📷 ams1minute/គឹម បញ្ញារ័តន៍

មន្ត្រីរបស់អាមេរិកមួយរូបថា កម្មវិធីចែករំលែកវីដេអូ TikTok បានប្រមូលនូវទិន្នន័យរសើបជាច្រើនអំពីអ្នកប្រើប្រាស់អាមេរិក ហើយ បុគ្គលិក ByteDance ដែលស្ថិតនៅទីក្រុងប៉េកាំងអាចចូលប្រើទិន្នន័យទាំងនោះបាន។ កន្លងមក TikTok បានស្ថិតនៅក្រោមការត្រួតពិនិត្យផ្នែកច្បាប់របស់អាមេរិកជុំវិញការប្រមូលទិន្នន័យផ្ទាល់ខ្លួន។ ក្នុងឆ្នាំ ២០២០ គណៈកម្មាធិការវិនិយោគបរទេសនៅអាមេរិក (CFIUS) ដែលពិនិត្យលើហានិភ័យសន្តិសុខជាតិ បានបញ្ជាឱ្យ ByteDance ដក TikTok ដោយសារតែបារម្ភថាទិន្នន័យអ្នកប្រើប្រាស់របស់អាមេរិកអាចត្រូវបានបញ្ជូនទៅរដ្ឋាភិបាលកុម្មុយនិស្តចិន។ https://www.reuters.com/technology/us-fcc-commissioner-urges-apple-google-boot-tiktok-app-stores-2022-06-29/

រុស្ស៊ីចោទប្រកាន់ន័រវេសពីបទរារាំងទំនិញដែលផ្គត់ផ្គង់សម្រាប់ប្រជាជនរុស្ស៊ីនៅលើប្រជុំកោះ Svalbard នៅមហាសមុទ្រអាកទិក ហើយគំរាមចេញ “វិធានការសងសឹក” លុះត្រាតែរដ្ឋាភិបាលក្រុងអូស្លូដោះស្រាយបញ្ហានេះ។ ក្រសួងការបរទេសរុស្ស៊ីនិយាយថា ការរឹតបន្តឹងរបស់ន័រវេសបានរំខានដល់ការងាររបស់អគ្គកុងស៊ុលរុស្ស៊ីនៅលើកោះ Spitsbergen ដែលជាកោះដ៏ធំបំផុតនៃប្រជុំកោះ Svalbard និងជាកន្លែងជីកយករ៉ែធ្យូងថ្មរបស់រុស្ស៊ីនៅទីនោះ។ រថយន្តដឹកស្បៀងអាហារ និងគ្រឿងផ្គត់ផ្គង់វេជ្ជសាស្រ្ដទៅកាន់កោះ Spitsbergen បានជាប់គាំងនៅតាមព្រំដែន។ រដ្ឋមន្ត្រីការបរទេសន័រវែស អ្នកស្រីAnniken Huitfeldt បាននិយាយថា “ន័រវេសមិនបំពានលើសន្ធិសញ្ញារាប់រយឆ្នាំនោះទេ។ ការបញ្ឈប់ការដឹកជញ្ជូននៅព្រំដែនន័រវេស-រុស្ស៊ី ឈរលើមូលដ្ឋាននៃទណ្ឌកម្មដែលហាមឃាត់ក្រុមហ៊ុនដឹកជញ្ជូនតាមផ្លូវគោកដោយក្រុមហ៊ុនរុស្ស៊ីប៉ុណ្ណោះ”។ ប្រជុំកោះ Svalbard ដែលស្ថិតនៅចំកណ្តាលរវាងឆ្នេរភាគខាងជើងរបស់ន័រវេស និងប៉ូលខាងជើង គឺជាផ្នែកមួយនៃប្រទេសន័រវេស ប៉ុន្តែប្រទេសរុស្ស៊ីមានសិទ្ធិក្នុងការទាញយកធនធានធម្មជាតិលើប្រជុំកោះក្រោមសន្ធិសញ្ញាឆ្នាំ១៩២០ ហើយប្រជាជនដែលតាំងទីលំនៅនៅទីនោះភាគច្រើនជាជនជាតិរុស្ស៊ី។ https://www.aljazeera.com/news/2022/6/29/russia-threatens-retaliation-against-norway-over-artic-access

កម្ពុជាកំណត់យកថ្ងៃអាទិត្យទី២៣ កក្កដា ២០២៣ ជាកាលបរិច្ឆេទនៃការបោះឆ្នោតជ្រើសតាំងតំណាងរាស្រ្ត សម្រាប់នីតិកាលទី៧ នៃរដ្ឋសភា។ គិតពីថ្ងៃប្រកាសនេះទៅ នៅសល់រយៈពេល ១ឆ្នាំទៀត។ នេះបានបង្ហាញច្បាស់ថាកម្ពុជាផ្តល់ឱកាស និងពេលវេលា គ្រប់គ្រាន់ដល់គ្រប់គណបក្សនយោបាយដែលចូលរួមប្រកួតប្រជែងបោះឆ្នោត។

ជម្លោះក្នុងប្រទេសស៉ីរី បានចាប់ផ្តើមឡើងដោយការតវ៉ាប្រឆាំងនឹងរដ្ឋាភិបាលនៅក្នុងតំបន់ផ្សេងៗគ្នាដើម្បីទាមទារឱ្យមានការធ្វើកំណែទម្រង់លទ្ធិប្រជាធិបតេយ្យ។ ក្នុងរយៈពេល១០ឆ្នាំដំបូងនៃជម្លោះនៅក្នុងប្រទេសស៉ីរី ពីខែមីនា ២០១១-២០២១ មានជនស៉ីវិលជាង ៣០០ ០០០នាក់ ត្រូវបានសម្លាប់ ខណៈ ១០០នាក់ត្រូវបានសម្លាប់ក្នុងជំរំឃុំឃាំង (របាយការណ៍ UN)។ ដំណើរការប្រជាធិបតេយ្យគ្មានស្តង់ដារសកលដូចកីឡាទេ។ បើវាដំណើរការនៅប្រទេសមួយល្អ មិនប្រាកដថាយកទៅប្រទេសផ្សេងទទួលបានលទ្ធផលល្អទេ។ ប្រជាធិបតេយ្យមិនមែនដូចទឹកក្រូចកូកាកូឡាដែលគេប្រើរូបមន្តតែមួយ ហើយធ្វើលក់ទៅឱ្យគ្រប់ប្រទេសនោះទេ។ ប្រជាធិបតេយ្យត្រូវដំណើរការទៅតាមប្រវត្តិសាស្រ្ត ភូមិសាស្រ្ត វប្បធម៌ ប្រពៃណីរបស់ប្រទេសនីមួយៗ និងអត្តចរិតរបស់ប្រជាជននៃប្រទេសនោះ។ ✍🏽-ចិន្តកវី📷 AP

ការសម្រេចចិត្តប្រកបដោយសុភវិនិច្ឆ័យរបស់ប្រជាពលរដ្ឋក្នុងការបោះឆ្នោត បានឆ្លុះបញ្ចាំងនូវការផ្តល់យុត្តិធម៌ចំពោះកិច្ចខិតខំប្រឹងប្រែងប្រកបដោយជោគជ័យរបស់រាជរដ្ឋាភិបាលកម្ពុជា ក្នុងការអនុវត្តកម្មវិធីនយោបាយរបស់ខ្លួនទាំងនៅថ្នាក់ជាតិ និងថ្នាក់ក្រោមជាតិ និងការគាំទ្រយ៉ាងទូលំទូលាយចំពោះគោលនយោបាយ អភិវឌ្ឍន៍ឃុំ សង្កាត់ ឆ្នាំ២០២២-២០២៧ របស់គណបក្សប្រជាជនកម្ពុជា។

📷 ams1minute/គឹម បញ្ញារ័តន៍