ដាម៉ាស ៖ បន្ទាប់ពីរបបដឹកនាំរបស់លោកប្រធានាធិបតី Bashar al-Assad ដួលរលំ ទូរដែកធនាគារកណ្តាលស៊ីរី បានរក្សាទុកទុនបម្រុងជាមាសសុទ្ធជិត ២៦តោន។ នេះបើតាមប្រភពចំនួនបួនបានប្រាប់សារព័ត៌មានរ៉យទ័រ។ យោងតាមប្រភពទិន្នន័យរបស់ធនាគារកណ្តាលស៊ីរី ក្រុមប្រឹក្សាមាសពិភពលោកបានរាយការណ៍ថា ទុនបម្រុងមាសរបស់ប្រទេសស៊ីរី មានចំនួន ២៥,៨តោនក្នុងខែមិថុនា ឆ្នាំ២០១១។ បើតាមតម្លៃទីផ្សារបច្ចុប្បន្ន តួលេខមាសនេះមានតម្លៃប្រមាណ ២,២ពាន់លានដុល្លារ។ ប្រភពមួយបានឲ្យដឹងថា ទុនបម្រុងជាប្រាក់បរទេសរបស់ធនាគារកណ្តាលនេះ មានចំនួនត្រឹមតែប្រហែល ២០០លានដុល្លារជាសាច់ប្រាក់ប៉ុណ្ណោះ។ រីឯប្រភពមួយទៀតនិយាយថា ទុនបម្រុងជាប្រាក់ដុល្លារអាមេរិក ស្ថិតក្នុងតួលេខ រាប់រយលានដុល្លារ។ តួលេខនេះធ្លាក់ចុះខ្លាំងបំផុត បើធៀបនឹងមុនពេលផ្ទុះសង្រ្គាម។ ជាក់ស្តែង យោងតាមមូលនិធិរូបិយវត្ថុអន្តរជាតិ IMF បានឲ្យដឹងថា នៅចុងឆ្នាំ២០១១ ធនាគារកណ្តាលស៊ីរី បានរាយការណ៍ថា ខ្លួនមានទុនបម្រុងជាប្រាក់បរទេសមានចំនួន ១៤ពាន់លានដុល្លារ។ ចំណែកឆ្នាំ២០១០ IMF ក៏បានប៉ាន់ប្រមាណដែរថា ទុនបម្រុងនៃប្រាក់បរទេសរបស់ស៊ីរី មានចំនួន ១៨,៥ពាន់លានដុល្លារ៕ ប្រភព ៖ រ៉យទ័រ ប្រែសម្រួល ៖ ឈឹម ទីណា

ហាណូយ ៖ យោងតាមបទប្បញ្ញត្តិថ្មី នៅប្រទេសវៀតណាម ចាប់ពីខែក្រោយទៅ ម៉ូតូដែលមានអាយុកាល ចាប់ពី៥ឆ្នាំ ឬ ផលិតនៅឆ្នាំ២០២០ ចុះក្រោម នឹងត្រូវមានកាតព្វកិច្ច ឲ្យគេធ្វើតេស្តកម្រិតនៃការបំភាយឧស្ម័នពុល នៅឯមជ្ឈមណ្ឌលចុះបញ្ជីយានយន្ត។ កាសែត VNexpress បានចេញផ្សាយ នៅថ្ងៃអង្គារនេះថា ខណៈដែលក្រសួងដឹកជញ្ជូនចាត់ទុកម៉ូតូ ជាប្រភពបំពុលដ៏ធំបំផុតនៅវៀតណាមនោះយានជំនិះប្រភេទនេះ ដែលមានអាយុកាល ចាប់ពី ៥ ទៅ ១២ ឆ្នាំ គិតចាប់ពីថ្ងៃផលិត ត្រូវតែធ្វើតេស្ត រៀងរាល់ ពីរឆ្នាំម្តង បើតាមបទប្បញ្ញត្តិ ដែលនឹងចូលជាធរមាន នៅថ្ងៃទី ១ ខែមករា។ បើតាមក្រសួងដឹកជញ្ជូន បានឲ្យដឹងថា វៀតណាមមានម៉ូតូចុះបញ្ជីចំនួន ៧៤ លានគ្រឿង ហើយប្រមាណ ៤៥ លានគ្រឿង កំពុងធ្វើដំណើរលើដងផ្លូវ ជារៀងរាល់ថ្ងៃ។ យ៉ាងណាក៏ដោយ មជ្ឈមណ្ឌលចុះបញ្ជីយានយន្តមិនទាន់អាចផ្តល់កាលបរិច្ឆេទជាក់លាក់ នៃការចាប់ផ្តើមនៅឡើយទេ។ ជាការកត់សម្គាល់ ក្នុងឆ្នាំ២០១០ រដ្ឋាភិបាលធ្លាប់បានណែនាំក្រសួង ឱ្យរៀបចំផែនការគ្រប់គ្រងការបំភាយឧស្ម័នបង្កឡើងដោយម៉ូតូ ហើយចង់ឱ្យទីក្រុងហាណូយ និងទីក្រុងហូជីមិញ សាកល្បង យ៉ាងហោចណាស់…

បរទេស៖ នៅថ្ងៃអង្គារនេះ របាយការណ៍របស់វិទ្យាស្ថានស្រាវជ្រាវ ដែលមានមូលដ្ឋាន នៅសហរដ្ឋអាមេរិក Climate Central បានព្រមានថា បុណ្យណូអែលនៅអឺរ៉ុប ប្រឈមនឹងលែងមានទិដ្ឋភាពគ្របដណ្តប់ទៅដោយពណ៌ «ស» ដូចរាល់ដងទៀតហើយ ខណៈដែលអឌ្ឍគោលខាងជើង មានព្រិលធ្លាក់តិច ទោះបីជារដូវរងារ ក៏ដោយ។ នេះគឺព្រោះតែការប្រែប្រួលអាកាសធាតុ ដែលបានបណ្តាលឲ្យអឺរ៉ុប ឡើងកំដៅ លឿនបំផុត។ ការវិភាគរបស់របាយការណ៍នេះ គឺផ្អែកលើសីតុណ្ហភាពអប្បបរមា ប្រចាំថ្ងៃនៅអឌ្ឍគោលខាងជើង ចន្លោះពីខែធ្នូ ដល់ខែកុម្ភៈ ដោយផ្តើមសិក្សាចាប់ ពីឆ្នាំ២០១៤ ដល់ ឆ្នាំ២០២៣។ របាយការណ៍បង្ហាញថា ការឡើងកំដៅលឿនបំផុតដែលជំរុញដោយការដុតបំផ្លាញឥន្ធនៈហ្វូស៊ីល ដ៏ច្រើនសន្ធឹកសន្ធាប់ ពីសំណាក់មនុស្សជាតិ បានបណ្តាលឱ្យជាងមួយភាគបី នៃប្រទេសចំនួន ១២៣ និងជិតពាក់កណ្តាលនៃទីក្រុងចំនួន ៩០១ លែងមានសីតុណ្ហភាពត្រជាក់ក្រោមសូន្យដឺក្រេ ក្នុងពេលជាងមួយទសវត្សរ៍។ លោកស្រី Kristina Dahl អនុប្រធានផ្នែកវិទ្យាសាស្ត្រ របស់វិទ្យាស្ថាន Climate Central បាននិយាយថា «ព្រិល ទឹកកក និងសីតុណ្ហភាពត្រជាក់ ដែលធ្លាប់ជាសញ្ញាសម្គាល់នៃរដូវរងា កំពុងបាត់ទៅវិញយ៉ាងឆាប់រហ័ស នៅកន្លែងជាច្រើន ដែលគំរាមកំហែងដល់ប្រព័ន្ធអេកូឡូស៊ី…

វ៉ាស៊ីនតោន ៖ សហរដ្ឋអាមេរិកបានបញ្ចេញនាវាដ្រូនបើកក្រោមសមុទ្រគំរូដំបូងបង្អស់ក្នុងពិភពលោក ដែលត្រូវបានគេដាក់រហ័សនាមថា Manta Ray ហើយវាត្រូវបានអភិវឌ្ឍឡើងដោយក្រុមហ៊ុនផលិតសព្វាវុធការពារជាតិអាមេរិក Northrop Grumman។ នេះបើតាមការចេញផ្សាយដោយសារព័ត៌មាន The Telegraph។ នាវាដ្រូនដ៏ទំនើប ដែលរចនារូបរាង និងដាក់ឈ្មោះយកគំរូតាមសត្វបបែលសមុទ្រនេះ ថតបានដោយផ្កាយរណប នៅពេលវាចូលចតនៅឯមូលដ្ឋានទ័ពជើងទឹក Port Hueneme ក្នុងរដ្ឋកាលីហ្វ័រញ៉ា។ យោងតាមក្រុមហ៊ុន Northrop Grumman បានបង្ហើបឱ្យដឹងថា នាវាដ្រូន Manta Ray នេះ មានប្រវែងជាង ១០ម៉ែត្រ អាចទម្លាក់ និងលើកយុថ្កាបានដោយខ្លួនឯង ហើយវាមានសមត្ថភាពធ្វើដំណើរក្នុងចម្ងាយជាង ១៦,០០០គីឡូម៉ែត្រ និងផ្ទុកទម្ងន់បានដល់ទៅ ១០តោន។ លោកស្រីឧត្តមនាវីឯក Lisa Franchetti ប្រធានប្រតិបត្តិការកងទ័ពជើងទឹកអាមេរិក បានប្រាប់សន្និសីទកាសែតមួយកាលពីដើមឆ្នាំនេះថា ប្រព័ន្ធគ្មានមនុស្សបើកមានសក្តានុពលដ៏ធំសម្បើម ក្នុងការបង្កើនកម្លាំងប្រយុទ្ធរបស់យើង។ មិនដូចនាវាដ្រូនបើកក្រោមសមុទ្ររបស់រុស្ស៊ីទេ នាវាដ្រូនអាមេរិកដែលកំពុងធ្វើតេស្តនាពេលនេះ មិនមានបំពាក់អាវុធទេ។Manta Ray ទំនងជាប្រើផ្តោតសំខាន់លើការប្រមូលព័ត៌មាន, ស៊ើបការណ៍ និង រារាំងការគំរាមកំហែងដល់ហេដ្ឋារចនាសម្ព័ន្ធក្រោមសមុទ្រ។ វាគឺជាផ្នែកមួយនៃគម្រោងរបស់អាមេរិក ក្នុងការអភិវឌ្ឍន៍នាវាដ្រូនបើកក្រោមសមុទ្រ ដែលអាចស្ថិតនៅក្រោមរលកសមុទ្របានយូរ ដើម្បីរុករកនាវាមុជទឹករុស្ស៊ី…

វ៉ាស៊ីនតោន ៖ Bitcoin ត្រូវបានគេស្គាល់ទូទៅថា ជារូបិយប័ណ្ណឌីជីថល ឬគ្រីបតូធំបំផុតរបស់ពិភពលោក បានឡើងថ្លៃដល់កម្រិតខ្ពស់បំផុតថ្មី និងបំបែកកំណត់ត្រាចាស់ ពោលគឺស្ទុះឡើងដល់ទៅជាង ៥០ភាគរយឯណោះ គិតចាប់តាំងពីលោក Donald Trump ឈ្នះឆ្នោតកាលពីថ្ងៃទី៥ ខែវិច្ឆិកា។ នេះបើតាមការចុះផ្សាយរបស់សារព័ត៌មាន BBC។ តម្លៃ Bitcoin បានឡើងថ្លៃក្នុងរយៈពេលខ្លីប៉ុណ្ណោះ ដល់ទៅ ១០៦.០០០ដុល្លារ ក្នុងមួយកាក់ មុនពេលធ្លាក់មកនៅប្រហែល ១០៥.០០០ដុល្លារនៅក្នុងការជួញដូរនៅអាស៊ី កាលពីថ្ងៃចន្ទដើមសប្តាហ៍នេះ។ រដ្ឋបាលប្រធានាធិបតីជាប់ឆ្នោតអាមេរិក ត្រូវបានគេមើលឃើញថា មានភាពអំណោយផលខ្លាំងដល់រូបិយប័ណ្ណគ្រីបតូ ជាងអ្នកគ្រប់គ្រងសេតវិមានបច្ចុប្បន្ន គឺលោក Joe Biden។ លោក Trump បានរំលឹកឡើងវិញកាលពីថ្ងៃព្រហស្បតិ៍សប្ដាហ៍កន្លងទៅថា លោកកំពុងពិចារណាបង្កើតឃ្លាំងស្តុករូបិយប័ណ្ណឌីជីថលជាតិ ដែលស្រដៀងទៅនឹងទុនបម្រុងប្រេងជាយុទ្ធសាស្ត្ររបស់ប្រទេស។ ហើយកាលពីដើមខែនេះ លោក Trump ក៏បានតែងតាំងសហគ្រិនរបស់ក្រុមហ៊ុន Silicon Valley លោក David Sacks ជាអ្នកដឹកនាំផ្នែក AI និងរូបិយប័ណ្ណគ្រីបតូ។ យ៉ាងណា អ្នកវិនិយោគជាច្រើនបានព្យាករថា តម្លៃ Bitcoin នឹងហក់ឡើងដល់…

បរទេស ៖ ឧបនាយករដ្ឋមន្ត្រី និង ជារដ្ឋមន្ត្រីហិរញ្ញវត្ថុ នៃប្រទេសកាណាដា លោកស្រី Chrystia Freeland បានលាលែងពីតំណែង ដ៏គួរឱ្យភ្ញាក់ផ្អើល កាលពីថ្ងៃច័ន្ទ បន្ទាប់ពីមិនយល់ស្រប ជាមួយនាយករដ្ឋមន្ត្រី Justin Trudeau ជុំវិញការគំរាមកំហែងពន្ធគយ របស់ប្រធានាធិបតីជាប់ឆ្នោតអាមេរិក Donald Trump ។ ការលាលែងពីតំណែង របស់លោកស្រី Freeland វ័យ៥៦ឆ្នាំ បានបង្ហាញពីការមិនពេញចិត្តជាចំហ ជាលើកដំបូង ប្រឆាំងនឹងនាយករដ្ឋមន្ត្រី Trudeau ពីក្នុងគណៈរដ្ឋមន្ត្រី ហើយការលាឈប់នេះ អាចគំរាមកំហែងដល់ការកាន់អំណាច របស់លោកទៀតផង។ ប៉ុន្តែ មិនបានលម្អិតពីការខ្វែងគំនិតនេះទេ។ ជាការកត់សម្គាល់ ការចាកចេញរបស់លោកស្រី Freeland បានកើតឡើងតែប៉ុន្មានម៉ោង មុនពេលលោកស្រីត្រូវបានកំណត់ពេល ដើម្បីផ្តល់ព័ត៌មានថ្មីៗ អំពីហិរញ្ញវត្ថុរបស់ប្រទេស។ លោកស្រីបាននិយាយ នៅក្នុងលិខិតលាលែងពីតំណែង ផ្ញើទៅកាន់លោកនាយករដ្ឋមន្ត្រី Trudeau ថា ប្រទេសនេះ «ប្រឈមមុខនឹងបញ្ហាធ្ងន់ធ្ងរ» ដោយចង្អុលទៅគម្រោងតំឡើងពន្ធ ២៥ ភាគរយ ដែលបានគ្រោងទុក របស់លោក Trump…