ហាណូយ៖ រដ្ឋាភិបាលវៀតណាមបានកំណត់ចំណាយថវិកាចំនួនជាង៣៧ម៉ឺនដុល្លារអាមេរិក ដើម្បីជួសជុលស្ពានដែលបានបាក់ កាលពីពីរសប្តាហ៍មុន នៅក្នុងខេត្ត Phu Tho ដោយសារព្យុះទីហ្វុងសង្ឃរា Yagi នេះបើតាមកាសែត VNexpress។ ស្ពាន Phong Chau ត្រូវបានសាងសង់នៅលើផ្លូវជាតិលេខ 32C ក្នុងឆ្នាំ ១៩៩៥ តភ្ជាប់រវាងស្រុក Lam Thao និង Tam Nong។ វាបានបាក់ នៅព្រឹកថ្ងៃទី៩ ខែកញ្ញា ដោយកំណាត់ទី៦ និងទី៧ បានធ្លាក់ចូលទឹកទន្លេ។ រថយន្ត១០គ្រឿង និងម៉ូតូ២គ្រឿង បានធ្លាក់ចូលទឹកទន្លេ ស្លាប់មនុស្សមួយចំនួន។ ក្រោយគ្រោះមហន្តរាយ ខេត្ត Phu Tho បានស្នើសុំការយល់ព្រមពីរដ្ឋាភិបាល ក្នុងការសាងសង់ស្ពានថ្មី ក្នុងតំលៃ ជាង៣៥លានដុល្លារអាមេរិក ដើម្បីជំនួសស្ពានចាស់នេះ។ ព្យុះទីហ្វុង Yagi មានកម្លាំងខ្យល់បក់ឡើងដល់ ២០១ គីឡូម៉ែត្រ ក្នុងមួយម៉ោង ផ្តើមវាយប្រហារវៀតណាម កាលពីថ្ងៃទី ៣ ខែកញ្ញា។ ព្យុះនេះបានឆក់យកជីវិតមនុស្ស ២៩៩នាក់…

បរទេស៖ ក្នុងពេលមានវត្តមាននៅអាមេរិក ប្រធានរដ្ឋវៀតណាម លោកTo Lam បានស្វែងរកការវិនិយោគរបស់ក្រុមហ៊ុន Boeing ក្នុងការបង្កើតរោងចក្រផលិតគ្រឿងបន្លាស់យន្តហោះ នៅលើកទឹកដី ប្រទេសវៀតណាម ខណៈដែលភាគីក្រុមហ៊ុនអាមេរិកមួយនេះកំពុងពិចារណា នេះបើតាមការចេញផ្សាយ របស់កាសែត VNepxress ថ្មីៗនេះ។ ក្នុងពេលជួបលោក Brendan Nelson អនុប្រធានជាន់ខ្ពស់នៃក្រុមហ៊ុន Boeing និងជាប្រធានក្រុមហ៊ុន Boeing Global នៅទីក្រុងញូវយ៉ក កាលពីចុងសប្តាហ៍ លោក To Lam អំពាវនាវឱ្យក្រុមហ៊ុន សាងសង់រោងចក្រផលិតគ្រឿងបន្លាស់ ព្រមទាំង មជ្ឈមណ្ឌលថែទាំម៉ាស៊ីនយន្តហោះ នៅវៀតណាម។ ជាការឆ្លើយតប លោក Nelson បាននិយាយថា ក្រុមហ៊ុន Boeing បានជួបប្រជុំជាច្រើនជាមួយក្រុមហ៊ុនអាកាសចរណ៍វៀតណាម ដើម្បីផ្តល់ការគាំទ្រផ្នែកហិរញ្ញវត្ថុ និងពិភាក្សា ជុំវិញរឿងនេះ។ Boeing នឹងគាំទ្រការអភិវឌ្ឍន៍របស់វៀតណាម ដោយផ្តោតលើការបណ្តុះបណ្តាលបុគ្គលិក និងការកសាងហេដ្ឋារចនាសម្ព័ន្ធ ដូចជា អាកាសយានដ្ឋាន និងកន្លែងថែទាំយន្តហោះ ជាដើម នេះបើតាម VNexpress ដដែល។ លោក…

សេអ៊ូល : ការស្រាវជ្រាវថ្មីរបស់វិទ្យាស្ថានការងារ នៃសហភាពសហជីពកូរ៉េ បានរកឃើញថា បុគ្គលិកក្នុងវ័យ ២០ឆ្នាំ នឹងត្រូវការពេលជាង ៨៦ឆ្នាំ ទើបអាចមានលទ្ធភាពទិញអាផាតមិនរស់នៅក្នុងទីក្រុងសេអ៊ូល បើគិតពីកម្រិតប្រាក់ខែបច្ចុប្បន្ន។ នេះបើតាមការចុះផ្សាយដោយសារព័ត៌មាន VNExpress។ ទីភ្នាក់ងារសារព័ត៌មានកូរ៉េ Yonhap បានឱ្យដឹងថា ការសិក្សាដែលចេញផ្សាយនេះ គឺផ្អែកលើស្ថិតិផ្លូវការស្តីពីហិរញ្ញវត្ថុគ្រួសារ និងទិន្នន័យអចលនទ្រព្យនៅលើទីផ្សារ។ យោងតាមលទ្ធផលស្រាវជ្រាវបានបង្ហាញថា ការសន្សំប្រាក់ជាមធ្យមរបស់មនុស្សមានវ័យចន្លោះពី ២០ទៅ២៩ឆ្នាំនៅកូរ៉េខាងត្បូង កាលពីឆ្នាំ២០២៣ ឈរនៅតួលេខ ១០,០០០ដុល្លារអាមេរិក។ ប៉ុន្តែសម្រាប់តម្លៃជាមធ្យមនៃអាផាតមិនក្នុងទីក្រុងសេអ៊ូល គឺមានតម្លៃរហូតដល់ ៨៧៣,០០០ដុល្លារអាមេរិក។ ដូច្នេះ បុគ្គលិក ឬកម្មករជនជាតិកូរ៉េម្នាក់ៗស្ថិតក្នុងវ័យ ២០ឆ្នាំ ត្រូវការចំណាយពេលសន្សំប្រាក់ជាង ៨៦ឆ្នាំ ដើម្បីអាចមានលទ្ធភាពទិញអាផាតមិនរស់នៅក្នុងទីក្រុងសេអ៊ូល។ តួលេខនេះ ខ្ពស់ជាងពីរដងធៀបនឹងឆ្នាំ ២០១៤ ដោយសារការកើនឡើងខ្លាំង នៃតម្លៃអចលនទ្រព្យក្នុងពេលប៉ុន្មានឆ្នាំថ្មីៗនេះ៕ ប្រភព៖ VNExpress ប្រែសម្រួលដោយ៖ ឈឹម ទីណា

វ៉ាស៊ីនតោន : មេដឹកនាំអ៊ុយក្រែន កាលពីថ្ងៃអាទិត្យ បានមកដល់សហរដ្ឋអាមេរិកហើយ ដើម្បីបំពេញទស្សនកិច្ចដ៏សំខាន់មួយ។ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃអាទិត្យ បានមកដល់សហរដ្ឋអាមេរិកហើយ ស្ថិតក្នុងគោលបំណងបង្ហាញពីផែនការរបស់អ៊ុយក្រែន ក្នុងការបញ្ចប់សង្គ្រាមរយៈពេលពីរឆ្នាំកន្លះជាមួយរុស្ស៊ី។ លោក ហ្សេលេនស្គី នឹងបង្ហាញពីគម្រោងរបស់គាត់ ដែលលោកហៅវាថា ជា “ផែនការជ័យជំនះ” ទៅដល់ប្រធានាធិបតីអាមេរិក លោក ចូ បៃដិន ក៏ដូចជាលោកស្រី ខាម៉ាឡា ហារីស និងលោក ដូណាល់ត្រាំ។ លោក ហ្សេលេនស្គី បាននិយាយថា លោក បៃដិន នឹងក្លាយជាមេដឹកនាំបរទេសដំបូងគេ ដែលឃើញផែនការនេះពេញលេញ ហើយថា វាក៏នឹងត្រូវបង្ហាញដល់មេដឹកនាំទាំងអស់ នៃប្រទេសដៃគូរបស់យើងផងដែរ។ លោក ហ្សេលេនស្គី បាននិយាយនៅលើប្រព័ន្ធផ្សព្វផ្សាយសង្គមថា ប៉ុន្មានសប្តាហ៍ខាងមុខនេះ នឹងសម្រេចថាតើការប្រយុទ្ធជាង ៣០ខែ ដែលបានសម្លាប់មនុស្សរាប់ពាន់នាក់នឹងត្រូវបញ្ចប់។ ដំណើរទស្សនកិច្ចនេះ កើតឡើងបន្ទាប់ពីការប្រយុទ្ធគ្នាដ៏ខ្លាំងក្លាមួយនារដូវក្តៅ ដោយរុស្ស៊ីបានរុលទៅមុខយ៉ាងលឿននៅភាគខាងកើតអ៊ុយក្រែន ហើយអ៊ុយក្រែនវិញ បន្តកាន់កាប់តំបន់ Kursk របស់រុស្ស៊ី។ វាក៏កើតឡើងផងដែរ នៅពេលដែលអ៊ុយក្រែនបានសង្កត់កលោកខាងលិចអស់រយៈពេលជាច្រើនសប្តាហ៍…

ប្រាស៊ីលីយ៉ា៖ ប្រជាជនប្រេស៊ីល និងជនជាតិដើមភាគតិច បានប្រមូលផ្តុំគ្នាដើរដង្ហែរក្បួនរកយុត្តិធម៌អាកាសធាតុ ព្រមទាំងជំរុញទប់ស្កាត់ប្រឆាំងនឹងភ្លើងឆេះព្រៃ ដែលប៉ះពាល់ដល់ប្រទេសទាំងមូល។ ទីក្រុងសៅប៉ូឡូ បានក្លាយជាទីលានតវ៉ាដ៏ក្តៅគគុក បន្ទាប់ពីប្រជាជនប្រេស៊ីលរាប់រយនាក់ រួមទាំងសមាជិកសហគមន៍ជនជាតិដើមភាគតិច បាននាំគ្នាដើរដង្ហែរក្បួនរកយុត្តិធម៌អាកាសធាតុ ក៏ដូចជាប្រឆាំងនឹងភ្លើងឆេះព្រៃ ដែលប៉ះពាល់ដល់ប្រទេសទាំងមូល។ អ្នកចូលរួមតវ៉ាម្នាក់បាននិយាយថា យើងចង់បានការស៊ើបអង្កេត និងទំនួលខុសត្រូវ ចំពោះអ្នកបង្កអគ្គីភ័យដោយចេតនា ដែលបណ្តាលឱ្យមានការដួលរលំបរិស្ថានដ៏មហន្តរាយនៅក្នុងប្រទេសប្រេស៊ីល។ អ្នកតវ៉ាម្នាក់ទៀតបានបន្ថែមថា ស្ថានការណ៍បានចាប់ផ្តើមកាន់តែអាក្រក់ទៅៗ… យើងបានព្រមានអំពីបញ្ហាអាកាសធាតុទាំងនេះ ប៉ុន្តែប្រជាជនមិនចង់ស្តាប់យើងទេ។ ឥឡូវនេះ ពួកគេកំពុងព្យាយាមទប់ស្កាត់ ប៉ុន្តែវាយឺតពេលទៅហើយ។ អ្នកតវ៉ាមួយរូបទៀតបានអះអាងថា ខ្ញុំកាន់តែមានការព្រួយបារម្ភក្នុងពេលប៉ុន្មានសប្តាហ៍កន្លងមកនេះ ពីព្រោះខ្ញុំនឹងមិនអាចដកដង្ហើមបានទេ ដោយសារតែផ្សែងបង្កឡើងពីភ្លើងឆេះ អណ្តែតពាសពេញផ្ទៃមេឃ។ សូមបញ្ជាក់ថា ភ្លើងឆេះព្រៃបានឆាបឆេះអស់រយៈពេលជាច្រើនសប្តាហ៍នៅក្នុងប្រទេសប្រេស៊ីល ជាពិសេសនៅក្នុងតំបន់ព្រៃអាម៉ាហ្សូន នៅភាគខាងជើង និងក្នុងតំបន់ Pantanal ដែលជាតំបន់ដីសើមដ៏ធំបំផុតរបស់ពិភពលោក ដែលគ្របដណ្តប់ដោយព្រៃឈើរាប់លានហិកតា៕ ប្រភព៖ AFP ប្រែសម្រួលដោយ៖ ឈឹម ទីណា