ហាណូយ៖ ក្រសួងធនធានធម្មជាតិ និងបរិស្ថានវៀតណាមបាននិយាយ កាលពីថ្ងៃអាទិត្យថា ភាគខាងជើង និង ខាងជើងកណ្តាល ប្រទេស អាចនឹងប្រឈមមុខនឹងព្យុះទីហ្វុង មួយ ឬ ពីរ បន្ថែមទៀត នៅមុនដំណាច់ ខែកញ្ញានេះ។ ក្រសួងក៏បានព្រមានអំពីហានិភ័យទឹកជំនន់ ដែលកើនឡើង នាភាគកណ្តាល នៅក្នុងខែតុលា និងវិច្ឆិកា។ ទីភ្នាក់ងារឧតុនិយមជាតិបានព្យាករណ៍ថា នឹងមានភ្លៀងធ្លាក់ខ្លាំង ពាសពេញប្រទេស នាប៉ុន្មានសប្តាហ៍ខាងមុខ។ ប្រភពបានបន្ថែមទៀតថា រដូវវស្សាត្រូវបានគេព្យាករណ៍ថា នឹងចាប់ផ្តើម នៅតំបន់កណ្តាល នាពាក់កណ្តាលខែកញ្ញា ដោយក្នុងនោះ តំបន់ភាគខាងជើង អាចមានភ្លៀងធ្លាក់ច្រើន ជាងមធ្យមភាគតាមរដូវ រហូតដល់៤០%។ ភ្លៀងធ្លាក់នៅតំបន់ភាគកណ្តាល អាចមានលើស ៣០% បើធៀបនឹងកម្រិតទឹកភ្លៀង ក្នុងពេលដូចគ្នា កាលពីឆ្នាំមុន។ គួររម្លឹកថា ព្យុះទីហ្វុង Yagi កាលពីថ្ងៃទី ៧ ខែកញ្ញា បានបង្កជាទឹកជំនន់ និងការបាក់ដី សម្លាប់មនុស្សយ៉ាងហោចណាស់ ២៩២នាក់ ហើយ ៣៨ នាក់ទៀតបាត់ខ្លួននៅឡើយ គិតត្រឹមថ្ងៃចន្ទ។ ក្រៅពីនេះ…

បាងកក៖ យោងតាមមជ្ឈមណ្ឌលប្រតិបត្តិការសង្គ្រោះបន្ទាន់ របស់ប្រទេសថៃ បានឲ្យដឹងថា ព្យុះទីហ្វុង យ៉ាជី (Yagi) បានឆក់យកជីវិតមនុស្ស៤នាក់ នៅភាគខាងជើង នាំឲ្យចំនួនមនុស្សស្លាប់ ដោយសារគ្រោះមហន្តរាយ ទាក់ទងនឹងភ្លៀងមូសុងប្រចាំឆ្នាំ ដែលធ្លាក់ខ្លាំងក្លា បង្កជាទឹកជំនន់ ប៉ុន្មានសប្តាហ៍ចុងក្រោយនេះ បានកើនដល់ ចំនួន២៩នាក់ហើយ។ រដ្ឋាភិបាលបាននិយាយ កាលពីថ្ងៃពុធថា ទឹកជំនន់ និងការបាក់ដី ដែលបង្កឡើងដោយភ្លៀងធ្លាក់ខ្លាំង ពីព្យុះ Yagi បានជន់លិចផ្ទះរាប់ពាន់ខ្នង ខណៈដែលមានការចល័តកងទ័ព ដើម្បីជួយគ្រួសារ ដែលរងផលប៉ះពាល់។ នាយកដ្ឋានឧតុនិយមថៃបានព្រមានថា នឹងមានភ្លៀងធ្លាក់ខ្លាំងបន្ថែមទៀត រហូតដល់ថ្ងៃទី ១៧ ខែកញ្ញា ដែលនាំមកនូវហានិភ័យនៃទឹកជំនន់ភ្លាមៗ។ សេចក្តីថ្លែងការណ៍បានបញ្ជាក់ថា «ចាប់ពីថ្ងៃទី ១៣ ដល់ថ្ងៃទី ១៧ ខែកញ្ញា សូមប្រុងប្រយ័ត្នចំពោះគ្រោះថ្នាក់ ដែលអាចបណ្តាលមកពីភ្លៀងធ្លាក់ខ្លាំង»៕ ប្រភពពី AFP ប្រែសម្រួល៖ សារ៉ាត