អតីតប្រធានាធិបតិអាមេរិក លោក Obama បានលើកឡើងថា “ប្រទេសជាតិមួយដែលមិនអាចគ្រប់គ្រងថាមពលបាន គឺមិនអាចគ្រប់គ្រងអនាគតខ្លួនឯងបានឡើយ។” កម្ពុជាមានសំណាងដែលមានមេដឹកនាំមានភាពចាស់ទ៉ំខាងនយោបាយ មានបទពិសោធន៍ក្នុងការដោះស្រាយបញ្ហា គិតគូរគ្រប់ជ្រុងជ្រោយធានាបាននូវនិរន្តភាពនៃការប្រើប្រាស់ថាមពល និងសុខសន្តិភាពជូនជាតិមាតុភូមិ។ ✍🏽-វិស្វករអណ្តូងប្រេង

📷 Kroko

អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីថ្ងៃអាទិត្យថា អាមេរិក និងសម្ព័ន្ធមិត្តនៅតែចាប់អារម្មណ៍លើការបន្តជម្លោះដ៏រ៉ាំរ៉ៃនៅអ៊ុយក្រែន ដោយបណ្តាប្រទេសលោកខាងលិចហាក់កំពុងរារាំងរដ្ឋាភិបាលទីក្រុងគៀវ ពីពិចារណាការចរចាសន្តិភាព។ ដោយហេតុថាអធិការបតីអាល្លឺម៉ង់ Olaf Scholz និងប្រធានាធិបតីបារាំង Emmanuel Macron លែងខ្វល់ពីប្រធានាធិបតីរុស្ស៊ីលោក Putin អ្នកនាំពាក្យរូបនេះបានចាត់ទុកវាសញ្ញាមួយទៀត ដែលបង្ហាញថាមេដឹកនាំលោកខាងលិចមិនចាប់អារម្មណ៍ក្នុងការសន្ទនា និងការចរចាដើម្បីស្វែងរកសន្តិភាព។ លោកបន្ថែមថា ជំហររបស់ប្រទេសលោកខាងលិច ដែលដឹកនាំដោយទីក្រុងវ៉ាស៊ីនតោន នាំទៅរកស្ថានភាពមួយដែលពួកគេជំរុញឱ្យប្រជាជនអ៊ុយក្រែន លែងគិត ឬនិយាយពីសន្តិភាព។ https://www.rt.com/russia/558301-west-prevent-kiev-think-peace/

https://global.chinadaily.com.cn/a/202207/04/WS62c223a1a310fd2b29e6a0fa.html

📷 ams1minute/គឹម បញ្ញារ័តន៍

ប្រទេសកុងហ្គោបានចោទប្រកាន់ប្រទេសរវ៉ាន់ដា ថាបានគាំទ្រក្រុមឧទ្ទាម M23 ដែលបានសម្លាប់ជនស៊ីវិលនៅក្នុងការវាយប្រហារថ្មីៗ និងដណ្តើមបានទីក្រុងពាណិជ្ជកម្មឆ្លងព្រំដែន ថែមទាំងបណ្តាលឱ្យមនុស្សជាង ២៥ ០០០នាក់ត្រូវភៀសខ្លួន ហើយទំនងជាបានបាញ់ទម្លាក់ឧទ្ធម្ភាគចក្ររបស់អង្គការសហប្រជាជាតិ ដោយបានសម្លាប់កងកម្លាំងរក្សាសន្តិសុខចំនួន ៨នាក់ថែមទៀតផង។ បើទោះជាប្រទេសរវ៉ាន់ដាបានបដិសេធមិនគាំទ្រក្រុមឧទ្ទាមក្ដី ក៏ទំនាក់ទំនងរវាងប្រទេសទាំងពីរនៅតែមានភាពតានតឹង ហើយមន្ត្រីកុងហ្គោម្នាក់ថែមទាំងបានប្រកាសថា បើរវ៉ាន់ដាចង់ធ្វើសង្គ្រាម នោះសង្គ្រាមនឹងកើតមានតាមការចង់បាន។ កាលពីពាក់កណ្តាលខែមិថុនា ប្រធានាធិបតីកុងហ្គោលោក Felix Tshisekedi បានផ្អាកកិច្ចព្រមព្រៀងទ្វេភាគីជាមួយប្រទេសរវ៉ាន់ដា ហើយបានចោទប្រកាន់ប្រទេសនេះថាចង់កាន់កាប់ដីរបស់កុងហ្គោដើម្បីរកប្រាក់ចំណេញពីទ្រព្យសម្បត្តិរ៉ែដ៏ច្រើនសន្ធឹកសន្ធាប់របស់ខ្លួន។ អំពើហិង្សារវាងប្រទេសទាំងពីរបានចាប់ផ្ដើមឡើងជាមួយនឹងការប្រល័យពូជសាសន៍រវ៉ាន់ដាក្នុងឆ្នាំ១៩៩៤ នៅពេលដែលមនុស្សជាង១លាននាក់នៃក្រុមជនជាតិភាគតិចHutu ភៀសខ្លួនពីរវ៉្វាន់ដាទៅកុងហ្គោ។ ក្នុងចំណោមពួក Hutus មានឧក្រិដ្ឋជនប្រល័យពូជសាសន៍ជាច្រើនដែលទទួលខុសត្រូវលើការសម្លាប់ជនជាតិ Tutsis រាប់លាននាក់។ នៅឆ្នាំ១៩៩៦ រវ៉ាន់ដាបានលុកលុយកុងហ្គោ ហើយគាំទ្រការបះបោរដែលនាំទៅដល់ការផ្ដួលរំលំរដ្ឋធានី Kinshasa របស់កុងហ្គោ រហូតដល់មេដឹកនាំយូរឆ្នាំរបស់ប្រទេសលោក Mobutu Sese Seko ដែលគាំទ្រដោយសហរដ្ឋអាមេរិកត្រូវបង្ខំនិរទេសខ្លួន។ ចាប់ពីពេលនោះមក ភាគខាងកើតកុងហ្គោ គឺជាកន្លែងបង្ហូរឈាមសម្រាប់ក្រុមប្រដាប់អាវុធ។ ប៉ុន្តែលើសពីនេះ ក៏មានបញ្ហាជាប់ទាក់ទងនឹងការចោទប្រកាន់របស់កុងហ្គោលើកំណប់ទ្រព្យរ៉ែរបស់ខ្លួន ដែលរដ្ឋាភិបាលរវ៉្វាន់ដាតែងបដិសេធ។ របាយការណ៍ឆ្នាំ២០១៨ចេញផ្សាយដោយក្រុមអ្នកជំនាញអង្គការសហប្រជាជាតិប្រចាំកុងហ្គោនិយាយថា៖ “មួយភាគធំនៃមាសដែលជួញដូរដោយអ៊ូហ្គង់ដា និងរវ៉ាន់ដាត្រូវបានលួចបន្លំពីប្រទេសជិតខាង រួមទាំងសាធារណរដ្ឋប្រជាធិបតេយ្យកុងហ្គោ”។

https://www.facebook.com/ams1minute/posts/504814378082438