បរទេស៖ ក្រុមអ្នកការទូតនៃប្រទេស អារ៉ាប់ប៊ី សាអ៊ូឌីត បានឲ្យដឹងថា កាលពីថ្ងៃអង្គារថា សីតុណ្ហភាពឡើងកម្តៅដ៏ខ្លាំង បានបណ្តាលឲ្យស្លាប់អ្នកធ្វើធម្មយាត្រា យ៉ាងតិច ចំនួន៥៥០នាក់ អំឡុងពិធីបុណ្យ Hajj នៅក្នុងទីក្រុង Mecca នារយៈពេលប៉ុន្មានថ្ងៃ មកនេះ។ អ្នកការទូត អារ៉ាប់ប៊ី សាអ៊ូឌីត បានប្រាប់ AFP ថា ក្នុងចំណោមអ្នកស្លាប់សរុប ជនជាតិអេហ្ស៊ីបមានច្រើនជាងគេ គឺរហូតដល់ ៣២៣នាក់។ អាជ្ញាធរ អារ៉ាប់ប៊ី សាអ៊ូឌីត ធ្លាប់បានព្រមាន កាលពីខែមុនថា ធម្មយាត្រានៅឆ្នាំនេះ នឹងរងផលប៉ះពាល់ ដោយសារតែអាកាសធាតុក្តៅដ៏ខ្លាំង។ កាលពីថ្ងៃចន្ទ សីតុណ្ហភាពបានឡើងដល់ ជិត៥២ អង្សាសេ នៅទីក្រុង Mecca។ នេះបើតាម មជ្ឈមណ្ឌលឧតុនិយមជាតិ អារ៉ាប៊ី សាអូឌីត។ សម្រាប់ឆ្នាំនេះ អារ៉ាប់ប៊ី សាអ៊ូឌីត ទទួលអ្នកធ្វើធម្មយាត្រាប្រហែលជិត ២លាននាក់ ក្នុងនោះ ១.៦លាននាក់ មកពីបរទេស នេះបើយោងតាមអាជ្ញាធរ៕ ប្រភពពី AFP…

ហាណូយ៖ កាសែតវៀតណាម VNexpress បានចុះផ្សាយ នៅថ្ងៃពុធនេះថា មន្ត្រីពន្ធដារវៀតណាមបានលើកទឹកចិត្ត ឲ្យពលរដ្ឋទិញមាស ទូទាត់តាមរយៈគណនីធនាគារ ដើម្បីឱ្យអាជ្ញាធរអាចតាមដានប្រតិបត្តិការហិរញ្ញវត្ថុ និងទប់ស្កាត់ការលាងលុយកខ្វក់។ សាខាធនាគាររដ្ឋវៀតណាម នៅហូជិមិញ ធ្លាប់បានធ្វើសំណើស្រដៀងគ្នានេះ កាលពីខែឧសភា ដើម្បីធានាឱ្យមានតម្លាភាព នៅក្នុងទីផ្សារមាស។ ប៉ុន្តែ លោក Dang Ngoc Minh អគ្គនាយករង នៃអគ្គនាយកដ្ឋានពន្ធដារ អះអាងថា ការទិញមាសដោយសាច់ប្រាក់នៅតែពេញនិយម។ អ្នកវិភាគមួយចំនួនបានចង្អុលបង្ហាញថា សម្រាប់មនុស្ស ដែលមិនមានចំណេះដឹងផ្នែកបច្ចេកវិទ្យា អាចនឹងមានបញ្ហា ជាមួយនឹងការទូទាត់មិនមែនសាច់ប្រាក់។ ប៉ុន្តែពួកគេគិតថា គួរតែលើកទឹកចិត្ត ឲ្យទូទាត់តាមគណនីធនាគារ ដែរ។ វៀតណាមមានអាជីវកម្មមាស និងគ្រឿងអលង្ការចំនួន ១២៥០០កន្លែង ទូទាំងប្រទេស ហើយអ្នកទិញ ជាច្រើនបានបង់ប្រាក់ជាសាច់ប្រាក់ ហើយថែមទាំងមិនទាមទារវិក្កយបត្រ ដែលធ្វើឱ្យអាជ្ញាធរពន្ធដារមានការលំបាក ក្នុងការត្រួតពិនិត្យប្រតិបត្តិការទាំងនេះ។ វៀតណាមគឺជាទីផ្សារមាសដ៏ធំបំផុតមួយ នៅអាស៊ីអាគ្នេយ៍ ជាមួយនឹងការជួញដូរ ៥៥.៥ តោនក្នុងឆ្នាំ ២០២៣ នេះបើយោងតាមក្រុមប្រឹក្សាមាសពិភពលោក។ តម្លៃមាស បានកើនឡើង ២២% ក្នុងរយៈពេលប្រាំខែដំបូង ឆ្នាំ២០២៤…

ប៉ារីស៖ របាយការណ៍មួយបានឱ្យដឹងថ្មីៗនេះថា ការកើនឡើងករណីឆ្លងជំងឺផ្តាសាយបក្សី ក្នុងចំណោមថនិកសត្វ រួមទាំងគោ និងក្របី ជាសញ្ញាព្រមានច្បាស់ៗថា ពិភពលោកនៅមិនទាន់ត្រៀមខ្លួនរួចរាល់ ក្នុងការទប់ស្កាត់ជំងឺរាតត្បាតនាពេលអនាគតនោះទេ ដោយជំរុញឱ្យមេដឹកនាំចាត់វិធានការឱ្យបានឆាប់រហ័ស។ ជំងឺគ្រុនផ្តាសាយបក្សី H5N1 កំពុងរីករាលដាលកាន់តែខ្លាំងឡើងទៅលើថនិកសត្វ រួមទាំងគោ និងក្របីនៅក្នុងកសិដ្ឋានទូទាំងសហរដ្ឋអាមេរិក ក៏ដូចជាឆ្លងទៅក្នុងខ្លួនមនុស្សមួយចំនួនផងដែរ ដែលជំរុញឱ្យមានការព្រួយបារម្ភថា មេរោគនេះអាចបង្កឱ្យកើតមានជំងឺរាតត្បាតរាតត្បាតនាពេលអនាគត។ ជាការឆ្លើយតប សហអ្នកនិពន្ធរបាយការណ៍ និងជាអតីតនាយករដ្ឋមន្ត្រីនូវែលសេឡង់ លោកស្រី Helen Clark បាននិយាយនៅក្នុងសន្និសីទសារព័ត៌មានមួយថា ប្រសិនបើជំងឺផ្តាសាយបក្សី H5N1 ចាប់ផ្តើមរីករាលដាលពីមនុស្សម្នាក់ទៅមនុស្សម្នាក់ទៀត នោះពិភពលោកអាចនឹងរងទុក្ខសាជាថ្មីទៀត បន្ទាប់ពីជំងឺរាតត្បាតកូវីដ១៩។ អ្នកស្រី Clark បានបញ្ជាក់យ៉ាងដូច្នេះថា វាអាចជាគ្រោះមហន្តរាយធ្ងន់ធ្ងរ បើធៀបនឹងជំងឺកូវីដ១៩ ដោយសារតែយើងមិនទាន់ត្រៀមខ្លួនរួចរាល់ ក្នុងការបញ្ឈប់ការផ្ទុះឡើង មុនពេលវារីករាលដាលបន្ថែមទៀត។ តាមរយៈរបាយការណ៍ខាងលើនេះ បានអំពាវនាវឱ្យរដ្ឋាភិបាល និងអង្គការអន្តរជាតិ យល់ព្រមលើកិច្ចព្រមព្រៀងទប់ស្កាត់ជំងឺរាតត្បាតថ្មី ដែលគ្រោងរៀបចំឡើងនៅខែធ្នូ ឆ្នាំ២០២៤ ក៏ដូចជាផ្តល់មូលនិធិដល់កិច្ចខិតខំប្រឹងប្រែងបន្ថែមទៀត ក្នុងការជំរុញការផលិតវ៉ាក់សាំង, ការពង្រឹងអំណាចរបស់ WHO និងជំរុញកិច្ចខិតខំប្រឹងប្រែងថ្នាក់ជាតិ ដើម្បីប្រយុទ្ធប្រឆាំងនឹងមេរោគរាតត្បាត។ ដើម្បីបញ្ជាក់ពីការគំរាមកំហែងដ៏មានសក្តានុពលនោះ របាយការណ៍ដដែលនេះ បានបង្ហាញថា មានឱកាសមួយក្នុងចំនោមពីរ ដែលពិភពលោកនឹងទទួលរងនូវជំងឺរាតត្បាត…

ម៉ូស្គូ៖ កាសែត Financial Times បានរាយការណ៍ដោយដកស្រង់ទិន្នន័យពីក្រុមហ៊ុនប្រឹក្សា ICIS ថា ការនាំចូលឧស្ម័នរបស់អឺរ៉ុបពីរុស្ស៊ីបានវ៉ាដាច់ការផ្គត់ផ្គង់ពីសហរដ្ឋអាមេរិកនៅក្នុងខែឧសភាជាលើកដំបូងក្នុងរយៈពេលជិតពីរឆ្នាំ។ កាលពីខែឧសភា ការនាំចេញឧស្ម័នធម្មជាតិរាវ (LNG) ពីអាមេរិក ត្រូវបានគេរាយការណ៍ថា មានចំនួន ១៤ភាគរយនៃការផ្គត់ផ្គង់ទាំងមូលទៅកាន់តំបន់ ដែលនេះជាកម្រិតទាបបំផុតចាប់តាំងពីខែសីហា ឆ្នាំ២០២២។ រីឯការនាំចេញឧស្ម័នតាមបំពង់បង្ហូរប្រេងរបស់រុស្ស៊ី រួមជាមួយនឹងការផ្គត់ផ្គង់ ឧស្ម័នធម្មជាតិរាវ (LNG) មានចំនួន ១៥ភាគរយនៃការផ្គត់ផ្គង់សរុបទៅកាន់អឺរ៉ុប ក្នុងនោះអង់គ្លេស, ស្វីស, ស៊ែប៊ី, បូស្នៀ, ហឺហ្សេហ្គោវីណា និងម៉ាសេដូនីខាងជើង។ ទោះបីការចែកចាយឧស្ម័នរបស់រុស្ស៊ីទៅកាន់ប្រទេសក្នុងតំបន់ ជាប់កញ្ចប់ទណ្ឌកម្មទាក់ទងនឹងសង្រ្គាមអ៊ុយក្រែន និងការបំផ្លិចបំផ្លាញនៃបំពង់បង្ហូរ Nord Stream ក៏ដោយ ក៏ប្រទេសមួយចំនួននៅអឺរ៉ុបនៅតែបន្តពឹងផ្អែកយ៉ាងខ្លាំងលើឧស្ម័នរបស់រុស្ស៊ី។ ដោយឆ្លងកាត់អ៊ុយក្រែន និងសាខាអឺរ៉ុបនៃ បំពង់បង្ហូរឧស្ម័នTurkStream បច្ចុប្បន្នគឺជាបំពង់ប្រតិបត្តិការតែមួយគត់សម្រាប់បង្ហូរឧស្ម័នរុស្ស៊ីទៅកាន់អឺរ៉ុបកណ្តាល និងភាគខាងត្បូង។ កាលពីខែមុន ក្រុមហ៊ុនអាជីវកម្មរុស្ស៊ី Vedomosti បានរាយការណ៍ដោយដកស្រង់ទិន្នន័យដែលតាមដានដោយប្រតិបត្តិករប្រព័ន្ធដឹកជញ្ជូនឧស្ម័នអឺរ៉ុប (ENTSOG) ថា ការផ្គត់ផ្គង់ឧស្ម័នរបស់រុស្ស៊ីទៅកាន់ប្រទេសក្នុងតំបន់ តាមរយៈបំពង់បង្ហូរឧស្ម័ន TurkStream បានកើនឡើងជិត ៤០ភាគរយ ដល់ ៥.១១ពាន់លានម៉ែត្រគូបក្នុងរយៈពេលបីខែដំបូងនៃឆ្នាំនេះ។ ប្រធានក្រុមហ៊ុនប្រេងដ៏ធំរបស់រុស្ស៊ី…

ប៉េកាំង៖ មនុស្សរាប់សិបនាក់បានបាត់ខ្លួននៅក្នុងប្រទេសចិន កាលពីថ្ងៃអង្គារ បន្ទាប់ពីមានភ្លៀងធ្លាក់ខ្លាំង និងទឹកជំនន់ វាយប្រហារតំបន់ភាគខាងត្បូង ខណៈដែលភាគខាងជើងបានជួបប្រទះសីតុណ្ហភាពក្តៅខ្លាំងបំផុតក្នុងឆ្នាំនេះ។ ទីភ្នាក់ងារសារព័ត៌មានរដ្ឋស៊ីនហួរបានរាយការណ៍ថា មនុស្ស ៤នាក់បានស្លាប់ បន្ទាប់ពីទឹកជំនន់ភ្លាមៗនៅទីក្រុង Changji ក្នុងតំបន់ភាគពាយ័ព្យនៃខេត្ត Xinjiang ជាកន្លែងដែលភ្លៀងធ្លាក់ខ្លាំង បានបង្កឱ្យមានការរអិលបាក់ដី។ រីឯទូរទស្សន៍រដ្ឋ CCTV បានចេញផ្សាយថា ការរអិលបាក់ដីនៅតំបន់ Meizhou ក្នុងខេត្ត Guangdong ភាគខាងត្បូងកាលពីថ្ងៃចន្ទ បានសម្លាប់មនុស្ស៥នាក់ និងធ្វើឱ្យមនុស្ស ១៥នាក់កំពុងបាត់ខ្លួន ហើយ ១៣នាក់ទៀតជាប់គាំងនៅព្រឹកបន្ទាប់។ ភ្លាមៗ ប្រធានាធិបតីចិន លោក ស៊ី ជីនពីង បានអំពាវនាវឱ្យបុគ្គលិកសង្គ្រោះបន្ទាន់ ខិតខំប្រឹងប្រែងឱ្យអស់ពីសមត្ថភាព ដើម្បីឆ្លើយតបទៅនឹងស្ថានភាពគ្រោះមហន្តរាយ ក៏ដូចជាជួយសង្គ្រោះ និងប្រយុទ្ធជាមួយទឹកជំនន់ និងគ្រោះរាំងស្ងួត។ លោក ស៊ី ថែមទាំងបានណែនាំដល់ក្រុមអ្នកជួយសង្គ្រោះ ឱ្យធានាសុវត្ថិភាពទាំងអាយុជីវិត និងទ្រព្យសម្បត្តិរបស់ប្រជាជន ព្រមទាំងស្ថិរភាពសង្គមទាំងមូល។ ប្រព័ន្ធផ្សព្វផ្សាយរដ្ឋចិនបានបន្ថែមថា នៅក្នុងខេត្ត ហ៊្វូជាន មនុស្សជាងកន្លះលាននាក់បានរងផលប៉ះពាល់ ដោយសារភ្លៀងធ្លាក់ជាបន្តបន្ទាប់ និងទឹកជំនន់។ ទឹកជំនន់ក៏បានវាយប្រហារខេត្តភាគខាងត្បូង និងភាគកណ្តាលនៃខេត្តក្វាងស៊ី និងហ៊ូណានផងដែរ។…

ក្រុមហ៊ុនផលិតមួកសុវត្ថិភាព មានមូលដ្ឋាននៅអាមេរិក Dark Systems បានផលិតនិងដាក់ឱ្យដំណើរការនូវមួកសុវត្ថិភាព K9 ដើម្បីការពារសត្វឆ្កែយោធា ក្នុងពេលចេញប្រយុទ្ធ។ មួកសុវត្ថិភាពនេះការពារ ក្បាលពីផលប៉ះពាល់ និងគ្រោះថ្នាក់បានយ៉ាងល្អ។ នេះបើតាមគេហទំព័រ Interesting Engineering ដែលចេញផ្សាយកាលពីពេលថ្មីៗនេះ។ គេហទំព័រនេះ បានឲ្យដឹងថា ក្រុមហ៊ុន Dark Systems ដែលឈានមុខគេលើពិភពលោកក្នុងការផលិត និងចែកចាយមួកសុវត្ថិភាព K9 ជាជំហ៊ានដំបូង នឹងផ្គត់ផ្គង់ប្រមាណជាង៣ម៉ឺនមួក ទៅកាន់ស្ថាប័នយោធា ភ្នាក់ងារអនុវត្តច្បាប់ ក្រុមស្វែងរក និងជួយសង្គ្រោះ ជាដើម។ ក្រុមហ៊ុន Dark Systems បានអះអាងថា ម៉ូដែលមួកសុវត្ថិភាព K9 ទំនើបនេះ តភ្ជាប់ អំពូល LED , កាំមេរ៉ា និង Loudspeaker និងមាន វ៉ែនតាការពារភ្នែកពីធូលី ឡាស៊ែរ និងការគំរាមកំហែងនានា ផងដែរ៕ ប្រែសម្រួល៖ សារ៉ាត

ជំងឺបាត់តេរីស៊ីសាច់ដ៏កម្រ ហៅកាត់ STSS កំពុងកើនឡើងខ្លាំង នៅប្រទេសជប៉ុន ក្នុងនោះ វាអាចសម្លាប់មនុស្សបាន ក្នុងរយៈពេលត្រឹម ៤៨ម៉ោង។ នេះបើតាមកាសែត Bangkok Post ចេញផ្សាយកាលពីថ្ងៃចន្ទ ដោយបានដកស្រង់ប្រភព ពីនាយកដ្ឋានគ្រប់គ្រងជំងឺ ហៅកាត់ DDC នៃប្រទេសថៃ ដែលបានប្រាប់ឲ្យពលរដ្ឋថៃ ដែលធ្វើដំណើរទៅមកប្រទេសជប៉ុន ការពារខ្លួនពីការឆ្លងមេរោគនេះ។ ការសែតនេះផ្សាយថា ជំងឺ STSS ឬ Streptococcal Toxic Shock Syndrome អាចបណ្តាលឲ្យគ្រុនក្តៅខ្លាំង, ញ័រ និងឈឺខ្លួន។ Bangkok Post បានដកស្រង់របាយការណ៍ប្រចាំសប្តាហ៍ របស់នាយកដ្ឋានបង្កាជំងឺឆ្លងជប៉ុន ឲ្យដឹងថា ចាប់ពីថ្ងៃទី ១ ខែមករា ដល់ថ្ងៃទី ២៦ ខែឧសភា មានករណីឆ្លងមេរោគ STSS សរុបចំនួន ៦៩០ ក្នុងនោះ ស្លាប់ចំនួន ១៦៣នាក់។ មេរោគនេះឆ្លងតាមមុខរបួស។ DDC បានប្រាប់ថា ក្រុមងាយរងគ្រោះ មានដូចជា…

បាងកក៖ សមាជិកសភាថៃបានជួបប្រជុំគ្នានៅថ្ងៃអង្គារនេះ ដើម្បីបោះឆ្នោតលើការធ្វើឱ្យអាពាហ៍ពិពាហ៍មនុស្សភេទដូចគ្នាស្របច្បាប់ ប្រការនេះនឹងនាំឱ្យថៃក្លាយជាប្រទេសអាស៊ានដំបូងគេដែលទទួលស្គាល់សមភាពអាពាហ៍ពិពាហ៍។ ព្រឹទ្ធសភាថៃត្រូវបានគេរំពឹងថា នឹងអនុម័តច្បាប់នេះ បន្ទាប់មកវានឹងត្រូវដាក់ថ្វាយទៅព្រះមហាក្សត្រថៃ Maha Vajiralongkorn ដើម្បីទទួលស្គាល់ជាផ្លូវការ ហើយច្បាប់នេះនឹងចូលជាធរមានក្នុងរយៈពេល ១២០ថ្ងៃ បន្ទាប់ពីការបោះពុម្ភផ្សាយនៅក្នុងព្រះរាជសារផ្លូវការ។ បើសិនច្បាប់នេះត្រូវបានអនុម័តមែននោះ ថៃនឹងក្លាយជាប្រទេសអាស៊ានដំបូងគេ និងជាប្រទេសទី៣ក្នុងទ្វីបអាស៊ី ដែលគូស្នេហ៍ភេទដូចគ្នាអាចរៀបការស្របច្បាប់បាន បន្ទាប់ពីតៃវ៉ាន់ និងនេប៉ាល់ ហើយសកម្មជនក៏កំពុងសង្ឃឹមដែរថា អាពាហ៍ពិពាហ៍ដំបូងអាចនឹងត្រូវប្រារព្ធឡើងនៅដើមខែតុលា ឆ្នាំ២០២៤ខាងមុខនេះ។ សមាជិកសភាមកពីគណបក្សចលនាឆ្ពោះទៅមុខ លោក Tunyawaj Kamolwongwat បាននិយាយប្រាប់អ្នកសារព័ត៌មានថា ថ្ងៃនេះ ជាថ្ងៃដែលប្រជាជនថៃនឹងមានស្នាមញញឹម… វាគឺជាជ័យជំនះសម្រាប់ប្រជាជន… ហើយថ្ងៃនេះ ទីបំផុតវាកំពុងកើតឡើងនៅប្រទេសថៃហើយ។ សូមបញ្ជាក់ថា សមាជិកព្រឹទ្ធសភាបានចាប់ផ្តើមសម័យប្រជុំរបស់ពួកគេនៅម៉ោង ៩៖៣០នាទីព្រឹកថ្ងៃអង្គារនេះ ហើយការបោះឆ្នោតដើម្បីផ្តល់ការអនុម័តចុងក្រោយចំពោះច្បាប់នេះ ត្រូវបានគេរំពឹងថា នឹងធ្វើឡើងនៅពេលរសៀលថ្ងៃដដែល។ ច្បាប់ថ្មីនេះបានផ្លាស់ប្តូរពាក្យ “បុរស” “ស្ត្រី” “ប្តី” និង “ភរិយា” ក្នុងច្បាប់អាពាហ៍ពិពាហ៍ ទៅជាពាក្យអព្យាក្រឹតយេនឌ័រ។ ប្រទេសជាង៣០ជុំវិញពិភពលោក បានធ្វើឱ្យអាពាហ៍ពិពាហ៍ភេទដូចគ្នាស្របច្បាប់ ចាប់តាំងពីហូឡង់បានក្លាយជាប្រទេសដំបូងគេ ដែលអនុម័តលើច្បាប់នេះកាលពីឆ្នាំ២០០១។ ប៉ុន្តែនៅអាស៊ី មានតែតៃវ៉ាន់ និងនេប៉ាល់ប៉ុណ្ណោះ ដែលទទួលស្គាល់ អាពាហ៍ពិពាហ៍មនុស្សភេទដូចគ្នា៕…