ហាណូយ៖ ផ្អែកតាមសេចក្តីព្រាងក្រឹត្យថ្មី របស់ក្រសួងសន្តិសុខសាធារណៈវៀតណាម នឹងមានការបង្កើនទំហំផាកពិន័យ ដល់អ្នកបើកឡានដែលបំពានភ្លើងក្រហម ចំនួន៦ដង មានរហូតដល់៤៣០លានដុល្លារអាមេរិក ខណៈដែលអ្នកជិះម៉ូតូវិញ អាចផាកដល់ជាង២៣០ដុល្លារ នេះបើតាមកាសែត VNexpress។ យោងតាមនាយកដ្ឋាននគរបាលចរាចរណ៍របស់ក្រសួង បានបង្ហាញថា ការបើកបរបំពានភ្លើងក្រហម គឺជាបទល្មើស ដែលកើតមានញឹកញាប់ ជាពិសេស នៅទីក្រុងហាណូយ និងតំបន់ផ្សេងទៀត។ នាយកដ្ឋានបានកត់សម្គាល់ថា អាកប្បកិរិយានេះច្រើនកើតឡើង នៅពេលព្រឹកព្រលឹម និងយប់នៅតាមដងផ្លូវ ដែលមិនមានប៉ូលិសចរាចរណ៍។ សេចក្តីព្រាងក្រឹត្យថ្មី តម្រូវឲ្យផាកអ្នកបើកបររថយន្តបំពាន ចន្លោះពី ៩លានដុង ឬ ជាង៣៥០ដុល្លារ ទៅដល់ ១១លានដុង ឬ ជាង៤៣០ដុល្លារអាមេរិក។ អ្នកជិះម៉ូតូដែលបើកភ្លើងឆ្លងភ្លើងក្រហម អាចប្រឈមនឹងការផាកពិន័យរហូតដល់ទៅ ៦លានដុង ឬ ២៣៦ ដុល្លារ សុទ្ធតែកើនឡើង ៦ដង ទាំងម៉ូតូ និងឡាន បើធៀបនឹងការផាកពិន័យ បច្ចុប្បន្ន។ ជាងនេះទៅទៀត ក្រសួងក៏ស្នើឲ្យចាប់ឃាត់ម៉ូតូ ពីអ្នកបើកបរ ដែលជិះប្រលែងដៃ ឬអត់កាន់ចង្កូតឡានជាដើម។ ម៉ូតូដែលត្រូវបានគេរកឃើញថា មានការកែប្រែមិនត្រឹមត្រូវ ក៏ត្រូវរឹបអូស ដូចអ្នកប្រើប្រាស់ប័ណ្ណក្លែងក្លាយផងដែរ…

បរទេស៖ ខណៈពេលកំពុងធ្វើយុទ្ធនាការគាំទ្រ អតីតប្រធានាធិបតី លោក Donald Trump ឲ្យឈ្នះការបោះឆ្នោត នាខែវិច្ឆិកាខាងមុខនេះ លោកមហាសេដ្ឋី Elon Musk បាននិយាយថា លោកនឹងកែលម្អរដ្ឋាភិបាលអាមេរិក ក្រោមការដឹកនាំរបស់លោក Trump ដោយយកគំរូដឹកនាំអាជីវកម្មរបស់ខ្លួន និងយកបច្ចេកវិទ្យា AI មកប្រើ។ លោក Musk និង Trump បានពិភាក្សាជាសាធារណៈ អំពីតួនាទីមួយចំនួន ក្នុងជួររដ្ឋាភិបាល សម្រាប់នាយកប្រតិបត្តិ Tesla និង SpaceX រូបនេះ ប្រសិនបើ Trump ឈ្នះតំណែងជាប្រធានាធិបតី។ ប៉ុន្តែទាំង Musk និង Trump មិនបានផ្តល់នូវភាពជាក់លាក់ណាមួយនោះទេ។ ប៉ុន្តែ កាលពីសប្តាហ៍មុន លោក Trump បាននិយាយប្រាប់ Fox News ថាលោក Musk អាចបម្រើជា “ប្រធានទីភ្នាក់ងារទទួលបន្ទុកការកាត់បន្ថយការចំណាយ” ដែលជាស្ថានប័នពុំមានវត្តមាន ក្នុងជួររដ្ឋាភិបាលអាមេរិក នាពេលបច្ចុប្បន្ននេះទេ”។ បើតាម CNN…

សេអ៊ូល ៖ ជំងឺឯកោ ឬ Loneliness កំពុងក្លាយជាឃាតករឈាមត្រជាក់ សម្លាប់ជីវិតប្រជាជនកូរ៉េខាងត្បូងរាប់ពាន់នាក់ជារៀងរាល់ឆ្នាំ ដែលភាគច្រើនជាបុរសវ័យកណ្តាល។ ជួនកាល ត្រូវចំណាយពេលច្រើនថ្ងៃ ឬច្រើនសប្តាហ៍ មុនពេលសាកសពជនរងគ្រោះត្រូវបានរកឃើញ។ នេះបើតាមការចេញផ្សាយដោយសារព័ត៌មាន CNN។ ករណីស្លាប់ទាំងនោះ គេឱ្យឈ្មោះថា “ការស្លាប់ដ៏ឯកោ” ឬ ភាសាកូរ៉េហៅថា Godoksa។ ជំងឺឯកោដែលធ្វើឱ្យមនុស្សឈានដល់ការបញ្ចប់ជីវិតខ្លួនឯងនេះ ទំនងជាមានជាប់ពាក់ព័ន្ធនឹងបញ្ហាមួយចំនួន មានដូចជាការបាក់ទឹកចិត្ត, គម្លាតសង្គម, តម្លៃរស់នៅខ្ពស់ គ្មានគោលដៅ រិះគន់ខ្លួនខ្លាំងពេក និងខ្លាចការបរាជ័យជាដើម។ ឆ្លើយតបនឹងបញ្ហានេះ អាជ្ញាធរក្រុងសេអ៊ូលបានប្រកាសចំណាយប្រាក់ជិត ៣២៧លានដុល្លារ ក្នុងរយៈពេល៥ឆ្នាំខាងមុខ ដើម្បីបង្កើតទីក្រុងដែលគ្មាននរណាឯកកោ និងគម្រោងផ្តល់សេវាកម្មផ្លូវចិត្ត។គំនិតផ្តួចផ្តើមថ្មីនេះ រួមមានអ្នកផ្តល់ប្រឹក្សាអំពីភាពឯកកោតាមប្រព័ន្ធទូរស័ព្ទទាន់ហេតុការណ៍២៤ម៉ោងក្នុងមួយសប្តាហ៍ ការចាត់វិធានការតាមដាន និងការចុះទៅជួបផ្ទាល់ ព្រមទាំងការពិគ្រោះយោបល់។ ជាពិសេសលើកទឹកចិត្តជនមានវិបត្តិផ្លូវចិត្តទាំងនោះ ងាកមកផ្សារភ្ជាប់ទំនាក់ទំនងជាមួយអ្នកដ៏ទៃក្នុងសង្គមវិញ មានដូចជាការដើរលេងកំសាន្តតាមសួនច្បារ លេងកីឡា អានសៀវភៅ និងសកម្មភាពជាច្រើនផ្សេងទៀត។ នេះបើ តាមការបញ្ជាក់របស់រដ្ឋាភិបាលក្រុងសេអ៊ូល។ ចំនួនអ្នកស្លាប់ដោយសារភាពឯកកោនៅកូរ៉េខាងត្បូង បានកើនឡើងយ៉ាងគំហុកដល់ ៣,៦៦១នាក់កាលពីឆ្នាំ២០២៣, ៣,៥៥៩នាក់ក្នុងឆ្នាំ២០២២ និង ៣,៣៧៨នាក់ក្នុងឆ្នាំ២០២១ នេះបើយោងតាមតួលេខចុងក្រោយរបស់ក្រសួងសុខាភិបាល និងសុខុមាលភាពកូរ៉េខាងត្បូង ដែលបានចេញផ្សាយកាលពីសប្តាហ៍មុន។…

បរទេស៖ អាកាសយានដ្ឋាន នៅប្រទេស នូវែល សេឡង់ បានដាក់កំហិត រយៈពេលត្រឹម៣នាទី លើការឱបលាគ្នា ដែលបង្កឱ្យមានការជជែកដេញដោលគ្នា។ លោក Daniel De Bono នាយកប្រតិបត្តិ ព្រលានយន្តហោះអន្តរជាតិ ក្នុងទីក្រុង Dunedin ភាគខាងត្បូង បាននិយាយថា «ដើម្បីដំណើរការដោយរលូន យើងបានដំឡើងផ្លាកសញ្ញាថ្មី រួមទាំងសញ្ញា Max hug time 3 minutes ឬ «សូមឱបលា ត្រឹមតែ៣នាទី»។ លោកបានបន្តថា «នីតិវិធីរបស់យើងមានលក្ខណៈចម្លែកបន្តិច ហើយរំឭកប្រជាជនថា តំបន់ទម្លាក់អីវ៉ាន់ សម្រាប់ការលាគ្នា ត្រូវតែធ្វើយ៉ាងឆាប់រហ័ស»។ លោកថា បើចង់ឱបយូរ អាចរកកន្លែងចតរថយន្តសិន។ ការរឹតបន្តឹង​ឱបបែបនេះ បានធ្វើឱ្យមានការជជែកវែកញែកគ្នា តាមប្រព័ន្ធអ៊ីនធឺណិត។ ស្ត្រីម្នាក់បានបញ្ចេញមតិ នៅលើទំព័រហ្វេសប៊ុក របស់អាកាសយានដ្ឋានថា «ខ្ញុំរីករាយ បើមានពេលអោបគ្នា ឲ្យបានច្រើន»។ ​ម្នាក់បង្ហោះទៀត បានរៀបរាប់ថា «ឱបប៉ូលីសមែន! នេះជារឿងចម្លែក! ការឱបត្រូវបានគេបង្ហាញឱ្យឃើញថា មានអត្ថប្រយោជន៍ជាច្រើន មិនសំដៅតែលើសុខភាពផ្លូវចិត្ត…

សេអ៊ូល ៖ ផ្អែកតាមការចេញផ្សាយដោយសារព័ត៌មាន VNExpress វេជ្ជបណ្ឌិតកូរ៉េខាងត្បូងមានជំនាញផ្សេងៗគ្នា ដែលមិនសប្បាយចិត្តនឹងលក្ខខណ្ឌការងារក្នុងស្រុក កំពុងដាក់ពាក្យសុំធ្វើការងារនៅប្រទេសវៀតណាមក្នុងឆ្នាំ ២០២៤នេះ។ កាសែតកូរ៉េខាងត្បូង The Chosun Daily រាយការណ៍ថា វេជ្ជបណ្ឌិតជាង ៣០នាក់ ក្នុងចំណោមពួកគេបានធ្វើតេស្តសុខភាពរួចរាល់កាលពីចុងខែមុន ហើយឥឡូវនេះកំពុងត្រៀមប្រឡងភាសាអង់គ្លេសនៅសាកលវិទ្យាល័យវេជ្ជសាស្ត្រ និងឱសថស្ថានទីក្រុងហូជីមីង (HCMC) ក្នុងរយៈពេលពីរខែទៀត។ វេជ្ជបណ្ឌិតបរទេសមកពីប្រទេសមានប្រព័ន្ធថែទាំសុខភាពកម្រិតខ្ពស់ មិនតម្រូវឱ្យឆ្លងកាត់ការប្រឡងសញ្ញាបត្រក្នុងស្រុក ដើម្បីធ្វើការនៅប្រទេសវៀតណាមនោះទេ ប៉ុន្តែត្រូវផ្តល់អាជ្ញាប័ណ្ណវិជ្ជាជីវៈដែលចេញដោយប្រទេសកំណើតរបស់ពួកគេ និងឆ្លងកាត់ការត្រួតពិនិត្យសុខភាព ក៏ដូចជាការធ្វើតេស្តភាសាអង់គ្លេស។ តំណាងក្រុមហ៊ុនដែលជួយបកប្រែ និងកត់ត្រាឯកសារសម្រាប់វេជ្ជបណ្ឌិតបរទេសនិយាយថា គ្រូពេទ្យវះកាត់កែសម្ផស្ស គ្រូពេទ្យជំនាញជំងឺសើស្បែក ទន្តពេទ្យ និងអ្នកឯកទេសផ្នែកសង្គ្រោះបន្ទាន់ជាច្រើនរបស់កូរ៉េខាងត្បូង ចាប់អារម្មណ៍ធ្វើការនៅវៀតណាម។ មន្ទីរពេទ្យឯកជនមួយនៅទីក្រុងហាណូយ បានផ្តល់ការងាររយៈពេល ៤៤ម៉ោងក្នុងមួយសប្តាហ៍ ហើយហ៊ានឱ្យប្រាក់បៀវត្សរ៍ប្រចាំខែដល់ទៅ ២២,០០០ដុល្លារ និង ៨០០ដុល្លារសម្រាប់ការងារពិនិត្យសុខភាពដល់ផ្ទះ សម្រាប់ក្រុមគ្រូពេទ្យកូរ៉េខាងត្បូង។ មូលហេតុដែលគ្រូពេទ្យកូរ៉េខាងត្បូងសម្រេចចិត្តធ្វើបែបនេះ គឺដោយសារពួកគេភាគច្រើនមិនពេញចិត្តនឹងលក្ខខណ្ឌការងារនៅតាមគ្លីនិចក្នុងស្រុក ជាពិសេសផែនការរបស់រដ្ឋាភិបាល ក្នុងការបង្កើនចំនួនសិស្សប្រឡងចូលសាលាពេទ្យ ដើម្បីដោះស្រាយការខ្វះខាតគ្រូពេទ្យនៅក្នុងប្រទេស។ ប៉ុន្តែផែនការនេះ ត្រូវបានក្រុមគ្រូពេទ្យកម្មសិក្សាយល់ឃើញថា ពួកគេជាជនរងគ្រោះនៃប្រព័ន្ធសុខាភិបាលសព្វថ្ងៃ ដែលមានលក្ខខណ្ឌការងារដ៏លំបាក និងទទួលបានប្រាក់ខែទាប។ នេះបើតាមការចេញផ្សាយដោយសារព័ត៌មាន AFP៕ ប្រភព៖ VNExpress…