ប្រាស៊ីលីយ៉ា៖ មនុស្សយ៉ាងតិចណាស់ ចំនួន៩នាក់បានស្លាប់ ដោយសារតែភ្លៀងធ្លាក់យ៉ាងគំហុក នៅក្នុងទីក្រុង Rio de Janeiro នៃប្រទេសប្រេស៊ីល កាលពីយប់ថ្ងៃអាទិត្យ ចុងសប្តាហ៍។ ក្រុមមន្ត្រីបាននិយាយថា ផ្លូវនានារបស់ទីក្រុង Rio de Janeiro បានប្រែក្លាយទៅជាទឹកទន្លេ ហើយមន្ទីរពេទ្យត្រូវបានជន់លិច បន្ទាប់ពីមានភ្លៀងធ្លាក់យ៉ាងខ្លាំង។ ប្រភពបានបន្តថា ភ្លៀងធ្លាក់ពេញមួយយប់ កាលពីថ្ងៃអាទិត្យ ចុងសប្តាហ៍នេះ បានបណ្តាលឲ្យមនុស្សយ៉ាងហោចណាស់ ៩នាក់បានស្លាប់ និងម្នាក់ទៀតតែបាត់ខ្លួន។ លោក Alexandro Gomes ដែលជាអ្នកសាងសង់ឥដ្ឋ បាននិយាយថា «ជារៀងរាល់ឆ្នាំ គឺវាដូចគ្នានៅពេលមានភ្លៀងធ្លាក់បែបនេះ វាពេញហើយក្លាយជាអាងហែលទឹក បឹង ពិតប្រាកដ»។ គួរបញ្ជាក់ថា ទឹកភ្លៀងបានឈានដល់កម្រិតធ្ងន់ធ្ងរ នៅតំបន់ភាគខាងជើង នៃទីក្រុង Rio de Janeiro និងទីក្រុងក្បែរខាង។ ទីកន្លែងទាំងនេះគឺជាតំបន់ទីប្រជុំជន ហើយការធ្លាក់ភ្លៀងនេះបានធ្វើឲ្យមានការរអិលបាក់ដី គ្រោះថ្នាក់ និងការឆក់អគ្គិសនី ដែលនាំឲ្យស្លាប់មនុស្ស។ ក្រៅពីការស្លាប់មនុស្សជិត១០នាក់ ស្ត្រីម្នាក់ផ្សេងទៀត ត្រូវបានគេដឹងថា បានបាត់ខ្លួន ពេលកំពុងធ្វើដំណើរតាមរថយន្តរបស់ខ្លួន ហើយអាជ្ញាធរកំពុងស្វែងរក។…

ហ្គាហ្សា៖ ក្រុមសកម្មប្រយុទ្ធហាម៉ាសបានអះអាងថា ចំណាប់ខ្មាំងជាច្រើននាក់ទំនងជាត្រូវបានសម្លាប់ ហើយអ្នកដែលត្រូវស្តីបន្ទោសចំពោះការស្លាប់នេះ គឺភាគីខាងអ៊ីស្រាអែល។ អ្នកនាំពាក្យពួកហាម៉ាស់ ប៉ាឡេស្ទីន បាននិយាយ នៅថ្ងៃទី១៤ ខែមករាថា ចំណាប់ខ្មាំងជាច្រើននាក់ ដែលត្រូវបានចាប់ពង្រត់ដោយពួកគេ នៅក្នុងតំបន់ហ្គាហ្សា ស្ទ្រីប (Gaza Strip) ទំនងជាត្រូវបានសម្លាប់។ ពួកគេអះអាងថា ការស្លាប់ចំណាប់ខ្មាំងទាំងនោះ ដោយសារតែទង្វើរបស់អ៊ីស្រាអែល ដែលសម្រេចជោគវាសនាអាយុជីវិតរបស់ចំណាប់ខ្មាំងទាំងនោះ។ លោក អាប៊ូ អូបេដា (Abu Abeida) អ្នកនាំពាក្យហាម៉ាសបានលើកឡើងថា «ថ្មីៗនេះ ពួកគេជាច្រើននាក់ ច្បាស់ណាស់ ត្រូវបានសម្លាប់ ហើយនៅសល់ប៉ុន្មាននាក់ទៀត គឺស្ថិតក្នុងគ្រោះថ្នាក់គ្រប់ម៉ោងទាំងអស់ គ្រោះថ្នាក់ខ្លាំង…ហើយសត្រូវរបស់ពួកយើង ការដឹកនាំការវាយប្រហាររបស់កងទ័ពអ៊ីស្រាអែល គឺជាការទទួលខុសត្រូវពេញលេញ លើការស្លាប់ទាំងនេះ»។ លោក អាប៊ូ អូបេដា បានបន្ថែមទៀតថា ក្រុមសម្ព័ន្ធមិត្តរបស់ហាម៉ាស់បានប្រាប់ថា «ពួកគេនឹងពង្រីកការវាយប្រហារទៅលើពួកសត្រូវ ក្នុងរយៈពេលប៉ុន្មានថ្ងៃខាងមុខនេះ»។ អ្នកនាំពាក្យហាម៉ាសរូបនេះក៏បានចោទប្រកាន់កងកម្លាំងអ៊ីស្រាអែលដែរថា ពួកគេចាប់ផ្តើមសង្គ្រាមសាសនាថែមទៀត នាពេលថ្មីៗនេះ។ ពួកគេបានចោទថា ទាហានអ៊ីស្រាអែលបានវាយប្រហារ បំផ្លិចបំផ្លាញវិហារអ៊ីស្លាមនានា នៅក្នុងតំបន់ហ្គាហ្សា ស្ទ្រីប។ គួរបញ្ជាក់ថា នៅតំបន់ហ្គាហ្សា មានមនុស្សជិត២៤០០០នាក់ហើយ…

វ៉ាស៊ីនតោន៖ ប្រធានាធិបតីអាមេរិក លោក ចូ បៃដិន នៅថ្ងៃព្រហស្បតិ៍និយាយថា កងកម្លាំងអាមេរិក និងអង់គ្លេសបានបើកការវាយប្រហារតាមផ្លូវអាកាស ប្រឆាំងនឹងក្រុមឧទ្ទាមហ៊ូទី នៅប្រទេសយេម៉ែន ដែលមានអ៊ីរ៉ង់ជាខ្នងបង្អែក គឺជា “សកម្មភាពការពារ” បន្ទាប់ពីមានការវាយប្រហារលើការដឹកជញ្ជូននៅសមុទ្រក្រហម។ ប្រធានាធិបតីអាមេរិក លោក ចូ បៃដិន បានបញ្ជាក់នៅក្នុងសេចក្តីថ្លែងការណ៍មួយយ៉ាងដូច្នេះថា ថ្ងៃនេះ តាមការណែនាំរបស់ខ្ញុំ កងកម្លាំងយោធាអាមេរិក រួមជាមួយអង់គ្លេស និងដោយមានការគាំទ្រពីអូស្ត្រាលី បារ៉ែន កាណាដា និងហូឡង់ បានបើកការវាយប្រហារដោយជោគជ័យ លើគោលដៅមួយចំនួនក្នុងប្រទេសយេម៉ែន ប្រើប្រាស់ដោយពួកឧទ្ទាមហ៊ូទី ដែលបង្កគ្រោះថ្នាក់ដល់សេរីភាពនៃការធ្វើនាវាចរណ៍។ លោក បៃដិន បានហៅការវាយប្រហារនេះថា ជា “ការឆ្លើយតបដោយផ្ទាល់” ចំពោះការវាយប្រហារដែលមិនធ្លាប់មានពីមុនមកដោយក្រុមហ៊ូទី រួមទាំងការប្រើប្រាស់មីស៊ីលបាលិស្ទីកប្រឆាំងនាវាជាលើកដំបូងក្នុងប្រវត្តិសាស្ត្រ។ប្រធានាធិបតីអាមេរិករូបនេះបន្ថែមថា ការវាយប្រហារនេះដែរ មិនបង្កគ្រោះថ្នាក់ដល់បុគ្គលិកអាមេរិក ទាហានជើងទឹកស៊ីវិល និងដៃគូរបស់យើង ឬ ការធ្វើពាណិជ្ជកម្ម និងគំរាមកំហែងដល់សេរីភាពនៃការធ្វើនាវាចរណ៍ឡើយ។ លោកបានសង្កត់ធ្ងន់ទៀតថា ទីក្រុងវ៉ាស៊ីនតោន និងសម្ព័ន្ធមិត្ត នឹងមិនអត់ឱនចំពោះការវាយប្រហារលើបុគ្គលិករបស់យើង ឬអនុញ្ញាតឱ្យតួអង្គអរិភាព ធ្វើឱ្យប៉ះពាល់ដល់សេរីភាពនៃការធ្វើនាវាចរណ៍ឡើយ។ ហើយលោកក៏នឹងមិនស្ទាក់ស្ទើរ ដើម្បីបញ្ជាឱ្យមានសកម្មភាពយោធាបន្ថែមទៀត ប្រសិនបើចាំបាច់ ដើម្បីការពារប្រជាជនរបស់យើង…

ប៉េកាំង៖ ទីក្រុងប៉េកាំងក្នុងថ្ងៃព្រហស្បតិ៍សប្តាហ៍នេះនិយាយថា រដ្ឋមន្រ្តីការបរទេសចិន លោក វ៉ាង យី នឹងធ្វើដំណើរទស្សនកិច្ចទៅកាន់ប្រទេសអេហ្ស៊ីប និងទុយនីស៊ី ក្នុងសប្តាហ៍នេះ ជាផ្នែកមួយនៃការបំពេញទស្សនកិច្ចនៅទ្វីបអាហ្រ្វិកចំនួន ៤ប្រទេស មុនពេលលោកបន្តដំណើរទៅកាន់ប្រេស៊ីល និងហ្សាម៉ាអ៊ីក។ ដំណើរទស្សនកិច្ចលើកដំបូងរបស់ប្រមុខការទូតចិន លោក វ៉ាង យី ក្នុងឆ្នាំថ្មីនេះ បានកើតឡើងនៅពេលដែលប្រទេសចិនផ្តោតកាន់តែខ្លាំងឡើងទៅលើទំនាក់ទំនងនៅសកលលោកខាងត្បូង ដោយស្វែងរកការពង្រឹងឥទ្ធិពលរបស់ខ្លួនក្នុងតំបន់ ដែលកន្លងមកត្រួតត្រាដោយសហរដ្ឋអាមេរិក និងសម្ព័ន្ធមិត្ត។ អ្នកនាំពាក្យក្រសួងការបរទេសចិន លោកស្រី Mao Ning បានប្រាប់សន្និសីទកាសែតថា ទីក្រុងប៉េកាំងនឹងបន្តមិត្តភាពជាប្រពៃណីរវាងចិន និងអាហ្វ្រិក ព្រមទាំងការពង្រឹងសាមគ្គីភាព និងកិច្ចសហប្រតិបត្តិការចិន-អាហ្វ្រិក។ លោកស្រី Mao បន្តថា ចាប់ពីថ្ងៃទី១៨ ដល់ថ្ងៃទី២២ ខែមករា លោក វ៉ាង នឹងធ្វើដំណើរទស្សនកិច្ចទៅកាន់ប្រេស៊ីល និង ហ្សាម៉ាអ៊ីក។ លោកស្រី Mao បន្ថែមថា យើងនឹងយកឱកាសនេះ ដើម្បីពង្រឹងបន្ថែមទៀតនូវមូលដ្ឋានគ្រឹះនៃការជឿទុកចិត្តគ្នាខាងនយោបាយរវាងប្រទេសទាំងពីរ និងធ្វើឱ្យស៊ីជម្រៅនូវកិច្ចសហប្រតិបត្តិការមិត្តភាព ដែលផ្តល់ផលប្រយោជន៍ទៅវិញទៅមក ក្នុងវិស័យផ្សេងៗ។ គួរបញ្ជាក់ថា ដំណើរទស្សនកិច្ចរបស់លោក វ៉ាង ទៅកាន់អេហ្ស៊ីប នឹងធ្វើឡើងបន្ទាប់ពីរដ្ឋមន្ត្រីការបរទេសអាមេរិក…

ព្យុងយ៉ាង៖ គ្រោះរញ្ជួយដីកម្រិត ២.៤រ៉ិចទ័រ បានវាយប្រហារនៅជិតទីតាំងធ្វើតេស្តនុយក្លេអ៊ែររបស់កូរ៉េខាងជើង ក្នុងថ្ងៃព្រហស្បតិ៍សប្តាហ៍នេះ។ ទីភ្នាក់ងារសារព័ត៌មានយ៉ុនហាប់ ដកស្រង់សម្តីរបស់រដ្ឋបាលឧតុនិយមកូរ៉េខាងត្បូងចេញផ្សាយថា គ្រោះរញ្ជួយដីកម្រិតស្រាល ២.៤រ៉ិចទ័រ បានវាយប្រហារនៅចម្ងាយ ៤១គីឡូម៉ែត្រ ភាគពាយព្យនៃទីក្រុងគីលជូ ដែលជាទីតាំងធ្វើតេស្តនុយក្លេអ៊ែររបស់កូរ៉េខាងជើង។ ការរញ្ជួយដីនេះ កើតឡើងនៅម៉ោង ៧យប់ថ្ងៃព្រហស្បតិ៍សប្តាហ៍នេះ (ម៉ោងក្នុងតំបន់) ក្នុងជម្រៅ ២០គីឡូម៉ែត្រ។ កន្លងមក កូរ៉េខាងជើងបានធ្វើតេស្តនុយក្លេអ៊ែរចំនួន ៦លើក នៅឯទីតាំងសាកល្បងនុយក្លេអ៊ែរ Punggye-ri នៅចន្លោះឆ្នាំ២០០៦ និងឆ្នាំ ២០១៧។ ការធ្វើតេស្តនុយក្លេអ៊ែរឆ្នាំ ២០១៧ បានបង្កឱ្យមានគ្រោះរញ្ជួយដីកម្រិត ៦,៣រ៉ិចទ័រ ញាប់ញ័រទូទាំងតំបន់ជាប់ព្រំដែនប្រទេសចិន។ ហើយការធ្វើតេស្តនោះដែរ ជំរុញឱ្យមានការថ្កោលទោសជាសកល ដែលនាំឱ្យក្រុមប្រឹក្សាសន្តិសុខអង្គការសហប្រជាជាតិ អនុម័តជាឯកច្ឆ័ន្ទនូវទណ្ឌកម្មថ្មី ដែលរួមមានការរឹតបន្តឹងលើការដឹកជញ្ជូនប្រេងជាដើម។ បន្ទាប់ពីការធ្វើតេស្តឆ្នាំ ២០១៧ កូរ៉េខាងជើងបានអះអាងថា ខ្លួនបានបំផ្ទុះគ្រាប់បែកអ៊ីដ្រូសែន ផ្ទុកថាមពលដ៏ធំដែលមិនធ្លាប់មានពីមុនមក ហើយថា វាជា “ឱកាសដ៏សំខាន់” ក្នុងការសម្រេចបាននូវគោលដៅចុងក្រោយ ក្នុងការក្លាយជាមហាអំណាចថាមពលនុយក្លេអ៊ែរពេញលេញ។ របាយការណ៍ឆ្នាំ ២០២១ របស់ក្រុមហ៊ុនស្រាវជ្រាវ RAND Corporation បានព្យាករថា កូរ៉េខាងជើងអាចនឹងមានអាវុធនុយក្លេអ៊ែរជាង ២០០គ្រាប់…

អ.ស.ប៖ ក្រុមប្រឹក្សាសន្តិសុខអង្គការសហប្រជាជាតិ (UNSC) នៅថ្ងៃពុធសប្តាហ៍នេះ បានទាមទារឱ្យក្រុមហ៊ូទីនៅយេមែន បញ្ឈប់ការវាយប្រហារលើនាវាដឹកទំនិញនានា តាមច្រកសមុទ្រក្រហមជាបន្ទាន់។ ក្រុមប្រឹក្សាសន្តិសុខអង្គការសហប្រជាជាតិ (UNSC) បានអនុម័តលើដំណោះស្រាយមួយ ដែលទាមទារឱ្យក្រុមហ៊ូទីបញ្ឈប់ជាបន្ទាន់ នូវរាល់ការវាយប្រហារនានា ដែលរារាំងដល់ការធ្វើពាណិជ្ជកម្មសកល និងធ្វើឱ្យប៉ះពាល់ដល់សិទ្ធិ និងសេរីភាពនាវាចរណ៍ ព្រមទាំងសន្តិភាព និងសន្តិសុខក្នុងតំបន់។ អង្គការសហប្រជាជាតិបាននិយាយថ្មីៗនេះថា ខ្លួននៅតែមានការព្រួយបារម្ភយ៉ាងខ្លាំង អំពីស្ថានភាពនៅសមុទ្រក្រហម ដែលមិនត្រឹមតែប៉ះពាល់ដល់ស្ថានភាពក្នុងតំបន់ប៉ុណ្ណោះទេ តែថែមទាំងមានហានិភ័យដល់ការធ្វើពាណិជ្ជកម្មពិភពលោកផងដែរ។ ជាការឆ្លើយតប អង្គការសហប្រជាជាតិបានអនុម័តលើដំណោះស្រាយថ្កោលទោសធ្ងន់ធ្ងរបំផុត ចំពោះការវាយប្រហាររបស់ក្រុមហ៊ូទី លើនាវាពាណិជ្ជកម្ម ចាប់តាំងពីថ្ងៃទី១៩ ខែវិច្ឆិកា ឆ្នាំ២០២៣ នៅពេលដែលក្រុមហ៊ូទីវាយប្រហារ និងរឹបអូសយកកប៉ាល់ Galaxy Leader និងក្រុមនាវិក។ សូមជម្រាបថា ចាប់តាំងពីការវាយប្រហារនៅថ្ងៃទី០៧ ខែតុលា ដោយក្រុមហាម៉ាសលើអ៊ីស្រាអែល និងសង្រ្គាមរបស់អ៊ីស្រាអែលនៅហ្គាហ្សា ជាការឆ្លើយតបនោះ ក្រុមហ៊ូទីដែលគ្រប់គ្រងតំបន់នានានៃប្រទេសយេម៉ែន បានបង្កើនការវាយប្រហាររបស់ពួកគេ លើចរាចរណ៍ផ្លូវសមុទ្រអន្តរជាតិនៅសមុទ្រក្រហម។ លើសពីនេះ ក្រុមហ៊ូទីបានប្តេជ្ញាបន្តការវាយប្រហារ រហូតដល់អ៊ីស្រាអែលបញ្ចប់សង្រ្គាមនៅតំបន់ហ្គាហ្សា។ ដោយសារតែការវាយប្រហាររបស់ក្រុមនេះ ទៅលើកប៉ាល់ពាណិជ្ជកម្ម ខ្សែដឹកជញ្ជូនជាច្រើនត្រូវផ្អាកប្រតិបត្តិការ ដោយប្រើទិសដៅវាងទៅឆ្ងាយៗជុំវិញទ្វីបអាហ្រ្វិក៕ ប្រភព៖ AFP ប្រែសម្រួលដោយ៖ ឈឹម ទីណា

ម៉ានីល៖ ប្រធានាធិបតីនៃប្រទេសហ្វីលីពីន លោក Marcos បានទទួលស្វាគមន៍ សមភាគីឥណ្ឌូនេស៊ី លោក Widodo នៅរដ្ឋធានីម៉ានីល កាលពីថ្ងៃពុធ សប្តាហ៍នេះ។ ភាគីទាំងពីរឯកភាពជំរុញទំនាក់ទំនងទ្វេភាគី កាន់តែរឹងមាំ ជាពិសេស ពង្រឹងកិច្ចសហប្រតិបត្តិការព្រំដែន និងការពារជាតិ។ ប្រធានាធិបតីនៃប្រទេសឥណ្ឌូនេស៊ី លោក Joko Widodo ជួបពិភាក្សាការងារជាមួយប្រធានាធិបតី នៃប្រទេសហ្វីលីពីន លោក Ferdinand Marcos នៅវិមានប្រធានាធិបតីហ្វីលីពីន ស្ថិតនៅក្នុងទីក្រុងម៉ានីល។ ក្នុងជំនួបនោះ មេដឹកនាំទាំងពីរបានយល់ព្រមថា នឹងពង្រឹងកិច្ចសហប្រតិបត្តិការព្រំដែន និងការពារជាតិ ឲ្យកាន់តែល្អប្រសើរថែមទៀត។ មេដឹកនាំទាំងពីរក៏បានអះអាងនូវ «ការទទូចនៃសកលភាព» នៃអនុសញ្ញាអង្គការសហប្រជាជាតិស្តីពីច្បាប់សមុទ្រ ហៅកាត់ថា UNCLOS។ ពួកលោកទាំងពីរក៏បានយល់ស្របដូចគ្នា លើសារៈសំខាន់នៃការពង្រឹងឯកភាព ក្នុងតំបន់ផងដែរ។ ក្នុងដំណើរទស្សនកិច្ចផ្លូវការ រយៈពេលបីថ្ងៃ នៅប្រទេសហ្វីលីពីន នាឪកាសនេះ លោក Widodo បាននិយាយថា លោកក៏បានពិភាក្សាជាមួយលោក Marcos អំពី មធ្យោបាយបង្កើនពាណិជ្ជកម្ម តាមរយៈការបើកទីផ្សារ កាន់តែទូលាយ ជាដើម ផងដែរ។…

ប៉ារីស៖ លោក Gabriel Attal ដែលមានវ័យ ៣៤ឆ្នាំ ត្រូវបានជ្រើសតាំងឲ្យធ្វើជានាយករដ្ឋមន្រ្តីថ្មី របស់ប្រទេសបារាំង។ លោកត្រូវបានប្រកាសតែងតាំង ជំនួសលោកស្រី Elisabeth Borne ក្រោយពេលលោកស្រីបានកាន់តំណែងនេះ អស់រយៈពេលជាង២ឆ្នាំ។ លោកប្រធានាធិបតីបារាំង Emmanuel Macron កាលពីថ្ងៃអង្គារ ទី៩ ខែមករា បានតែងតាំងលោក Gabriel Attal ជានាយករដ្ឋមន្ត្រីថ្មី ក្នុងគោលបំណងផ្ដល់សន្ទុះថ្មីមួយ សម្រាប់អាណត្តិ ជាប្រធានាធិបតីរបស់លោក។ ការតែងតាំងលោក Gabriel Attal ជានាយករដ្ឋមន្ត្រីថ្មីរបស់បារាំង ធ្វើឡើងបន្ទាប់ពីលោក Macron បានទទួលយកលិខិតលាលែងពីតំណែងរបស់លោកស្រី Elisabeth Borne ក្រោយលោកស្រីបានកាន់តំណែង ជានាយករដ្ឋមន្ត្រីបារាំង អស់រយៈពេលជាង២ឆ្នាំ។ ការតែងតាំងលោក Attal ជានាយករដ្ឋមន្ត្រីបារាំង នាពេលនេះ បានធ្វើឱ្យរូបលោកក្លាយជានាយករដ្ឋមន្ត្រីវ័យក្មេងជាងគេបំផុត ក្នុងប្រវត្ថិសាស្ត្របារាំង។ គួរបញ្ជាក់ថា លោក Gabriel Attal បានចូលកាន់តំណែងជាផ្លូវការ ក្នុងថ្ងៃអង្គារ សប្តាហ៍នេះ នៅឯពិធីប្រគល់តំណែងមួយ ដោយទទួលពីលោកស្រី Borne…