តូក្យូ៖ មហាវិទ្យាល័យ និងសាកលវិទ្យាល័យនានាទូទាំងប្រទេសជប៉ុន ចាប់ផ្តើមបណ្តុះបណ្តាលអ្នកស្រាវជ្រាវ និងវិស្វករឯកទេស ដើម្បីគាំទ្រដល់ឧស្សាហកម្មបន្ទះឈីប។ ចំនួនបុគ្គលិកនៅក្នុងឧស្សាហកម្មបន្ទះឈីបរបស់ប្រទេសជប៉ុន បានហក់ឡើងដល់កំពូលក្នុងឆ្នាំ ២០០០ បន្ទាប់មកបានចាប់ផ្តើមធ្លាក់ចុះនៅពាក់កណ្តាលឆ្នាំ ២០១០។ វាបានកើនឡើងម្តងទៀតក្នុងប៉ុន្មានឆ្នាំថ្មីៗនេះ ដោយសារមានការប្រកួតប្រជែងពីក្រុមហ៊ុន Taiwan Semiconductor Manufacturing Co. (TSMC) និង Rapidus។ យោងតាមសមាគមឧស្សាហកម្មអេឡិចត្រូនិក និងបច្ចេកវិទ្យាព័ត៌មានជប៉ុន បានឱ្យដឹងថា ក្រុមហ៊ុនផលិតបន្ទះឈីបធំៗរបស់ជប៉ុន នឹងត្រូវការអ្នកជំនាញបន្ថែមយ៉ាងហោចណាស់ ៤០,០០០នាក់ក្នុងរយៈពេល១០ឆ្នាំខាងមុខទៀតនេះ។ សាកលវិទ្យាល័យ Kumamoto ដែលមានទីតាំងនៅក្នុងខេត្ត Kumamoto ជាកន្លែងដែល ក្រុមហ៊ុនតៃវ៉ាន់ TSMC កំពុងសាងសង់ទីតាំងផលិតបន្ទះឈីបរបស់ខ្លួន បានបង្កើតកម្មវិធីសិក្សាឧបករណ៍បន្ទះឈីប នៅក្នុងសារពើពន្ធឆ្នាំ ២០២៤។ និស្សិតបញ្ចប់ការសិក្សានៅសកលវិទ្យាល័យ Kumamoto ជិត ៥០នាក់នាពេលបច្ចុប្បន្ន បានស្វែងរកការងារនៅក្នុងឧស្សាហកម្មបន្ទះឈីប ហើយតួលេខនេះរំពឹងថា នឹងឈានដល់ ១០០នាក់ នៅក្នុងសារពើពន្ធឆ្នាំ២០២៧។ TSMC បានចុះហត្ថលេខាលើកិច្ចព្រមព្រៀងមួយដោយសន្យាថា នឹងផ្តល់ជូននិស្សិតសាកលវិទ្យាល័យ Kumamoto ទទួលបានកម្មសិក្សានៅទីស្នាក់ការកណ្តាលរបស់ក្រុមហ៊ុននៅតៃវ៉ាន់ ក៏ដូចជាអាហារូបករណ៍ផងដែរ។ រីឯសាកលវិទ្យាល័យ Hokkaido ក៏គ្រោងនឹងបញ្ជូននិស្សិតជាង…

មូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃពុធ បានអំពាវនាវឱ្យទីក្រុងមូស្គូ “កសាង” ទំនាក់ទំនងជាមួយរដ្ឋាភិបាលតាលីបង់ ខណៈដែលគណៈប្រតិភូតាលីបង់មួយក្រុមបានធ្វើទស្សនកិច្ច នៅប្រទេសរុស្ស៊ី។ លោក ពូទីន បាននិយាយជាមួយសារព័ត៌មានបរទេស នៅក្រៅវេទិកាសេដ្ឋកិច្ចអន្តរជាតិ Saint Petersburg ថា «យើងតែងជឿជាក់ថា យើងត្រូវមានដំណោះស្រាយ បង្ហាញពីការពិត..ពួកតាលីបង់កំពុងកាន់អំណាចនៅអាហ្វហ្គានីស្ថាន… យើងត្រូវកសាងទំនាក់ទំនង ជាមួយរដ្ឋាភិបាលតាលីបង់»។ ក្រុមតាលីបង់ត្រូវបានចាត់ទុកជា អង្គការភេរវករ នៅក្នុងប្រទេសរុស្ស៊ី តាំងពីឆ្នាំ ២០០៣។ ប៉ុន្តែ រុស្ស៊ីត្រូវបានគេដឹងថា បានពង្រឹងទំនាក់ទំនងជាមួយក្រុមតាលីបង់ អស់រយៈពេលជាច្រើនឆ្នាំ។ ប្រមុខកងកម្លាំងអាមេរិក នៅអាហ្វហ្គានីស្ថានបានអះអាង ក្នុងឆ្នាំ២០១៨ ថា ទីក្រុងមូស្គូបានផ្តល់អាវុធដល់ក្រុមនេះ ប៉ុន្តែ ការចោទប្រកាន់នេះ ត្រូវបានក្រុងម៉ូស្គូបានបដិសេធ នៅពេលនោះ។ គណៈប្រតិភូតាលីបង់បានទៅចូលរួមក្នុងវេទិកាសេដ្ឋកិច្ចអន្តរជាតិ នៅប្រទេសរុស្ស៊ី បន្ទាប់ពីមានការប្រកាសរបស់រុស្ស៊ីថា ខ្លួននឹងដកក្រុមនេះ ចេញពីបញ្ជីអង្គការភេរវកររបស់ខ្លួន នេះបើយោងតាមទីភ្នាក់ងារសារព័ត៌មានរុស្ស៊ី។ ជុំវិញស្ថានភាពសង្គ្រាមជាមួយក្រុងគៀវវិញ លោក ពូទីន បានគម្រាមថា រុស្ស៊ីអាចនឹងផ្តល់អាវុធដល់ប្រទេសនានា វាយប្រហារផលប្រយោជន៍របស់លោកខាងលិច ដើម្បីឆ្លើយតបទៅនឹងការបំពាក់អាវុធរបស់ពួកលោកខាងលិច ដល់អ៊ុយក្រែន៕…

ក្រសួងដឹកជញ្ជូនសហរដ្ឋអាមេរិកបានអះអាង កាលពីថ្ងៃចន្ទថា ក្រុមហ៊ុនអាកាសចរណ៍ ចំនួនបីប្រទេស នឹងផ្តល់សំណង ចំនួន ៩០០លានដុល្លារអាមេរិក ដល់អ្នកដំណើរ ដោយសារតែការផ្លាស់ប្តូរភ្លាមៗ ឬលុបចោលជើងហោះហើរ អំឡុងពេលមានជំងឺរាតត្បាត កូវីដ១៩ កាលពីពេលកន្លងទៅ។ ប្រភពបានបញ្ជាក់ថា ក្រុមហ៊ុនអាល្លឺម៉ង់ Lufthansa ត្រូវបានបង្គាប់ឲ្យសង ៧៧៥លានដុល្លាអាមេរិក ខណៈដែលក្រុមហ៊ុនហូឡង់ KLM ត្រូវបានបង្គាប់ឲ្យសង ១១៣.៣លានដុល្លារអាមេរិក ហើយក្រុមហ៊ុនអាហ្វ្រិកខាងត្បូង South African Airways ត្រូវសង ១៥.២លានដុល្លារអាមេរិក។ រដ្ឋមន្ត្រីដឹកជញ្ជូនអាមេរិក លោក Pete Buttigieg បាននិយាយ តាមរយៈសេចក្តីថ្លែងការណ៍មួយថា «នៅពេលដែលជើងហោះហើរមួយត្រូវបានលុបចោល ឬផ្លាស់ប្តូរ អ្នកមិនគួរមានជម្លោះ ជាមួយក្រុមហ៊ុនអាកាសចរណ៍ ដើម្បីទារប្រាក់មកវិញទេ ខណៈដែលយើងមានវិធីសាស្ត្រ ដោះស្រាយ សម្រាប់អ្នកដំណើរគ្រប់គ្នា»។ ក្រសួងដឹកជញ្ជូនសហរដ្ឋអាមេរិកក៏កំពុងគ្រោងផាកពិន័យចំនួន ២.៥ លានដុល្លារ ប្រឆាំងនឹងក្រុមហ៊ុនអាកាសចរណ៍ទាំងបី ដោយសារតែការពន្យារពេលច្រើន ក្នុងការផ្តល់សំណង ទៀតផង។ អ្នកនាំពាក្យក្រុមហ៊ុន Lufthansa បានប្រាប់ AFP ថា ក្រុមហ៊ុនបានទាក់ទងជាយូរមកហើយ…

សេអ៊ូល៖ ប្រធានាធិបតីកូរ៉េខាងត្បូង លោក Yoon Suk Yeol កាលពីថ្ងៃអង្គារ បានប្រកាសផ្តល់ជំនួយថ្មី និងផ្តល់ការវិនិយោគ សរុប២៤ពាន់លានដុល្លារអាមេរិក សម្រាប់ទ្វីបអាហ្រ្វិក ខណៈដែលរដ្ឋបាលក្រុងសេអ៊ូលស្វែងរកការជំរុញទំនាក់ទំនងពាណិជ្ជកម្ម ជាមួយទ្វីបមួយនេះ។ ថ្លែងក្នុងពេលប្រកាសបើកកិច្ចប្រជុំកំពូលកូរ៉េ-អាហ្វ្រិក ឆ្នាំ២០២៤ ដែលមានវត្តមានថ្នាក់ដឹកនាំ និងតំណាងប្រទេស នៃប្លុកអាហ្វ្រិក ជិត៥០ប្រទេស ហើយ ដែលកូរ៉េខាងត្បូងធ្វើជាម្ចាស់ផ្ទះនោះ លោក Yoon បានសន្យាថា រដ្ឋាភិបាលកូរ៉េខាងត្បូងនឹងបង្កើនការផ្តល់ជំនួយអភិវឌ្ឍន៍ផ្លូវការរបស់ខ្លួន ទ្វេដង ដល់ទ្វីបអាហ្រ្វិក ពោលគឺរហូតដល់ ១០ពាន់លានដុល្លារ នៅឆ្នាំ២០៣០ ហើយនឹងផ្តល់ហិរញ្ញប្បទាន ចំនួន ១៤ ពាន់លានដុល្លារ ដើម្បីជួយដល់ក្រុមហ៊ុនកូរ៉េ ពង្រីកពាណិជ្ជកម្ម និងការវិនិយោគ នៅទូទាំងទ្វីបអាហ្វ្រិក។ លោក Yoon បាននិយាយថា «យើងក៏នឹងរួមចំណែកយ៉ាងសកម្មដល់កិច្ចខិតខំប្រឹងប្រែងសមាហរណកម្មសេដ្ឋកិច្ច ក្នុងតំបន់ របស់ទ្វីបអាហ្រ្វិក តាមរយៈតំបន់ពាណិជ្ជកម្មសេរីទ្វីបអាហ្រ្វិក ហៅកាត់ AfCFTA ដែលត្រូវបានដាក់ឱ្យដំណើរការ ក្នុងឆ្នាំ២០១៩។ មុនពេលប្រកាសបើកកិច្ចប្រជុំកំពូលនេះ លោក Yoon បានប្រាប់ AFP ថា…