-
លោកស្រី ហេនស៍ (Avril Haines) វ័យ ៥១ឆ្នាំ ក្លាយជាស្ត្រីដំបូងគេក្នុងប្រវត្តិសាស្ត្រ ដែលដឹកនាំសហគមន៍ចារកម្មសម្ងាត់
លោកស្រី ធ្លាប់បានបម្រើការងារជាអនុប្រធានក្រុមប្រឹក្សាសន្តិសុខជាតិ និងជាអនុប្រធានភ្នាក់ងារចារកិច្ច CIA ក្នុងរដ្ឋបាលលោក បារ៉ាក់ អូបាម៉ា។ ប្រភព៖ AP
-
ការវាយប្រហារ បោកបញ្ឆោតតាមអឺនធឺណិតលើគ្រឹះស្ថានធនាគារ និងហិរញ្ញវត្ថុមួយចំនួននៅកម្ពុជា
Hackers បានធ្វើការវាយប្រហារដោយផ្ញើសារខ្លីៗ ឬអ៉ីម៉ែលទៅអ្នកប្រើប្រាស់ហើយតំណចូលទៅគេហទំព័រក្លែងក្លាយមួយ ដោយតម្រូវឱ្យអ្នកប្រើប្រាស់បញ្ចូលព័ត៌មានសំខាន់ៗរបស់ខ្លួនរួចធ្វើការលួចគណនីរបស់អ្នក។ អ្នកប្រើប្រាស់មិនគួរចុចលើតំណរភ្ជាប់ ឬចុចលើឈ្មោះដែនដែលមានភ្ជាប់មកតាមសារខ្លីនោះទេ។ សូមធ្វើការត្រួតពិនិត្យទៅលើឈ្មោះគេហទំព័រឱ្យបានច្បាស់លាស់ ជៀសវាងការបញ្ចូលព័ត៌មានលើគេហទំព័រក្លែងក្លាយ។ សម្រាប់ព័ត៌មានបច្ចេកទេសពាក់ព័ន្ធនឹងបញ្ហានេះ អ្នកប្រើប្រាស់អាចស្វែងយល់បន្ថែមក្នុងគេហទំព័ររបស់ “ការិយាល័យឆ្លើយតបបញ្ហាបន្ទាន់នៃកុំព្យូទ័រ (CamCERT)” នាយកដ្ឋានសន្តិសុខបច្ចេកវិទ្យាគមនាគមន៍និងព័ត៌មាន នៃក្រសួងប្រៃសណីយ៍។
-
បណ្ណាល័យ Tianjin Binhai ប្រទេសចិន
-
COVID-19 នៅកម្ពុជា មានករណីវិជ្ជមានថ្មី ៥ករណី (៤នាក់ ពលករមកពីប្រទេសថៃ) និងជាសះស្បើយ ៤នាក់ (ពលករមកពីប្រទេសថៃ)
គិតត្រឹមព្រឹកថ្ងៃទី ២១ មករា ២០២១ ចំនួនអ្នកឆ្លងសរុប៖ ៤៥៣នាក់ ចំនួនពលករមកពីប្រទេសថៃសរុប៖ ៨១នាក់ ចំនួនអ្នកជាសះស្បើយ៖ ៣៩៦នាក់
-
ព័ត៌មានសំខាន់ៗថ្ងៃ ២០ មករា ២០២១
១. ADB៖ បើគ្មានការអភិវឌ្ឍជំនាញទាន់ពេលកម្មការនីរោងចក្រ ៨១ភាគរយ នឹងរងផលប៉ះពាល់ក្នុងឧស្សាហកម្ម៤.០ – ថ្មីៗ ២. ថ្ងៃទី២០ មករា៖ មន្ត្រីជំនាញរកឃើញទំនិញជាង ២០មុខ ហួសកាលបរិច្ឆេទ ទម្ងន់ជាង ៣០០គីឡូក្រាម នៅស្រុកព្រះនេត្រព្រះ – កោះសន្តិភាព ៣. អភិបាលរាជធានីភ្នំពេញ៖ បង្គន់អនាម័យសាធារណៈច្រើន តែចរិកមារយាទមនុស្សមួយចំនួននៅតែបត់ជើងតូច ឬធំ ពាសវាលពាសកាលមិនត្រឹមត្រូវ – Fresh News ៤. សេពគ្រឿងញៀននាំមហន្ដរាយ! ២០ ខែមករា៖ បង្ក្រាប១៧ករណី ឃាត់ខ្លួន៥៤នាក់ – Fresh News ៥. លោក ជៀប សួរ៖ ទោះជាមានកំណប់ប្រេងមែន តែតម្លៃប្រេងឥន្ធនៈនៅកម្ពុជា នៅតែគោរពតាមទីផ្សារអន្តរជាតិដដែល – RFI ៦. កងកម្លាំងឆ្មាំជាតិ ១២នាក់ត្រូវដកចេញពីតួនាទីនៅមុនពិធីស្បថឡើងកាន់តំណែងរបស់លោកចូ បៃដិន – AMS Central ៧. លោក ប្រាយុទ្ធ…
-
វត្តទួលទំពូង តាមដងមហាវិថីម៉ៅសេទុង នាកំឡុងឆ្នាំ១៩៥៥
📸 Somethearith
-
វត្តភ្នំហប់ ឬវត្តកំណប់
ចម្ងាយប្រមាណ៥០ គ.ម ពីទីរួមខេត្តសៀមរាប តាមបណ្ដោយផ្លូវស្រុកបន្ទាយស្រី ហួសប្រាសាទ បន្ទាយស្រី។ នៅលើកំពូលភ្នំមានប៉មប្រាសាទតូចមួយដែល មានចម្លាក់ព្រះសិវៈលិង្គ របស់សាសនាហិណ្ឌូចំកណ្ដាលប្រាសាទ។ ប៉ែកក្រោយប្រាសាទស្ដាំដៃ មានពើយថ្មមួយហើយអាចអង្គុយទស្សនាទេសភាពស្អាតប្លែកដែលមានដើមឈើដ៏ចំណាស់មួយនៅទីនោះ។ ប្រភព៖ ទៅលេងបន្ទាយស្រី
-
ហានិភ័យធំមួយសម្រាប់អនាគតកម្ពុជាគឺការធ្វើនយោបាយដោយមិនទទួលខុសត្រូវ មិនខ្លាច ឬបារម្ភពីផលប៉ះពាល់ និងការខាតបង់ផលប្រយោជន៍ប្រទេសជាតិ នយោបាយបែបអត្មានិយម និងជាន់ពន្លិច
✍🏽 ហ៊ុន ម៉ានី
-
អាជ្ញាធរជាតិអប្សរាបានផ្តើមគម្រោងជួសជុលស្ពាននេះដំណាក់កាលទី១ ចំនួន២ចំណុចសំខាន់ៗ គឺនៅជញ្ជាំងស្ពានផ្នែកខាងជើង
ស្ពានតាអោង ឬតាអុង ស្ថិតនៅក្នុងភូមិចុងស្ពាន ឃុំខ្វាវ ស្រុកជីក្រែង ខេត្តសៀមរាប គឺជាស្ពានបុរាណវែងជាងគេក្នុងចំណោមស្ពានបុរាណចំនួន ២៣លើដងផ្លូវបុរាណពីអង្គរទៅបាកាណ។ អាជ្ញាធរជាតិអប្សរាបានផ្តើមគម្រោងជួសជុលស្ពាននេះដំណាក់កាលទី១ ចំនួន២ចំណុចសំខាន់ៗ គឺនៅជញ្ជាំងស្ពានផ្នែកខាងជើង។ ក្រុមការងារនឹងធ្វើសម្រង់ប្លង់ ចុះបញ្ជី ជួសជុលថ្ម រៀបចំពង្រឹងឡើងវិញជើងសសរថ្មដែលរលុះធ្លាក់ បង្ហាប់ដីកន្លែងច្រោះនៅគល់ស្ពានខាងលិច និងរៀបចំបង្កាន់ដៃនាគដាក់ចូលតាមទីតាំងដើមឡើងវិញ។ ស្ពានតោអោង ឬតាអុង មានបណ្តោយប្រវែង៧០ម៉ែត្រ ទទឹង១៣ម៉ែត្រ និងមានរន្ធត្រដេវចំនួន១៤។ ស្ពាននេះធ្វើអំពីថ្មបាយក្រៀម លម្អដោយបង្កាន់ដៃនាគក្បាល៩និងមានព្រះពុទ្ធសមាធិនៅចំកណ្តាលក្បាលនាគធ្វើអំពីថ្មភក់។ គេពុំដឹងច្បាស់ថាវាចាប់ផ្តើមកសាងឡើងក្នុងរាជ្យណាទេ គឺគ្រាន់តែដឹងជាទូទៅថាស្ពាននេះសាងឡើងនាសម័យអង្គរ ហើយចម្លាក់បង្កាន់ដៃនាគមានរចនាបថបាយ័ន្ត។ ប្រភព៖ អាជ្ញាធរជាតិអប្សរា
-
ការឃាត់ខ្លួនមនុស្ស ១៣នាក់ដែលបន្ទោរបង់តាមសួនច្បារ ដើមឈើ និង ទីតាំងសាធារណៈផ្សេងៗទៀតមក អប់រំណែនាំ បានបង្កឱ្យមានការគាំទ្រ ហើយក៏មានការរិះគន់ថាមកពីគ្មានបង្គន់សាធារណៈគ្រប់គ្រាន់ជាដើម
ឆ្លើយតបនឹងការរិះគន់ លោក ឃួង ស្រេង អភិបាលរាជធានីភ្នំពេញបានថ្លែងថា៖ “ការរិះគន់នេះ មិនអាចទទួលយកបានទេ ព្រោះសាលារាជធានីបានសាងសង់បង្គន់អនាម័យសាធារណៈច្រើនហើយ តែគឺដោយសារ មារយាទមនុស្សមួយចំនួនដែលតែងតែបត់ជើងតូច ឬធំតាមទីសាធារណៈ ពាសវាលពាសកាល ខណៈនៅបរទេសក៏គ្មានប្រទេសណាសង់បង្គន់ ១០០ម៉ែត្រមួយទេ ហើយ ៤ ឬ ១០គីឡូ ទើបមាន បង្គន់១។” រដ្ឋបាលរាជធានីសូមសំណូមពរដល់បងប្អូនប្រជាពលរដ្ឋទាំងអស់សូមកុំយកគំរូតាមពួកគាត់និងសូមរកកន្លែងបន្ទោរបង់អោយបានត្រឹមត្រូវនៅបន្ទប់ទឹកសាធារណៈ ឬ ឯកជនដែលនៅជិត ជៀសវាងការបង្ករភាព អនាធិបតេយ្យ បាត់សណ្តាប់ធ្នាប់ អនាម័យ និង ប៉ះពាល់ដល់សុខភាពសាធារណៈជនផងដែរ។ ប្រភព៖ កោះសន្តិភាព