បរទេស៖ កាសែតវៀតណាម VNexpress បានចេញផ្សាយ នាពេលថ្មីៗនេះ ដោយបានដកស្រង់សម្តី របស់ជនជាតិវៀតណាម ដែលបាននិយាយថា នៅទីក្រុងហូជីមិញ គេបានចំណាយពេលជាង១ម៉ោង ដើម្បីបំពេញនីតិវិធីចូលចំណតអាកាសយានដ្ឋាន ប៉ុន្តែ នៅព្រលាន្តយន្ហហោះ Changi របស់សិង្ហបុរីវិញ ចាយពេលត្រឹម ១នាទី ជាការស្រេច។ ផ្អែកតាមប្រភព អ្នករស់នៅទីក្រុងហូជីមិញ មិនបញ្ចេញឈ្មោះ រូបនេះ បានរៀបរាប់ថា កាលពីដើមតុលា ខ្លួនបានទៅដល់ព្រលានយន្តហោះ Tan Son Nhat ក្នុងទីក្រុងហូជីមិញ បានរង់ចាំជាងមួយម៉ោង ដើម្បីបញ្ចប់ដំណើរការចេញដំណើរ និងការត្រួតពិនិត្យសុវត្ថិភាព មុនពេលបានជិះយន្តហោះទៅសិង្ហបុរី។ ផ្ទុយមកវិញ ពេលយន្តហោះ ចុះចតនៅអាកាសយានដ្ឋាន Changi រូបគេថា មានការភ្ញាក់ផ្អើល ចំពោះបញ្ជរឆែកឆេរចូលដោយស្វ័យប្រវត្តិ។ បន្ទាប់ពីស្កែនលិខិតឆ្លងដែន ធ្វើតាមការណែនាំរបស់ប្រព័ន្ធ បញ្ចប់ដំណើរការចូល ដែលចំណាយពេលតិចជាង ១នាទី។ បុគ្គលិកសន្តិសុខអាកាសយានដ្ឋាន រង់ចាំជួយ ចំពោះអ្នកជួបការលំបាកជាមួយប្រព័ន្ធស្វ័យប្រវត្តិ ហើយចំណាយពេលត្រឹមតែ ៣០វិនាទី ដើម្បីប្រមូលអីវ៉ាន់របស់គេ។ ព្រលាន្តយន្តហោះ Changi ថ្មីៗនេះ ត្រូវបានបោះឆ្នោតជ្រើសរើស…

បរទេស៖ ថ្មីៗនេះ មហាសេដ្ឋីពិភព លោក Elon Musk មេធំក្រុមហ៊ុនឡានអគ្គិសនី Tesla បានឆ្លើយតបទៅនឹងអ្នកចូលចិត្តរថយន្តម្នាក់ ដែលបានផលិតរថយន្ត Cybertruck មានមុខងារពេញលេញ ធ្វើពីឈើ ដោយលោកបានឆ្លើយតបជាមួយនឹងអត្ថន័យកោតសរសើរខ្លាំង នេះបើតាម The Truth International កាលពីថ្ងៃពុធ។ កាលពីដើមឆ្នាំនេះ អ្នកបង្កើតមាតិកា YouTube ឈ្មោះ ND-WoodArt បានបង្ហោះវីដេអូអំពីស្នាដៃផលិតរថយន្ត Cybertruck ធ្វើពីឈើ ដោយបានចំណាយ១៥,០០០ដុល្លារអាមេរិក ចាយពេល ១០០ថ្ងៃ លើសិល្បៈហត្ថកម្ម ដ៏ប្រណិតនេះ។ ក្រោយមក ND-WoodArt តាមរយៈប្រព័ន្ធផ្សព្វផ្សាយសង្គម បានផ្ញើលិខិតចំហមួយទៅកាន់លោក Musk នៅលើវេទិកា X ។ ក្នុងសារ បានបង្ហាញពីចំណង់ចំណូលចិត្តរបស់ពួកគេ ចំពោះរថយន្តឈើ និងការកោតសរសើររបស់ពួកគេ ចំពោះលោក Musk និង Tesla ។ គេបានបន្ថែមថា «ខ្ញុំមានទំនុកចិត្តថា យានជំនិះដ៏អស្ចារ្យនេះនឹងទទួលបានជោគជ័យ នៅទីបំផុត»។ ជាការឆ្លើយតបនឹងសារនេះ លោក…

បរទេស៖ អតីតប្រធានាធិបតីអាមេរិក លោក ដូណាល់ ត្រាំ បានវិលត្រឡប់មកក្នុងបញ្ជីអ្នកមានបំផុតចំនួន៥០០នាក់ នៅលើពិភពលោក ឡើងវិញ ខណៈដែលភាគហ៊ុន ក្រុមហ៊ុនរបស់លោក បានកើនឡើង ពីរសប្តាហ៍ ពោលគឺមុនការបោះឆ្នោតប្រធានាធិបតីអាមេរិក មកដល់នៅខែវិច្ឆិកា។ ទ្រព្យសម្បត្តិសុទ្ធរបស់លោក Trump បានកើនឡើង ១១២% នៅឆ្នាំនេះ ពោលគឺរហូតដល់ ៦.៥ពាន់លានដុល្លារ គិតត្រឹមថ្ងៃពុធ ដែលធ្វើអោយគាត់ក្លាយជាអ្នកមានបំផុតទី៤៨១ នៅក្នុងសន្ទស្សន៍មហាសេដ្ឋី Bloomberg ឬ Bloomberg Billionaires Index ។ លើកចុងក្រោយ ដែលលោកស្ថិតនៅក្នុងបញ្ជីនេះ គឺ ១១សប្តាហ៍មុន។ ទ្រព្យសម្បត្តិរបស់លោក Trump គឺបានមកពីភាពជាម្ចាស់ លើអង្គភាព Trump ដែលជាក្រុមហ៊ុនអចលនទ្រព្យអន្តរជាតិ និង អាជីវកម្ម ផ្តល់អាជ្ញាប័ណ្ណ។ ជាការកត់សម្គាល់ ទ្រព្យសម្បត្តិរបស់គាត់បានកើនឡើង នៅពេលដែលក្រុមហ៊ុន Trump Media & Technology Group Corp មានតម្លៃហ៊ុនកើនជិតបីដង ចាប់តាំងពីចុងខែមុន។ ថ្មីៗនេះ…

ប៉េកាំង ៖ អ្នកបុរាណវត្ថុវិទូរកឃើញរូបសំណាកនាគត្បូងថ្មដ៏ធំបំផុតមិនធ្លាប់មាន ដែលបង្កើតឡើងដោយអ្នកស្រុកជំនាន់វប្បធម៌ Hongshan របស់ចិន នៃយុគថ្មរំលីង នៅក្នុងផ្នូរបុរាណមានអាយុកាលចន្លោះពី ៥,០០០ ទៅ ៥,១០០ឆ្នាំ។ នេះបើតាមការចេញផ្សាយដោយសារព័ត៌មាន The Sun។ វត្ថុបុរាណនេះ មានទំហំប៉ុនបាតដៃ ប្រវែងជាង ១៥សង់ទីម៉ែត្រ ទទឹងប្រហែល ១០សង់ទីម៉ែត្រ និងកម្រាស់ប្រហែល ២សង់ទីម៉ែត្រ។ វាត្រូវបានគេរកឃើញនៅក្នុងផ្នូរបុរាណមួយ មានទីតាំងនៅទីក្រុង Chifeng ក្នុងតំបន់ស្វយ័តម៉ុងហ្គោលី ភាគខាងជើងប្រទេសចិន។ វាគឺជារូបសំណាកនាគត្បូងថ្មមានវ័យដ៏ចំណាស់មួយ ក្នុងចំណោមត្បូងថ្មបុរាណចំនួន១០០ប្រភេទ និងធំជាងគេបំផុតមិនធ្លាប់មានពីមុនក្នុងប្រវត្តិសាស្រ្តប្រទេសចិន។ចំនុចពិសេសរបស់នាគត្បូងថ្មបុរាណនេះ មានលក្ខណៈខុសគ្នាខ្លាំងពីនាគត្បូងថ្មសម័យទំនើប ហើយត្រូវបានពណ៌នាថា ជាត្បូងនាគ «ក្បាលជ្រូក» ដោយសារព័ត៌មានចិន China Daily។ ការជីកកកាយនៅផ្នូរបុរាណដ៏ពិសេសមួយនៅទីតាំងបុរាណវត្ថុ Yuanbaoshan ក៏បានរកឃើញប្រាសាទបុរាណ, អដ្ឋិធាតុមនុស្សសម័យមុន និងគ្រឿងស្មូន ដែលមានទំនាក់ទំនងនឹងវប្បធម៌ Hongshan នេះបើតាមការបញ្ជាក់របស់មន្ត្រីចិន។ សារព័ត៌មាន Daily Mail បានចេញផ្សាយថា Hongshan គឺជាវប្បធម៌យុគថ្មរំលីងនៅភាគឦសាននៃប្រទេសចិន។ វប្បធម៌នេះ ត្រូវបានគេស្គាល់ដោយសាររូបចម្លាក់នាគ រូបចម្លាក់សត្វ និងរូបចម្លាក់មនុស្ស។…

វ៉ាស៊ីនតោន ៖ មន្ត្រីសុខាភិបាលសហព័ន្ធ នៅថ្ងៃអង្គារនិយាយថា ករណីពុលអាហារបង្កឡើងពីបាក់តេរី Escherichia coli ឬ ហៅកាត់ e. coli បង្កប់ខ្លួននៅក្នុងនំហែមប៊ឺហ្គឺរបស់ហាង McDonald’s បណ្តាលឱ្យមនុស្សចំនួន ៤៩នាក់ធ្លាក់ខ្លួនឈឺនៅក្នុងរដ្ឋចំនួន១០ រួមទាំងមនុស្សម្នាក់ស្លាប់ និង ១០នាក់ទៀតកំពុងសម្រាកព្យាបាលនៅមន្ទីរពេទ្យ។ នេះបើតាមការចេញផ្សាយដោយសារព័ត៌មាន AP។ ករណីពុលអាហារបង្កឡើងពីបាក់តេរី e. coli ត្រូវបានគេរាយការណ៍នៅចន្លោះថ្ងៃទី២៧ ខែកញ្ញា ដល់ថ្ងៃទី១១ ខែតុលា នៅក្នុងរដ្ឋចំនួន១០ ក្នុងនោះរដ្ឋ Colorado មានករណីឆ្លងច្រើនជាងគេ ពោលគឺរហូតដល់ ២៦ករណី បន្ទាប់មកគឺរដ្ឋ Nebraska មាន ៩ករណី។ បច្ចុប្បន្ន នាយកដ្ឋានកសិកម្មអាមេរិក, រដ្ឋបាលចំណីអាហារ និងឱសថ រួមទាំងមន្ត្រីសុខាភិបាលរដ្ឋបាននឹងកំពុងស៊ើបអង្កេតរឿងនេះ។អ្នកស៊ើបអង្កេតនឹងផ្តោតលើខ្ទឹមបារាំង និងសាច់គោ ដែលជាធាតុផ្សំសំខាន់របស់នំហែមប៊ឺហ្គឺ។ ការស៊ើបអង្កេតបឋមរបស់រដ្ឋបាលចំណីអាហារ និងឱសថអាមេរិក ហៅកាត់ (FDA) បង្ហាញថា ខ្ទឹមបារាំង slivered ដែលប្រើនៅក្នុងនំហែមប៊ឺហ្គឺ ទំនងជាប្រភពនៃការចម្លងរោគ។ យ៉ាងណាមិញ USDA…

ម៉ានីល ៖ គិតត្រឹមថ្ងៃពុធនេះ យ៉ាងហោចណាស់មនុស្ស ៣២,០០០នាក់បានភៀសខ្លួនចេញពីផ្ទះរបស់ពួកគេនៅភាគខាងជើងប្រទេសហ្វីលីពីន ក្រោយព្យុះត្រូពិកនេះបានបោកបក់មកដល់កោះ Luzon។ នេះបើតាមការចេញផ្សាយដោយសារព័ត៌មាន AFP។ ទីភ្នាក់ងារឧតុនិយមហ្វីលីពីននិយាយថា ព្យុះត្រូពិក Trami ស្ថិតនៅចម្ងាយ ៣១០គីឡូម៉ែត្រភាគខាងកើតនៃខេត្ត Aurora ជាមួយនឹងកម្លាំងខ្យល់អតិបរមា ៨៥គីឡូម៉ែត្រក្នុងមួយម៉ោង ប៉ូលីសបានព្រមានពលរដ្ឋដែលមិនទាន់ចាកចេញឲ្យប្រញាប់ជម្លៀសខ្លួន និងស្វែងរកទីសុវត្ថិភាពជាបន្ទាន់។ អាជ្ញាធរហ្វីលីពីននិយាយថា ភ្លៀងធ្លាក់ខ្លាំងបង្កឡើងពីព្យុះនេះ បានប្រែក្លាយផ្លូវទៅជាទន្លេ និងជន់លិចភូមិ ហើយថែមទាំងបណ្តាលឱ្យតំបន់សំខាន់ៗជាច្រើនរបស់ហ្វីលីពីន ត្រូវទឹកជន់លិចយ៉ាងខ្លាំងក្លា។ កាសែតបារាំង AFP បានរាយការណ៍ថា ក្រុមអ្នកជួយសង្រ្គោះបាននឹងកំពុងប្រញាប់ប្រញាល់ធ្វើដំណើរទៅកាន់តំបន់រងគ្រោះ ដើម្បីជួយពលរដ្ឋរាប់ម៉ឺននាក់ពីគ្រោះទឹកជំនន់។ ប៉ូលីសហ្វីលីពីននិយាយថា នៅក្នុងតំបន់ Bicol មានចម្ងាយប្រហែល ៤០០គីឡូម៉ែត្រ ភាគអាគ្នេយ៍នៃរដ្ឋធានីម៉ានីល ទឹកជំនន់មានការកើនឡើងជាខ្លាំង បង្កជាបញ្ហាដល់ក្រុមអ្នកជួយសង្រ្គោះ។ គួរបញ្ជាក់ថា ខ្យល់ព្យុះ និងព្យុះទីហ្វុងធំៗចំនួន២០ បានវាយប្រហារលើប្រទេសហ្វីលីពីន និងតំបន់ដែនទឹកជុំវិញប្រទេសរបស់ខ្លួនជារៀងរាល់ឆ្នាំ ដោយពួកវាបានបផ្លិចបំផ្លាញផ្ទះសម្បែង និងហេដ្ឋារចនាសម្ព័ន្ធ ក៏ដូចជាបានសម្លាប់មនុស្សរាប់សិបនាក់៕ ប្រភព៖ AFP ប្រែសម្រួលដោយ៖ ឈឹម ទីណា