អាមេរិក៖ រដ្ឋមន្ត្រីការពារជាតិអាមេរិក លោក Lloyd Austin បាននិយាយ កាលថ្ងៃអង្គារថា ទាហានអាមេរិក ចំនួន៧នាក់បានរងការវាយប្រហារ ដោយការបាញ់ជ្រួច ចុងក្រោយបង្អស់ នៅអ៊ីរ៉ាក់។ លោកសង្កត់ធ្ងន់ថា អាមេរិកនឹងមិនអត់ឱនចំពោះទង្វើវាយប្រហារណាមួយ មកលើកងទ័ពរបស់ខ្លួន នៅមជ្ឈិមបូព៌ា នោះឡើយ។ ការវាយប្រហារ នៅថ្ងៃច័ន្ទ លើកនេះ គឺជាការវាយប្រហារ ជាលើកទីបី ក្នុងរយៈពេលត្រឹមតែជាងបីសប្តាហ៍ប៉ុណ្ណោះ លើមូលដ្ឋាន Ain al-Assad នៅភាគខាងលិច ប្រទេសអ៊ីរ៉ាក់ ដែលជាកន្លែងទទួលកងទ័ពអាមេរិក ក៏ដូចជា ទាហានបរទេសផ្សេងទៀត មកពីក្រុមចម្រុះ ដែលដឹកនាំដោយសហរដ្ឋអាមេរិក ប្រឆាំងនឹងក្រុមជីហាដរដ្ឋអ៊ីស្លាម។ អាមេរិកនិងអ៊ីស្រាអែលបានចេញសេចក្តីថ្លែងការណ៍ ដោយបារម្ភខ្លាំង ចំពោះការវាយប្រហារទាំងនេះ។ ប៉ុន្តែទាហានទាំង៧នាក់ មិនប្រឈមនឹងការបាត់បង់ជីវិតទេ ដោយគ្រាន់តែរងរបួស។ ការបាញ់គ្រាប់រ៉ុក្កែត ចុងក្រោយនេះ បានកើតឡើង ស្រពេលនឹងការភ័យខ្លាច កាន់តែខ្លាំងឡើង ដែលថា អាចនឹងមានការវាយប្រហារ ដោយអ៊ីរ៉ង់ និងសម្ព័ន្ធមិត្តរបស់ខ្លួន ទៅលើអ៊ីស្រាអែល ជាការសងសឹក ចំពោះការសម្លាប់មេកំពូលក្រុមហាម៉ាស និងក្រុម ហេសបូឡា ថ្មីៗនេះ៕…

បរទេស៖ ប្រទេសធំៗ ចំនួន១០ រួមមាន សហរដ្ឋអាមេរិក ចក្រភពអង់គ្លេស អូស្ត្រាលី បារាំង កាណាដា កូរ៉េខាងត្បូង អារ៉ាប៊ី សាអូឌីត ជប៉ុន ទួកគី និងហ្ស៊កដានី នាពេលថ្មីៗនេះ បានជំរុញឱ្យពលរដ្ឋរបស់ពួកគេ ចាកចេញពីប្រទេសលីបង់ ឱ្យបានឆាប់ តាមដែលអាចធ្វើទៅបាន បន្ទាប់ពីអ៊ីរ៉ង់បានព្រមានថា នឹងសងសឹក លើអ៊ីស្រាអែល ក្រោយការស្លាប់មេដឹកនាំ Hamas និង Hezbollah។ មន្ត្រីលោកខាងលិចអះអាងថា ក្រុម Hezbollah ជាកងជីវពល គាំទ្រដោយអ៊ីរ៉ង់ ហើយចលនានយោបាយមានមូលដ្ឋាន នៅលីបង់ ដូច្នេះ លីបង់ អាចជាទីតាំងអាទិភាព ក្នុងការសងសឹក ហើយវានឹងបង្កឱ្យមានការឆ្លើយតប យ៉ាងធ្ងន់ធ្ងរ ពីអ៊ីស្រាអែលវិញ។ មួយវិញទៀត ការភ័យខ្លាចនៃការកើនឡើងអរិភាព ដែលអាចវាយលុកលីបង់ គឺខ្ពស់បំផុត ដោយសារតែក្រុម Hezbollah នៅលីបង់ ធ្លាប់បានបង្កើនការវាយប្រហារ លើអ៊ីស្រាអែល មួយថ្ងៃ បន្ទាប់ពីការវាយប្រហារដ៏សាហាវ របស់ពួកហាម៉ាស លើអ៊ីស្រាអែល ភាគខាងត្បូង…

បរទេស៖ កាលពីថ្ងៃចន្ទ យោធាអាមេរិកបានដកខ្លួន ចេញពីមូលដ្ឋានចុងក្រោយ នៅក្នុងប្រទេសនីហ្សេ ជាប្រទេសដែលរងគ្រោះ ដោយសកម្មភាព របស់ពួកសកម្មប្រយុទ្ធ ជីហាដ ជាងមួយឆ្នាំ។ កិច្ចព្រមព្រៀងស្តីពីការដកខ្លួនរបស់អាមេរិក បន្តបន្ទាប់ បានធ្វើឡើង បន្ទាប់ពីមេដឹកនាំរដ្ឋប្រហារ នៅក្នុងប្រទេសអាហ្វ្រិកមួយនេះ ទាមទារឱ្យទាហានអាមេរិក ចាកចេញ។ ក្នុងរយៈពេលប៉ុន្មានឆ្នាំ ចុងក្រោយនេះ សហរដ្ឋអាមេរិក និងបារាំង កំពុងប្រយុទ្ធប្រឆាំងនឹងពួកជីហាដ នៅអាហ្វ្រិកខាងលិច ចាប់តាំងពីយោធា បានដណ្តើមអំណាច នៅក្នុងប្រទេសម៉ាលី និង បួគីណា ហ្វាសូ។ រដ្ឋប្រហារថ្ងៃទី ២៦ ខែកក្កដា ឆ្នាំមុន នៅប្រទេសនីហ្សេដែលបានផ្ដួលរំលំប្រធានាធិបតី ជាប់ឆ្នោតតាមលទ្ធិប្រជាធិបតេយ្យ។ របបថ្មីនេះ បង្ខំកងទ័ពបារាំង និងអាមេរិក ចេញពីប្រទេស តាំងពីខែឧសភា។ រដ្ឋាភិបាលបាននិយាយថា ខ្លួនកំពុងបញ្ចប់កិច្ចព្រមព្រៀងសហប្រតិបត្តិការយោធា ជាមួយទីក្រុងវ៉ាស៊ីនតោន ដោយចាត់ទុក វត្តមានរបស់ទាហានអាមេរិក ឥឡូវនេះ គឺ “ខុសច្បាប់” ហើយអះអាងអំពីអធិបតេយ្យភាព របស់ខ្លួន។ ជាការកត់សម្គាល់ នីហ្សេ កំពុងមានទំនោរទៅរករុស្ស៊ី យ៉ាងខ្លាំង ដូចនឹង…

ហណូយ៖ អតីតមហាសេដ្ឋីអចលនទ្រព្យ និងអាកាសចរណ៍វៀតណាម លោក Trinh Van Quyet កាលពីថ្ងៃចន្ទ ត្រូវបានតុលាការ ប្រកាសសាលក្រម ឱ្យជាប់ពន្ធនាគារ រយៈពេល ២១ឆ្នាំ ពីបទក្លែងបន្លំ លើផ្សារភាគហ៊ុន ដែលមានតម្លៃ ១៤៦លានដុល្លារ។ លោក Trinh Van Quyet ស្ថិតក្នុងចំណោមជនជាប់ចោទ៥០នាក់ផ្សេងទៀត ដែលត្រូវបានរកឃើញថា មានពិរុទ្ធនេះ។ តុលាការបាននិយាយថា លោក Quyet បានប្រព្រឹត្តកំហុស នៅចន្លោះឆ្នាំ ២០១៧ និង ២០២២។ តុលាការបានបន្ថែមថា មានជនរងគ្រោះ ពីការបក្លែងបន្លំនេះ មានចំនួន២ម៉ឺន៥ពាន់នាក់។ ករណីនេះគឺជាផ្នែកមួយនៃការបង្រ្កាបអំពើពុករលួយថ្នាក់ជាតិ របស់វៀតណាម ដែលបានបោសសម្អាតមន្ត្រី និងសមាជិកឥស្សរជនធុរកិច្ច ជាច្រើននាក់ ក្នុងរយៈពេលប៉ុន្មានឆ្នាំ ចុងក្រោយនេះ។ កាលពីខែមេសា មហាសេដ្ឋីអចលនទ្រព្យវៀតណាមកំពូលម្នាក់ ត្រូវបានកាត់ទោសប្រហារជីវិត ក្នុងករណីឆបោក តម្លៃ ២៧ពាន់លានដុល្លារ។ ក្រោយមក ក្នុងខែនោះ ដដែល ប្រធានក្រុមហ៊ុនភេសជ្ជៈកំពូលម្នាក់ទៀត ត្រូវបានកាត់ទោស ឲ្យជាប់ពន្ធនាគារ៨ឆ្នាំ…