ក្រុមហ៊ុនស្តុកថាមពលអង់គ្លេស Highview Power បានបង្កើតរោងចក្រ ផលិតថ្មថាមពលអគ្គិសនី ចេញពីខ្យល់រាវដំបូងគេនៅចក្រភពអង់គ្លេស។ ថ្មខ្យល់រាវ ឬ liquid air battery ត្រូវបានគេស្គាល់ថាជា ស៊ីឡាំង Cryogenic ជាប្រភេទឃ្លាំងផ្ទុកថាមពលកកើតឡើងវិញ កើតចេញពីខ្យល់បក់ ឬ ពន្លឺថ្ងៃ។ ឃ្លាំងផ្ទុកថ្មីនេះ បញ្ចេញថាមពលអគ្គិសនី តាមតម្រូវការអ្នកប្រើប្រាស់។ ក្រុមហ៊ុន Highview ទទួលបានមូលនិធិ ចំនួនជិត៤០០លានដុល្លារអាមេរិក ពីរដ្ឋាភិបាលអង់គ្លេសដើម្បីអភិវឌ្ឍន៍ថ្មសាកថាមពលនេះ។ នេះបើតាមការចេញផ្សាយ របស់គេហទំព័រ The Next Web។ ការសាងសង់រោងចក្របានចាប់ផ្តើមហើយ នៅក្នុងទីក្រុង Manchester ដោយគ្រោងនឹងបញ្ចប់ នៅដើមឆ្នាំ២០២៦ ហើយក្រុមហ៊ុន Highview Power រំពឹងថា គម្រោងនេះនឹងជួយ បង្កើតការងារបាន ជាង៧០០កន្លែង។ The Next Web បានឲ្យដឹងបន្ថែមថា ពេលសាងសង់រួចរាល់ រោងចក្រមួយនេះ អាចផ្តល់ថាមពលបម្រុង សម្រាប់ប្រើប្រាស់ ដល់ប្រមាណ ៣០ម៉ឺនផ្ទះ ខណៈដែលថ្មប្រភេទនេះ អាចផ្ទុកថាមពលអគ្គិសនីបាន…

បរទេស៖ អង្គការក្រៅរដ្ឋាភិបាល Transport & Environment នៅថ្ងៃអង្គារនេះ បានចេញផ្សាយថា ការបំពុលបរិយាកាស នៅអាកាសយានដ្ឋានអឺរ៉ុប បាននិងកំពុងគំរាមកំហែង ដល់សុខភាពមនុស្ស ៥២លាននាក់ ដែលរស់នៅក្នុងបរិវេណ ២០គីឡូម៉ែត្រ ជុំវិញព្រលាន។ ការបំពុលនេះគឺកើតឡើងតាមរយៈកំហាប់ខ្ពស់នៃភាគល្អិតតូចៗ ដែលបញ្ចេញដោយឥន្ធនៈអាកាសចរណ៍។ ភាគល្អិត Ultrafine ឬ ដែលមានទំហំតូចជាងសរសៃសក់របស់មនុស្សប្រហែល ១០០០ ដង ដែលអាចជ្រាបចូលទៅក្នុងជាលិការបស់មនុស្ស បានយ៉ាងងាយស្រួល។ អង្គការនេះបានផ្តល់យោបល់ឲ្យការកាត់បន្ថយចរាចរណ៍ផ្លូវអាកាស និងការកែលម្អគុណភាពឥន្ធនៈយន្តហោះ ជាដំណោះស្រាយបន្ទាន់៕ ប្រភពពី AFP ប្រែសម្រួល៖ សារ៉ាត

ផ្អែកតាមការចេញផ្សាយរបស់កាសែត VNexpress នាយកប្រតិបត្តិនៃក្រុមហ៊ុនរដ្ឋវៀតណាម Vietnam Airlines លោក Le Hong Ha បាននិយាយថា វៀតណាមនឹងខ្វះយន្តហោះដឹកភ្ញៀវពេញមួយឆ្នាំ ២០២៤ នេះ និងបន្តដល់ឆ្នាំក្រោយទៀត ដោយសារយន្តហោះខូចម៉ាស៊ីន។ ថ្លែងនៅក្នុងកិច្ចប្រជុំប្រចាំឆ្នាំរបស់ក្រុមហ៊ុន កាលពីថ្ងៃសុក្រ លោក Le Hong Ha បាននិយាយថាម៉ាស៊ីនយន្តហោះប្រហែល ៣៥០០គ្រឿង ត្រូវបានប្រមូលជួសជុល នៅទូទាំងពិភពលោក ហើយ១គ្រឿងៗ ត្រូវចំណាយពេល ពី៩០ ទៅ ៣០០ថ្ងៃ ដើម្បីជួសជុល ជាមធ្យម។ ម៉ាស៊ីនមួយចំនួន នៅក្នុងយន្តហោះធំៗ ដូចជា Airbus A350 និង Boeing B787 ក៏រងការខូចខាតដែរ។ ចំណែក ការបញ្ជាទិញយន្តហោះ ថ្មីៗ ពីក្រុមហ៊ុន Airbus និង Boeing ត្រូវចាំរហូតដល់ឆ្នាំ២០៣០ ឬ ២០៣១។ ការណ៍នេះ ធ្វើឲ្យក្រុមហ៊ុន Vietnam Airlines…

មូស្គូ៖ មន្ត្រីរុស្ស៊ីបានរាយការណ៍ថា ខ្មាន់កាំភ្លើងបានវាយប្រហារនៅព្រះវិហារ និងសាលាប្រជុំនានាក្នុងតំបន់ Caucasus ខាងជើងនៃទីក្រុង Dagestan របស់ប្រទេសរុស្ស៊ី កាលពីថ្ងៃអាទិត្យសប្តាហ៍មុន ដោយបានសម្លាប់ប៉ូលិសយ៉ាងហោចណាស់ ៨នាក់, មន្ត្រីឆ្មាំជាតិ និងបូជាចារ្យម្នាក់។ ខ្មាន់កាំភ្លើងមិនស្គាល់អត្តសញ្ញាណបានបើកការវាយប្រហារដំណាលគ្នានៅឯ Makhachkala ដែលជាទីក្រុងដ៏ធំបំផុតរបស់តំបន់ Dagestan និងនៅក្នុងទីក្រុងឆ្នេរសមុទ្រ Derbent។ គណៈកម្មាធិការស៊ើបអង្កេតរុស្ស៊ីបាននិយាយថា ខ្លួនបានបើកការស៊ើបអង្កេតផ្នែកឧក្រិដ្ឋកម្មទៅលើ “អំពើភេរវកម្ម” នៅតំបន់ Dagestan ដែលជាតំបន់មានជនជាតិមូស្លីមភាគច្រើននៅក្នុងប្រទេសរុស្ស៊ី។ មេដឹកនាំតំបន់ Dagestan លោក Sergei Melikov បានបង្ហោះសារនៅលើទំនាក់ទំនងសង្គម Telegram ថា ល្ងាចនេះនៅ Derbent និង Makhachkala មានខ្មាន់កាំភ្លើងមិនស្គាល់អត្តសញ្ញាណ បានប៉ុនប៉ងធ្វើឱ្យស្ថានភាពនៅក្នុងសង្គមមានអស្ថិរភាព។ លោកបន្តថា យើងដឹងថា អ្នកណានៅពីក្រោយការវាយប្រហារភេរវកម្មទាំងនេះ និងមានគោលបំណងអ្វី ប៉ុន្តែលោកមិនបានបញ្ជាក់លំអិតទេ តែលោកប្រហែលជាចង់សំដៅទៅលើសង្រ្គាមនៅអ៊ុយក្រែន។ លោកបន្ថែមថា ដំណាក់កាលសកម្មនៃប្រតិបត្តិការនៅ Derbent និង Makhachkala បានបញ្ចប់ហើយ ខ្មាន់កាំភ្លើង៦នាក់ត្រូវបានកម្ចាត់។ ជាមួយគ្នានេះ អាជ្ញាធរនឹងព្យាយាមស្វែងរកជនជាប់ពាក់ព័ន្ធទាំងអស់ ដែលបានរៀបចំការវាយប្រហារ…