ប៉ារីស៖ យន្តហោះធុនតូចដឹកអ្នកទេសចរណ៍មួយគ្រឿងបានធ្លាក់ នៅតំបន់ Seine-et-Marne ជិតទីក្រុងប៉ារីស បណ្តាលឲ្យស្លាប់មនុស្ស ចំនួន៣នាក់ កាលពីថ្ងៃអាទិត្យ។ យោងតាមប្រភពព័ត៌មាន ពីប៉ូលីសបានឱ្យដឹងថា យន្តហោះម៉ាក Cesna 172 មួយគ្រឿងនេះ បានធ្លាក់មកលើផ្លូវ A4 ក្នុងទីក្រុង Nosiel នៅម៉ោងប្រហែល ៤ រសៀល បន្ទាប់ពីយន្តហោះ បានប៉ះនឹងខ្សែភ្លើង ដែលមានតង់ស្យុងខ្ពស់។ រដ្ឋអាជ្ញាប្រចាំតំបន់ Meaux លោក Jean-Baptiste Bladier បានប្រាប់ទីភ្នាក់ងារព័ត៌មាន AFP ថា ជនរងគ្រោះ គឺជាបុរសពីរនាក់ និងស្ត្រីម្នាក់ ដោយបន្ថែមថា អ្នកបើកយន្តហោះ ទើបតែមានប័ណ្ណបើកប កាលពីឆ្នាំមុន ហើយមានវ័យត្រឹម៣៥ឆ្នាំ ដោយមានបទពិសោធន៍បើកបរ មិនដល់១០០ម៉ោងនោះទេ។ ការិយាល័យរដ្ឋអាជ្ញា Meaux បានបញ្ជាឱ្យមានការស៊ើបអង្កេតបន្ថែម ហើយទីភ្នាក់ងារសុវត្ថិភាពអាកាសចរណ៍ស៊ីវិល ហៅកាត់ BEA ក៏បានបើកការស៊ើបអង្កេត ផ្នែករដ្ឋបាលផងដែរ។ អ្នកស្រុកបានរិះគន់ពីគ្រោះថ្នាក់យន្តហោះទេសចរណ៍ នៅតំបន់នោះ។ កាលពីខែកក្កដា ឆ្នាំ២០២៣ ក៏ហេតុការណ៍យនុ្តហោះទេសចរណ៍បុករនាំង…

យោងតាមរបាយការណ៍ពីរដ្ឋាភិបាលសិង្ហបុរី សិង្ហបុរីបានរឹបអូសបានលុយកង្វក់ ឬ ប្រាក់ដែលជាប់ ទាក់ទងនឹងឧក្រិដ្ឋកម្ម និងការលាងលុយ ចំនួន៤.៤ពាន់លានដុល្លារអាមេរិក ចាប់តាំងពីឆ្នាំ២០១៩មក។ ប្រភពបានឲ្យដឹងទៀតថា មកដល់ពេលនេះ ក្នុងចំណោមទឹកប្រាក់ដែលរឹបអូស មានជាង៣០០ លានដុល្លារ ត្រូវបានប្រគល់ជូនជនរងគ្រោះវិញ ហើយជាង៧០០លានដុល្លារផ្សេងទៀត ត្រូវបាន ទុកជាសម្បត្តិរដ្ឋ។ របាយការណ៍បន្តថា ការស៊ើបអង្កេត ឬ ដំណើរការតុលាការ កំពុងបន្ត សម្រាប់ប្រាក់ដែលនៅសេសសល់ភាគច្រើន។ ក្នុងវេទិកាហិរញ្ញវត្ថុមួយ កាលពីថ្ងៃពុធ នាយករដ្ឋមន្រ្តីសិង្ហបុរី លោក Lawrence Wong បាននិយាយ ថា «ក្នុងនាមជាមជ្ឈមណ្ឌលហិរញ្ញវត្ថុ និងធុរកិច្ចអន្តរជាតិ យើងទទួលស្គាល់ថា សិង្ហបុរីប្រឈមមុខនឹងការ លាងលុយកខ្វក់ និងហានិភ័យហិរញ្ញប្បទានភេរវកម្ម កាន់តែធំ..ប៉ុន្តែ យើងប្តេជ្ញាធ្វើអ្វីដែលចាំបាច់ដើម្បី ឆ្លើយតបទៅនឹងហានិភ័យទាំងនេះ និងការពារកេរ្តិ៍ឈ្មោះ ជាមជ្ឈមណ្ឌលហិរញ្ញវត្ថុ ដែលអាចទុកចិត្ត បាន»។ របាយការណ៍នេះបានចេញផ្សាយ បន្ទាប់ពីរឿងអាស្រូវប្រាក់កខ្វក់ដ៏ធំ បានធ្វើឱ្យខូចកេរ្តិ៍ឈ្មោះស្អាតស្អំ របស់ប្រទេស ក្នុងតំបន់អាស៊ីអាគ្នេយ៍មួយនេះ កាលពីឆ្នាំមុន។ នៅពេលនោះ មានការឆ្មក់បង្ក្រាប ជាច្រើនដង នៅក្នុងសំណុំរឿងលាងលុយ សរុបជាង២ពាន់លានដុល្លារអាមេរិក។…

បរទេស៖ អាជ្ញាធរព្រែកជីក ប៉ាណាម៉ា (Panama) ហៅកាត់ ACP បានឲ្យដឹងថា ព្រែកជីកប៉ាណាម៉ា នៅតែបន្តប្រឈមមុខនឹងការខ្វះខាតទឹក បើទោះបីជាចូលដល់រដូវវស្សា និងមានភ្លៀងធ្លាក់ក៏ដោយ។ ព្រែកជីកប៉ាណាម៉ា គឺជាផ្លូវទឹកនៅក្នុងប្រទេសប៉ាណាម៉ា ដែលស្ថិតនៅអាមេរិកកណ្តាល។ ព្រែកនេះ ភ្ជាប់មហាសមុទ្រអាត្លង់ទិក និងមហាសមុទ្រប៉ាស៊ីហ្វិក។ ACP បាននិយាយ នៅក្នុងសេចក្តីថ្លែងការណ៍មួយថា «ផ្លូវទឹកនេះបានប្រឈមមុខនឹងផលប៉ះពាល់ នៃរដូវប្រាំង ដែលអូសបន្លាយ តាំងពីឆ្នាំមុននេះ ក្នុងនោះ មានការកំណត់កម្រិតសមត្ថភាពឆ្លងកាត់ ប្រចាំថ្ងៃ ជាដើម ហើយទោះបីចាប់ផ្តើមរដូវវស្សាក៏ដោយ បញ្ហាខ្វះទឹកក្នុងព្រែកជីក Panama នៅបន្ត»។ អាជ្ញាធរ ACP បានអំពាវនាវឱ្យមានប្រភពទឹកជំនួស ក៏ដូចជា គម្រោងស្តុកទឹកដើម្បីដោះស្រាយបញ្ហា នេះ ដោយយកព្រែកជីក ស៊ូអេស (Suez) ជាគំរូ។ ព្រែកជីក ស៊ូអេស (Suez) មានជំនួយពីបឹងសិប្បនិម្មិតនៅតំបន់ Gatun និង Alajuela។ គួរម្លឹកថា បាតុភូត El Nino កាលពីឆ្នាំ២០២៣ បានបណ្តាលឲ្យព្រែកជីក…

តូក្យូ៖ ដោយសារតែកង្វះអ្នកបើកបរឡានដឹកទំនិញ ជប៉ុនបានប្រកាសពីគម្រោងស្ថាបនា ផ្លូវដឹកទំនិញ ស្វ័យប្រវត្ថិដែលមិនត្រូវការមានអ្នកបើកបរ ដែលមានចម្ងាយ៥០០គីឡូម៉ែត្រ លាតសន្ធឹងរវាងទីក្រុងតូក្យូ និងអូសាកា។ នេះបើតាមគេហទំព័រ Interesting Engineering កាលពីថ្ងៃពុធ។ ការសាងសង់នឹងរួមបញ្ជូលការជីកផ្លូវរូងក្រោមដី ផ្លូវដែលនៅចំពីក្រោមផ្លូវហាយវេឬផ្លូវល្បឿន និងផ្លូវអម ផ្លូវហាយវេ។ រដ្ឋាភិបាលបានអះអាងថា គម្រោងថ្មីនេះ មានគោលបំណងដោះស្រាយវិបត្តិភស្តុភារ ដែលកំពុងកើតឡើង ដោយសារតែការធ្លាក់ចុះនៃចំនួនអ្នកបើកឡានដឹកទំនិញ ចំពេលអត្រាមនុស្សវ័យចំណាស់បានកើន ឡើង។ ក្រសួងដឹកជញ្ជូនជប៉ុនអះអាងថា គម្រោងផ្លូវស្វ័យប្រវត្តិនេះនឹងការត់បន្ថយការបំភាយឧស្ម័នផ្ទះកញ្ចក់ នឹងអាចជំនួសការងាររបស់អ្នកបើកបរ ចំនួន២៥០០០លើក ជាប្រចាំថ្ងៃ ដោយឡានមួយគ្រឿងៗ ផ្ទុកទំនិញ បាន១តោន។ ការសិក្សារបស់វិទ្យាស្ថានស្រាវជ្រាវ Nomura ប៉ាន់ប្រមាណថា ការដឹកជញ្ជូនទំនិញ នឹងធ្លាក់ចុះ ពី១.៤៣ពាន់លានតោន ក្នុងឆ្នាំ២០២០ មកត្រឹម ១.៤ ពាន់លានតោន ក្នុងឆ្នាំ២០៣០។ កង្វះអ្នកបើកបរ រថយន្តដឹកជញ្ជូនត្រូវបានបារម្ភថា នឹងធ្លាក់ចុះពីចំនួន៦៦ម៉ឺននាក់ មកត្រឹម ៤៨ម៉ឺននាក់ នៅឆ្នាំ២០៣០ ឬស្មើនឹង ៣៦ភាគរយ។ប្រភពពី AFP ប្រែសម្រួល៖ សារ៉ាត

បរទេស៖ ទីក្រុងឌុយបៃ នៃប្រទេស អេមីរ៉ាត់ អារ៉ាប់រួម កាលពីថ្ងៃចន្ទ បានប្រកាសពីផែនការចំណាយប្រាក់ ចំនួន៨ពាន់លានដុល្លារ បង្កើតប្រព័ន្ធបង្ហូរទឹកភ្លៀងដ៏ធំ ពុំធ្លាប់មាន ដើម្បីទប់ស្កាត់ កុំឲ្យប្រទេសវាលខ្សាច់មួយនេះ កើតមាននូវជំនន់ទឹកភ្លៀងធ្ងន់ធ្ងរ ដូចកាលពីប៉ុន្មានខែមុន ជាថ្មីទៀត នាពេលអនាគត។ អភិបាលក្រុងឌុយបៃ លោក Sheikh Mohammed បានប្រកាស តាមរយៈបណ្តាញសង្គម X ថា ប្រព័ន្ធលូបង្ហូរទឹកភ្លៀងនេះ នឹងត្រូវចាប់ផ្តើមសាងសង់ ឆាប់ៗនេះ ហើយគ្រោងនឹងបញ្ចប់ នៅឆ្នាំ២០៣៣។ ប្រភពបានបន្តថា បណ្តាញនេះនឹងគ្របដណ្តប់ គ្រប់តំបន់ទាំងអស់ នៃទីក្រុងឌូបៃ ហើយនឹងស្រូបយកទឹកច្រើនជាង ២០លានម៉ែត្រគូប ក្នុងមួយថ្ងៃ។ បណ្តាញលូនេះនឹងបង្កើនសមត្ថភាពបង្ហូរទឹកភ្លៀង និងត្រៀមខ្លួន ក្នុងការប្រឈមមុខនឹងបញ្ហាអាកាសធាតុ នាពេលអនាគត។ លោកថា វាអាចត្រូវបានចាត់ទុកបានថា ជាបណ្តាញលូបង្ហូរទឹកភ្លៀង ដ៏ធំបំផុត នៅក្នុងតំបន់។ គួររម្លឹកថា ភ្លៀងធ្លាក់ខ្លាំងបានវាយប្រហារប្រទេស អេមីរ៉ាត់ អារ៉ាប់រួម កាលពីថ្ងៃទី ១៦ ខែមេសា សម្លាប់មនុស្ស ៤នាក់ ជន់លិចផ្ទះសម្បែង…

បរទេស៖ អង្កការសុខភាពពិភពលោក ហៅកាត់ WHO បានចេញរបាយការណ៍ថ្មីមួយ កាលពីថ្ងៃអង្គារថា ក្នុងប៉ុន្មានឆ្នាំ ថ្មីៗនេះ មនុស្ស ២លាន៦សែន នាក់បានស្លាប់ ជារៀងរាល់ឆ្នាំ ដោយសារតែគ្រឿងស្រវឹង។ ស្លាប់ដោយសារការបើកបរទាំងស្រវឹង អំពើហិង្សា ការរំលោភបំពាន និងការមានជំងឺដោយសារផឹកស្រា។ របាយការណ៍ WHO បានឲ្យដឹងដែរថា សមាមាត្រខ្ពស់បំផុតនៃការស្លាប់ ដោយសារគ្រឿងស្រវឹង ស្ថិតក្នុងចំណោមមនុស្ស ដែលមានអាយុពី២០ ទៅ ៣៩ឆ្នាំ។ WHO ថា ក្នុងចំណោមមនុស្ស ២០នាក់ មានជិតម្នាក់បានស្លាប់ រាល់ថ្ងៃ ហើយជិតបីភាគបួន នៃអ្នកស្លាប់ទាំងនោះ គឺជាបុរស។ អគ្គនាយក WHO លោក Tedros Adhanom បាននិយាយថា ការប្រើប្រាស់សារធាតុស្រវឹង ប៉ះពាល់យ៉ាងធ្ងន់ធ្ងរ ដល់សុខភាពបុគ្គល, បង្កើនហានិភ័យនៃជំងឺរ៉ាំរ៉ៃ, សុខភាពផ្លូវចិត្ត ជាដើម។ របាយការណ៍នេះ បង្ហាញថា នៅអឺរ៉ុបមានមនុស្សផឹកគ្រឿងស្រវឹង កម្រិតខ្ពស់បំផុត។ បន្ទាប់មក គឺនៅអាមេរិក ហើយការផឹកគ្រឿងស្រវឹងកម្រិតទាបបំផុត គឺក្នុងប្រទេសមូស្លីម…