូលរួម ដើម្បីរួមចំណែកផ្សព្វផ្សាយគុនខ្មែរ ទៅកាន់ឆាកអន្តរជាតិ ឳ្យកាន់តែល្បីរន្ទឺថែមទៀតផង។ ការខិតខំប្រឹងប្រែងរបស់ទូច ចាន់វត្តី ក្នុងវិស័យប្រដាល់ គុន ខ្មែរនេះ បានជួយឳ្យនាងមានជីវភាពធូរធា និងទទួលបាន ក្របខណ្ឌ…

(ភ្នំពេញ)៖ នាយកមជ្ឈមណ្ឌលកីឡាកងយោធពលខេមរភូមិន្ទ ឯកឧត្តម ឧត្តមសេនីយ៍ទោ ខូវ ឆាយ បានបង្ហាញពីការប្តេជ្ញាយ៉ាងមុតមំាថា ឯកឧត្តមនឹងបន្តថែរក្សាមរតកសមិទ្ធផល ស្នាដៃពីអតីតនាយកចាស់ៗ និងបន្តខិតខំបន្តការអភិវឌ្ឍវិស័យកីឡាកងទ័ព ឱ្យកាន់តែរីក ចម្រើនស្មើមុខស្មើមាត់ជាមួយអង្គភាពផ្សេងៗទៀតរបស់កម្ពុជា។ ឯកឧត្តម ខូវ ឆាយ ប្តេជ្ញាចិត្តបែបនេះ នៅក្នុងឱកាសពិធីសូត្រមន្ត ចម្រើនព្រះបរិត្ត ឧទ្ទិសកុសល ជូនដល់អតីតយុទ្ធជនពលីគ្រប់ជំនាន់ដែលបានចែកឋាន និង ពិធីជប់លៀង អបអរសាទរឆ្នាំថ្មីប្រពៃណីជាតិ នៅមជ្ឈមណ្ឌលកីឡាកងយោធពលខេមរភូមិន្ទ (ឬស្តាតចាស់) នៅថ្ងៃទី១០ ខែមេសា ឆ្នាំ២០២៤ ដែលប្រារព្ធធ្វើឡើងក្រោមវត្តមាន ឯកឧត្តម នាយឧត្តមសេនីយ៍ ឃឹម ប៊ុនសុង រដ្ឋលេខាធិការ ក្រសួងការពារជាតិ និងជាប្រធានក្រុមប្រឹក្សាកីឡាកងយោធពលខេមរភូមិន្ទ។ ឯកឧត្តម ខូវ ឆាយ គូសបញ្ជាក់ថា អ្វីដែលពិសេសគឺក្រុមកីឡាករ កីឡាការិនីបានខិតខំ ប្រឹប្រែងយ៉ាងខ្លាំង និងតែងតែទទួលបានភាពកក់ក្តៅ ការលើកទឹកចិត្តដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងការដឹកនាំផ្ទាល់របស់ឯកឧត្តម នាយឧត្តមសេនីយ៍ ឃឹម ប៊ុនសុង…

(ភ្នំពេញ)៖ ក្នុងឱកាសបិទការប្រកួតកីឡាតេក្វាន់ដូ ITF សិស្សបឋមសិក្សាថ្នាក់ជាតិ ឆ្នាំ២០២៤ កាលពីល្ងាចថ្ងៃទី០៦ ខែមេសា ឆ្នាំ២០២៤ នៅសាលមជ្ឈមណ្ឌលជាតិហ្វឹកហ្វឺនកីឡានៃពហុកីឡដ្ឋានជាតិអូឡាំពិក ថ្ងៃទី០៧ ខែមេសា ឆ្នាំ២០២៤ ឯកឧត្តមទេសរដ្ឋមន្ត្រី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា និងជាប្រធានសហព័ន្ធកីឡាតេក្វាន់ដូ ITF កម្ពុជា បានលើកឡើងថា ៖«ខ្ញុំពិតជាមានក្តីរីករាយខ្លាំងណាស់ ដែលបានឃើញពីការបញ្ចេញអស់ពីសមត្ថភាពរបស់កីឡាករ កីឡារិនីវ័យក្មេងៗ ប្រកបដោយក្តីសង្ឃឹម ដែលជាអ្នកបន្តវេនកីឡាតេក្វាន់ដូ ITF កម្ពុជា» ។ ឯកឧត្ដម កែវ រ៉េមី បន្តថា ៖«ខ្ញុំមានសេចក្តីត្រេកអរ ដោយបានឃើញអ្នកបន្តវេនរបស់កីឡាករ កីឡាការិនីវ័យក្មេងលើប្រភេទកីឡាតេក្វាន់ដូ ITF កម្ពុជា ដែលជាទំពាំងស្នងឫស្សី ដោយបង្ហាញសមត្ថភាពល្អ ។ អ្នកបន្តវេនទាំងអស់នឹងបន្តត្រៀមឆ្ពោះទៅចូលរួមប្រកួតប្រជែងមេដាយជូនជាតិ ក្នុងកម្រិតអាស៊ី និងពិភពលោក នាថ្ងៃអនាគត។ ឯកឧត្ដមប្រធានសហព័ន្ធ ក៏បានកោតសរសើរចំពោះកីឡាករ កីឡារិនី ព្រមទាំងឪពុកម្តាយ អាណាព្យាបាលទាំងអស់ ដែលខិតខំប្រឹងប្រែងហ្វឹកហាត់ និងគាំទ្រដល់កូនៗរបស់ខ្លួន ដើម្បីបន្តបណ្តុះបណ្តាលថ្នាលបន្តវេនតទៅថ្ងៃអនាគត។ ឯកឧត្តម បួនហ៊ីង សុធីយ៉ា…