១. គ្រោះថ្នាក់ចរាចរណ៍ ៩ករណី ស្លាប់ ៣នាក់ និងរបួសធ្ងន់ស្រាល ១២នាក់។ ២. បទល្មើសព្រហ្មទណ្ឌ ៧ករណី ឃាត់ខ្លួនជនសង្ស័យ ១១នាក់។ ៣. គ្រឿងញៀន ១០ករណី ឃាត់ខ្លួនជនសង្ស័យ ១៧នាក់។ ៤. កូវីដ ១៤ករណី ជាសះស្បើយ ៩នាក់ និងគ្មានអ្នកស្លាប់។ អ្នកឆ្លងសរុប ១២០ ៦៨៤នាក់ អ្នកជាសះស្បើយ ១១៧ ០៤៣នាក់ អ្នកស្លាប់ ៣ ០១៥នាក់ ចេញផ្សាយ ថ្ងៃទី១២ មករា ២០២២

កាលពីឆ្នាំ២០២០ ជប៉ុនបានផ្តល់កម្ចីជាង ២៣៧លានដុល្លារ ដូច្នេះសរុបទាំងពីរលើកមានទំហំជាង ៤២០លានដុល្លារ។ ថវិកាកម្ចីនេះនឹងប្រើសម្រាប់ជួយពលរដ្ឋក្រីក្រ និងក្រុមជនងាយរងគ្រោះ។ ចាប់ពីខែកក្កដា រហូតដល់ដំណាច់ឆ្នាំ២០២១ រាជរដ្ឋាភិបាលកម្ពុជាចំណាយថវិកាក្នុងរង្វង់ប្រមាណ ៥០០លានដុល្លារអាមេរិក សម្រាប់ជួយដល់ពលរដ្ឋក្រីក្រកម្រិត១ និង២ និងអ្នករងផលប៉ះពាល់ធ្ងន់ធ្ងរដោយជំងឺកូវីដ១៩។ វិបត្តិជំងឺកូវីដ១៩ បានធ្វើឱ្យកម្ពុជាចាយវាយថវិកាដែលសន្សំទុកអស់ប្រមាណ ២ ៣០០លានដុល្លារអាមេរិក៕ ១១ មករា ២០២១

១. ឆ្នាំ២០២២ ក្រុមហ៊ុនចិនចំនួន៣ នឹងធ្វើអាជីវកម្មចម្រាញ់រ៉ែមាសនៅខេត្តព្រះវិហារ ក្រចេះ និងមណ្ឌលគិរី ខណៈមានក្រុមហ៊ុនមកពីឥណ្ឌាមួយទៀត ត្រៀមធ្វើអាជីវកម្មរ៉ែមាសនៅក្នុងខេត្តរតនគិរី – ថ្មីៗ ២. ក្រសួងសាធារណការ បាននិងកំពុងធ្វើការសិក្សាគម្រោងថ្មីបន្ថែមទៀត ដូចជាគម្រោងផ្លូវវាងក្រុងថ្មី គម្រោងរថយន្តក្រុងដឹកអ្នកដំណើរដោយប្រើចរន្តអគ្គិសនីជាដើម – ខ្មែរថាមស៍ ៣. គម្រោងសាង់សង់ស្ពានអាកាសស្តុបផ្សារស៊ិនជូរីផ្លាហ្សា គ្រោងនឹងចាប់ផ្តើមសាងសង់ពីខែមីនាខាងមុខនេះ ដោយប្រើរយៈពេលសាងសង់ជាង ១៤ខែ – រស្មីកម្ពុជា ៤. ប្រធានាធិបតីកាហ្សាក់ស្ថាន៖ កងកម្លាំងនៃអង្គការសន្ធិសញ្ញារួម (CSTO) ដែលដឹកនាំដោយរុស្ស៊ី នឹងចាប់ផ្តើមដកចេញពីប្រទេសរបស់លោកវិញក្នុងរយៈពេល ១២ថ្ងៃ – CGTN ៥. កូរ៉េខាងត្បូងថា កូរ៉េខាងជើងបាញ់សាកល្បងមីស៊ីល ដែលមានសមត្ថភាពខ្លាំងជាងមុន ខណៈសមាជិកក្រុមប្រឹក្សាសន្តិសុខ បានថ្កោលទោសការបាញ់មីស៊ីលបាលីស្ទិកកាលពីសប្តាហ៍មុន – Asahi

លោក ហ៊ុន ម៉ានី ចូលរួមរំលែកមរណទុក្ខដ៏ក្រៀមក្រំជាមួយក្រុមគ្រួសារនៃសពមន្រ្តីដោះមីន ចំនួន ០៣ នាក់ ដែលបានពលីជីវិតក្នុងបេសកកម្មដោះមីននៅភូមិសែនតេជៈ ឃុំមរតក ស្រុកជាំក្សាន្ត ខេត្តព្រះវិហារ ១១ មករា ២០២២

🇬🇧🤝🇰🇭 ចក្រភពអង់គ្លេសប្តេជ្ញាធ្វើការយ៉ាងជិតស្និទ្ធជាមួយកម្ពុជាក្នុងការផ្តល់អាទិភាពដល់ការអភិវឌ្ឍន៍បៃតងសម្រាប់កម្ពុជាក្នុងនាមជាប្រធានប្តូរវេនអាស៊ាន។ https://www.facebook.com/109417220955491/posts/393813159182561/?d=n

មន្រ្តីជំនាញដោះមីនកម្ពុជា ៣នាក់បានស្លាប់បាត់បង់ជីវីតភ្លាម និងម្នាក់ទៀតរងរបួសដោយសារតែផ្ទុះមីនតោននៅស្រុកជាំក្សាន្ត ខេត្តព្រះវិហារ នៅព្រឹកថ្ងៃទី១០ មករា ២០២២។ សូមទទួលការគោរពដឹងគុណយ៉ាងជ្រាលជ្រៅបំផុតពីយើងខ្ញុំ និងប្រជាពលរដ្ឋកម្ពុជា។ សង្ឃឹមថាថ្នាក់ដឹកនាំនឹងរៀបចំបុណ្យសព និងឧបត្ថម្ភក្រុមគ្រួសារវីរបុរសកម្ពុជាយ៉ាងសក្តិសម។ កម្ពុជាចងចាំ និងនឹករលឹកអ្នកជានិច្ច 🙏 ប្រភព៖ CMAC, KCV

ប្រធានាធិបតីអាមេរិកលោក Joe Biden បានលើកឡើងពីការព្រួយបារម្ភពីការវាយប្រហារតាមផ្លូវអាកាសក្នុងជម្លោះនៅតំបន់ទីហ្រ្កេ ប្រទេសអេត្យូពី 🇪🇹 និងអំពីបញ្ហាសិទ្ធិមនុស្ស ក្នុងអំឡុងពេលការសន្ទនាតាមទូរស័ព្ទជាមួយនាយករដ្ឋមន្ត្រីអេត្យូពីលោក Abiy Ahmed កាលពីថ្ងៃទី១០ មករា។ លោកប្រធានាធិបតី Biden បានសម្តែងការព្រួយបារម្ភថាអស្ថិរភាពដែលកំពុងបន្ត រួមទាំងការវាយប្រហារតាមអាកាសនាពេលថ្មីៗនេះ បន្តបណ្តាលឱ្យជនស៊ីវិលស្លាប់ និងរងទុក្ខ។ សេតវិមានក៏បាននិយាយផងដែរថា Biden និង Abiy បានពិភាក្សាអំពី “តម្រូវការដើម្បីដោះស្រាយកង្វល់សិទ្ធិមនុស្សរបស់ប្រជាជនអេត្យូពីដែលរងផលប៉ះពាល់ទាំងអស់ រួមទាំងការព្រួយបារម្ភអំពីការឃុំឃាំងជនជាតិអេត្យូពីក្រោមស្ថានភាពអាសន្ន”។ ការវាយប្រហារតាមអាកាសនៅតំបន់ទីហ្រ្កេសម្លាប់មនុស្ស ៥៦នាក់នៅក្នុងជំរុំសម្រាប់ជនភៀសខ្លួន និង៣០នាក់បានរងរបួស រួមទាំងកុមារផងដែរ។ ទីភ្នាក់ងារអង្គការសហប្រជាជាតិទទួលបន្ទុកកិច្ចការមនុស្សធម៌និយាយថា អង្គការជំនួយបានផ្អាកប្រតិបត្តិការរបស់ខ្លួននៅក្នុងតំបន់នៃភាគពាយ័ព្យទីហ្រ្កេ ជាកន្លែងដែលការវាយប្រហារកើតឡើង។ ប្រភព៖ Reuters

ចិន រកឃើញមេរោគកូវីដដំបូងគេនៅឆ្នាំ ២០១៩ ហើយនៅតែប្រកាន់ខ្ជាប់នូវគោលនយោបាយ zero-COVID។ មកទល់ពេលនេះ ចិនមានករណីកូវីដឆ្លងជាង ១លាន និងមនុស្សតិចជាង ៥ពាន់នាក់ប៉ុណ្ណោះបានស្លាប់។ តាមរយៈគោលនយោបាយនេះ រដ្ឋាភិបាលចិនបានគ្រប់គ្រងស្ថានភាព និងទប់ស្កាត់ការរីករាលដាលកូវីដឱ្យនៅត្រឹម ៣០ករណីទូទាំងប្រទេស ក្នុងនោះមានវិធានការរឹតត្បិតតឹងរ៉ឹង ការធ្វើតេស្តទ្រង់ទ្រាយធំ ការបង្ខាំងទុក និងការដាក់ឱ្យនៅដាច់ដោយឡែកជាដើម។ មនុស្សនៅក្នុងប្រទេសចិនអាចត្រូវបានហាមឃាត់មិនឱ្យចាកចេញពីអគាររបស់ពួកគេ ឬបង្ខាំងនៅក្នុងបន្ទប់របស់ពួកគេ បើចាត់ទុកថាមានទំនាក់ទំនងជាមួយបុគ្គលដែលមានហានិភ័យឆ្លងខ្ពស់។ នៅទីក្រុងស៊ីអាន ប្រជាជនចំនួន ១៣លាននាក់ត្រូវបានបិទខ្ទប់រស់នៅក្នុងផ្ទះនៅក្នុងខែធ្នូ បន្ទាប់ពីរកឃើញករណីឆ្លងចំនួន ១៥០ករណី រីឯ អ្នកស្រុករស់នៅតំបន់ចេងចូវទាំងអស់ត្រូវបានធ្វើតេស្តក្រោយរកឃើញករណីឆ្លងតែ ១១ករណីប៉ុណ្ណោះ។ ថ្មីៗនេះ អាជ្ញាធរចិនបានបិទផ្សារទំនើបមួយចំនួន ក្រោយរកឃើញដានមេរោគឆ្លងនៅក្នុងផ្លែឈើដែលនាំចូលពីវៀតណាម។ ការបិទជើងហោះហើរអន្តរជាតិ និងការដាក់ឱ្យនៅដាច់ដោយឡែកនៃអ្នកដំណើរមកដល់ប្រទេសនេះ ត្រូវបានអនុវត្តយ៉ាងតឹងរឹង។ ក្រៅពីវិធានតឹងរ៉ឹងងនេះ ចិនបានប្រើបច្ចេកវិទ្យាជំនួយ ដើម្បីកំណត់អត្តសញ្ញាណ និងស្ថានភាពសុខភាពរបស់ប្រជាជន។ ប្រភព៖ SCMP

អាមេរិក រកឃើញករណីឆ្លងជាមធ្យមជាងកន្លះលានករណី ក្នុងរយៈពេល ៦ថ្ងៃជាប់ៗគ្នាចុងក្រោយនេះ និងមានមនុស្សចំនួន ១៣២ ៦៤៦នាក់ កំពុងសម្រាកព្យាបាលនៅមន្ទីរពេទ្យ ដែលទិន្នន័យនេះលើសពីកំណត់ត្រាក្នុងខែមករាឆ្នាំមុនដែលមានត្រឹម ១៣២ ០៥១នាក់។ មន្ត្រីសុខាភិបាលអាមេរិក បានព្រមានថា ចំនួននៃការឆ្លងដែលបណ្តាលមកពីវ៉ារ្យ៉ង់អូមីក្រុង អាចប៉ះពាល់ដល់ប្រព័ន្ធគ្រប់គ្រងមន្ទីរពេទ្យ ជាពិសេសដំណោះស្រាយនៃការកើនឡើងនៃអ្នកជំងឺចំពេលកំពុងមានការខ្វះខាតបុគ្គលិក។ ប្រភព៖ Reuters