តូក្យូ ៖ ជប៉ុននាំចេញរថយន្តដឹកអ្នកដំណើរច្រើនជាង ១៣២.២% ទៅកាន់ប្រទេសរុស្ស៊ី ក្នុងខែកញ្ញា ឆ្នាំ២០២៤ បើធៀបនឹងរយៈពេលដូចគ្នាកាលពីឆ្នាំមុន បើទោះបីជាទីក្រុងតូក្យូសន្យាថា នឹងរឹតត្បិតលើការលក់រថយន្តទៅឱ្យប្រទេសដែលរងទណ្ឌកម្មរបស់លោកខាងលិចក៏ដោយ នេះបើតាមទិន្នន័យចេញផ្សាយដោយក្រសួងហិរញ្ញវត្ថុរុស្ស៊ី។ ទន្ទឹមគ្នា ជប៉ុនក៏បានជំរុញការនាំចេញសមាសធាតុ និងគ្រឿងបន្លាស់រថយន្តទៅកាន់ប្រទេសរុស្ស៊ីចំនួន ២១.៣% ផងដែរ នៅក្នុងខែកញ្ញា នេះបើយោងតាមតួលេខចុងក្រោយ។ ការកើនឡើងនេះកើតឡើងបន្ទាប់ពីជប៉ុនបានកាត់បន្ថយការនាំចេញរថយន្តដឹកអ្នកដំណើរទៅកាន់រុស្ស៊ីចំនួន ១១.៣% ក្នុងខែមេសា ដល់ខែកញ្ញា ឆ្នាំ២០២៤ បើធៀបនឹងរយៈពេលដូចគ្នាកាលពីឆ្នាំមុន។ ជាមួយគ្នានេះ ចំណូលពាណិជ្ជកម្មសរុបរវាងរុស្ស៊ី និងជប៉ុន ក៏កំពុងមើលឃើញពីការកើនឡើងក្នុងរយៈពេលពីរខែចុងក្រោយនេះជាលើកដំបូង ចាប់តាំងពីឆ្នាំ ២០២២។ ជាក់ស្តែង ទិន្នន័យរបស់ក្រសួងហិរញ្ញវត្ថុរុស្ស៊ីបានបង្ហាញថា នៅក្នុងខែសីហា ការផ្លាស់ប្តូរទំនិញរវាងប្រទេសទាំងពីរបានកើនឡើង ២៣.៨% ដល់ ៧៤៣លានដុល្លារ ហើយនៅក្នុងខែកញ្ញា ទំហំពាណិជ្ជកម្មទៅវិញទៅមកបានកើនឡើង ២២.៧% ដល់ ៦៥៩លានដុល្លារ។ លើសពីនេះ ទំនាក់ទំនងរវាងប្រជាជន និងប្រជាជនក៏បានកើនឡើងផងដែរ ខណៈចរាចរណ៍ទេសចរណ៍ពីរុស្ស៊ីទៅកាន់ជប៉ុន បានកើនឡើងជាងពីរដងកាលពីឆ្នាំមុន។ តួយ៉ាង ក្នុងរយៈពេល៩ខែដំបូងឆ្នាំនេះ ភ្ញៀវទេសចររុស្ស៊ីចំនួន ៦៣,៩០០នាក់បានទៅទស្សនាប្រទេសជប៉ុន កើនឡើងដល់ ១៣៦.១% ច្រើនជាងរយៈពេលដូចគ្នាកាលពីឆ្នាំមុន នេះបើយោងតាមអង្គការទេសចរណ៍ជាតិជប៉ុន៕…

បរទេស៖ ប្រទេសអេស្ប៉ាញកាន់តែធ្ងន់ធ្ងរ បន្ទាប់ពីមនុស្ស ៩៥នាក់បានស្លាប់ ដោយសារទឹកជំនន់ភ្លាមៗ ដែលបានធ្វើឲ្យមានទឹកភក់ ឆ្លងកាត់ទីប្រជុំជន, ឡានក្រឡាប់ពេញផ្លូវ និងបង្កគ្រោះថ្នាក់ ដល់ការដឹកជញ្ជូន។ ក្រុមអ្នកជួយសង្គ្រោះជឿថា នឹងរកឃើញសាកសពបន្ថែមទៀត នៅក្នុងគ្រោះទឹកជំនន់ ដ៏សាហាវបំផុត ពុំធ្លាប់មាន ក្នុងពេល៥០ឆ្នាំ របស់ប្រទេសអ៊ឺរ៉ុប មួយនេះ។ ការកាន់ទុក្ខ ជាផ្លូវការ រយៈពេលបីថ្ងៃ ត្រូវចាប់ផ្តើម នៅថ្ងៃព្រហស្បតិ៍នេះ។ ភ្លៀងធ្លាក់ខ្លាំង និងខ្យល់ខ្លាំង បានបោកបក់លើប្រទេសអេស្ប៉ាញ ចាប់តាំងពីដើមសប្តាហ៍នេះ បន្ទាប់ពីកើតមានព្យុះ នៅលើសមុទ្រមេឌីទែរ៉ាណេ ជាមួយនឹងភ្លៀងធ្លាក់ រយៈពេលត្រឹមតែប៉ុន្មានម៉ោងប៉ុណ្ណោះ ជន់លិចតំបន់ មួយចំនួន។ ការខូចខាតបណ្តាញទូរស័ព្ទ និងផ្លូវដែលជន់លិច រារាំងកិច្ចខិតខំប្រឹងប្រែង មិនអាចឲ្យទៅដល់សហគមន៍ដែលរងគ្រោះ នៅក្នុងតំបន់ Valencia។ ផ្ទះចំនួន ១៥៥,០០០ គ្មានអគ្គិសនីប្រើប្រាស់ នៅក្នុងតំបន់ Valencia ដោយសារតែព្យុះ។ ក្រុមហ៊ុនថាមពល Iberdrola បាននិយាយថា ខ្លួនបានបញ្ជូនកម្មករចំនួន ៥០០នាក់ ទៅស្តារថាមពលអគ្គិសនីឡើងវិញ នៅទីនោះ។ រដ្ឋមន្ត្រីការពារជាតិ បានប្រាប់អ្នកយកព័ត៌មានថា ទាហានជាង…

វ៉ាស៊ីនតោន ៖ ទីភ្នាក់ងារអវកាសអាមេរិក NASA បានជ្រើសរើសតំបន់សក្តានុពលចំនួន៩ ដែលនឹងបញ្ជូនក្រុមអវកាសយានិកទៅចុះចតនៅភពព្រះចន្ទនៅឆ្នាំ ២០២៦។ នេះបើតាមការចុះផ្សាយរបស់សារព័ត៌មាន NHK។ ការចុះចតនៅតំបន់សក្តានុពលចំនួន៩នេះ ត្រូវបានកំណត់គោលដៅធ្វើឡើងនៅខែកញ្ញា ឆ្នាំ ២០២៦ ស្ថិតក្រោមបេសកកម្ម Artemis ដែលជាគម្រោងរុករកភពព្រះចន្ទអន្តរជាតិ ដឹកនាំដោយសហរដ្ឋអាមេរិក។ ទីភ្នាក់ងារអវកាសអាមេរិក NASA បានប្រកាសពីតំបន់ទាំង៩នេះ កាលពីថ្ងៃចន្ទ ដោយពួកវាទាំងអស់ គឺស្ថិតនៅជិតប៉ូលខាងត្បូងភពព្រះចន្ទ។ NASA និយាយថា ទីតាំងទាំងនោះត្រូវបានជ្រើសរើសដោយផ្អែកលើសក្តានុពលរបស់ពួកវា សម្រាប់ការរុករកឃើញធនធាន និងលទ្ធភាពនៃការចុះចតប្រកបដោយសុវត្ថិភាពរបស់អវកាសយានិក។ អ្នកវិទ្យាសាស្ត្រនិយាយថា ទឹកអាចមានទម្រង់ជាទឹកកកនៅជិតប៉ូលខាងត្បូងភពព្រះចន្ទ។ ហើយប្រសិនបើវត្តមានទឹកត្រូវបានបញ្ជាក់មែននោះ អវកាសយានិកនឹងសិក្សាថាតើវាអាចប្រើជាឥន្ធនៈ ឬទឹកសម្រាប់បរិភោគបានដែរឬទេ។ ប្រទេសជប៉ុនជាសមាជិកនៃកម្មវិធី Artemis។ ពួកគេបានចុះហត្ថលេខាលើកិច្ចព្រមព្រៀងជាមួយសហរដ្ឋអាមេរិកកាលពីខែមេសា ដែលរួមបញ្ចូលទាំងការផ្តល់ឱកាសឱ្យអវកាសយានិកជប៉ុនទៅជាន់ដីភពព្រះចន្ទ។ ស្ថិតក្រោមបេសកកម្ម Artemis ការរុករកនៅភពព្រះចន្ទ នឹងបន្តលើសពីឆ្នាំ ២០២៦ ដោយសម្លឹងមើលដំណើរឆ្ពោះទៅកាន់ភពអង្គារនាពេលអនាគត៕ ប្រភព៖ NHK ប្រែសម្រួលដោយ៖ ឈឹម ទីណា

សេអ៊ូល ៖ ក្រុមហ៊ុន Hyundai Rotem របស់កូរ៉េខាងត្បូង បានបញ្ចេញចក្ខុវិស័យសម្រាប់ថ្ងៃអនាគតរបស់ខ្លួន នោះគឺការផលិតរថក្រោះចម្បាំងដើរដោយថាមពលអ៊ីដ្រូសែន។ នេះបើតាមការចេញផ្សាយដោយសារព័ត៌មាន interesting engineering។ រថក្រោះចម្បាំង K-series ជំនាន់បន្ទាប់របស់កូរ៉េខាងត្បូងនេះ មានឈ្មោះថា K3 នឹងបំពាក់ដោយកោសិកាឥន្ធនៈអ៊ីដ្រូសែន និងបច្ចេកវិទ្យាទំនើបផ្សេងៗទៀត ដើម្បីធ្វើឱ្យវាក្លាយជារថក្រោះចម្បាំងដ៏ទំនើបបំផុតមួយរបស់ពិភពលោក។ រថក្រោះចម្បាំង K3 ដើរដោយថាមពលអ៊ីដ្រូសែនថ្មីនេះ បង្កើតឡើងក្រោមកិច្ចសហការជាមួយទីភ្នាក់ងារអភិវឌ្ឍន៍ការពារជាតិកូរ៉េខាងត្បូង និងស្ថាប័នស្រាវជ្រាវបច្ចេកវិទ្យាជាតិផ្សេងទៀត។ រថក្រោះចម្បាំងនេះ ត្រូវបានគេរំពឹងថា នឹងចាប់ផ្តើមការផលិតឆាប់បំផុតនៅត្រឹមឆ្នាំ ២០៤០ ហើយកោសិកាឥន្ធនៈអ៊ីដ្រូសែននឹងជំនួសម៉ាស៊ីនម៉ាស៊ូតត្រកូលរថក្រោះចម្បាំង K-series។ ប្រការនេះនឹងក្លាយជាជំហានដំបូង ត្រួសត្រាយផ្លូវឆ្ពោះទៅរកការផលិតម៉ាស៊ីនកូនកាត់អ៊ីដ្រូសែន និងម៉ាស៊ូត។ ការធ្វើបច្ចុប្បន្នភាពរថក្រោះចម្បាំងរបស់កូរ៉េខាងត្បូង មានគោលបំណងចម្បងគឺផ្លាស់ប្តូរម៉ាស៊ីនសង្រ្គាមរបស់ខ្លួន ឱ្យស្ថិតនៅឆ្ងាយពីម៉ាស៊ីនចំហេះ ដែលប៉ះពាល់បរិយាកាស និងបង្កើនកំដៅភពផែនដី៕ ប្រភព៖ interesting engineering ប្រែសម្រួលដោយ៖ ឈឹម ទីណា

បរទេស៖ គេហទំព័រ The Drive បានចេញផ្សាយ កាលពីថ្ងៃអង្គារ ដោយបានដកស្រង់ប្រភព ពីម្ចាស់ឡាន Tesla Model 3 រៀបរាប់ពីប្រព័ន្ធស្វ័យបើកបរ ឬ Full Self-Driving ដែលបានសម្គាល់ថា មានសត្វក្តាន់មួយក្បាលរត់នៅលើដងផ្លូវ តែមិនបើកគេច ហើយបើកបុកមិនឈប់ថែមទៀតផង។ អ្នកប្រើប្រាស់បណ្តាញសង្គម X ឈ្មោះ Paul S បានបង្ហោះវីដេអូមួយ ថតបានពីកាមេរ៉ាមុខ នៃឡាន Tesla Model 3 របស់លោក ដោយបង្ហាញថា ឡានរបស់ខ្លួនបានបុកសត្វក្តាន់មួយក្បាល ក្នុងពេលប្រើប្រព័ន្ធស្វ័យបើកបរ ឬ Full Self-Driving។ លោក Paul បានសារភាពថា នៅពេលយប់ ប្រព័ន្ធជំនួយអ្នកបើកបរ អាចពិបាក ក្នុងការមើលផ្លូវ ព្រោះមិនមានពន្លឺល្អ។ យ៉ាងណាក៏ដោយ ផ្លូវ និងសត្វក្តាន់ ហាក់ដូចជាមានពន្លឺជះគ្រប់គ្រាន់ ពីចង្កៀងមុខឡានរបស់លោក ប៉ុន្តែ Tesla របស់លោក នៅតែបើកទៅបុក គ្មានការចាប់ហ្វ្រាំង,…

បរទេស៖ កំពូលភ្នំខ្ពស់បំផុត របស់ប្រទេសជប៉ុន ឈ្មោះ Fuji ជាធម្មតា ត្រូវបានគ្របដណ្តប់ដោយព្រិល នៅចាប់ពីដើមខែតុលា ប៉ុន្តែរហូតមកដល់ចុងខែតុលាឆ្នាំនេះ ភ្នំ Fuji ដ៏ល្បីល្បាញ របស់ប្រទេសជប៉ុន នៅតែមិនមានព្រិលធ្លាក់ ជាហេតុនាំឲ្យភ្នំជានិម្មិតរូបរបស់ជប៉ុនមួយនេះ អត់ព្រិលជាលើកដំបូង ក្នុងរយៈពេលជិត ១៣០ឆ្នាំ។ គិតត្រឹមថ្ងៃអង្គារ សប្តាហ៍នេះ កំពូលភ្នំនៅតែគ្មានព្រិល ខុសពីរាល់ឆ្នាំដែល ផ្ទាំងទឹកកកចាប់ផ្តើមមាននៅលើភ្នំ Fuji នៅថ្ងៃទី ២ ខែតុលា។ កាលពីឆ្នាំមុន គេកត់សម្គាល់ថាមានផ្ទាំងទឹកកកចាប់ផ្តើមកើតនៅថ្ងៃទី ៥ ខែតុលា យឺតជាងធម្មតា៣ថ្ងៃ។ ទីភ្នាក់ងារឧតុនិយមបាននិយាយកាលពីខែកញ្ញាថា រដូវក្តៅឆ្នាំនេះ បានបំបែកកំណត់ត្រាឆ្នាំ ១៨៩៨ ដែលជាឆ្នាំក្តៅបំផុតរបស់ជប៉ន។ យោងតាមការវិភាគពីក្រុមស្រាវជ្រាវ Climate Central បានឱ្យដឹងថា ជប៉ុននៅតែក្តៅខុសពីធម្មតា ដោយមានទីក្រុងចំនួន ៧៤ កត់ត្រាពីសីតុណ្ហភាព ៣០អង្សាសេ ឬខ្ពស់ជាងនេះ នៅក្នុងសប្តាហ៍ដំបូងនៃខែតុលា។ ស្ថានភាពបែបនេះ អាចជាសញ្ញាដ៏គួរឱ្យព្រួយបារម្ភមួយ ចំពោះកន្លែងពេញនិយមរបស់ពិភពលោកមួយនេះ។ ភ្នំ Fuji ដែលមានកម្ពស់ ៣,៧៧៦ម៉ែត្រ…