ជំងឺកូវីដ១៩ បានធ្វើឱ្យប៉ះពាល់យ៉ាងខ្លាំងដល់វប្បធម៌ និងឧស្សាហកម្មច្នៃប្រឌិតជុំវិញពិភពលោក។ ហើយការប្រយុទ្ធប្រឆាំងនឹងជំងឺនេះទាមទារឱ្យមានសាមគ្គីភាព និងភាពជាដៃគូរអន្តរជាតិ។ គ្មានប្រទេស ឬសង្គមណាមួយមានសុវត្ថិភាពទេ បើយើងទាំងអស់គ្នាមិនមានសុវត្ថិភាពនោះ។ នៅពេលដែលយើងត្រូវបានបង្ខំឱ្យរស់នៅតាមទម្លាប់ថ្មី យើងចាំបាច់ត្រូវមាននវានុវត្តន៍និងចក្ខុវិស័យក្នុងការប្រែក្លាយវិបត្តិទៅជាឱកាសមួយសំរាប់កំណែទម្រង់ និងដំណើរឆ្ពោះទៅមុខ។ ក្នុងន័យនេះ ការវិនិយោគលើការអភិវឌ្ឍផ្អែកលើវប្បធម៌ និងការលើកកម្ពស់នវានុវត្តន៍ផ្អែកលើធនធាននិងភាពចម្រុះរបស់វប្បធម៌ សុទ្ធតែជាជម្រើសគោលនយោបាយចម្បងរបស់យើង។ ដកស្រង់ពីលិខិតសម្តេចតេជោផ្ញើជូនកិច្ចប្រជុំលើកទី២របស់ក្រុមប្រឹក្សាវប្បធម៌អាស៊ី (ACC)ក្រោមប្រធានបទ “ការលើកកម្ពស់វប្បធម៌ និងនវានុវត្តន៍ ដើម្បីវិបុលភាពរួមក្នុងអំឡុងពេលនិងក្រោយកូវីដ១៩។”

អ្នកជំងឺកូវីដ១៩ម្នាក់ទៀត អាយុ៤៦ឆ្នាំ នៅសង្កាត់បឹងសាឡាង ខណ្ឌទួលគោក រាជធានីភ្នំពេញ បានស្លាប់ដោយសារជំងឺកូវីដ១៩ នៅថ្ងៃទី១៩ មីនា ២០២១។ គិតត្រឹមម៉ោង ល្ងាចថ្ងៃនេះ ៣នាក់ហើយ បានស្លាប់ដោយសារកូវីដ១៩។ ទី១៖ ជាបុរសអាយុ ៥០ឆ្នាំ ស្លាប់កាលពីថ្ងៃទី១១ មីនា ២០២១។ ទី២៖ ជាស្រ្តីជនជាតិខ្មែរអាយុ ៦២ឆ្នាំ ស្លាប់នៅមន្ទីរពេទ្យរុស្ស៉ី នៅថ្ងៃទី១៩ មីនា។ ទី៣៖ បុរសខាងលើ។ ប្រភព៖ FN

ថ្ងៃទី១៦ មីនា រដ្ឋមន្ត្រីក្រសួងប្រៃសណីយ៍ ជា វ៉ាន់ដេត បានអញ្ជើញចូលរួមក្នុងពិធីចុះហត្ថលេខាលើកិច្ចព្រមព្រៀងភាពជាដៃគូរវាងក្រសួងប្រៃសណីយ៍ និងក្រុមហ៊ុន Brite Digital ជាតំណាងក្រុមហ៊ុន Microsoft ប្រចាំកម្ពុជា។ ដោយផ្តោតសំខាន់លើកិច្ចសហប្រតិបត្តិការក្នុងការអភិវឌ្ឍ Software “កម្មវិធីវាយអត្ថបទជាអក្សរខ្មែររហ័ស” សម្រួលដល់ការសរសេរអត្ថបទជាភាសាខ្មែរក្នុងកិច្ចការរដ្ឋបាលប្រចាំថ្ងៃឱ្យបានកាន់តែឆាប់រហ័ស ចំណេញពេលវេលាច្រើន និងបានត្រឹមត្រូវ។ ភាគទាំងពីរកំពុងសិក្សាពីលទ្ធភាពក្នុងការបញ្ចូលតួនាទីត្រួតពិនិត្យអក្ខរាវិរុទ្ធ (Spelling Check) ជាភាសាខ្មែរ ក្នុង Software រដ្ឋបាលរបស់ Microsoft ផងដែរ។ ប្រភព៖ ក្រសួងប្រៃសណីយ៍

១៩ មីនា ២០២១

ការសន្និដ្ឋានរបស់ក្រុមគ្រូពេទ្យ៖ ស្ត្រីវ័យ ៦២ឆ្នាំខាងលើនេះ គឺបានស្លាប់បាត់បង់ជីវិត ដោយសារជំងឺកូវីដ១៩ វ៉ៃលុកសួត ទាំងសងខាងធ្ងន់ធ្ងរ និងស្ទះសរសៃឈាមបេះដូង លើអ្នកជំងឺទឹកនោមផ្អែម លើសឈាម និងធាត់ខ្លាំង។

១. ក្របខណ្ឌយុទ្ធសាស្ត្រ និងនយោបាយ៖ ប្រទេសនីមួយៗ គឺមិនបានប្រើប្រាស់យន្តការស្របគ្នា ឬលក្ខខណ្ឌបច្ចេកទេសណាមួយច្បាស់លាស់នោះទេ គឺអាស្រ័យតែលើការយល់ឃើញ និងការសំរេចរបស់ថ្នាក់ដឹកនាំនៃប្រទេសសាម៉ីប៉ុណ្ណោះ។ ២. វិធានការ និងយុទ្ធសាស្ត្ររបស់រដ្ឋាភិបាល៖ បញ្ជ្រាបការយល់ដឹងរបស់ប្រជាជនជាអាទិភាព ពង្រីកសមត្ថភាព និងធនធានមនុស្សក្នុងបេសកកម្មប្រយុទ្ធប្រឆាំងកូវីដ១៩ យុទ្ធសាស្ត្រមេទ័ព ដឹកនាំទ័ពផ្ទាល់ ពិនិត្យផ្ទាល់ និងបញ្ជាផ្ទាល់ ក្រសួងសុខាភិបាលជាប្រតិបត្តិករផ្ទាល់៖ សកម្ម និងទទួលខុសត្រូវខ្ពស់បំផុត កងកម្លាំងទាំងអស់សហការជាមួយក្រុមគ្រូពេទ្យ លើកកម្ពស់ការចូលរួមរបស់កម្លាំងគាំទ្រជួរក្រោយ គឺប្រជាជនកម្ពុជាផ្ទាល់ បង្កើតទំនុកចិត្តខ្ពស់បំផុតពីគ្រប់ភាគីពាក់ព័ន្ធ ដៃគូសហប្រតិបត្តិការ ពិសេសសប្បុរសជន ក្នុងការចូលរួមចំណែកជាមួយរាជរដ្ឋាភិបាល ដៃម្ខាងប្រយុទ្ធនឹងកូវីដ១៩ និងដៃម្ខាងការពារសេដ្ឋកិច្ចជាតិ និងប្រជាជន ប្រភព៖ លិខិតពីប្រជាជន

ផលិតផលនេះធ្វើពីជ័រដែលគេចំរាញ់ពីគ្រាប់ផ្លែប័រ។ គេដុតកម្តៅជ័រនោះបង្កើតជាបន្ទះដែលអាចកាត់ជាទម្រង់ផ្សេងៗ ដូចជា ប្រអប់អាហារ ចាន ទុយោ និងគម្របកែវកាហ្វេជាដើម។ រៀងរាល់ខែ ក្រុមហ៊ុន Biofase ដែលមានមូលដ្ឋាននៅម៉ិចស៊ិក បានកែច្នៃផលិតផលប្លាស្ទិកជីវសាស្ដ្រនេះ ជាង១៣០តោន ដើម្បីលក់ក្នុងស្រុក និងនាំចេញទៅចក្រភពអង់គ្លេស សហភាពអ៉ឺរ៉ុប និងអូស្រ្ដាលី។ ប្រភព៖ Business Insider Today

របាយការណ៍នៅថ្ងៃទី១៨ មីនា ឃើញមាន៖ ១. គ្រោះថ្នាក់ចរាចរណ៍៖ ៧ករណី ស្លាប់ ៥នាក់ និងរបួសធ្ងន់ស្រាល ៦នាក់។ ២. បទល្មើសព្រហ្មទណ្ឌ៖ ២០ករណី ឃាត់ខ្លួនជនសង្ស័យ ៣៤នាក់។ ៣. គ្រឿងញៀន៖ ១២ករណី ឃាត់ខ្លួនជនសង្ស័យ ៣២នាក់។ ៤. កូវីដ៖ ៣៧ករណី (ករណីសហគមន៍ទាំង ៣៧នាក់) និងជាសះស្បើយ ១៩នាក់។ អ្នកឆ្លងសរុប៖ ១៥៧៨ នាក់ អ្នកជាសះស្បើយ៖ ៩១៧ នាក់ អ្នកកំពុងព្យាបាល៖ ៦៥៨ នាក់ ចេញផ្សាយម៉ោង ១២៖១៥ ថ្ងៃទី១៩ មីនា ២០២១

ពិធីប្រគល់-ទទួលមូលប្បទានបត្រជាទឹកប្រាក់ចំនួន ១០០.០០០ ដុល្លារអាមេរិក ដែលជាជំនួយសប្បុរសធម៌ពីរាជរដ្ឋាភិបាលថៃ ជូនរាជរដ្ឋាភិបាលកម្ពុជា ក្នុងគោលបំណងរួមចំណែកដោះស្រាយតម្រូវការចាំបាច់ជូនពលករខ្មែរដែលកំពុងធ្វើចត្តាឡីស័កតាមបណ្តោយព្រំដែនកម្ពុជា-ថៃ។ ប្រភព៖ ការបរទេស

ភោជនីយដ្ឋានពិសេសថ្នាក់ជាតិ លីព័រឡាង Lu Po Liang ក្នុងឧទ្យានយូ ចាប់បង្កើតឡើងក្រោយព្រះរាជដំណើរទស្សនកិច្ចជាប្រវត្តិសាស្រ្ត នៃព្រះករុណាព្រះបាទសម្តេចព្រះនរោត្តម សីហនុ ព្រះបរមរតនកោដ្ឋ និងសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ នាថ្ងៃទី១៩ កុម្ភៈ ១៩៧៣។ ព្រះស្ងោយចំនួន ១៤មុខ ត្រូវបានចម្អិនឡើងដោយចុងភៅដ៏ល្បីល្បាញនៃទីក្រុងសៀហៃ ដើម្បីថ្វាយព្រះអង្គទាំងទ្វេសោយ។ នៅវេលាយប់នោះ ព្រះករុណាព្រះបរមរតនកោដ្ឋ មានព្រះរាជឱង្ការថា “ខ្ញុំសង្ឃឹមថានៅថ្ងៃស្អែកមុនម៉ោង ១០ព្រឹក សូមរៀបចំមុខម្ហូបដដែលនេះ ក្នុងមួយមុខចំនួន២ចាន សម្រាប់អាហារថ្ងៃត្រង់របស់ខ្ញុំ” ដែលនេះបានធ្វើឱ្យក្រុមចុងភៅដ៏ចំណានៗប្រចាំទីក្រុងសៀងហៃ មានសេចក្តីរំភើបរីករាយ និងត្រេកអរយ៉ាងខ្លាំង ដោយព្រះមហាក្សត្រកម្ពុជាសព្វព្រះរាជហឫទ័យខ្លាំងចំពោះស្នាដៃចម្អិនម្ហូបរបស់ពួកគេ។ ចំណែកឯរឿងនិទានដ៏ល្បីមួយគឺ រឿង “ពិធីជប់លៀងតូចមួយនៅលើពិភពលោក” មានប្រភពមកពីព្រឹត្តិការណ៍ខាងលើនេះឯង។ បន្ទប់ដែលព្រះអង្គទាំងទ្វេ ស្តេចយាងមកសោយព្រះស្ងោយនាឆ្នាំ ១៩៧៣ ត្រូវបានរៀបចំជាបន្ទប់ដ៏ពិសេសប្រចាំភោជនីយដ្ឋានដែលត្រូវបានប្រសិទ្ធនាមថា បន្ទប់ “១៩៧៣”។ ប្រភព៖ Royal du Cambodge