-
Trump គ្រោងចាប់ឃុំខ្លួនជនចំណាកស្រុក៣ម៉ឺននាក់
បរទេស ៖ លោក Donald Trump ប្រធានាធិបតី សហរដ្ឋអាមេរិក គ្រោងនឹងចាប់ឃុំខ្លួន ជនចំណាកស្រុកគ្មានឯកសារ ចំនួន៣០,០០០នាក់ ដាក់ក្នុងពន្ធធានាគាយោធា នៅតំបន់ឈូងសមុទ្រ Guantanamo។ លោក Donald Trump បានបង្ហាញផែនការ ដ៏គួរឱ្យភ្ញាក់ផ្អើលនេះ កាលពីថ្ងៃពុធ។ លោក Trump បាននិយាយថា លោកបានបញ្ជាឱ្យសាងសង់ជំរុំឃុំឃាំង ដើម្បីផ្ទុកមនុស្ស រហូតដល់៣ម៉ឺននាក់ ជាអ្វីដែលលោកហៅថា «ជនបរទេសខុសច្បាប់ ឧក្រិដ្ឋកម្ម» នៅឯមូលដ្ឋានយោធា ដ៏ល្បីល្បាញ នៅភាគខាងកើត នៃប្រទេសគុយបា ជាគុកដែលប្រើសម្រាប់ឃុំខ្លួនជនសង្ស័យភេរវកម្ម ចាប់តាំងពីការវាយប្រហារ ថ្ងៃ១១ កញ្ញា។ ក្នុងពេលចុះហត្ថលេខា លើបទបញ្ជា ឱ្យឃុំខ្លួនបណ្តោះអាសន្ន ចំពោះជនចំណាកស្រុក ដែលត្រូវបានចោទប្រកាន់ ពីបទលួច ឬ ហិង្សានោះ លោក Trump បាននិយាយថា ផែនការ Guantanamo នឹង «នាំយើងឱ្យកាន់តែខិតទៅជិតការលុបបំបាត់ ការគំរាមកំហែង នៃឧក្រិដ្ឋកម្ម ជនចំណាកស្រុក»។ លោក…
-
ផែនការផ្តាច់ជំនួយរបស់ Donald Trump ជាប់គាំង
បរទេស ៖ នៅប៉ុន្មាននាទី មុនពេលចូលជាធរមាន គម្រោងផ្តាច់ជំនួយនិងកម្ចី រាប់រយពាន់លានដុល្លារអាមេរិក របស់ប្រធានាធិបតីអាមេរិក លោក Donald Trump បានជាប់គាំង ក្រោយពេលដែលចៅក្រមអាមេរិកបានរារាំង នេះបើតាមការចុះផ្សាយ របស់ទីភ្នាក់ងារព័ត៌មាន BBC កាលពីថ្ងៃអង្គារ។ ការរារាំងមិនឲ្យចូលធរមាន តាមបទបញ្ជារបស់លោក Trump នេះ បានកើតមានឡើង ក្រោយពេលមានបណ្តឹងវ៉ា ពីសំណាក់អង្គការធ្លាប់តែទទួលជំនួយពីរដ្ឋាភិបាលអាមេរិក ដោយពួកគេចោទថា ការបង្កកមូលនិធិរបស់សេតវិមាន ដែលបានអនុម័តរួចហើយនោះ គឺជាការបំពានច្បាប់។ លោកស្រី ចៅក្រម Loren AliKhan បានលើឡើងថា ការចេញបញ្ជាឲ្យរារាំង ផែនការបស់លោក Donald Trupm គឺធ្វើឡើងដើម្បីជាការឆ្លើយតបទៅនឹងបណ្តឹង របស់អង្គការទទួលជំនួយទាំងនោះ។ ប្រធានស្តីទី នៃការិយាល័យថវិការបស់សេតវិមាន បានណែនាំភ្នាក់ងារឱ្យ ផ្អាកសកម្មភាពទាំងអស់ ដែលទាក់ទងនឹងកាតព្វកិច្ច ឬ ការផ្តល់ជំនួយហិរញ្ញវត្ថុរបស់សហព័ន្ធ ជាបណ្តោះអាសន្ន ដើម្បីផ្តល់ពេលវេលា ដល់រដ្ឋបាលថ្មី វាយតម្លៃពីភាពចាំបាច់ នៃការផ្តល់ជំនួយ និងប្រាក់កម្ចីទាំងនេះ ជាមុនសិន។ អ្នកនាំពាក្យសេតវិមាន លោកស្រី Karoline…
-
អាមេរិកជោគជ័យហោះហើរយន្តហោះដឹកអ្នកដំណើរល្បឿន ១,២០០ គីឡូម៉ែត្រក្នុងមួយម៉ោង
វ៉ាស៊ីនតោន ៖ ព្រឹត្តិការណ៍ដ៏សំខាន់មួយបានកើតឡើងនៅថ្ងៃទី២៨ ខែមករានេះ នៅពេលដែលក្រុមហ៊ុនផលិតយន្តហោះ Boom Supersonic បានបញ្ចប់ការហោះហើរសាកល្បងនូវប្រភេទយន្តហោះមានល្បឿនលឿនជាងសំឡេងជាលើកដំបូង នៅទីក្រុង Mojave រដ្ឋកាលីហ្វ័រញ៉ា សហរដ្ឋអាមេរិក។ ការសាកល្បងហោះហើរចុងក្រោយនេះ យន្តហោះ XB-1 បានហោះចេញពីទីតាំង Mojave Air and Space Port ក្រោមការបញ្ជាពីប្រធានផ្នែកសាកល្បងរបស់ក្រុមហ៊ុន Boom គឺលោក Tristan “Geppetto” Brandenburg។ យន្តហោះ XB-1 បានបង្កើនល្បឿនដល់ Mach 1.122 ឬជាង ១,២០០គីឡូម៉ែត្រក្នុងមួយម៉ោង ដោយលឿនជាងសំលេងប្រហែល ១០% ហើយត្រឹម ១២នាទីប៉ុណ្ណោះ អាចហោះបានកម្ពស់ប្រហែល ១០,០០០គីឡូម៉ែត្រ។ ការហោះហើរនេះដែរ ត្រូវបានចងក្រងជាឯកសារ អំពីពេលវេលាហោះហើរជាប្រវត្តិសាស្ត្រ សម្រាប់យន្តហោះមានល្បឿនលឿនជាងសំលេងស៊ីវិលដំបូងគេ ដែលបានផលិតឡើងនៅសហរដ្ឋអាមេរិក និងជាយន្តហោះដែលបង្កើតដោយវិស័យឯកជនដំបូងគេបង្អស់របស់ពិភពលោក។ គិតមកទល់ពេលនេះ យន្តហោះ XB-1 របស់ក្រុមហ៊ុន Boom Supersonic បានបញ្ចប់ការហោះហើរសាកល្បងដោយជោគជ័យចំនួន ១២លើកហើយ ចាប់តាំងពីវាបានចាប់ផ្តើមការហោះហើរលើកដំបូងកាលពីខែមីនា…
-
តៃវ៉ាន់ចង់លូកដៃជួយឧស្សាហកម្មបន្ទះឈីប ចំពេលលោក Trump គំរាមដាក់ពន្ធ
តៃប៉ិ ៖ នាយករដ្ឋមន្ត្រីតៃវ៉ាន់ លោក Cho Jung-tai បាននិយាយក្នុងថ្ងៃពុធនេះថា រដ្ឋាភិបាលតៃវ៉ាន់ នឹងពិចារណាលើការផ្តល់ជំនួយជួយដល់ឧស្សាហកម្មផលិតបន្ទះឈីបក្នុងស្រុក ចំពេលមានការគំរាមកំហែងពីប្រធានាធិបតីអាមេរិក លោក Donald Trump ក្នុងការបង្កើនពន្ធលើឧបករណ៍អេឡិចត្រូនិក។ លោក Trump បានប្រកាសកាលពីថ្ងៃចន្ទសប្តាហ៍នេះថា លោកគ្រោងនឹងដាក់ពន្ធថ្មីលើទំនិញនាំចូល មានដូចជា បន្ទះឈីប ឱសថ និងដែកថែបជាដើម។ ពាក់ព័ន្ធនឹងបញ្ហានេះ នាយករដ្ឋមន្រ្តីតៃវ៉ាន់បាននិយាយថា ក្នុងពេលមួយថ្ងៃ ឬពីរថ្ងៃ យើងនឹងពិនិត្យមើលជាបន្ទាន់ ថាតើយើងត្រូវបង្កើតផែនការសហប្រតិបត្តិការបន្ថែមទៀត និងកម្មវិធីផ្តល់ជំនួយនាពេលអនាគតសម្រាប់វិស័យឧស្សាហកម្មដែរឬយ៉ាងណា។ លោក Cho បាននិយាយយ៉ាងដូច្នេះថា ខ្ញុំចង់ធានាដល់ជនរួមជាតិឡើងវិញថា ជំហររបស់តៃវ៉ាន់នៅក្នុងខ្សែសង្វាក់ឧស្សាហកម្មរបស់ពិភពលោក គឺមិនត្រូវព្រងើយកន្តើយឡើយ ហើយយើងនឹងបន្តរក្សានូវអត្ថប្រយោជន៍បែបនេះតទៅមុខទៀត។ លោក Cho បន្ថែមថា តៃវ៉ាន់ត្រូវបន្តខិតខំបន្ថែមទៀត សម្រាប់កិច្ចសហប្រតិបត្តិការខាងក្រៅ និងដើម្បីរក្សាភាពជាអ្នកដឹកនាំក្នុងវិស័យឧស្សាហកម្ម និងបច្ចេកវិទ្យា។ តៃវ៉ាន់គឺជាផ្ទះរបស់ TSMC ដែលជាក្រុមហ៊ុនផលិតបន្ទះឈីបដ៏ធំបំផុតរបស់ពិភពលោក ដែលដើរតួនាទីយ៉ាងសំខាន់ ក្នុងការផ្គត់ផ្គង់បន្ទះឈីបកម្រិតខ្ពស់ដល់ក្រុមហ៊ុនធំៗរបស់សហរដ្ឋអាមេរិក មានដូចជា Apple និង Nvidia ជាដើម។ អតិរេកពាណិជ្ជកម្មរបស់តៃវ៉ាន់ជាមួយសហរដ្ឋអាមេរិក បានកើនឡើងដល់…
-
នាយករដ្ឋមន្ត្រីថៃគំរាមបញ្ឈប់ការឧបត្ថម្ភធនដល់កសិករដុតសំណល់ដំណាំ
បរទេស ៖ នាយករដ្ឋមន្ត្រីថៃ លោកស្រី Paetongtarn Shinawatra កាលពីថ្ងៃអង្គារ បានគំរាមបញ្ឈប់ការឧបត្ថម្ភធន សម្រាប់កសិករ ដែលដុតចោល នូវសំណល់ដំណាំកសិកម្ម ដែលជាផ្នែកមួយ នៃវិធានការដោះស្រាយ ការបំពុលខ្យល់ PM2.5 ។ ថ្លែងទៅកាន់អ្នកសារព័ត៌មាន បន្ទាប់ពីកិច្ចប្រជុំគណៈរដ្ឋមន្ត្រី ប្រចាំសប្តាហ៍ លោកស្រី Paetongtarn បាននិយាយថា ការផ្អាកការឧបត្ថម្ភធន គឺស្ថិតក្នុងចំណោមវិធានការមួយចំនួន ដែលគណៈរដ្ឋមន្ត្រី បានពិចារណា និងអនុម័ត សម្រាប់ការអនុវត្ត ដោយក្រសួងពាក់ព័ន្ធ ដើម្បីកាត់បន្ថយការបំពុលខ្យល់ PM2.5 ដែលបានកំពុងកកស្ទះផ្នែកជាច្រើន នៃប្រទេស។ លោកស្រី នាយករដ្ឋមន្រ្តី បាននិយាយថា ជាផ្នែកនៃវិធានការនេះ ក្រសួងកសិកម្មត្រូវបានចាត់តាំងឱ្យមានការធានាថា គ្មានកសិករណា ដុតបំផ្លាញសំណល់កសិកម្ម ក្រោយការប្រមូលផល របស់ពួកគេឡើយ។ លោកស្រី Paetongtarn បានបន្ថែមថា ប្រសិនបើកសិករ ត្រូវបានគេរកឃើញថា ធ្វើសកម្មភាពដុត ដើម្បីឈូសឆាយដីស្រែ ឬ កសិដ្ឋានរបស់ពួកគេ បន្ទាប់ពីប្រមូលផល ពួកគេនឹងត្រូវបានហាមឃាត់ មិនឱ្យទទួលបានប្រាក់ឧបត្ថម្ភណាមួយ ពីរដ្ឋាភិបាល…
-
ពូទីន ៖ ជជែកជាមួយអ៊ុយក្រែនបាន តែមិនមែន Zelensky
បរទេស ៖ ប្រធានាធិបតី នៃប្រទេសរុស្ស៊ី លោក វ្ល៉ាឌីមៀ ពូទីន បាននិយាយ កាលពីថ្ងៃអង្គារថា ប្រទេសរបស់លោក អាចធ្វើកិច្ចចរចាសន្តិភាព ជាមួយអ៊ុយក្រែន ប៉ុន្តែ បានច្រានចោល ការនិយាយដោយផ្ទាល់ ជាមួយប្រធានាធិបតី Volodymyr Zelensky ដែលលោកហៅថា ជាមនុស្ស «ខុសច្បាប់» ។ មេដឹកនាំអ៊ុយក្រែន បានឆ្លើយតបវិញថា លោក ពូទីន «ភ័យខ្លាច» ការចរចា ហើយកំពុងប្រើ «ល្បិចកល ដើម្បីអូសបន្លាយជម្លោះ ជិតបីឆ្នាំ»។ លោក ពូទីន បាននិយាយថា «ប្រសិនបើ Zelensky ចង់ចូលរួម ក្នុងការចរចា ខ្ញុំនឹងចាត់ចែងមនុស្សឱ្យចូលរួម» ដោយហៅមេដឹកនាំ អ៊ុយក្រែន រូបនេះ ថា «ខុសច្បាប់» ពីព្រោះអាណត្តិប្រធានាធិបតីរបស់ Zelensky បានផុតកំណត់ ក្នុងអំឡុងពេលច្បាប់អាជ្ញាសឹក។ លោក Zelensky បាននិយាយថា មានឱកាសដើម្បីសម្រេចបាន «សន្តិភាពពិតប្រាកដ» ប៉ុន្តែ…
-
ឆេះយន្តហោះមួយគ្រឿងនៅកូរ៉េខាងត្បូង សំណាងល្អ អ្នកដំណើរត្រូវជម្លៀសទាន់ពេល
សេអ៊ូល ៖ យន្តហោះដឹកអ្នកដំណើរមួយគ្រឿងត្រូវបានភ្លើងឆាបឆេះនៅឯអាកាសយានដ្ឋានអន្តរជាតិមួយក្នុងទីក្រុងប៊ូសាន ភាគអាគ្នេយ៍ កាលពីថ្ងៃអង្គារ បណ្តាលឲ្យមនុស្ស ៤នាក់រងរបួស ខណៈអ្នកដំណើរដទៃទៀតត្រូវបានជម្លៀសដោយសុវត្ថិភាព។ អាជ្ញាធរពន្លត់អគ្គីភ័យបាននិយាយថា យន្តហោះនៃក្រុមហ៊ុនអាកាសចរណ៍ Air Busan ដែលជាប្រភេទយន្តហោះ Airbus A321-200 បានធ្វើដំណើរទៅកាន់ទីក្រុងហុងកុង ចេញពីព្រលានអន្តរជាតិ Gimhae ក្នុងទីក្រុង Busan មានចម្ងាយប្រហែល ៣២០គីឡូម៉ែត្រភាគអាគ្នេយ៍នៃទីក្រុងសេអ៊ូល ត្រូវភ្លើងឆាបឆេះនៅកន្ទុយរបស់វា ហើយបានរាលដាលដល់តួយន្តហោះ មុនពេលវាហោះឡើងនៅម៉ោងប្រហែល ១០និង២៦យប់ថ្ងៃអង្គារ។ អាជ្ញាធរពន្លត់អគ្គីភ័យបានបន្ថែមថា អ្នកដំណើរនៅលើយន្តហោះនោះទាំងអស់ ១៦៩នាក់ អ្នកបម្រើការងារលើយន្តហោះ ៦នាក់ និងបុគ្គលិកថែទាំម្នាក់ត្រូវបានជម្លៀសចេញដោយសុវត្ថិភាព។ ឡានពន្លត់អគ្គីភ័យបានមកដល់កន្លែងកើតហេតុនៅវេលាម៉ោង១០និង៣៤នាទីយប់។ សមត្ថកិច្ចកូរ៉េខាងត្បូងបានរាយការណ៍ថា ភភ្លើងឆេះយន្តហោះបាន រលត់ទាំងស្រុងនៅវេលាម៉ោង ១១ និង ៣១នាទីយប់ថ្ងៃដដែល។ ទោះបីជាដំបូង មិនមានអ្នករងរបួសត្រូវរាយការណ៍ក៏ដោយ អាជ្ញាធរពន្លត់អគ្គិភ័យបាននិយាយថា មានមនុស្ស ៤នាក់បានរងរបួសស្រាល នៅពេលជម្លៀសពួកគេចេញពីយន្តហោះ។ ក្នុងនោះ មនុស្សពីរនាក់បានទទួលការព្យាបាលនៅមន្ទីរពេទ្យក្បែរនោះ។ ភា្លមៗ មូលហេតុឆេះយន្តហោះនេះ នៅមិនទាន់ដឹងនៅឡើយទេ ខណៈការស៊ើបអង្កេតកំពុងដំណើរការ។ ក្រុមហ៊ុនអាកាសចរណ៍ Air Busan មិនធ្លាប់ជួបប្រទះគ្រោះថ្នាក់ណាមួយទេក្នុង…
-
ផ្ទុះការវែកញែក! Zuckerberg សម្លឹងដើមទ្រូងគូដណ្តឹងលោកBezos
បរទេស ៖ មានការជជែកដេញដោលជាសាធារណៈ ជុំវិញមេធំក្រុមហ៊ុន Meta ឬ គេស្គាល់ថា ជាស្ថាបនិក ហ្វេសបុក គឺ លោក Mark Zuckerberg បានសម្លឹងមើលដើមទ្រូងនាង Lauren Sanchez ដែលជាគូដណ្តឹង របស់មហាសេដ្ឋី Jeff Bezos ក្នុងពិធីស្បថចូលកាន់តំណែង របស់លោក Donald Trump។ អ្នកប្រើប្រាស់ X ម្នាក់ បានបញ្ចេញមតិថា «លោក Zuck សម្លឹងទៅលើវិញភ្លាម» ។នាង Christine Quinn អ្នកជំនាញខាងអចលនទ្រព្យ និងជាតារាដ៏ល្បី ក្នុងរឿងភាគ Selling Sunset របស់ Netflix បានរិះគន់យ៉ាងខ្លាំង ដោយបានប្រដូច ការសម្លឹងរបស់លោក Mark Zuckerberg ដូចនឹងភ្នែកសត្វល្មូន Lizardman ថែមទៀតផង។ ផ្ទុយទៅវិញ អ្នកអត្ថាធិប្បាយ ជនជាតិអាមេរិក នាង Megyn Kelly…
-
ចិនបង្កើតកម្មវិធី AI ថ្មីចាយតិច អុកឡុក ChatGPT, Nvidia
បរទេស ៖ ក្រុមហ៊ុនគំរូភាសាចិន DeepSeek បានបង្កើតកម្មវិធី AI ថ្មី ចំណាយតិច តែ បានអុកលុកទីផ្សារបស់ក្រុមហ៊ុនបច្ចេកវិទ្យាអាមេរិកធំៗ ដូចជា Nvidia, ChatGPT ជាដើម ខណៈដែល កម្មវិធី App របស់ចិននេះ ត្រូវបានទាញយកប្រើប្រាស់ច្រើនបំផុត លើ App Store របស់ Apple នៅសហរដ្ឋអាមេរិក កាលពីចុងសប្តាហ៍ ហើយមិនគិតថ្លៃ នេះបើតាមការចេញផ្សាយ របស់ទីភ្នាក់ងារព័ត៌មាន BBC។ ភាគហ៊ុនរបស់ក្រុមហ៊ុនរចនាបន្ទះឈីបដ៏ធំរបស់អាមេរិក Nvidia បានធ្លាក់ចុះ ១៧% ឬ តម្លៃទីផ្សារ ជិត៦០០ពាន់លានដុល្លារ យោងទៅតាម Bloomberg ហើយគឺជាការធ្លាក់ចុះដ៏ធំបំផុត នៅក្នុងប្រវត្តិសាស្រ្ត នៃទីផ្សារភាគហ៊ុនអាមេរិក។ អ្នកអភិវឌ្ឍន៍របស់ DeepSeek និយាយថា ខ្លួនបានបង្កើតម៉ូដែល ចុងក្រោយនេះ ក្នុងតម្លៃត្រឹមតែ ៥.៦លានដុល្លារប៉ុណ្ណោះ ខណៈដែលក្រុមហ៊ុន OpenAI ដែលជាអ្នកបង្កើតគំរូភាសា ChatGPT បានជះលុយដល់ទៅ៥ពាន់លានដុល្លារ កាលពីឆ្នាំមុន…
-
បុរសអេស្តូនីបំបែកកំណត់ត្រាថ្មី ដើរលើខ្សែពួរកម្ពស់ជាង ២០០ម៉ែត្រនៅទីក្រុងឌូបៃ
តាលិន ៖ បុរសជនជាតិអេស្តូនីម្នាក់ បានបំបែកកំណត់ត្រាថ្មី ជាមួយនឹងការដើរនៅលើខ្សែពួរក្នុងលំហអាកាស មានចម្ងាយប្រហែល ១០០ម៉ែត្រ និងកម្ពស់ ២២៤ម៉ែត្រ ដែលចងភ្ជាប់ពីអគារមួយទៅអគារមួយទៀតនៅក្នុងទីក្រុងឌូបៃ ប្រទេសអារ៉ាប់រួម។ ម្ចាស់ជើងឯកពិភពលោកបីសម័យកាល លោក Jaan Roose ថ្មីៗនេះបានបង្ហាញសមត្ថភាពដ៏អស្ចារ្យ និងក្លាហានបំផុត ដោយមិនខ្លាចរអាជាមួយសេចក្តីស្លាប់ ដោយគាត់អាចបញ្ចប់ការដើរនៅលើខ្សែពួរដែលបានចងយ៉ាងខ្ពស់នៅចន្លោះអគារ Jumeirah Emirates Towers ក្នុងទីក្រុងឌូបៃ។ ប៉ុន្តែទោះជាមានភាពក្លាហានយ៉ាងណាក៏ដោយ ក៏គាត់នៅតែប្រើខ្សែសុវត្ថិភាពបំពាក់ជាប់នឹងខ្លួន ដើម្បីការពារពីការធ្លាក់ដោយចៃដន្យ។ អត្តពលិកវ័យ ៣២ឆ្នាំរូបនេះ បានរៀបរាប់អំពីការសម្ដែងនេះថា បញ្ហាប្រឈមចម្បងនៃការដើរនៅលើខ្សែពួរខ្ពស់បែបនេះ គឺការប្រើបច្ចេកទេស ក្នុងការរក្សាតុល្យភាពលំនឹងឱ្យបានស្នើគ្នា។ លោក Roose បន្ថែមថា ប្រសិនបើមិនមានបច្ចេកទេសនេះទេ វាច្បាស់ជាធ្លាក់ចុះពីលើខ្សែពួរនេះមិនខានឡើយ ព្រោះនៅពេលកំពុងដើរលើខ្សែពួរ យើងត្រូវប្រឈមនឹងខ្យល់បក់ធ្វើឱ្យញ័រខ្សែជាមិនខានឡើយ ហើយគាត់ក៏មានការភ័យខ្លាចធ្លាក់ដែរ ប៉ុន្តែគាត់ខំប្រឹងទប់អារម្មណ៍ និងផ្ចង់ស្មារតីឱ្យរឹងមាំបោះជំហានទៅមុខមួយៗរហូតដល់គោលដៅកំណត់។ នេះមិនមែនជាលើកដំបូងទេសម្រាប់លោក Roose ដោយសារតែកន្លងមក រូបលោកក៏ធ្លាប់បានដើរនៅលើខ្សែពួរដ៏គ្រោះថ្នាក់បែបនេះ និងដើរលើខ្សែរភ្លើងនៅប្រទេសផ្សេងៗជុំវិញពិភពលោកផងដែរ៕ ប្រភព ៖ telegrafi ប្រែសម្រួល ៖ ឈឹម ទីណា