ព្យុងយ៉ាង៖ កាលពីថ្ងៃចន្ទ ប្រព័ន្ធផ្សព្វផ្សាយរដ្ឋ កូរ៉េខាងជើង KCNA បានចេញផ្សាយថា កូរ៉េខាងជើងបានបញ្ចេញ «Drone អត្តឃាត» ដែលជាអាវុធថ្មីរបស់ខ្លួន។ អ្នកជំនាញបាននិយាយថា Drone អត្តឃាតនេះ អាចមានប្រភពពីប្រទេសរុស្ស៊ី។ នៅថ្ងៃច័ន្ទដដែល គីម ជុងអ៊ុន បានសាកល្បងបង្ហោះ Drone អត្តឃាត ដោយលោកជាអ្នកត្រួតពិនិត្យដោយផ្ទាល់។ KCNA បានបង្ហាញពីទិដ្ឋភាព លោក គីម ប្រើកែវយឹតមើល យន្តហោះគ្មានមនុស្សបើកទាំងនេះ ដែលត្រូវបានបំផ្ទុះនៅគោលដៅ ដែលត្រូវបានកំណត់។ លោក គីម បាននិយាយនៅពេលនោះថា ប្រទេសរបស់លោកនឹងទាញប្រយោជន៍ពីបច្ចេកវិទ្យាបញ្ញាសិប្បនិមិត្តដើម្បីអភិវឌ្ឍ Drone អត្តឃាត។ KCNA បញ្ជាក់បន្ថែមថា Drone អត្តឃាតនេះ មានផ្ទុកដោយជាតិផ្ទុះដែលត្រូវបានរចនាឡើង ដើម្បីវាយប្រហារគោលដៅដែលកំណត់ទុកមុន។ Droneនេះ អាចហោះហើរបានជាង១០០០គីឡូម៉ែត្រ។ អ្នកជំនាញបាននិយាយថា យន្តហោះគ្មានមនុស្សបើកអត្តឃាត ដែលបញ្ចេញដោយកូរ៉េខាងជើងនេះ មើលទៅស្រដៀងទៅនឹងយន្តហោះគ្មានមនុស្សបើកធ្វើអត្តឃាត Lancet-3 ផលិតដោយរុស្ស៊ី ហើយក៏ស្រដៀងនឹង Drone អត្តឃាត ប្រភេទ HAROP ផលិតនៅអ៊ីស្រាអែល…

ហ្សាកាតា៖ ទីភ្នាក់ងារគ្រប់គ្រងគ្រោះមហន្តរាយឥណ្ឌូនេស៊ី បាននិយាយថា មនុស្សយ៉ាងតិច ចំនួន១៣នាក់បានស្លាប់ បន្ទាប់ពីទឹកជំនន់ភ្លាមៗ ឬ Flash Flood វាយប្រហារភាគខាងកើតប្រទេស រួមមានទាំងតំបន់ឆ្នេរសមុទ្រ បន្ទាប់ពីមានភ្លៀងធ្លាក់ខ្លាំង កាលពីថ្ងៃអាទិត្យ។ គេជឿថា នៅមានមនុស្សបាត់ខ្លួនមួយចំនួនទៀត។ ក្រុមអ្នកជួយសង្គ្រោះត្រូវបានគេដាក់ពង្រាយ ទៅកាន់ទីក្រុងឆ្នេរសមុទ្រ នៅលើកោះ Halmahera ដើម្បីស្វែងរកជនរងគ្រោះដែលបាត់ខ្លួន ប៉ុន្តែ អាកាសធាតុអាក្រក់ បានរារាំងខ្លាំងដល់ប្រតិបត្តិការ រុករក។ ទឹកជំនន់បានកាត់ផ្តាច់ផ្លូវធំ និងផ្លូវចូល ទៅកាន់ភូមិ Rua ដែលជាតំបន់រងគ្រោះខ្លាំងបំផុត ខណៈដែលផ្ទះ និងអគាររាប់សិបខ្នង បានកប់ នៅក្រោមភក់។ ទីភ្នាក់ងារឧតុនិយម អាកាសធាតុ និងភូគព្ភសាស្ត្រ និយាយថា ភ្លៀងធ្លាក់ខ្លាំង នៅតែអាចកើតមាន ទីនោះ និងតំបន់ជុំវិញ នៅថ្ងៃខាងមុខ។ អាជ្ញាធរមូលដ្ឋានបានណែនាំឲ្យប្រជាពលរដ្ឋ រក្សាការប្រុងប្រយ័ត្ន និងគោរពតាមការណែនាំ ក្នុងករណីមានទឹកជំនន់ បន្តទៀត។ គួរបញ្ជាក់ថា ភ្លៀងធ្លាក់ខ្លាំង បណ្តាលឱ្យមានការបាក់ដី ជាញឹកញាប់ និងទឹកជំនន់ភ្លាមៗ នៅក្នុងប្រទេសឥណ្ឌូនេស៊ី ខណៈដែលមនុស្សរាប់លាននាក់រស់ នៅក្នុងតំបន់ភ្នំ…

ដាកា : ទឹកជំនន់ដ៏ធ្ងន់ធ្ងរបានជន់លិចផ្ទៃដីមួយភាគធំនៃប្រទេសបង់ក្លាដែស និងបង្ខំឱ្យប្រជាជនបង់ក្លាដែសជិត៣០០,០០០នាក់ ស្នាក់នៅតាមកន្លែងជ្រកកោនបណ្តោះអាសន្ន។ ក្រសួងគ្រប់គ្រងមហន្តរាយបង់ក្លាដែស បាននិយាយថា គិតត្រឹមថ្ងៃសៅរ៍សប្តាហ៍មុន មនុស្សចំនួន២៨៥,០០០នាក់ កំពុងស្នាក់នៅតាម កន្លែងជ្រកកោនបណ្តោះអាសន្ន ដើម្បីរត់គេចពីទឹកជំនន់ ខណៈប្រជាជនសរុប៤.៥លាននាក់បានរងផលប៉ះពាល់។ ទឹកជំនន់ដ៏ធ្ងន់ធ្ងរនៅបង់ក្លាដែស ដែលបង្កឡើងដោយភ្លៀងធ្លាក់ខ្លាំងនេះដែរ ក៏បានឆក់យកអាយុជីវិតមនុស្សកើនឡើងដល់ ១៨នាក់ គិតត្រឹមថ្ងៃអាទិត្យទី២៥ ខែសីហា ឆ្នាំ២០២៤។ ប្រទេសបង់ក្លាដែសដែលមានប្រជាជនសរុប ១៧០លាននាក់នេះ តែងជួបប្រទះគ្រោះទឹកជំនន់ ជារៀងរាល់ឆ្នាំ។ ក្រុមអ្នកវិទ្យាសាស្រ្តបាននិយាយថា ការប្រែប្រួលអាកាសធាតុ គឺជាកត្តាចម្បងដែលជំរុញឱ្យគ្រោះធម្មជាតិ ពិបាកប៉ាន់ស្មាន ហើយមានសភាពធ្ងន់ធ្ងរខ្លាំងឡើងៗ៕ ប្រភព : AFP ប្រែសម្រួលដោយ : ឈឹម ទីណា

តូក្យូ៖ ទិន្នន័យផ្លូវការរបស់អង្គការទេសចរណ៍ជាតិជប៉ុន ហៅកាត់ JNTO បានបង្ហាញថា កាលពីខែកក្កដា ប្រទេសមួយនេះ បានស្វាគមន៍ភ្ញៀវទេសចរបរទេស ចំនួន៣លាន២៩ម៉ឺននាក់ ដែលជាកំណត់ត្រាប្រចាំខែ ទីពីរ ជាប់ៗគ្នា ខណៈដែលខ្លួនងាកទៅរកវិស័យទេសចរណ៍ សម្រាប់កំណើនសេដ្ឋកិច្ច។ JNTO បានឱ្យដឹងថា ចំនួនទេសចរបរទេស ក្នុងខែកក្ដដា កើនឡើង ជិត៤២ភាគរយ បើធៀបនឹងខែកក្កដា ឆ្នាំមុន។ បើធៀបនឹងខែកក្កដា ឆ្នាំ២០១៩ ជាពេលមុនផ្ទុះកូវីដ១៩ ក៏មានកំណើន ជាង១០ភាគរយផងដែរ។ កាលពីខែមិថុនា ជប៉ុនបានបំបែកកំណត់ត្រាផងដែរ ប៉ុន្តែ ទទួលបានភ្ញៀវទេសចរណ៍បរទេស ត្រឹម៣លាន១៣ម៉ឺននាក់។ JNTO បាននិយាយទៀតថា ការចាប់ផ្តើមរដូវវិស្សមកាលបានជំរុញឱ្យមានតម្រូវការធ្វើដំណើរ ទៅកាន់ប្រទេសជប៉ុន។ ទេសចរច្រើនជាងគេ គឺមានមកពីប្រទេសចិន។ បន្ទាប់មក គឺកូរ៉េខាងត្បូង ពីហ្វីលីពីន និងអាមេរិក ផងដែរ។ ប្រភពបានបន្ថែមទៀតថា ការបង្កើនជើងហោះហើរត្រង់ ពីទីផ្សារប្រទេសធំៗ បានជួយរួមចំណែកដល់កំណត់ត្រាខែកក្កដា។ ប្រាក់យេនធ្លាក់ថ្លៃ ក៏បានចូលរួមជំរុញ ភ្ញៀវទេសសចរ មកពីជុំវិញពិភពលោក ធ្វើដំណើរទៅកាន់ប្រទេសជប៉ុន ដោយអាជីវកម្មជាច្រើន ពឹងផ្អែកលើការចំណាយ របស់អ្នកទេសចរ…