ហ្សាកាតា៖ ឥណ្ឌូណេស៊ី ដែលជាប្រទេសដាំ និងនាំចេញផ្លែទុរេនធំជាងគេមួយរបស់ពិភពលោក បានដាក់គោលដៅពង្រីកការលក់ផ្លែឈើប្រភេទនេះទៅកាន់ប្រទេសចិនឲ្យបានដល់ ៨ ពាន់លានដុល្លារក្នុងមួយឆ្នាំ ។ នេះបើតាមកាសែត VNexpress ។ លោក Luhut Binsar Pandjaitan រដ្ឋមន្ត្រីសម្របសម្រួលកិច្ចការសមុទ្រ និងវិនិយោគឥណ្ឌូណេស៊ី ដែលជាអ្នកសម្របសម្រួលកិច្ចសហប្រតិបត្តិការ ជាមួយប្រទេសចិន បាននិយាយថា រដ្ឋាភិបាលឥណ្ឌូណេស៊ី បានធ្វើការជាមួយវិទ្យាស្ថានជីណូមិច នៅទីក្រុងប៉េកាំង ដើម្បីធានាឲ្យបាន នូវទុរេនដែលមានគុណភាពខ្ពស់ សម្រាប់ការនាំចេញ ។ តាមរយៈកិច្ចសហការនេះ នឹងមានការពង្រីកផ្ទៃដីដាំទុរេនប្រហែល ១០០ ហិកតានៅក្នុងខេត្តស៊ូម៉ាត្រាខាងជើង និងប៉ាពួខាងលិច ហើយគ្រោងនឹងពង្រីកបន្ថែម នៅក្នុងខេត្តផ្សេងៗទៀតផងដែរ ។ មន្ត្រីរូបនេះបានបន្ថែមថា ទីតាំងទាំងនោះអាចដាំទុរេន បានតាមតម្រូវការទីផ្សារប្រទេសចិន។ ឥណ្ឌូណេស៊ីបាននាំចេញទុរេន តម្លៃ ៤.៥ ពាន់លានដុល្លារទៅកាន់ប្រទេសចិនក្នុងឆ្នាំ ២០២២ ហើយបានឈានដល់ ៦.៧ ពាន់លានដុល្លារ ក្នុងឆ្នាំ ២០២៣ ។ នេះបើយោងតាមក្រសួងពាណិជ្ជកម្មរបស់ប្រទេសឥណ្ឌូណេស៊ី ។ កាលពីឆ្នាំ ២០២៣ ប្រទេសប្រជុំកោះមួយនេះ ទទួលបានទិន្នផលទុរេន…

ហាណូយ៖ ប្រទេសវៀតណាមបាននាំចេញអង្ករចំនួន ៤ លាន ៦៨ ម៉ឺនតោនក្នុងរយៈពេល ៦ ខែដំបូងនៃឆ្នាំ ២០២៤ ដោយកើបលុយបានជិត ៣ ពាន់លានដុល្លារ ។ នេះបើតាមការចុះផ្សាយរបស់កាសែត VNexpress ។ យោងតាមក្រសួងកសិកម្ម និងអភិវឌ្ឍន៍ជនបទវៀតណាមបានឱ្យដឹងថា តួលេខនេះកើនឡើង ១០.៤% សម្រាប់បរិមាណ ខណៈតម្លៃវិញកើនឡើង ៣២% បើប្រៀបធៀបនឹងរយៈពេលដូចគ្នាកាលពីឆ្នាំ ២០២៣ ។ នៅឆមាសទី ១ ឆ្នាំ២០២៤ វៀតណាមបានប្រមូលផលស្រូវលើផ្ទៃដី ៣ លាន ៤៨ ហិកតា និងទទួលបានទិន្នផលសរុបជាង ២៣ លានតោន កើនឡើង ១.៦% ។ កាលពីឆ្នាំមុនប្រទេសវៀតណាមបាននាំចេញអង្ករជាង ៨ លានតោនក្នុងតម្លៃ ៤.៦ ពាន់លានដុល្លារ ។ ប្រទេស និងតំបន់ជុំវិញពិភពលោកប្រមាណ ១៨០ សុទ្ធសឹងតែជាអ្នកទិញអង្ករវៀតណាម ខណៈហ្វីលីពីនគឺជាប្រទេសទិញធំជាងគេ បន្ទាប់មកទៀតមានដូចជា ប្រទេសថៃ ឥណ្ឌា បង់ក្លាដែស…

ប៉ូលិសបាននិយាយថា មនុស្សយ៉ាតិចណាស់ ចំនួន៩នាក់បានស្លាប់ និង៤ នាក់ផ្សេងទៀតបានរងរបួស នៅពេលដែលរថយន្តមួយគ្រឿង ត្រូវបានគេបើក ជ្រុលទៅបុកអ្នកថ្មើរជើង នៅជិតសាលាក្រុងសេអ៊ូល របស់ប្រទេសកូរ៉េខាងត្បូង កាលពីថ្ងៃចន្ទ។ អ្នកពន្លត់អគ្គីភ័យ ឈ្មោះ Kim Chun-soo បាននិយាយថា មានអ្នកស្លាប់ចំនួន ៦ នាក់នៅកន្លែងកើតហេតុ ខណៈដែល ៣នាក់ផ្សេងទៀតត្រូវបានគេប្រកាសថា បានស្លាប់ បន្ទាប់ពីបញ្ជូនទៅមន្ទីរពេទ្យភ្លាមៗ។ ទីភ្នាក់ងារសារព័ត៌មានយ៉ុនហាប់របស់កូរ៉េខាងត្បូងបានរាយការណ៍ថា អ្នកបើកបរអាយុ ៦៨ ឆ្នាំបានបុកមនុស្សដែលកំពុងរង់ចាំសញ្ញាចរាចរណ៍។ យ៉ុនហាប់ បាននិយាយថា គាត់បានបើកបរក្នុងទិសដៅខុស ហើយបានបុករថយន្ត ពីរផ្សេងទៀត មុនពេលដែលបុករះអ្នកថ្មើរជើង។ លោក Kim Suk-hwan នាយកផ្នែកសុវត្ថិភាព និងដឹកជញ្ជូននៅការិយាល័យសង្កាត់ Jung-gu នៃទីក្រុងសេអ៊ូល បាននិយាយថា បុរសម្នាក់ត្រូវបានប៉ូលីសឃាត់ខ្លួន ជុំវិញឧប្បត្តិហេតុនេះ។ លោក Kim បាននិយាយថា ការស៊ើបអង្កេតកំពុងដំណើរការដើម្បីកំណត់ថា តើជាគ្រឿងញៀន ឬគ្រឿងស្រវឹងមានជាប់ពាក់ព័ន្ធ ឬយ៉ាងណា។ អភិបាលក្រុងសេអ៊ូល លោក Oh Se-hoon បានពណ៌នាថាជា…

អំឡុងការធ្វើកូដកម្ម រយៈពេលបីថ្ងៃ ក្រុមហ៊ុនអាកាសចរណ៍ធំបំផុតលំដាប់ទី២ របស់ប្រទេសកាណាដា WestJet បានលុបចោលជើងហោះហើរ ចំនួនជាង៤០០លើកគិតចាប់តាំងពីថ្ងៃសៅរ៍មក ដែលនាំឲ្យប៉ះពាល់ដល់អ្នកដំណើរ ជាង៥ម៉ឺន៥ពាន់នាក់។ កូដកម្មនេះកើតឡើង ពីការធ្វើពហិកា មិនបំពេញការងារ របស់បុគ្គលិកផ្នែកមេកានិចពាក់ព័ន្ធនឹងជម្លោះកិច្ចសន្យាលើប្រាក់ឈ្នួល និងលក្ខខណ្ឌការងារ។ ប្រធានក្រុមហ៊ុន WestJet លោក Diederik Pen បាននិយាយនៅក្នុងសេចក្តីថ្លែងការណ៍មួយ ដោយទម្លាក់កំហុស ទៅលើសមាគមសម្ព័ន្ធមិត្ត ផ្នែកម៉ាស៊ីនយន្តហោះ ចំពោះការធ្វើកូដកម្មនេះ។ រដ្ឋាភិបាលកាណាដាបានបញ្ជាឱ្យមានអាជ្ញាកណ្តាល ដោះស្រាយបញ្ចប់ជម្លោះជាបន្ទាន់។ ប៉ុន្តែមិនបានហាមឃាត់ការធ្វើកូដកម្មនោះទេ។ គួរបញ្ជាក់ថា ក្រុមហ៊ុនអាកាសចរណ៍ WestJet កំពុងធ្វើប្រតិបត្តិការហោះហើរយន្តហោះពាណិជ្ជកម្ម ទៅកាន់គោលដៅ ជាង១០០ទីតាំង នៅប្រមាណ ៣០ប្រទេស៕ ប្រភពពី AFP ប្រែសម្រួល៖ សារ៉ាត

កាម៉ាន់ឌូ៖ ប្រទេសនេប៉ាល់បានប្រារព្ធពិធីបុណ្យស្រូវជាតិ ដែលជាពិធីបុណ្យប្រចាំឆ្នាំរបស់ប្រទេសអាស៊ីខាងត្បូងមួយនេះ ជាថ្ងៃដែលប្រជាជននេប៉ាល់ចាត់ទុកថា ជាថ្ងៃចាប់ផ្តើមរដូវដាំដុះស្រូវ។ កសិកររាប់ពាន់នាក់ និងក្រុមគ្រួសាររបស់ពួកគេនៅទូទាំងប្រទេសនេប៉ាល់ បានប្រមូលផ្តុំគ្នាដាំកូនឈើ លេងនៅវាលភក់ ច្រៀង រាំ និងទទួលទានអាហារក្នុងពិធីបុណ្យស្រូវជាតិប្រចាំឆ្នាំ ដែលធ្វើឡើងក្នុងថ្ងៃដែលគេចាត់ទុកថា ជាថ្ងៃល្អសម្រាប់ការដាំដុះស្រូវ។ ពិធីបុណ្យនេះ ជាទូទៅ ប្រជាជននេប៉ាល់តែងតែរៀបចំឡើងក្នុងអំឡុងខែមិថុនា និងខែកក្កដា ជារៀងរាល់ឆ្នាំ។ កសិករ និងក្រុមគ្រួសាររបស់ពួកគេបានច្រៀងចម្រៀងប្រពៃណី ដើម្បីស្វាគមន៍ទឹកភ្លៀង និងអរគុណព្រះដែលបានផ្ញើទឹកភ្លៀងមកទាន់ពេលវេលា។ ក្រោយពីដាំស្រូវរួច កសិករចូលរួមកម្មវិធីទាំងនោះ បាននាំគ្នាលេងដីភក់ និងខ្សាច់ ហើយរាំលេងកំសាន្ត មុននឹងធ្វើពិធីបុណ្យ។ នៅកន្លែងផ្សេងទៀតក្នុងប្រទេសនេប៉ាល់ ប្រជាជនបាននាំគ្នាញ៉ាំទឹកដោះគោជូរ និងអង្ករសម្រូបជាមួយផ្លែស្វាយ និងចេក ដើម្បីប្រារព្ធពិធីបុណ្យនេះនៅតាមផ្ទះរៀងៗខ្លួន។ រដ្ឋាភិបាលនេប៉ាល់ក៏បានប្រកាសពិធីបុណ្យស្រូវជាតិ ជាថ្ងៃឈប់សម្រាកផងដែរ ហើយព្យាយាមជំរុញប្រជាជនឱ្យបន្ត ឬវិលមកធ្វើស្រែវិញ ខណៈដែលមនុស្សជាច្រើនបានងាកទៅចាប់អាជីពផ្សេងៗទៀត។ គួរបញ្ជាក់ថា ស្រូវគឺជាអាហារសំខាន់សម្រាប់ប្រជាជននេប៉ាល់រាប់លាននាក់ ហើយជាទូទៅដំណាំនេះត្រូវបានដាំម្តងក្នុងមួយឆ្នាំ គឺនៅក្នុងអំឡុងខែមិថុនា និងខែកក្កដា ហើយប្រមូលផលប្រហែលបួនខែក្រោយមក៕ ប្រភព៖ AFP ប្រែសម្រួលដោយ៖ ឈឹម ទីណា