ព្យុងយ៉ាង ៖ កូរ៉េខាងជើងនៅតែស្ថិតក្នុងបញ្ជីរដ្ឋឧបត្ថម្ភភេរវកម្ម បន្ទាប់ពីប្រទេសកុម្មុយនីស្តដ៏ឯកោមួយនេះ ទទួលរងនូវការចោទប្រកាន់ថា បានគាំទ្រសកម្មភាពភេរវកម្មអន្តរជាតិ។ នេះបើតាមរបាយការណ៍ប្រចាំឆ្នាំរបស់ក្រសួងការបរទេសអាមេរិក ដែលត្រូវបានដកស្រង់ចេញផ្សាយសារព័ត៌មាន Korea Times។ កូរ៉េខាងជើងបានជាប់ឈ្មោះក្នុងបញ្ជីនេះជាលើកដំបូង ក្នុងនាមជាអ្នកឧបត្ថម្ភរដ្ឋភេរវកម្មក្នុងឆ្នាំ១៩៨៨ សម្រាប់ការចូលរួមរបស់ខ្លួន ក្នុងការវាយប្រហារគ្រាប់បែកក្នុងឆ្នាំ១៩៨៧ ទៅលើជើងហោះហើរដឹកអ្នកដំណើររបស់ក្រុមហ៊ុនអាកាសចរណ៍ Korean Air ប៉ុន្តែកូរ៉េខាងជើងត្រូវបានលុបចេញពីបញ្ជីនេះវិញ នៅក្នុងឆ្នាំ២០០៨ បន្ទាប់ពីមានការត្រួតពិនិត្យផ្នែកច្បាប់។ ប៉ុន្តែកូរ៉េខាងជើងត្រូវបានដាក់ចូលក្នុងបញ្ជីវិញ ក្នុងខែវិច្ឆិកា ឆ្នាំ២០១៧ នៅពេលដែលរដ្ឋមន្ត្រីការបរទេសអាមេរិកបានកំណត់ថា កូរ៉េខាងជើងបានគាំទ្រជាថ្មីទៀតចំពោះអំពើភេរវកម្មអន្តរជាតិក្នុងរយៈពេល ៩ឆ្នាំ ចាប់តាំងពីត្រូវបានលុបចេញពីបញ្ជីភេរវកម្ម។ ក្រសួងការបរទេសអាមេរិកបានចេញផ្សាយរបាយការណ៍ប្រចាំឆ្នាំ ២០២៣ ស្តីពីអំពើភេរវកម្ម ដើម្បីបម្រើជាការណែនាំសម្រាប់ការសម្រេចចិត្តគោលនយោបាយ ស្តីពីការប្រឆាំងភេរវកម្ម។ ឯកសារនេះ មានបញ្ជីអ្នកឧបត្ថម្ភរដ្ឋភេរវកម្ម ដែលរួមមានប្រទេសគុយបា អ៊ីរ៉ង់ និងស៊ីរី។ រីឯកូរ៉េខាងជើងនៅតែស្ថិតក្នុងបញ្ជីខ្មៅរបស់អាមេរិក ចាប់តាំងពីខែវិច្ឆិកា ឆ្នាំ២០១៧៕ ប្រភព ៖ Korea Times ប្រែសម្រួល ៖ ឈឹម ទីណា

កង់បេរ៉ា ៖ ប្រទេសអូស្ត្រាលីនឹងបង្ខំឲ្យក្រុមហ៊ុនបច្ចេកវិទ្យាយក្ស រួមមាន Meta និង Google ចាយលុយលើព័ត៌មាន ដែលបានចែករំលែកនៅលើវេទិការបស់ពួកគេ។ រដ្ឋមន្ត្រីសេវាកម្មហិរញ្ញវត្ថុអូស្ត្រាលី លោក ស្ទេហ្វិន ចូនស៍ បានប្រកាសនៅថ្ងៃព្រហស្បតិ៍ថា អូស្ត្រាលីគ្រោងនឹងបង្កើតច្បាប់ថ្មីមួយ ដែលតម្រូវឲ្យក្រុមហ៊ុនបច្ចេកវិទ្យាធំៗ បង់ប្រាក់ឱ្យក្រុមហ៊ុនប្រព័ន្ធផ្សព្វផ្សាយអូស្ត្រាលី ចំពោះមាតិកាព័ត៌មាននៅលើបណ្ដាញសង្គមរបស់ពួកគេ។ លោក ចូនស៍ បានប្រាប់សន្និសីទសារព័ត៌មានថា ក្រុមហ៊ុនបច្ចេកវិទ្យាដែលតម្រូវឲ្យបង់ប្រាក់ គឺជាវេទិកាប្រព័ន្ធផ្សព្វផ្សាយសង្គមធំៗ និងម៉ាស៊ីនស្វែងរកមានមូលដ្ឋាននៅអូស្ត្រាលី ដែលមានប្រាក់ចំណូលលើសពី ២៥០លានដុល្លារ។ ច្បាប់ថ្មីនេះ ត្រូវបានគេមើលឃើញថា បានដាក់សម្ពាធលើក្រុមហ៊ុនបច្ចេកវិទ្យាយក្សរបស់ពិភពលោក ឱ្យបង់ប្រាក់ដល់អ្នកបោះពុម្ពផ្សាយសម្រាប់មាតិកាព័ត៌មាន បើមិនដូច្នេះទេ ពួកគេនឹងប្រឈមហានិភ័យនៃការបង់ប្រាក់ពិន័យរាប់លានដុល្លារ ដើម្បីបន្តប្រតិបត្តិការនៅអូស្ត្រាលី។ ក្នុងឆ្នាំ២០២១ អូស្ត្រាលីក៏ធ្លាប់បានអនុម័តច្បាប់ដើម្បីធ្វើឱ្យក្រុមហ៊ុនបច្ចេកវិទ្យាអាមេរិក មានដូចជា Google និង Meta ផ្តល់សំណងដល់ក្រុមហ៊ុនប្រព័ន្ធផ្សព្វផ្សាយ សម្រាប់តំណភ្ជាប់ ដែលទាញយកអ្នកអាន និងការផ្សាយពាណិជ្ជកម្ម ទៅកាន់វេទិការបស់ពួកគេផងដែរ៕ ប្រភព ៖ AFP ប្រែសម្រួល ៖ ឈឹម ទីណា

បរទេស៖ មិនមែនជារឿងប្រឌិតបែបវិទ្យាសាស្ត្រទៀតទេ ក្រុមហ៊ុន AVL RACETECH មានមូលដ្ឋាន នៅប្រទេសអូទ្រីស បានបញ្ចេញ «ម៉ាស៊ីនរថយន្តឬម៉ូតូ» ចាក់ទឹក ជាលើកដំបូង ក្នុងប្រវត្តិសាស្ត្រ ខណៈដែលគេចាត់ទុកថា ជាការវិវឌ្ឍន៍ថ្មីមួយទៀត បន្ទាប់ពីឡានអគ្គិសនី ឬ EV នេះបើតាមការចេញផ្សាយ របស់គេហទំព័រ Riazor កាលពីដើមសប្តាហ៍។ ប្រភពបានចេញផ្សាយថា ក្រុមហ៊ុន AVL RACETECH បានបង្កើតម៉ាស៊ីនអ៊ីដ្រូសែនទឹក ឬ «ម៉ាស៊ីនទឹក» ដែលអាចផ្តល់កម្លាំងដល់ទៅ ៤០០សេះ និង កម្លាំងវិលជុំ ៦,៥០០ RPM ជាមួយនឹង បច្ចេកវិទ្យាខ្ពស់ ហើយអាថ៌កំបាំង នៃបច្ចេកវិទ្យានេះ គឺជារបៀបដែលអ៊ីដ្រូសែនត្រូវបានដុត ដើម្បីដំណើរការ។ ម៉ាស៊ីនអ៊ីដ្រូសែនទឹក កាត់បន្ថយការបំភាយឧស្ម័ន និងការសម្រេចបាននូវថាមពល កម្លាំងបង្វិលជុំ និងប្រសិទ្ធភាព ដូចប្រេង សម្រាប់ម៉ាស៊ីន សាំងធម្មតា។ ប្រភពបន្ថែមទៀតថា លក្ខណៈពិសេស គឺម៉ាស៊ីនចាក់ទឹកគ្រប់គ្រងការចំហេះ ជាមួយនឹងហានិភ័យទាបនៃការឆាបឆេះ បន្ថយការព្រួយបារម្ភអំពីសុវត្ថិភាព។ ក្រុមហ៊ុនបានអះអាងថា ម៉ាស៊ីនចំហេះអ៊ីដ្រូសែន…

ឡុងដ៍ ៖ ហ្វូស៊ីលដាយណូស័រចំនួនបី ដែលសេសសល់ពីអំឡុងសម័យ Jurassic នឹងស្ថិតនៅក្រោមញញួរដេញថ្លៃមួយក្នុងទីក្រុងឡុងដ៍ នៅថ្ងៃព្រហស្បតិ៍នេះ ក្នុងតម្លៃប៉ាន់ស្មានដល់ទៅរាប់លានដុល្លារ។ គ្រោងឆ្អឹងដាយណូស័រ Allosaurus ពេញវ័យ និងមិនទាន់ពេញវ័យ នឹងដាក់លក់ជាគូក្នុងតម្លៃ ពី ៦.៤លានដុល្លារ ដល់ ១០.២លានដុល្លារ ហើយហ្វូស៊ីលដាយណូស័រ Stegosaurus មួយទៀត នឹងដាក់លក់ក្នុងតម្លៃ ពី ៤លានដុល្លារ ដល់ ៦លានដុល្លារ។ គ្រោងឆ្អឹងដាយណូស័រទាំងបី ដែលដាក់តាំងនៅបន្ទប់តាំងបង្ហាញរបស់អគារដេញថ្លៃ Christie’s London នេះ ត្រូវបានជីកកកាយរកឃើញនៅរដ្ឋ Wyoming របស់សហរដ្ឋអាមេរិក។ លោក James Hyslop ប្រធានផ្នែកវិទ្យាសាស្ត្រ និងប្រវត្តិសាស្រ្តធម្មជាតិនៅ Christie’s London បាននិយាយថា វាគឺជារឿងដ៏កម្រមួយដែលគ្រោងឆ្អឹងដាយណូស័រចំនួន៣ ត្រូវបានដាក់លក់ដេញថ្លៃ… វាជារឿងមិនគួរឱ្យជឿ។ កាលពីខែកក្កដា ហ្វូស៊ីលដាយណូស័រ Stegosaurus ត្រូវបានគេជីករកឃើញនៅរដ្ឋ Colorado មានតម្លៃដល់ទៅ ៤៤.៦លានដុល្លារនៅឯការដេញថ្លៃ Sotheby’s៕ ប្រភព ៖ CNA…

កង់បេរ៉ា ៖ អ្នកវិទ្យាសាស្ត្រអូស្ត្រាលីបានបញ្ចេញគោយន្តឆ្លាតវៃ ដែលដំណើរការដោយបច្ចេកវិទ្យាបញ្ញាសិប្បនិម្មិត AI ដំបូងបង្អស់ក្នុងពិភពលោក ដែលអាចធ្វើឱ្យការចិញ្ចឹមគោកាន់តែមានប្រសិទ្ធភាព និងមិនប៉ះពាល់ដល់បរិស្ថាន។ នេះបើតាមការចេញផ្សាយដោយសារព័ត៌មាន CNA។ បន្ទាប់ពីត្រូវបានដាក់ឱ្យដំណើរការជាលើកដំបូងក្នុងឆ្នាំ ២០១៦ ក្នុងនាមជាគ្រឿងយន្តឃ្វាលគោដ៏សាមញ្ញ SwagBot ត្រូវបានធ្វើបច្ចុប្បន្នភាពជាមួយនឹងឧបករណ៍ចាប់សញ្ញា, បញ្ញាសិប្បនិម្មិត (AI) និងប្រព័ន្ធសិក្សាម៉ាស៊ីន។ ឥឡូវនេះ SwagBot ដំណើរការដោយថាមពលថ្ម និងអាចកំណត់សុខភាព ប្រភេទ និងដង់ស៊ីតេនៃវាលស្មៅ ព្រមទាំងមានសមត្ថភាពតាមដានសុខភាពរបស់សត្វ។ បន្ទាប់មក វាប្រើប្រាស់ព័ត៌មាននេះ ដើម្បីចិញ្ចឹមសត្វគោក្របី តាមរយៈការដឹកនាំពួកវាទៅទីកន្លែងមានវាលស្មៅដ៏ល្អបំផុត និងផ្លាស់ទីពួកវាមុនពេលដីទីនោះខូចគុណភាព ហើយវាក៏អាចផ្តល់ទិន្នន័យដល់កសិករផងដែរ។ គោយន្ត SwagBot ដែលបច្ចុប្បន្នស្ថិតក្នុងការអភិវឌ្ឍន៍ គឺជាផ្នែកមួយនៃនិន្នាការរីកចម្រើនក្នុងវិស័យកសិកម្ម ឆ្ពោះទៅរកមនុស្សយន្ត ដែលអាចធ្វើឱ្យផលិតកម្មកាន់តែមានប្រសិទ្ធភាព និងកាត់បន្ថយការពឹងផ្អែកលើកម្មករ។ អូស្ត្រាលីគឺជាប្រទេសនាំចេញសាច់គោដ៏ធំបំផុតមួយរបស់ពិភពលោក ក្នុងនោះសត្វគោក្របីប្រហែល ៣០លានក្បាល ត្រូវបានកសិករចិញ្ចឹមពាសពេញតំបន់ដ៏ធំល្វឹងល្វើយនៃប្រទេសនេះ។ ការនាំចេញសាច់គោរបស់អូស្ត្រាលី ត្រូវ បានរំពឹងថា នឹងកើនដល់ ១៣,៩ពាន់លានដុល្លារក្នុងឆ្នាំ ២០២៤-២០២៥។ សហរដ្ឋអាមេរិកគឺជាទីផ្សារគោលដៅដ៏ធំបំផុតសម្រាប់សាច់គោអូស្ត្រាលី ដែលមានតម្លៃ ៣.៣ពាន់លានដុល្លារក្នុងឆ្នាំ ២០២៣-២០២៤។ តាមពីក្រោយដោយ ប្រទេសចិន មានតម្លៃ…