បាងកក៖ ការិយាល័យគណៈកម្មការសុខភាពជាតិថៃ (NHCO) បានយល់ព្រមលើគោលការណ៍ចំនួន៥ចំនុច ដើម្បីទប់ស្កាត់ការប្រើប្រាស់បារីអេឡិចត្រូនិក ក្នុងចំណោមកុមារ និងមនុស្សវ័យជំទង់។ លោក Suriya Jungrungreangkit ឧបនាយករដ្ឋមន្ត្រីថៃ និង ជាប្រធាន NHCO ត្រូវបានសារព័ត៌មានក្នុងស្រុកដកស្រង់សម្តីចេញផ្សាយថា យុវជនគឺជាគោលដៅចម្បងរបស់ក្រុមហ៊ុនបារីអេឡិចត្រូនិក ហើយពួកគេអាចក្លាយជាអ្នកជក់បារីថ្មីបានយ៉ាងងាយ ដោយប្រឈមមុខនឹងហានិភ័យសុខភាពទាំងរយៈពេលខ្លី និងរយៈពេលវែង។ ហេតុដូច្នេះ គណៈកម្មការ NHCO កំពុងជំរុញការអនុវត្តវិធានការដ៏មានប្រសិទ្ធភាពបំផុតតាមដែលអាចធ្វើទៅបាន ដើម្បីហាមឃាត់ ទាំងការនាំចូល និងពាណិជ្ជកម្មបារីអេឡិចត្រូនិក។ វិធានការទាំង៥ចំនុចដែលបានឯកភាពគ្នា ក្នុងនោះរួមមាន៖ ការគ្រប់គ្រងព័ត៌មានទាក់ទងនឹងការប្រើប្រាស់ថ្នាំជក់, ការបង្កើនការយល់ដឹងអំពីគ្រោះថ្នាក់ដែលពាក់ព័ន្ធ, ការត្រួតពិនិត្យ និងការអនុវត្តច្បាប់គ្រប់គ្រងបារីអេឡិចត្រូនិក, ការបង្កើតបណ្តាញដៃគូដើម្បីប្រយុទ្ធប្រឆាំងនឹងការរីករាលដាលនៃបារីអេឡិចត្រូនិក និងការគាំទ្រគោលនយោបាយ និងវិធានការទប់ស្កាត់ និង រារាំងការប្រើប្រាស់។ គណៈកម្មការ NHCO រំពឹងថា នឹងដាក់ដំណោះស្រាយនេះ ដើម្បីស្នើសុំការឯកភាពពីគណៈរដ្ឋមន្ត្រី ហើយក៏សង្ឃឹមដែរថា ស្ថាប័នពាក់ព័ន្ធនឹងចាត់វិធានការតាមក្របខណ្ឌ។ លោកស្រី Suwanna Ruangkanchanasetr ប្រធានគណៈកម្មាធិការអភិវឌ្ឍន៍គោលនយោបាយសុខភាពសាធារណៈ (ការគ្រប់គ្រងបារីអេឡិចត្រូនិក) បាននិយាយថា ការជក់បារីអេឡិចត្រូនិក vape ក្នុងចំណោមអនីតិជនក្នុងប្រទេសថៃ គឺកាន់តែអាក្រក់ទៅៗ។ លោកស្រីបន្តថា…

បរទេស៖ រដ្ឋមន្ត្រីការបរទេសអាមេរិក លោក Antony Blinken ក្នុងពេលមានវត្តមាន នៅប្រទេសអេហ្ស៊ីប កាលពីថ្ងៃចន្ទ បានថ្លែងស្នើឱ្យរដ្ឋអារ៉ាប់ ជំរុញឲ្យបានខ្លាំងដល់ក្រុមហាម៉ាស ឯកភាពលើកិច្ចព្រមព្រៀងបទឈប់បាញ់ នៅតំបន់ហ្គាហ្សា ជាមួយអ៊ីស្រាអែល។ លោក Antony Blinken បានលើកឡើងថា បណ្តាមេដឹកនាំនៅមជ្ឈិមបូព៌ា គួរតែជំរុញក្រុមហាម៉ាស់ ឱ្យយល់ព្រមចំពោះសំណើ របស់សហរដ្ឋអាមេរិក បែបនេះ។ លោក Antony Blinken បានប្រាប់អ្នកយកព័ត៌មាន នៅទីក្រុងគែរ ថា «ខ្ញុំជឿជាក់យ៉ាងមុតមាំថា មនុស្សភាគច្រើនលើសលប់ មិនថាពួកគេ នៅអ៊ីស្រាអែល នៅតំបន់ West Bank នៅហ្គាហ្សា… ពិតជាចង់ជឿជាក់លើអនាគតមួយ ដែលអ៊ីស្រាអែល និងប៉ាឡេស្ទីន នឹងរស់នៅដោយសន្តិភាព និងសន្តិសុខ»។ លោកបានលើកឡើងបែបនេះ បន្ទាប់ពីលោកបានជួបប្រធានាធិបតីអេហ្ស៊ីប លោក Abdel Fattah al-Sisi នៅរដ្ឋធានគែរ ។ លោក Blinken បានទៅដល់ប្រទេសអេហ្ស៊ីប ដើម្បីជាការចាប់ផ្តើមដំណើរទស្សនកិច្ច ក្នុងតំបន់ ជំរុញឱ្យមានបទឈប់បាញ់…

ហាណូយ៖ ប្រព័ន្ធផ្សព្វផ្សាយរដ្ឋបានឲ្យដឹង កាលពីថ្ងៃចន្ទថា ទឹកជំនន់ និងការបាក់ដី នៅភាគខាងជើងប្រទេសវៀតណាម បានសម្លាប់មនុស្ស ៣នាក់ បន្ទាប់ពីមានភ្លៀងធ្លាក់ខ្លាំង ជាច្រើនថ្ងៃ ដែលបានធ្វើខូចខាតផ្ទះសម្បែង ជាច្រើនពាន់ខ្នង។ផ្លូវជាច្រើន បានរងការខូចខាត ថែមទាំងមានស្ពានមួយកន្លែងបាក់ទៀតផង។ ទឹកបានហូរចុះមកតាមផ្លូវដ៏ចោត នៃខេត្ត Ha Giang ដែលជាកន្លែងពេញនិយមសម្រាប់ដំណើរកម្សាន្ត ខណៈដែលយានយន្តបានក្រឡាប់ និងត្រូវបានទឹកជន់លិច។ អ្នកទេសចរបរទេស ប្រមាណ ៤០០នាក់ ត្រូវបានជម្លៀសចេញពីតំបន់ទឹកជំនន់។ ផ្លូវជាច្រើន បានរងការខូចខាត ថែមទាំងមានស្ពានមួយកន្លែងបាក់ទៀតផង។ ភ្លៀងធ្លាក់ខ្លាំងជាបន្តបន្ទាប់ នៅក្នុងខេត្តមួយនេះ មានតាំងពីថ្ងៃសៅរ៍មក។ ប្រទេសវៀតណាមតែងតែទទួលរងនូវអាកាសធាតុអាក្រក់ ក្នុងរដូវវស្សា ចន្លោះខែមិថុនា ដល់ខែវិច្ឆិកា។ កាលពីឆ្នាំមុន គ្រោះមហន្តរាយធម្មជាតិ រួមទាំងទឹកជំនន់ និងការរអិលបាក់ដី បានបណ្តាលឲ្យមនុស្ស ១៦៩នាក់ស្លាប់ ឬបាត់ខ្លួន នៅប្រទេសស្ថិតក្នុងតំបន់អាស៊ីអាគ្នេយ៍។ អ្នកវិទ្យាសាស្ត្របានព្រមានថា ព្រឹត្តិការណ៍អាកាសធាតុខ្លាំងក្លា នៅទូទាំងពិភពលោក កាន់តែមានសភាពធ្ងន់ធ្ងរ និងញឹកញាប់ ដោយសារការប្រែប្រួលអាកាសធាតុ៕ ប្រភពពី AFP ប្រែសម្រួល៖ សារ៉ាត

កាសែតថៃ BangkokPost បានចេញផ្សាយ នៅថ្ងៃចន្ទនេះ សេវាកម្មតាក់ស៊ីតាមទូកអគ្គិសនី ដែលត្រូវបានបង្កើតឡើង ដោយរដ្ឋបាលក្រុងបាងកក ហៅកាត់ BMA គ្រោងនឹងចាប់ផ្តើមដំណើរការ នៅខែកក្កដា ខាងមុខនេះ។ BMA គ្រោងនឹងចាប់ផ្តើមការពង្រីកសេវាកម្មនេះ នៅទូទាំងទីក្រុង ក្រោមកម្មវិធី ក្រុមហ៊ុន Krung Thep Thanakom Co (KT) ដែលជាសាខាអាជីវកម្ម របស់ BMA នេះបើតាមប្រភពដដែល។ នាយកគ្រប់គ្រងក្រុមហ៊ុន KT លោក Tharatporn Techakitkachorn បាននិយាយថា សម្រាប់ដំណាក់កាលសាកល្បង នឹងចាប់ផ្តើមដំណើរការនៅ ព្រែក Khlong Phadung Krung Kasem និងដៃព្រែកមួយចំនួន រួមទាំង Khlong Bang និង Lamphu។ លោកបាននិយាយទៀតថា អ្នកដំណើរនឹងអាចកក់សេវាកម្មនេះ តាមរយៈ App លើ ស្មាតហ្វូន ដូចសេវាកម្មតាក់ស៊ីលោកគោកដែរ។ BMA អះអាងថា សេវាកម្មសាធារណៈនេះ…

ក្រុមហ៊ុនផលិតមនុស្សយន្ត អាមេរិក Richtech មានមូលដ្ឋាន នៅទីក្រុង Las Vegas ទើបបានដាក់ឲ្យដំណើរការ «គ្រូពេទ្យយន្ត» នៅក្នុងមន្ទីរពេទ្យដែលអាចយកឱសថ ទៅឲ្យអ្នកជំងឺ យ៉ាងរលូន។ មនុស្សយន្តនេះដំណើរការ ២៤ម៉ោងក្នុងមួយថ្ងៃ។ ក្រុមហ៊ុន Richtech បានបញ្ជាក់ថា មនុស្សយន្ត Medbot ត្រូវបានរចនាដោយប្រើបច្ចេកវិទ្យាមនុស្សយន្តចល័តស្វយ័ត ហៅកាត់ AMRs។ ក្រុមហ៊ុននេះអះអាងថា Medbot អាចទុកចិត្តបាន និងចែកចាយថ្នាំបានលឿន។ វាក៏ត្រូវបានប្រើប្រាស់ផងដែរក្នុងនាយកដ្ឋានសង្គ្រោះបន្ទាន់។ ជាមួយនឹងឧបករណ៍ចាប់សញ្ញា Ultrasonic ចំនួនប្រាំបី និងកាមេរ៉ា ចំនួនពីរ ពេទ្យយន្ត Medbot អាចកំណត់អត្តសញ្ញាណ និងជៀសវាងឧបសគ្គ ព្រមទាំងមានប្រសិទ្ធភាព។ ប្រភព Richtech ថា Medbot គឺជាដំណោះស្រាយលើបញ្ហាខ្វះខាតគ្គលិកឱសថស្ថាន នាពេលបច្ចុប្បន្ន នៅក្នុងឧស្សាហកម្មថែទាំសុខភាព។ យោងតាមក្រុមហ៊ុន Richtech បានឲ្យដឹងថា ខ្លួនបានទទួលជោគជ័យ ១០០ភាគរយ ក្នុងការដំឡើង Medbot ប៉ុន្តែមិនបញ្ជាក់លម្អិតថា បានដំណើរការនៅទីតាំងណា ឬមន្ទីរពេទ្យណាមួយឡើយ៕ ប្រភពពី…

មូស្គូ៖ រដ្ឋមន្ត្រីសុខាភិបាលរុស្ស៊ី លោក Mikhail Murashko ថ្មីៗនេះបាននិយាយថា ក្រុមអ្នកស្រាវជ្រាវរុស្ស៊ីកំពុងព្យាយាមបញ្ចប់ការសាកល្បងវ៉ាក់សាំងប្រឆាំងនឹងជំងឺមហារីក ហើយរំពឹងថា នឹងទទួលបានលទ្ធផលដំបូងនៅចុងឆ្នាំ២០២៤នេះ។ មន្ត្រីរុស្ស៊ីបានបញ្ជាក់ថា វ៉ាក់សាំងប្រឆាំងនឹងជំងឺមហារីកនេះ បង្កើតឡើងដោយវិទ្យាស្ថានស្រាវជ្រាវរោគរាតត្បាត និងមីក្រូជីវសាស្ត្រ Gamaleya, មជ្ឈមណ្ឌលមហារីក Blokhin និងវិទ្យាស្ថានស្រាវជ្រាវជំងឺមហារីក Hertsen។ រដ្ឋមន្ត្រីសុខាភិបាលរុស្ស៊ី លោក Mikhail Murashko បានប្រាប់សារព័ត៌មាន TASS ថា វ៉ាក់សាំងនេះ កំពុងស្ថិតក្រោមការសាកល្បងព្យាបាល ហើយយើងរំពឹងថា នឹងទទួលបានលទ្ធផលដំបូងនៅចុងឆ្នាំ២០២៤នេះ ហើយបន្ទាប់មកចាប់ផ្តើមការធ្វើតេស្តព្យាបាល។ នៅក្នុងបទសម្ភាសន៍ជាមួយគេហទំព័រ Gazeta.ru កាលពីសប្តាហ៍មុន ប្រធានវិទ្យាស្ថាន Gamaleya លោក Aleksandr Gintsburg បានពណ៌នាអំពីវ៉ាក់សាំងថ្មីនេះថា វាគឺជាវ៉ាក់សាំងព្យាបាល ដែលនឹងត្រូវដាក់ឱ្យអ្នកដែលធ្វើរោគវិនិច្ឆ័យរកឃើញថា មានជំងឺមហារីករួចហើយ។ វាត្រូវបានបង្កើតឡើងដោយផ្អែកលើបច្ចេកវិទ្យា mRNA ដែលត្រូវបានប្រើប្រាស់រួចហើយ ដោយក្រុមហ៊ុនផលិតថ្នាំ Pfizer និង Moderna សម្រាប់ការផលិតវ៉ាក់សាំងប្រឆាំងនឹង Covid-19។ លោក Gintsburg បន្ថែមថា វ៉ាក់សាំងថ្មីនេះ…

ហ្សឺណែវ៖ ប្រទេសស្វីសបានអនុម័តច្បាប់មួយកាលពីថ្ងៃអាទិត្យ ក្នុងគោលបំណងពន្លឿនការអភិវឌ្ឍន៍ថាមពលកកើតឡើងវិញ ដែលនេះជាផ្នែកមួយនៃមហិច្ឆតារបស់ស្វីស ដើម្បីក្លាយជាប្រទេសអព្យាក្រឹតភាពកាបូននៅឆ្នាំ ២០៥០។ លទ្ធផលផ្លូវការបានបង្ហាញថា អ្នកបោះឆ្នោតនៅស្វីសតិចជាង ៦៩ភាគរយបានគាំទ្រច្បាប់ ស្តីពី “ការផ្គត់ផ្គង់អគ្គិសនីប្រកបដោយសុវត្ថិភាពដោយផ្អែកលើថាមពលកកើតឡើងវិញ” ខណៈដែលការបោះឆ្នោតនេះកើតឡើង មុនការបោះឆ្នោតប្រជាមតិនៅទូទាំងប្រទេសនាពេលឆាប់ៗខាងមុខ។ អង្គការសម្ព័ន្ធសម្រាប់ការផ្គត់ផ្គង់អគ្គិសនីប្រកបដោយសុវត្ថិភាព និងតម្លៃសមរម្យ ដែលគាំទ្រច្បាប់នេះបាននិយាយថា ប្រជាជនស្វីសបានសម្រេចចិត្តដ៏សំខាន់មួយ ពាក់ព័ន្ធនឹងការផ្គត់ផ្គង់អគ្គិសនីរបស់យើង។ រដ្ឋមន្ត្រីក្រសួងបរិស្ថាន និងថាមពលស្វីស លោក Albert Rosti បាននិយាយថា ច្បាប់នេះ គឺជាព្រឹត្តិការណ៍ដ៏សំខាន់មួយ សម្រាប់ការពង្រឹងសន្តិសុខ នៃការផ្គត់ផ្គង់ថាមពលនៅក្នុងប្រទេសស្វីស ជាពិសេសក្នុងរដូវរងារ។ លោករដ្ឋមន្រ្តីបន្តថា ច្បាប់នេះដែរ មានគោលបំណងជំរុញការរួមចំណែកនាពេលបច្ចុប្បន្ននៃថាមពលខ្យល់ និងពន្លឺព្រះអាទិត្យចំពោះល្បាយថាមពលរបស់ប្រទេសស្វីស និងបង្កើនការផលិតវារីអគ្គីសនី ដូច្នេះហើយប្រទេសស្វីសដែលសម្បូរទៅដោយថាមពល នឹងមិនពឹងផ្អែកលើថាមពលអគ្គិសនីដែលនាំចូលតទៅទៀតហើយ។ ច្បាប់នេះទៀតសោត គ្រោងនឹងដំឡើងបន្ទះស្រូបពន្លឺព្រះអាទិត្យនៅលើដំបូលអគារ និងផ្នែកខាងមុខនៃអគារ។ ហើយវាក៏ជួយសម្រួលដល់ផែនការដំឡើងទួរប៊ីនខ្យល់ និងការដំឡើងបន្ទះសូឡាស្រូបថាមពលពន្លឺព្រះអាទិត្យដ៏ធំផងដែរ៕ ប្រភព៖ AFP ប្រែសម្រួលដោយ៖ ឈឹម ទីណា

ហ្គាហ្សា៖ អង្គការសហប្រជាជាតិបានឱ្យដឹងថ្មីៗនេះថា ភ្លើងសង្គ្រាមនៅតំបន់ហ្គាហ្សា បានធ្វើឱ្យអត្រាគ្មានការងារធ្វើនៅក្នុងទឹកដីប៉ាឡេស្ទីន ដែលត្រូវបានឡោមព័ទ្ធដោយកងកម្លាំងអ៊ីស្រាអែល ស្ទុះឡើងដល់ជិត ៨០ភាគរយ។ ទីភ្នាក់ងារការងាររបស់អង្គការសហប្រជាជាតិបាននិយាយថា សង្រ្គាមរវាងក្រុមហាម៉ាស់ និងអ៊ីស្រាអែល បានប៉ះពាល់ដល់ជីវភាពរស់នៅ និងការងាររបស់មនុស្សយ៉ាងច្រើន ខណៈដែលផលិតផលក្នុងស្រុកសរុប (GDP) បានធ្លាក់ចុះយ៉ាងគំហុកផងដែរ។ អង្គការពលកម្មអន្តរជាតិ (ILO) បានបញ្ជាក់ថា ចាប់តាំងពីសង្គ្រាមបានចាប់ផ្តើមកាលពីខែតុលាឆ្នាំមុន អត្រាគ្មានការងារធ្វើនៅតំបន់ហ្គាហ្សាស្ទ្រីប បានឈានដល់កម្រិត ៧៩.១ភាគរយ នេះបើយោងតាមរបាយការណ៍សង្ខេបថ្មីរបស់ ILO និងការិយាល័យស្ថិតិកណ្តាលប៉ាឡេស្ទីន។ អង្គការ ILO បានឱ្យដឹងថា នៅតំបន់ វេសប៊ែង អត្រាគ្មានការងារធ្វើបានឈានដល់ ៣២ភាគរយ ខណៈដែលអត្រាគ្មានការងារធ្វើជាមធ្យមនៅទូទាំងតំបន់ វេសប៊ែង និងហ្គាហ្សារួមបញ្ចូលគ្នាមានចំនួន ៥០.៨ភាគរយ។ អង្គការ ILO បន្ថែមថា GDP ពិតប្រាកដបានធ្លាក់ចុះ ៨៣.៥ភាគរយនៅក្នុងតំបន់ហ្គាហ្សាស្ទ្រីប និង ២២.៧ភាគរយនៅតំបន់ វេសប៊ែង ក្នុងរយៈពេល៨ខែកន្លងមកនេះ។ អង្គការ ILO បានបញ្ជាក់ទៀតថា នៅក្នុងតំបន់ហ្គាហ្សាស្ទ្រីប ស្ទើរតែគ្រប់គ្រឹះស្ថានឯកជនទាំងអស់បានបញ្ឈប់ដំណើរការទាំងស្រុង ឬកាត់បន្ថយផលិតកម្ម ធ្វើឱ្យវិស័យនេះធ្លាក់ចុះដល់ទៅ ៨៥.៨ភាគរយនៃតម្លៃផលិតកម្មរបស់ខ្លួន ដែលស្មើនឹងទឹកប្រាក់…