កណ្តាល៖ ព្រឹត្តិការណ៍ប្រកួតកីឡាសម្រាប់ទាំងអស់គ្នា ក្រោមប្រធាន បទ ប្រជាពលរដ្ឋម្នាក់ត្រវចេះលេងកីឡាយ៉ាងតិចមួយប្រភេទ ដែលខេត្ត កណ្តាល រៀបចំលើប្រភេទកីឡាចំនួន៥រួមមាន បាល់ទះ បាល់ទាត់ បាល់បោះ ប៉េតង់ និងអត្តពលកម្ម បានបញ្ចប់ការប្រកួតជាផ្លូវការហើយ ក្រោយដំណើរការប្រកួតប្រជែងអស់រយៈពេល៧ថ្ងៃចាប់ពីថ្ងៃទី៩ ដល់ ថ្ងៃទី១៥ ខែ ធ្នូ ឆ្នាំ២០២៣។ លោក ចេង សំអ៊ុល ប្រធានមន្ទីរអប់រំ យុវជន និងកីឡាខេត្តកណ្តាល បានឲ្យដឹងថា ការប្រកួតកីឡាសម្រាប់ទាំងអស់គ្នានេះ ខេត្តកណ្តាល បានរៀបចំឡើងនេះ គឺជាព្រឹត្តិការណ៍មួយសំដៅគោលនយោ បាយ សាធារណៈទូលំទូលាយ ក្នុងការជំរុញលើកទឹកចិត្ត ដើម្បី ឱ្យប្រជា ពលរដ្ឋគ្រប់រូបចូលរួមក្នុងសកម្មភាពហាត់ប្រាណ និងលេង កីឡា គ្រប់ប្រភេទ ក្នុងគោលដៅទទួលបានសុខភាព សុខុមាលភាព សង្គម និង ដើម្បីសន្តិភាព និងការអភិវឌ្ឍ។ លោក ប៊ុន ផេង អភិបាលរងតំណាង ឯកឧត្តម គង់ សោភ័ណ្ឌ អភិបាលខេត្តកណ្តាល មានប្រសាសន៍ថា…

(ភ្នំពេញ)៖ លោក ជា ពៅ អគ្គលេខាធិការរង សហព័ន្ធកីឡាវាយកូនបាល់កម្ពុជា និងជាប្រធានគណៈកម្មការគ្រប់គ្រងការប្រកួត បានបញ្ជាក់ឲ្យដឹងថា ការប្រកួតកីឡាវាយកូនបាល់ ជ្រើសរើសជើងឯកប្រចាំឆ្នាំ២០២៣ ដែលរៀបចំដោយសហព័ន្ធ ក្រោមការឧបត្ថម្ភថវិកាគាំទ្រដោយក្រសួងអប់រំយុវជន និងកីឡា មានក្លិបចូលរួមប្រកួតប្រជែងសរុបចំនួន៩ ក្លិប មានដូចជា៖ ក្លិបកីឡាវាយកូនបាល់ អូឡាំពិក ក្លិបកីឡាវាយកូនបាល់ ក្រសួងការពារជាតិ ក្លិបកីឡាវាយកូនបាល់ក្រសួងមហាផ្ទៃ ក្លិបកីឡាវាយកូនបាល់ ខេត្តបាត់ដំបង ក្លិបកីឡាវាយ កូនបាល់ខេត្តសៀមរាប ក្លិបកីឡាវាយកូនបាល់ ក្រសួងសេដ្ឋកិច្ច និងហិរញវត្ថុ ក្លិបកីឡាវាយកូនបាល់ខេត្តតាកែវ ក្លិបកីឡាវាយកូនបាល់ ខេត្តព្រះវិហារ និងក្លិបកីឡា វាយកូនបាល់ឌីវេនកូ ។ អគ្គលេខាធិការរង បានគូសបញ្ជាក់ទៀតថា ការប្រកួតនេះចាប់ប្រព្រឹត្តទៅពីថ្ងៃទី១៦ ដល់ថ្ងៃទី១៩ ខែធ្នូឆ្នាំ២០២៣ សរុបកីឡាករការិនី ៥៧នាក់ ក្នុងនោះ មានកីឡាករចំនួន ៥១ នាក់ និងកីឡាការិនី ៦នាក់ ដោយធ្វើការប្រកួតលើ៤វិញ្ញាសា រួមមាន វិញ្ញាសាវាយឯកត្តជនបុរស វិញ្ញាសាវាយឯកត្តជននារី វិញ្ញាសាវាយគូ និងវិញ្ញាសាវាយយុវជនក្រោមអាយុ ១៨ឆ្នាំ ។…

(ភ្នំពេញ)៖ លោក នូ សុផល អគ្គលេខាធិការ សហព័ន្ធកីឡាគ្រីកឃីតកម្ពុជា បានដាស់តឿនកីឡាករការិនីគ្រីឃីត ចូលរួមការប្រកួតជ្រើសរើសជើងឯកថ្នាក់ជាតិ ឆ្នាំ២០២៣ ឲ្យប្រឹងប្រែងហ្វឹកហាត់និងខិតខំប្រកួតឲ្យអស់ពីលទ្ធភាព ដើម្បីជាប់ជាកីឡាករកីឡាការិនីជម្រើសជាតិសម្រាប់ឆ្នាំ២០២៤ តៀមចូលរួមការប្រកួតកីឡាអន្តរជាតិនានា ពិសេស កីឡាស៊ីហ្គេម ឆ្នាំ២០២៥ ដែលប្រទេសថៃទទួលធ្វើជាម្ចាស់ផ្ទះ ។ លោកថា ការប្រកួតជ្រើសរើសជើងឯកថ្នាក់ជាតិ ដែលសហព័ន្ធកីឡាគ្រីកឃីតកម្ពុជារៀបចំឡើងរយៈពេល ២ថ្ងៃនេះ គឺជាការប្រកួតមួយដែលបានផ្តល់ឱកាសឲ្យកីឡាករការិនីយើងទាំងអស់គ្នាបញ្ចេញនូវសមត្ថភាព ដើម្បីទទួលបានឱកាសចូលរួមជាក្រុមជម្រើសជាតិហ្វឹកហាត់បំបន់ដោយគ្រូជំនាញរបស់សហព័ន្ធឈានទៅរកការប្រជែងមេដាយជូនជាតិ ដោយគុណភាពសម្រាប់ការប្រកួតលក្ខណៈអន្តរជាតិ។ ដូច្នោះហើយ ការប្រកួតនាពេលនេះ សូមឲ្យកីឡាករការិនីប្រកួតដោយចូលរួមគោរពនូវលក្ខខ័ណ្ឌបច្ចេកទេសឲ្យបានត្រឹមត្រូវ និងលេងដោយយុត្តិធម៌ ព្រោះការប្រកួតនូវពេលនេះ ជាបទពិសោធន៍ ដែលយើងត្រូវរៀនសូត្រ មុននឹងយើងឈានជើងចូលរួមចូលរួមប្រកួតនៅក្រៅប្រទេសតំណាងជាតិទាំងមូល។ ទន្ទឹមជាមួយគ្នានេះ អគ្គលេខាធិការ សហព័ន្ធបានគូសបញ្ជាក់ទៀតថា គ្រីកឃីតរបស់កម្ពុជា គឺជាប្រភេទកីឡាមួយថ្មីដែលទើបតែនិងកកើតប៉ុណ្ណោះ ។ ដូច្នោះទាមទាឲ្យកីឡាករការិនី និង ថ្នាក់ដឹកនាំយើងទាំងអស់គ្នាចូលរួមធ្វើការផ្សព្វផ្សាយឲ្យបានផុសផុល ដើម្បីឲ្យប្រភេទកីឡាថ្មីមួយនេះ ត្រូវបានស្គាល់ច្រើនទូទាំងប្រទេស ដែលជាការគៀគរឲ្យមានក្រុមចូលរួមប្រកួតប្រជែងបានកាន់ច្រើន ចំរាញ់បាននូវធនធានកីឡាករការិនីល្អៗជាជម្រើសជូនសហព័ន្ធ ។ ជាមួយគ្នានេះ លោក អគ្គលេខាធិការថា នូវពេលខាងមុខនេះ សហព័ន្ធនឹងបញ្ជូនគ្រូជំនាញៗរបស់សហព័ន្ធចុះបណ្តុះបណ្តាលនៅតាមខេត្ត ដែលជាការពង្រីកឲ្យបាននូវធនធានគ្រូបង្វឹក ចៅក្រមអាជ្ញាកណ្តាល ដើម្បីជំរុញអភិវឌ្ឍកីឡាគ្រីកឃីតរបស់កម្ពុជាឲ្យកាន់តែមានសក្កានុពល ។…

ប៉ាតាយ៉ា៖ ព្រឹត្តការណ៍ប្រកួតម៉ូតូទឹក Jet Ski World Cup Series 2023 នៅទីក្រុងប៉ាតាយ៉ា ប្រទេសថៃ បានឈានដល់ថ្ងៃទី៣ ខណៈ កីឡាករកម្ពុជានៅបន្តការប្រកួត ក្រោយដណ្តើមបានមេដាយ៣គ្រឿង ប្រាក់១ និងសំរឹទ្ធ២គ្រឿងកាលពីថ្ងៃទី ១៤ខែធ្នូម្សិលមិញ។ កីឡាករ ហ្វីលីន សាលី បាននិយាយថា ទោះបីមិនបានសម្រាក ពេញ លេញ មិនសូវមានពេលហាត់គ្រប់គ្រាន់ ម្យ៉ាងទើបចប់ពីការប្រកួត នៅសហរដ្ឋអាមេរិក និងការប្រកួតជើងឯកបុណ្យសមុទ្រ នៅខេត្តកែប ជាពិសេសមានកីឡាករច្រើនចូលរួមប្រកួត តែខ្ញុំសប្បាយចិត្តដែល ដណ្តើម បានមេដាយជូនកម្ពុជា។ ហ្វីលីន សាលី បន្តថា គណៈកម្មការ Jet Ski World Cup Series 2023នេះ កីឡាករខ្លាំងៗចូលរួមច្រើន ។ណាមួយវិញ្ញាសាតិច ប្រកួត បាន តែមួយវិញ្ញាសា មិនដូចការប្រកួតនៅសហរដ្ឋអាមេរិកនៅទេ។ ដូច្នេះហើយទើបដណ្តើមបានមេដាយតែមួយគ្រឿង។ គួររម្លឹកថា កាលពីថ្មីនេះ ក្រុមកីឡាករម៉ូតូទឹកកម្ពុជា បានដណ្តើម មេដាយសរុបចំនួន៩គ្រឿង…

(ភ្នំពេញ)៖ អគ្គលេខាធិការកីឡាវាយកូនបាល់កម្ពុជា លោក ទេព រិទ្ធីវិទ្ធ ត្រូវបានជ្រើសរើសជាសមាជិកក្រុមប្រឹក្សាភិបាលសហព័ន្ធកីឡាវាយកូនបាល់អាស៊ី (ATF) ជាថ្មី។ ការបោះឆ្នោតត្រូវបានធ្វើឡើងកាលពីថ្ងៃអង្គារ ទី១២ ខែធ្នូ កន្លងទៅនេះក្នុងទីក្រុងបាងកក ប្រទេសថៃ ក្នុងកិច្ចប្រជុំ ទូទៅប្រចាំឆ្នាំរបស់សហព័ន្ធកីឡាវាយកូនបាល់អាស៊ី ATF។ សហព័ន្ធកីឡាវាយកូនបាល់អាស៊ី មានសមាគមជាតិចំនួន 44 ប្រទេស ដែល រួមគ្នាដើម្បីកែលម្អ និងលើកកម្ពស់គុណភាពកីឡាវាយកូនបាល់ អាស៊ី បន្ថែមពីលើការលើកកម្ពស់កីឡាក្នុងចំណោមប្រជាជន កាន់តែ ច្រើននៃអាស៊ី។ នេះជាអាណត្តិទីបីជាប់គ្នារបស់ លោក ទេព រិទ្ធីវិទ្ធ ដែលកំពុងបម្រើនៅក្រុមប្រឹក្សាភិបាល ATF តំណែងរបស់លោកនឹងត្រូវ បន្តសម្រាប់អាណត្តិឆ្នាំ 2024-2027 ខាងមុខ។ ក្នុងចំណោមសមា ជិក ទាំង ១៤រូប ដែលជាប់ឆ្នោតជាសមាជិក ក្រុមប្រឹក្សានេះ លោក ទេព រិទ្ធីវិទ្ធ ទទួលបានសំឡេងគាំទ្រច្រើនជាងគេទី២ រួមជាមួយបេក្ខជន ពីររូបទៀត ដែលមានសំឡេងសរុប ៤៦។ នៅក្នុងក្រុមប្រឹក្សាភិបាល កម្ពុជាគឺជាសមាគមជាតិមួយក្នុងចំណោមសមាគមជាតិចំនួនបី ដែលមកពីតំបន់អាស៊ីអាគ្នេយ៍។ ជាលទ្ធផលនៃការបោះឆ្នោតនៅឆ្នាំនេះ…