ហាណូយ៖ ការនាំចេញទុរេនវៀតណាម មានតម្លៃ១,៧ពាន់លានដុល្លារ ក្នុងរយៈពេល៧ខែ ចាប់ពីខែមករា ដល់ខែកក្កដា នេះបើយោងតាមក្រសួងកសិកម្ម និងអភិវឌ្ឍន៍ជនបទ វៀតណាម ចេញផ្សាយដោយកាសែត VNexpress នាពេលថ្មីៗនេះ។ ប្រភពបានឱ្យដឹងថា ជាមួយនឹងលក្ខខណ្ឌអំណោយផល អ្នកជំនាញកសិកម្មបានព្យាករណ៍ថា ការនាំចេញទុរេនវៀតណាម នឹងកើនឡើងបន្ថែមទៀត ក្នុងរយៈពេលប៉ុន្មានខែខាងមុខនេះ ពោលគឺអាចកើនតម្លៃសរុប ដល់ ៣.៥ពាន់លានដុល្លារ ត្រឹមចុងឆ្នាំ២០២៤នេះ។ លក្ខខណ្ឌអាកាសធាតុមិនអំណោយផល បានធ្វើឱ្យទិន្នផលទុរេនរបស់ប្រទេសថៃ ធ្លាក់ចុះយ៉ាងខ្លាំង ដែលបង្កើតឱកាសបន្ថែមទៀត សម្រាប់វៀតណាម នៅក្នុងទីផ្សារ។ អគ្គលេខាធិការ នៃសមាគមន៍បន្លែ និងផ្លែឈើវៀតណាម បានកត់សម្គាល់ថា កសិករនៅខេត្ត ដីសណ្តទន្លេមេគង្គ បានបង្កើនទិន្នផលធុរេន យ៉ាងខ្លាំង ក្នុងរយៈពេល៧ខែមកនេះ។ ប្រភពបន្តថា នៅក្នុងតំបន់នេះ កំពុងផ្តោតលើការដាំដំណាំទុរេន ក្រៅរដូវ។ ក្រៅពីនេះ ក៏មានដាំ នៅតំបន់ភាគអាគ្នេយ៍, ឆ្នេរភាគកណ្តាល និងតំបន់ខ្ពង់រាបកណ្តាល ផងដែរ។ ចិន ថៃ ជប៉ុន សុទ្ធតែជាទីផ្សារធំៗ ទិញទុរេនរបស់ប្រទេសវៀតណាម នេះបើតាម VNexpress ដដែល៕…

ប៉ារីស ៖ កំពូលតារាសម្តែង និងជាផលិតករជនជាតិបារាំង លោក អាឡាំង ដឺឡុង ដែលកម្ពុជាធ្លាប់ឃើញក្នុងពាណិជ្ជកម្មនៅទសវត្សឆ្នាំ ១៩៩០ និងជានិមិត្តរូបវិស័យភាពយន្តរបស់ប្រទេសបារាំង បានទទួលមរណភាពហើយក្នុងវ័យ៨៨ឆ្នាំ។ នេះបើតាមការប្រកាសរបស់កូនៗគាត់ផ្ទាល់ កាលពីថ្ងៃអាទិត្យទី១៨ ខែសីហា ឆ្នាំ២០២៤។ កូនៗរបស់លោក អាឡាំង ដឺឡុង បានបញ្ជាក់នៅក្នុងសេចក្តីថ្លែងការណ៍មួយផ្ញើទៅកាន់កាសែតបារាំង AFP ថា ឪពុករបស់ពួកគេបានទទួលមរណភាពនៅព្រឹកថ្ងៃអាទិត្យម្សិលមិញ ដោយសារជរាពាធនៅក្នុងគេហដ្ឋានលោក ស្ថិតក្នុងទីក្រុង Douchy ដោយមានកូនប្រុស២នាក់ កូនស្រីម្នាក់ និងសាច់ញាតិលោកនៅក្បែរ មុនពេលគាត់លាចាកលោក។ លោក អាឡាំង ដឺឡុង គឺជាតារាសម្តែងនៅក្នុងយុគមាសនៃភាពយន្តបារាំង ដែលមិនត្រឹមតែទទួលស្គាល់ដោយប្រជាជាតិបារាំងប៉ុណ្ណោះទេ ប៉ុន្តែនៅទូទាំងពិភពលោកតែម្តង។ ដោយត្រូវបានពិពណ៌នាថា ជាបុរសដ៏សង្ហាបំផុតនៅក្នុងខ្សែភាពយន្ត លោក អាឡាំង ដឺឡុង បានសម្តែងក្នុងរឿងល្បីៗចាប់ពីទសវត្សរ៍ឆ្នាំ ១៩៦០ រួមមានទាំងរឿង The Leopard និងរឿង Rocco and His Brothers។ ប៉ុន្តែទោះយ៉ាងណា ចាប់តាំងពីទសវត្សរ៍ឆ្នាំ ១៩៩០ ការបង្ហាញវត្តមានរបស់លោកនៅក្នុងខ្សែភាពយន្ត គឺកម្រមានខ្លាំងណាស់។…

អាមេរិក៖ រដ្ឋមន្ត្រីការបរទេសអាមេរិក លោក Antony Blinken បានទៅដល់រដ្ឋធានី តែល អាវីហ្វ ប្រទេសអ៊ីស្រាអែល កាលពីថ្ងៃអាទិត្យ ក្នុងគោលបំណងជំរុញការចរចាបទឈប់បាញ់ នៅតំបន់ហ្គាហ្សា។ យោងតាមក្រសួងការបរទេសបានឲ្យដឹងថា នៅថ្ងៃចន្ទនេះ អ្នកការទូតកំពូលរបស់សហរដ្ឋអាមេរិករូបនេះ នឹងជួបដាច់ ដោយឡែកពីគ្នា ជាមួយនាយករដ្ឋមន្ត្រីអ៊ីស្រាអែល Benjamin Netanyahu, រដ្ឋមន្ត្រីការពារជាតិអ៊ីស្រាអែល Yoav Gallant និងប្រធានាធិបតីអ៊ីស្រាអែល Isaac Herzog មុនពេលដែលលោកត្រូវបន្តធ្វើដំណើរទៅកាន់ប្រទេសអេហ្ស៊ីប នៅថ្ងៃអង្គារ។ ប្រធានាធិបតីសហរដ្ឋអាមេរិក លោក Jo Biden បាននិយាយ កាលពីថ្ងៃសុក្រថា កិច្ចព្រមព្រៀងបទឈប់បាញ់ នៅតំបន់ Gaza រយៈពេលយូរ មិនធ្លាប់មាន កាន់តែខិតជិតមកដល់ហើយ។ គួរបញ្ជាក់ថា ចាប់តាំងពីអ៊ីស្រាអែល សងសឹកនឹងហាម៉ាស់ ប្រមាណ១០ខែមកនេះ មនុស្សជាង៤ម៉ឺននាក់បានស្លាប់ នៅហ្គាហ្សា នេះបើតាមក្រសួងសុខាភិបាលហ្គាហ្សា គ្រប់គ្រងដោយហាម៉ាស់៕ ប្រភពពី AFP ប្រែសម្រួល៖ សារ៉ាត

បរទេស៖ មនុស្សជាង២០នាក់ បានរងរបួស ក្នុងហេតុការណ៍ឆេះកន្ត្រក់វិល នៅឯពិធីបុណ្យតន្ត្រី Highfield នៅក្បែរនឹងក្រុង Leipzig របស់ប្រទេសអាល្លឺម៉ង់ កាលពីចុងសប្តាហ៍។ អគ្គីភ័យបានឆាបឆេះភ្លាមៗ បន្ទាប់ពីម៉ោង ៩យប់ថ្ងៃសៅរ៍ ប៉ុន្តែ ត្រូវបានពន្លត់វិញ យ៉ាងឆាប់រហ័ស នេះបើតាមអ្នកនាំពាក្យប៉ូលិស។ ប្រភពបានបញ្ជាក់ថា មនុស្សបួននាក់ត្រូវបានភ្លើងឆេះ, ម្នាក់រងរបួសដោយសារការដួល, ហើយមនុស្ស ១៨ នាក់ផ្សេងទៀតរងរបួស ដោយសារតែបានស្រូបផ្សែង។ អ្នកនាំពាក្យបាននិយាយទៀតថា ឧទ្ធម្ភាគចក្រ និងក្រុមពន្លត់អគ្គីភ័យបានឆ្លើយតបភ្លាមៗ ហើយអ្នករបួសទាំងអស់ត្រូវបានបញ្ជូន ទៅកាន់មន្ទីរពេទ្យក្បែរនោះ។ យ៉ាងណាមិញ នគរបាលមិនបានបញ្ជាក់ពីមូលហេតុ ដែលនាំឲ្យឆេះកន្ត្រក់វិល លើកនេះ នៅឡើយទេ។ បុណ្យ Highfield ត្រូវបានគេដឹងថា ជាពិធីបុណ្យតន្ត្រីរ៉ុក ទាក់ទាញអ្នកទស្សនារាប់ពាន់នាក់ រៀងរាល់រដូវក្តៅ ទៅកាន់ច្រាំងនៃបឹង Stormthaler។ សម្រាប់បុណ្យឆ្នាំនេះ មានការចូលរួមពីតារាចម្រៀងល្បីៗ រួមមាន Macklemore, The Kooks, Flogging Molly និង Rise Against ជាដើម៕ ប្រភពពី…

ខាទុំ ៖ ក្រសួងសុខាភិបាលស៊ូដង់ កាលពីថ្ងៃសៅរ៍ បានប្រកាសចាត់ទុកជំងឺអាសន្នរោគ ជាមេរោគរាតត្បាតដ៏កាចសាហាវ បន្ទាប់ពីមានភ្លៀងធ្លាក់ខ្លាំងជាច្រើនសប្តាហ៍ នៅក្នុងប្រទេសដែលហែកហួរដោយសង្រ្គាមមួយនេះ។ រដ្ឋមន្ត្រីសុខាភិបាលស៊ូដង់ លោក Haitham Ibrahim បានគូសបញ្ជាក់ថា ប្រទេសរបស់លោកកំពុងប្រកាសចាត់ទុកជំងឺអាសន្នរោគ ជាមេរោគរាតត្បាតដ៏កាចសាហាវទូទាំងប្រទេស ដោយសារតែលក្ខខណ្ឌអាកាសធាតុ និងការបរិភោគទឹកខ្វះអនាម័យ។ រដ្ឋមន្ត្រីសុខាភិបាលស៊ូដង់រូបនេះ បានអះអាងថាការសម្រេចចិត្តនេះធ្វើឡើងរួមគ្នាជាមួយអាជ្ញាធរនៅរដ្ឋ Kassala ភាគខាងកើត ទីភ្នាក់ងារអង្គការសហប្រជាជាតិ និងអ្នកជំនាញ បន្ទាប់ពីមន្ទីរពិសោធន៍សុខភាពសាធារណៈបានរកឃើញមេរោគអាសន្នរោគ។ អស់រយៈពេលជាច្រើនសប្តាហ៍ ប្រទេសស៊ូដង់បានជួបប្រទះភ្លៀងធ្លាក់ខ្លាំងយ៉ាងគំហុក ដោយរដ្ឋ Kassala បានរងការវាយប្រហារយ៉ាងធ្ងន់ធ្ងរជាងគេ។ អាជ្ញាធរ នៅ ទីនោះ បាន បានអំពាវនាវឲ្យមានការផ្តល់ជំនួយ អន្តរជាតិបន្ទាន់ និង ឆាប់រហ័សបំផុត។ មនុស្សរាប់ពាន់នាក់ត្រូវបានជម្លៀសចេញពីទឹកជំនន់ ចំពេលមានការកើនឡើងនៃជំងឺនានា រួមទាំងជំងឺរាគរូស ជាពិសេសចំពោះកុមារ។ ជំងឺអាសន្នរោគបណ្តាលឱ្យអ្នកជំងឺរាគធ្ងន់ធ្ងរ ក្អួត និងរមួលសាច់ដុំ ហើយជាទូទៅកើតចេញពីការបរិភោគអាហារ ឬទឹកខ្វះអនាម័យ មានផ្ទុកបាក់តេរី នេះបើយោងតាមអង្គការសុខភាពពិភពលោក។ ជំងឺអាសន្នរោគនេះដែរ ក៏អាចបណ្តាលឱ្យអ្នកជំងឺខ្សោះជាតិទឹកធ្ងន់ធ្ងរ ហើយមានករណីខ្លះឈានដល់ការបាត់បង់ជីវិតក្នុងរយៈពេលពីរបីម៉ោងប៉ុណ្ណោះ។ អង្គការសុខភាពពិភពលោក (WHO) បាននិយាយថា ករណីឆ្លងជំងឺអាសន្នរោគចំនួន…