អង់ការ៉ា៖ ប្រព័ន្ធផ្សព្វផ្សាយ និងក្រុមមន្ត្រីតួកគីបានឱ្យដឹងកាលពីថ្ងៃសៅរ៍ថា ក្រុមពន្លត់អគ្គីភ័យកំពុងប្រយុទ្ធនឹងភ្លើងឆេះព្រៃដ៏ខ្លាំងក្លានៅក្នុងទីក្រុងរមណីយដ្ឋាន Aegean នៃទីក្រុង Izmir ខណៈដែលមនុស្សរាប់រយនាក់ត្រូវបានជម្លៀសចេញពីផ្ទះសម្បែង។ ទូរទស្សន៍រដ្ឋតួកគី NTV បានរាយការណ៍ថា ឧទ្ធម្ភាគចក្រ និងយន្តហោះទម្លាក់ទឹក កំពុងបន្តប្រយុទ្ធប្រឆាំងនឹងអណ្តាតភ្លើងចាប់តាំងពីព្រឹកថ្ងៃសៅរ៍។ ភ្លើងឆេះព្រៃបានចាប់ផ្តើមកាលពីថ្ងៃព្រហស្បតិ៍ ហើយបានរីករាលដាលយ៉ាងឆាប់រហ័សទៅកាន់តំបន់លំនៅដ្ឋានរបស់ប្រជាជន ដោយសារខ្យល់បក់ក្នុងល្បឿន ៥០គីឡូម៉ែត្រក្នុងមួយម៉ោង។ រដ្ឋមន្ត្រីក្រសួងមហាផ្ទៃតួកគី លោក Ali Yerlikaya បាននិយាយថា អ្នកស្រុកចំនួន ៩០០ នាក់នៅក្នុងស្រុកចំនួន៥ ត្រូវបានជម្លៀសចេញពីផ្ទះសម្បែងទៅកាន់ទីសុវត្ថិភាពពេញមួយយប់នៅក្នុងទីក្រុង Izmir។ សាក្សី ម្នាក់ បាន ប្រាប់ កាសែតបារាំង AFP ថា ផ្សែងក្រាស់បានប្រែពណ៌មេឃខៀវទៅពណ៌ប្រផេះ ហើយបានហុយពាសពេញទីក្រុង Izmir ដែលដែលជាទីក្រុងមាន ប្រជាជន ច្រើន បំផុត ទី បី ក្នុង ប្រទេស តួកគី។ រដ្ឋមន្ត្រីកសិកម្ម និងរុក្ខាប្រមាញ់តួកគី លោក Ibrahim Yumakli បាននិយាយថា បច្ចុប្បន្ន យន្តហោះពីរគ្រឿង…

បរទេស៖ នៅថ្ងៃសៅរ៍នេះ វេជ្ជបណ្ឌិតឥណ្ឌាបានចាប់ផ្តើមធ្វើកូដកម្ម ទូទាំងប្រទេស បន្ទាប់ពីមានការរំលោភ «ព្រៃផ្សៃ» និងសម្លាប់សហសេវិករបស់ពួកគេ ដែលបានបញ្ចេញកំហឹងចំពោះបញ្ហាអំពើហិង្សា លើស្ត្រីដ៏រ៉ាំរ៉ៃ បែបនេះ នៅក្នុងប្រទេស។ ការតវ៉ាបានកើតមានបន្តបន្ទាប់ តាំងពីរកឃើញសាកសព វេជ្ជបណ្ឌិតជានារី វ័យ៣១ឆ្នាំ នៅមន្ទីរពេទ្យរដ្ឋមួយ ក្នុងទីក្រុង Kolkata ភាគខាងកើត កាលពីថ្ងៃទី ៩ ខែសីហា។ ការតវ៉ាចុងក្រោយនេះ ក៏មានការចូលរួម ពីប្រជាជនឥណ្ឌាធម្មតា រាប់ម៉ឺននាក់ ដែលទាមទារឱ្យមានសកម្មភាព ដោះស្រាយបន្ទាន់។ គួររម្លឹកថា វេជ្ជបណ្ឌិតនារីរូបនេះ ត្រូវបានគេសម្លាប់ ក្នុងពេលសម្រាកប្តូរវេន។ ការធ្វើកោសល្យវិច័យបានបញ្ជាក់ ពីការរំលោភផ្លូវភេទ។ តាមរយៈពាក្យប្តឹង ទៅតុលាការ ឪពុកម្តាយជនរងគ្រោះសង្ស័យថា កូនស្រីរបស់ពួកគេ ត្រូវបានគេរំលោភ បូក។ បុរសម្នាក់ដែលធ្វើការ នៅមន្ទីរពេទ្យ ត្រូវបានឃុំខ្លួន ខណៈដែលការស៊ើបអង្កេតបន្តធ្វើ។ អ្នកតវ៉ា វ័យ២៩ឆ្នាំ ឈ្មោះ Akanksha ដែលក៏ជាវេជ្ជបណ្ឌិត បាននិយាយថា «មានការខ្វះខាត ហេដ្ឋារចនាសម្ព័ន្ធពេទ្យ ត្រឹមត្រូវ»។ នាងបាននិយាយទៀតថា «បន្ទាប់ពីធ្វើការរយៈពេល…

បរទេស៖ ក្រសួងសុខាភិបាលនៃប្រទេសលីបង់ បានឲ្យដឹងថា នៅថ្ងៃសៅរ៍នេះ មនុស្សយ៉ាងតិចណាស់ ចំនួន៩នាក់បានស្លាប់ អំឡុងការវាយប្រហារ របស់អ៊ីស្រាអែល។ អ៊ីស្រាអែលអះអាងថា ជាការបន្តវាយលុកទីតាំងជួញដូរអាវុធ របស់ចលនា ហេសបូឡា ដែលគាំទ្រដោយអ៊ីរ៉ង់ ។ នេះគឺជាការវាយប្រហារបន្តបន្ទាប់គ្នា ចាប់តាំងចុងខែកក្កដា ដែលមានការស្លាប់ ប្រធានប្រតិបត្តិការកំពូលនៃក្រុម ហេសបូឡា និងប្រធាននយោបាយរបស់ក្រុមហាម៉ាស់។ ការណ៍នេះនាំឱ្យមានការប្តេជ្ញាសងសឹកពីក្រុម ហេសបូឡា, អ៊ីរ៉ង់ និងក្រុមគាំទ្រអ៊ីរ៉ង់ ផ្សេងទៀតនៅក្នុងតំបន់ ដែលបានស្តីបន្ទោសអ៊ីស្រាអែល ចំពោះការស្លាប់បុគ្គលទាំងពីររូប ប៉ុន្តែ មិនទាន់មានសកម្មភាពសងសឹក នៅឡើយទេ។ ការវាយប្រហារចុងក្រោយរបស់អ៊ីស្រាអែល បានកើតឡើង នៅតំបន់ ណាបាតេដ (Nabatieh) ភាគខាងត្បូងលីបង់ បណ្តាលឲ្យមានមនុស្សស្លាប់ដ៏ច្រើនបំផុត ចាប់តាំងពីក្រុម ហេសបូឡា និងកងកម្លាំងអ៊ីស្រាអែលចាប់ផ្តើមបាញ់ប្រហារគ្នា រៀងរាល់ថ្ងៃ នៅតាមព្រំដែន ពោលគឺបន្ទាប់ពីផ្ទុះសង្គ្រាម នៅតំបន់ហ្គាហ្សា កាលពីខែតុលា។ ក្រសួងសុខាភិបាលលីបង់ បាននិយាយនៅក្នុងសេចក្តីថ្លែងការណ៍មួយថា ចំនួនអ្នកស្លាប់ដោយសារការវាយប្រហារចុងក្រោយនេះ រួមមានទាំង «ស្ត្រីម្នាក់ និងកូនពីរនាក់ របស់នាង» និងមនុស្ស៥ នាក់ផ្សេងទៀត បានរងរបួស។…

ហក្សាកាតា៖ នៅថ្ងៃសៅរ៍នេះ ប្រទេស ឥណ្ឌូណេស៊ី បានប្រារព្ធពិធីអបអរសាទរ ទិវាឯករាជ្យជាតិ នៅទីក្រុង Nusantara នៅលើកោះ Borneo ដែលជាអនាគតរដ្ឋធានីថ្មី ជំនួស ហ្សាកាតា។ រដ្ឋាភិបាលបានប្រញាប់ប្រញាល់ បញ្ចប់រដ្ឋធានី នាពេលអនាគត ខណៈដែលមានការលិចលង់ និងការបំពុលកាន់តែខ្លាំង នៅហ្សាកាតា។ រដ្ឋាភិបាលឥណ្ឌូនេស៊ីចង់សាងសង់ រដ្ឋធានីថ្មី Nusantara នេះ ដើម្បីជំរុញអភិវឌ្ឍន៍ ឲ្យនៅឆ្ងាយពីទីក្រុងធំ Jakarta ដែលមានប្រជាជនប្រហែល ១២ លាននាក់។ ប៉ុន្តែ គម្រោង តម្លៃ ៣២ពាន់លានដុលារ មួយនេះ មានការពន្យារពេលសាងសង់ជាបន្តបន្ទាប់ ជាមួយនឹងបញ្ហាថវិកា។ ឥណ្ឌូណេស៊ីបានប្រកាសឯករាជ្យ នៅឆ្នាំ១៩៤៥ បន្ទាប់ពីស្ថិតការគ្រប់គ្រងរបស់ហូឡង់ អស់រយៈពេលជាង ៣ សតវត្ស និងនៅចុងបញ្ចប់ នៃការកាន់កាប់របស់ជប៉ុន ក្នុងអំឡុងសង្គ្រាមលោក លើកទីពីរ។ ប្រធានាធិបតី Widodo បានចូលរួមពិធីនេះ ប៉ុន្តែ មិនបានថ្លែងទៅកាន់អ្នកចូលរួមទេ។ អ្នកស្នងតំណែងថ្មី គឺលោក Prabowo Subianto…

នៅថ្ងៃព្រហស្បតិ៍នេះ ប្រទេស ជប៉ុន បានដកចេញ ការព្រមានអំពីគ្រោះរញ្ជួយដីដែលអាចបណ្តាលឱ្យមានការខូចខាតយ៉ាងធ្ងន់ធ្ងរ និងការបាត់បង់អាយុជីវិតមនុស្សដ៏ច្រើន ដោយមន្ត្រីបានប្រាប់ប្រជាជនថា អ្វីៗ ត្រឡប់ទៅធម្មតាវិញ។ ការព្រមានពី មហន្តរាយ រយៈពេល៧ថ្ងៃ កន្លងមកនេះ បានជំរុញឱ្យជនជាតិជប៉ុន រាប់ពាន់នាក់លុបចោលថ្ងៃឈប់សម្រាក និងស្តុកទុកទំនិញសំខាន់ៗ។ រដ្ឋមន្ត្រីគ្រប់គ្រងគ្រោះមហន្តរាយ លោក Yoshifumi Matsumura បាននិយាយថា «មិនមានភាពមិនប្រក្រតីណាមួយ ត្រូវបានរកឃើញ ជុំវិញសកម្មភាពរញ្ជួយដី និងការខូចទ្រង់ទ្រាយ នៃសំបកផែនដីនោះទេ»។ ប៉ុន្តែ លោកបន្ថែមថា «មិនមែនមានន័យថា ហានិភ័យនៃការរញ្ជួយដីដ៏ធំ ត្រូវបានលុបចោល នោះទេ គឺ យើងស្នើសុំឱ្យមានការប្រុងប្រយ័ត្នពិសេស ដូចជា ការគេងពេលកំពុងរៀបចំដើម្បីជម្លៀសចេញជាបន្ទាន់»។ យ៉ាងណាមិញ លោកថា ប្រជាជនជប៉ុន មានសេរីភាព ក្នុងការត្រឡប់ទៅរករបៀបរស់នៅ ធម្មតាវិញបាន។ កាលពីថ្ងៃព្រហស្បតិ៍ សប្តាហ៍មុន ទីភ្នាក់ងារអាកាសធាតុជប៉ុនបាននិយាយថា លទ្ធភាព នៃគ្រោះរញ្ជួយដី កម្រិតខ្ពស់ជាងធម្មតា បន្ទាប់ពីមានការរញ្ជួយដី កម្រិត ៧.១ រ៉ិចទ័រ ធ្វើឱ្យមនុស្ស ១៥ នាក់…