-
អង់គ្លេសដាក់កាំមេរ៉ាAIដឹងអ្នកបើកបរផឹកស្រា ដំបូងគេលើលោក
បរទេស៖ កាមេរ៉ាបញ្ញាសិប្បនិម្មិត ឬ AI ទីមួយ របស់ពិភពលោក ដែលកំណត់គោលដៅអ្នកបើកបរមានជាតិស្រវឹងព្រមទាំង អ្នកបើកបរដែលស្ថិតក្រោមឥទ្ធិពលនៃគ្រឿងញៀន ត្រូវបានបំពាក់ចល័ត នៅក្នុងតំបន់ Devon និង Cornwallនៃប្រទេសអង់គ្លេស នេះបើតាម BBC។ ការសាកល្បងបំពាក់កាម៉េរ៉ា Heads-Up នេះ កំពុងធ្វើឡើង ក្នុងរយៈពេញមួយខែធ្នូ ឆ្នាំ២០២៤ នេះ ពោលគឺស្របគ្នានឹងយុទ្ធនាការបង្ក្រាប លើការបើកបរមានជាតិអាកុល នេះបើតាម BBC ដដែល។ ប្រភពបានបញ្ជាក់ថា ជាទូទៅ កន្លងមក កាមេរ៉ា Acusensus បែបនេះ គ្រាន់តែត្រូវបានប្រើប្រាស់ ដើម្បីជួយប៉ូលីសចាប់អ្នកបើកបរដោយប្រើទូរស័ព្ទដៃ ឬ មិនពាក់ខ្សែក្រវ៉ាត់។ ចំពោះកាម៉េរ៉ា Heads-Up នេះវិញ នឹងជំនួសសកម្មភាពប៉ូលិស ដែលតាមឃាត់រថយន្តនៅលើដងផ្លូវ ចំពោះអ្នកបើកបរ មានជាតិអាល់កុល និងសារធាតុញៀន ខុសច្បាប់។ លោក Geoff Collins អ្នកគ្រប់គ្រងទូទៅ នៃក្រុមហ៊ុនអភិវឌ្ឍន៍កាមេរ៉ា AI នេះ បាននិយាយថាម៉េរ៉ា Heads-Up…
-
ប្រធានគណបក្សកាន់អំណាចកូរ៉េខាងត្បូងលាលែងពីតំណែង
បរទេស ៖ បន្ទាប់ពីមានការចោទប្រកាន់ លើរូបលោក ប្រធានាធិបតី Yoon Suk-yeolមេដឹកនាំគណបក្សកាន់អំណាចរបស់ប្រទេសកូរ៉េខាងត្បូង លោក Han Dong-hoon នៅថ្ងៃចន្ទនេះ បានប្រកាសលាលែងពីតំណែង។ នៅក្នុងសន្និសីទសារព័ត៌មាន តាមទូរទស្សន៍ថា លោក Han បាននិយាយពីការលាលែងពីតំណែងជាប្រធានគណបក្សអំណាចប្រជាជន ឬ People Power Party ខណៈដែលក្រុមប្រឹក្សាជាន់ខ្ពស់ របស់គណបក្ស បានដួលរលំ ព្រោះតែការលាលែងបន្តបន្ទាប់ ពីសំណាក់សមាជិកបក្ស ដែលធ្វើឲ្យរូបលោក មិនអាចបំពេញតួនាទី ជាប្រធានបក្សទៀតបាន។ លោក Han បានសុំទោសប្រជាជនទាំងអស់ ដែលបានរងទុក្ខ ដោយសារតែការដាក់ច្បាប់អាជ្ញាសឹក ជាបន្ទាន់ ពីសំណាក់លោក Yoon Suk-yeol កាលពីយប់ថ្ងៃទី ៣ ខែធ្នូ។ គួរកត់សម្គាល់ថា លោក Han ទើបត្រូវបានបោះឆ្នោតជ្រើសរើស ជាមេដឹកនាំគណបក្សកាន់អំណាច កាលពីថ្ងៃទី ២៣ ខែកក្កដា។ ញត្តិចោទប្រកាន់លោកប្រធានាធិបតី Yoon ត្រូវបានសភាជាតិអនុម័ត កាលពីថ្ងៃសៅរ៍ ហើយត្រូវបានបញ្ជូន ទៅតុលាការធម្មនុញ្ញ…
-
រុស្ស៊ីបព្ចេាញយន្តហោះដ្រូនពិឃាតជាង ១០០គ្រឿងវាយប្រហារអ៊ុយក្រែន
កៀវ ៖ យោធាអ៊ុយក្រែននិយាយថា កងកម្លាំងរុស្ស៊ីបានធ្វើការវាយប្រហារដោយយន្តហោះគ្មានមនុស្សបើកក្នុងទ្រង់ទ្រាយធំប្រឆាំងនឹងទឹកដីអ៊ុយក្រែន ចាប់ពីថ្ងៃសៅរ៍ដល់ថ្ងៃអាទិត្យ។ មន្ត្រីនៃកងទ័ពអាកាសអ៊ុយក្រែនបានបញ្ជាក់នៅលើប្រព័ន្ធផ្សព្វផ្សាយសង្គមថា យន្តហោះដ្រូនពិឃាតសរុបចំនួន ១០៨គ្រឿង ត្រូវបានរុស្ស៊ីប្រើប្រាស់ក្នុងការវាយប្រហារស្ទើរពេញមួយយប់។ ជាការឆ្លើយតប អ៊ុយក្រែនបានប្រើប្រាស់អង្គភាពការពារដែនអាកាស និងក្រុមទប់ស្កាត់គ្រឿងអេឡិចត្រូនិចប្រឆាំងនឹងយន្តហោះដ្រូនទាំងនោះ ដោយបានបាញ់ទម្លាក់ដ្រូនរបស់រុស្ស៊ី នៅក្នុងទីក្រុង Kyiv, Sumy, Dnipropetrovsk និងតំបន់ផ្សេងទៀត។ មន្ត្រីនៃកងទ័ពអាកាសអ៊ុយក្រែនបន្ថែមថា កំទេចកំទីនៃយន្តហោះដ្រូនដែលបានបំផ្លាញ បានធ្លាក់ចំផ្ទះ និងហេដ្ឋារចនាសម្ព័ន្ធក្នុងតំបន់មួយចំនួន ដែលបណ្តាលឱ្យមានរបួសផងដែរ។ អភិបាលតំបន់ Oryol ភាគខាងលិចនៃប្រទេសអ៊ុយក្រែន បានបង្ហោះសារនៅលើប្រព័ន្ធផ្សព្វផ្សាយសង្គមកាលពីថ្ងៃសៅរ៍ថា ការវាយប្រហារដោយយន្តហោះដ្រូនក្នុងទ្រង់ទ្រាយធំរបស់រុស្ស៊ី បានដុតបំផ្លាញឃ្លាំងផ្ទុកប្រេងឥន្ធនៈ ហើយថា មិនមានអ្នកស្លាប់ និងរបួសនោះទេ។ អ៊ុយក្រែន និងរុស្ស៊ីបានចូលរួមក្នុងការប្រយុទ្ធគ្នាយ៉ាងស្វិតស្វាញដើម្បីគ្រប់គ្រងទីក្រុង Pokrovsk ដែលជាមជ្ឈមណ្ឌលដឹកជញ្ជូននៅតំបន់ Donetsk ភាគខាងកើតអ៊ុយក្រែន។ គិតមកទល់ពេលនេះ ទាំងអ៊ុយក្រែន និងរុស្ស៊ីនៅតែបន្តវាយប្រហារគ្នាទៅវិញទៅមក ជាមួយនឹងការប្រើប្រាស់យន្តហោះដ្រូនពិឃាតទៅលើទីតាំងដែលនៅឆ្ងាយពីតំបន់សមរភូមិមជួរមុខ៕ ប្រភព ៖ AFP ប្រែសម្រួល ៖ ឈឹម ទីណា
-
រដ្ឋអាជ្ញាកូរ៉េខាងត្បូងថា ប្រធាធិបតីបដិសេធការកោះហៅបំភ្លឺការដាក់ច្បាប់អាជ្ញាសឹក
សេអ៊ូល ៖ ទីភ្នាក់ងារសារព័ត៌មាន Yonhap បានរាយការណ៍ថា រដ្ឋអាជ្ញាកូរ៉េខាងត្បូងបាននិយាយកាលពីថ្ងៃអាទិត្យថា លោកប្រធានាធិបតី Yoon Suk-yeol មិនបានអនុវត្តតាមការកោះហៅកាលពីថ្ងៃអាទិត្យម្សិលមិញទេ ប៉ុន្តែពួកគេនឹងចេញដីកាមួយទៀតក្នុងពេលឆាប់ៗនេះ។ ក្រុមរដ្ឋអាជ្ញាពិសេសដែលគ្រប់គ្រងការស៊ើបអង្កេតលើការដាក់ច្បាប់អាជ្ញាសឹករបស់ លោក Yoon បាននិយាយថា ខ្លួនបានបញ្ជូនដីការកោះហៅទៅកាន់លោក Yoon កាលពីថ្ងៃទី១១ ខែធ្នូ ដើម្បីហៅគាត់ទៅការិយាល័យរដ្ឋអាជ្ញានៅកណ្តាលទីក្រុងសេអ៊ូល ក្នុងគោលបំណងសួរចម្លើយគាត់ នៅម៉ោង ១០ព្រឹកថ្ងៃអាទិត្យម្សិលមិញ ប៉ុន្តែលោក Yoon មិនបានបង្ហាញខ្លួនទេ។ បើតាមសារព័ត៌មាន Yonhap ទោះបីជាយ៉ាងណា ព្រះរាជអាជ្ញាគ្រោងនឹងបញ្ជូនដីកាកោះហៅជាលើកទីពីរទៅកាន់លោក Yoon ក្នុងពេលឆាប់ៗនេះ។ លោក Yoon ត្រូវបានព្យួរតំណែង បន្ទាប់ពីការ បោះឆ្នោតសភាជាតិ កាលពីថ្ងៃ សៅរ៍ ជុំវិញការដាក់ច្បាប់អាជ្ញាសឹកដ៏ចម្រូងចម្រាសមួយរយៈពេលខ្លីរបស់លោក នៅ ដើមខែធ្នូនេះ។ សារព័ត៌មាន Yonhap បានរាយការណ៍ថា លោកប្រធានាធិបតី Yoon បានរងការចោទប្រកាន់ពីបទរំលោភអំណាចរបស់គាត់ ក្នុងការប្រកាសដាក់ច្បាប់អាជ្ញាសឹក សម្រាប់គោលបំណងខុសពីរដ្ឋធម្មនុញ្ញ និងខុសច្បាប់ ហើយថែមទាំងបញ្ជាឱ្យមេបញ្ជាការយោធាបញ្ជូនកងទ័ពទៅកាន់សភា និងចាប់ខ្លួនតួអង្គនយោបាយសំខាន់ៗ៕ ប្រភព ៖…
-
Harris ប្តេជ្ញាបន្តធ្វើនយោបាយនៅឆ្នាំ២០២៥
បរទេស ៖ អនុប្រធានាធិបតី និង ជាបេក្ខភាពប្រធានាធិបតីចាញ់ការបោះឆ្នោត លោកស្រី Kamala Harris កាលពីថ្ងៃអាទិត្យ បានសន្យាថា នឹងបន្តការងារនយោបាយ ដើម្បីប្រជាជនអាមេរិក នៅឆ្នាំ២០២៥។ លោកស្រី Kamala Harris ដែលបានចាញ់ការប្រកួតប្រជែង ជាមួយ តំណាងគណបក្សសាធារណរដ្ឋ គឺ លោក Donald Trump បាននិយាយ នៅឯពិធីទទួលវិស្សមកាល របស់គណៈកម្មាធិការជាតិប្រជាធិបតេយ្យ នៅទីក្រុងវ៉ាស៊ីនតោនថា «នៅក្នុងឆ្នាំថ្មីនេះ យើងនឹងបន្តការងាររបស់យើង ដោយក្តីសង្ឃឹម ជាមួយនឹងការប្តេជ្ញាចិត្ត និងដោយសេចក្តីរីករាយ ដើម្បីប្រទេសយើង និង ស្មារតីយើង»។ លោកស្រី Kamala Harris បានសន្យាថា លោកស្រីនឹងនៅជាមួយប្រជាជនអាមេរិក គ្រប់ជំហាន គ្រប់វិធីសាស្ត្រទាំងអស់។ គួរបញ្ជាក់ថា នៅក្នុងពិធី នាពេលនោះ លោក ប្រធានាធិបតីអាមេរិកផុតអាណត្តិ Joe Biden និងអនុប្រធានាធិបតី លោកស្រី Kamala Harris បានថ្លែងអំណរគុណ ដល់ម្ចាស់ជំនួយ…
-
ទីក្រុងព្រំដែនម៉ិកស៊ិក-អាមេរិកអន្ទះសារចំពោះការនិរទេសដ៏ច្រើន
បរទេស៖ រដ្ឋបាលទីក្រុងជាប់ព្រំដែនម៉ិកស៊ិក និង អាមេរិកកំពុងរង់ចាំយ៉ាងអន្ទះសារ ចំពោះការនិរទេសដ៏ច្រើន ដែលអាចធ្វើទៅបាន ក្រោយពីដឹងអំពីផែនការនិរទេស ជាប្រវត្ថិសាស្ត្រ របស់អនាគតប្រធានាធិបតីអាមេរិក Donald Trump។ លោក Juan Fierro នាយក មជ្ឈមណ្ឌលជម្រកជនចំណាកស្រុក នៅតំបន់ Ciudad Juarez ជាប់ព្រំដែនម៉ិកស៊ិក-សហរដ្ឋអាមេរិក បាននិយាយថា «ខ្ញុំជឿថា ទីក្រុងនេះ មិនទាន់បានរៀបចំខ្លួនរួចរាល់ ដើម្បីទទួលមនុស្សច្រើននោះទេ ចំពេលមានផែនការ របស់ប្រធានាធិបតីជាប់ឆ្នោត Donald Trump សម្រាប់ការនិរទេសជនចំណាកស្រុកដ៏ធំបំផុត ក្នុងប្រវត្តិសាស្ត្រអាមេរិក»។ លោកបន្តថា «ការភ័យខ្លាចកំពុងកើនឡើង នៅផ្នែកម្ខាងទៀតនៃព្រំដែន ដូច្នេះ មានសំណួរសួរថាតើនេះ អាចមានន័យយ៉ាងណា សម្រាប់ទីក្រុងម៉ិកស៊ិក និងសម្រាប់ជនចំណាកស្រុក ដែលនៅតែសង្ឃឹមថា អាចឆ្លងកាត់បាននោះ»។ គួរបញ្ជាក់ថា លោក Trump បានប្តេជ្ញាប្រកាសភាពអាសន្នកម្រិតជាតិ ផ្នែកអន្តោប្រវេសន៍ នៅពេលដែលលោកចូលកាន់តំណែង ក្នុងខែមករា ខាងមុខ ហើយប្រើប្រាស់កងទ័ព បណ្តេញជនចំណាកស្រុក ដែលគ្មានឯកសារ ក្នុងនោះ ត្រូវបានប៉ាន់ស្មានថា មានរហូតដល់ចំនួន…
-
ទួកគីប្រាប់អាមេរិកថា ប្តេជ្ញាធានាស្ថិរភាពក្នុងស៊ីរី
បរទេស ៖ រដ្ឋមន្ត្រីការបរទេស នៃប្រទេសទេសទួកគី លោក Hakan Fidan បានអះអាងប្រាប់ លោក Antony Blinken រដ្ឋមន្ត្រីការបរទេសអាមេរិក កាលពីថ្ងៃសុក្រថា ទួកគីប្តេជ្ញាធានាស្ថិរភាព នៅក្នុងប្រទេសស៊ីរី។ លោក Hakan Fidan ប្រាប់សមភាគីអាមេរិកថា «តួកគីប្តេជ្ញាធានាស្ថិរភាព នៅក្នុងប្រទេសស៊ីរី ឱ្យបានឆាប់តាម ដែលអាចធ្វើទៅបាន និង ការពារទប់ស្កាត់ក្រុមជីហាដ ISIS ពីការដណ្តើមបានទីតាំង នៅទីនោះ»។ អំឡុងសន្និសីទសារព័ត៌មានរួមគ្នា នៅក្នុងទីក្រុងអង់ការ៉ា លោករដ្ឋមន្ត្រីការបរទេសអាមេរិក Antony Blinken បាននិយាយបន្ថែមថា «កិច្ចព្រមព្រៀងទូលំទូលាយ គឺជាអ្វីដែលប្រទេសនីមួយៗចង់ឃើញ កើតចេញពីរដ្ឋាភិបាលបណ្តោះអាសន្ន ក្នុងប្រទេសស៊ីរី ហើយវាគួរតែជាការរួមបញ្ចូលគ្នា តែ មិនមែនជាពួកនិកាយ ហើយមិនបង្កការគំរាមកំហែង ដល់ប្រទេសស៊ីរី ឬ ប្រទេសជិតខាងឡើយ»។ ការកត់សម្គាល់ របស់ប្រមុខកាទូតអាមេរិករូបនេះ បានធ្វើឡើង អំឡុងជើងទីពីរនៃដំណើរទស្សនកិច្ច ក្នុងតំបន់មជ្ឈិមបូព៌ា បន្ទាប់ពីការទម្លាក់លោកប្រធានាធិបតីស៊ីរី Bashar al-Assad អំឡុងការវាយលុកលុយ ដូចផ្លេកបន្ទោរ…
-
ក្រុមហ៊ុនវៀតណាមនឹងសង់ស្ថានីយសាក EV ១០ម៉ឺនកន្លែងនៅឥណ្ឌូនេស៊ី
បរទេស៖ កាសែត VNexpress បានចុះផ្សាយថា ក្រុមហ៊ុនបណ្តាញស្ថានីយសាកឡានអគ្គិសនីវៀតណាម V-GREEN បានចុះហត្ថលេខា លើកិច្ចព្រមព្រៀង ជាមួយក្រុមហ៊ុនឥណ្ឌូនេស៊ី Prime Group បង្កើតស្ថានីយ៍សាកថ្ម VinFast ចំនួន១០ម៉ឺនកន្លែង នៅក្នុងប្រទេសឥណ្ឌូនេស៊ី អំឡុងរយៈពេល៣ឆ្នាំ។ ប្រភពឲ្យដឹងថា ការវិនិយោគសរុប ដែលត្រូវបានព្យាករសម្រាប់គម្រោងនេះ គឺមានរហូតដល់ ១,២ពាន់លានដុល្លារ នេះបើយោងតាមអនុស្សរណៈនៃការយោគយល់ ឬ MoU ដែលត្រូវបានប្រកាស កាលពីថ្ងៃពុធ។ ដំបូងឡើយ ក្រុមហ៊ុន V-GREEN នឹងផ្តល់អាទិភាពដល់ការអភិវឌ្ឍន៍ស្ថានីយ៍សាកថ្ម នៅទីក្រុងហ្សាកាតា, ស៊ូរ៉ាបាយ៉ា, កោះបាលី និងតំបន់ជុំវិញ មុនពេលគ្រោងនឹងពង្រីក ទៅកាន់តំបន់ផ្សេងៗទៀត នៃប្រទេសឥណ្ឌូនេស៊ី ក្នុងដំណាក់កាល ជាបន្តបន្ទាប់ទៀត។ ការដំឡើងស្ថានីយ៍សាកថ្មនឹងចាប់ផ្តើម នៅខែមករាឆ្នាំ២០២៥ ដោយរំពឹងថា នឹងដំណើរការ ជាបណ្តើរៗ នៅក្នុងឆ្នាំនេះ។ ប្រធានក្រុមហ៊ុន Prime Group លោក Tamer Wagih Salem បាននិយាយថា សមត្ថភាពប្រតិបត្តិការស្ថានីយសាកឡានអគ្គិសនី ទាំងនេះ…
-
បាក់ធ្មេញកំណើតលែងជាបញ្ហា អ្នកវិទ្យាសាស្រ្តជប៉ុនជិតជោគជ័យផលិតថ្នាំបណ្តុះធ្មេញឡើងវិញ
តូក្យូ ៖ មនុស្សដែលកំពុងនឹកធ្មេញចាស់របស់ពួកគេ ឥឡូវនេះធ្មេញដែលបាក់នោះទំនងជាអាចដុះថ្មីឡើងវិញបាន ខណៈពេលដែលទន្តបណ្ឌិតជនជាតិជប៉ុនកំពុងសាកល្បងថ្នាំបណ្តុះធ្មេញថ្មី ដោយសង្ឃឹមថា នឹងផ្តល់ជម្រើសជំនួសការដក និងដាក់ធ្មេញសិប្បនិម្មិតដែលមានតម្លៃថ្លៃ។ នេះបើតាមការចេញផ្សាយដោយសារព័ត៌មាន channel news asia។ លោក Katsu Takahashi អ្នកជំនាញមាត់ធ្មេញនៃវិទ្យាស្ថានស្រាវជ្រាវវេជ្ជសាស្ត្រ Kitano Hospital ក្នុងទីក្រុង Osaka បាននិយាយថា ក្រុមការងាររបស់គាត់បានធ្វើតេស្តគ្លីនិកមួយនៅឯមន្ទីរពេទ្យសាកលវិទ្យាល័យក្យូតូ កាលពីខែតុលា តាមរយៈការសាកល្បងប្រើថ្នាំបណ្តុះធ្មេញឡើងវិញទៅលើមនុស្សពេញវ័យ ដោយពួកគេបាននិយាយថា ថ្នាំនេះមានសក្តានុពលអាចជួយឱ្យធ្មេញចាប់ផ្តើមលូតលាស់ឡើងវិញបាន។ លោក Takahashi ដែលជាអ្នកដឹកនាំការស្រាវជ្រាវថ្នាំបណ្តុះធ្មេញនេះ បានប្រាប់កាសែតបារាំង AFP ថា របកគំឃើញថ្មីនេះ គឺជាការស្រាវជ្រាវផ្នែកបច្ចេកវិទ្យាថ្មីបំផុតក្នុងពិភពលោក។ ការព្យាបាលសិប្បនិមិ្មតដែលប្រើព្យាបាលធ្មេញខូច ត្រូវបានគេមើញឃើញថា មានតម្លៃថ្លៃ និងអាចឆ្លងរោគ ដូច្នេះការប្រើថ្នាំបណ្តុះធ្មេញកំណើតឡើងវិញ គឺពិតជាមានសារសំខាន់ណាស់។ មូលហេតុដែលអ្នកវិទ្យាសាស្រ្តជប៉ុនបង្កើតថ្នាំបណ្ដុះធ្មេញនេះ គឺមានគោលបំណងជួយមនុស្សដែលអ្នកមានបញ្ហាខ្វះធ្មេញពីកំណើត ឬហៅថា Anodontia ហើយជប៉ុនបានកំណត់គោលដៅសម្រេចវាឱ្យបាន និងដាក់ឱ្យប្រើប្រាស់នៅឆ្នាំ២០៣០ខាងមុខ។ ព័ត៌មាននេះត្រូវបានទទួលការសាទរនៅទូទាំងប្រទេសជប៉ុន ដែលជាប្រទេសមានប្រជាជនវ័យចំណាស់ច្រើនជាងគេបំផុតទី២ក្នុងពិភពលោក។ យោងតាមទិន្នន័យរបស់ក្រសួងសុខាភិបាលជប៉ុនបានបង្ហាញថា ច្រើនជាង ៩០ភាគរយនៃប្រជាជនជប៉ុនសរុប មានអាយុ ៧៥ឆ្នាំ ឬលើសនេះ ដែលយ៉ាងហោចណាស់បានបាក់ធ្មេញមួយគ្រាប់៕…
-
Apple ដាក់បញ្ចូល ChatGPT ក្នុងប្រព័ន្ធប្រតិបត្តិការ iOS ចុងក្រោយរបស់ទូរស័ព្ទ iPhone
វ៉ាស៊ីនតោន ៖ ក្រុមហ៊ុន Apple ថ្មីៗនេះបានដាក់បញ្ចូលមុខងារ ChatGPT របស់ក្រុមហ៊ុន OpenAI ទៅក្នុងកម្មវិធីដើមរបស់ខ្លួន ដែលនេះជាការត្រួសត្រាយផ្លូវជួយដល់ការលក់ទូរស័ព្ទ iPhone ស៊េរីចុងក្រោយ។ នេះបើតាមការចុះផ្សាយរបស់សារព័ត៌មាន Channel News Asia។ ការដាក់បញ្ចូល ChatGPT របស់ Apple គឺជាផ្នែកមួយជួយដល់ដំណើរការប្រើប្រាស់កាន់តែទូលំទូលាយ នៃឧបករណ៍បំពាក់បច្ចេកវិទ្យាបញ្ញាសិប្បនិម្មិត (AI) សម្រាប់ការធ្វើបច្ចុប្បន្នភាពវើសិនចុងក្រោយ នៃប្រព័ន្ធប្រតិបត្តិការនៅក្នុងទូរស័ព្ទដៃ iPhone, iPads និងកុំព្យូទ័រ Mac របស់ Apple។ Apple បានសហការជាមួយ OpenAI ដើម្បីរួមបញ្ចូល ChatGPT ទៅក្នុងឧបករណ៍សរសេររបស់ខ្លួន និង Siri ជាមុខងារជំនួយការនិម្មិត ដែលធ្វើឲ្យអ្នកប្រើប្រាស់ទូរស័ព្ទ iPhone ឬ iPad ស៊េរីចុងក្រោយបង្អស់ អាចចូលប្រើមុខងារ AI chatbot ដោយមិនចាំបាច់ចាកចេញពីប្រព័ន្ធអេកូឡូស៊ីរបស់ Apple។ ការចាប់ដៃគ្នារវាង Apple និង ChatGPT កាលខែមិថុនា…